ياناشد عن حبيبي ويش تبغابه

أنا حبيبي من الصعبه تعرفونـــه

أنا حبيبي حضور الوقت وغيابه

بعطيكم شوي من وصفه ومن لونــــه

رجال كل الفخر والطيب بأشنابه

وأشوف روحى وموت الناس بعيونــــه

شخصيته تختلف وأحيان تتشابـــه

ومرات أجي من وراه ومر من دونـــه

وأموت بالخوف لامن ثارت أعصابـه

وأليا هدا صرت له بالحكي ملعونـــــه

اهتم في كشخته مـع سكبة اثيابـــه

واقوله لامشي يمــشـي عـلى هـــونـــــــه

أغار من نظرةٍ تاقف علي بابــه

وأغار من كل جيرانه يشوفونـــــه

وأغار من جلسته في لمة أصحابـه

وأخاف مايذكرون الله .. يحسدونـــه

ويغيضني حيل والله كثرت احبابـــه

هذا وأنا أدري بأني ماليه كونـــــه

وأخاف يثــّر عليه الوقت وأسبابـه

ويصدق اللى على مثلي يقولونـــــه

هذا حبيبي وهذا شكل .. هندابــه

وأنا بعد ماعلي حلوه .. ومزيونــه

متحمله شرهته وأرضاه وأعتابـــه

وبكل مافيه مغرومه ومفتونـــه

أضيق من ضيقتة وأموت وأحيابـــه

وأصير في غيبتة طفقه ومجنونـــه

هذا بكل أختصار وتكفي الجابــه

وأدري بعد مستحيل أنكم تعرفونـــه


راقت لي