وداعا لحرارة السيارة في الصيف جرب معنا !!

الرائد7 · July 7th, 2009, 17:44

السلام عليكم

كثيرا ما نعاني من الحرارة داخل السيارة .. خاصة في فصل الصيفعند خروجنا من الدوام مثلاً ..

وداعاً لهذه الحرارة طريقة سهلة جداً .. ومجربة وناجحة 100% ...
الطريقة هو وضع علبة ماء مفتوحة داخل السيارة ...
تابعوا معي الشرح بالصور:

عند وضع .. علبة الماء .. قم بالتنسيم للسيارة .. أي افتح النافذة قليلاً ..

كذا تبدأ عملية التبخر ... وتركب السيارة في عز الظهر ..
وتلاحظ تغيير كبير جداً من ناحية حرارة السيارة ..
ملاحظة هذه الطريقة أفضل بكثير من وضع شماسة وإذا وضعت كلاهما أحسن

شو رأيكم تعطونا النتائج!!!

**محمد بن سعد** · July 7th, 2009, 20:33

هلا وغلا

الرائد7

وعليكم السلام ورحمة الله وبركاته

فكرة ممتازة

أنا تارك في الجيب جركل ماء وراء مقعد السواق
إحتياط ،، لو سخن !! باقي علي أفتح غطاه !!

هذا الحل جميل ويستاهل التجربة

إلا ويش رأيكم بحل صاحب الجمس هذا ،، يا أبو أبراهيم ؟ !!

[line]-[/line]

سبحان الله
أشوف أكثر الناس ضيقة صدورهم في الصيف !!
وهالناس ،، ويش يـبـردهم ،، ساخنة ،، ولعة !!
أعوذ بالله ،، مخانق !!

كيف درجات الحرارة تأثر على سلوك الإنسان ؟!!

أقول ،، يازين البرد والصقيع !!

شوف هالحصاة ما كسرت سطح الماء الساعة 8:00 الصبح

والمواصير المتفقعة من الصقيع

**سلمان السلمي** · July 8th, 2009, 02:30

سلام ياربعنا ...
الحين في هالحر وبمكيف السيارة الجديدة
يالله الخراج .. يادوب ينسنس عليك البراد
وش تنفع به القاروره ..
الا اذا عبيتها فريون ذيك الحزة بيبرد الجو ..
ولا يهمك يابو ابراهيم
راح نجربها بس ان شاء الله يكون الجو حار

الرائد7 · July 8th, 2009, 03:47

السلام عليكم
هلا أبو سعد..

أنا تارك في الجيب جركل ماء وراء مقعد السواق
إحتياط ،، لو سخن !! باقي علي أفتح غطاه !!

جركل أخاف يصير عند مطر بعدين من كثر التبخر
لكن جرب على كل حال

أما صاحب الجمس وأنا أخوك جابها من الأخير

سلمان مرحبا
أقول ياحبك للشماتة والونسة.. أكيد مشرف مجلس الوناسة

أنتظر إنك تجرب وإن شاء الله ماتزبط معاك
قصدي تزبط معاك هههههههههه

**مزاااج** · July 9th, 2009, 23:22

يابو ابراهيم الصور ماطلعت عندي

المهم ابي اشوف انا فهمت صح ولا لا

قصدك احط قنينة ماء صحه بدون ما اقفلها <<<< حلوه قنينه صح ههههه

واخلي الشبابيك مفتوحه شي بسيط

صح كلامي ؟؟.

اذا صح فانا اسوي هالشي كل يوم من سنين

بس اني ما اخلي علبة الماء مفتوحه مع الاسف .ههههه

الرائد7 · July 9th, 2009, 23:57

السلام عليكم
أبو سلمى صح كلامك يابعدي..

لكن الله يخليك ماني ناقص مشاكل شوف الصور قدامي تمام التمام

جرب وعطنا النتيجة

**سلمان السلمي** · July 10th, 2009, 00:47

سلام ياربعنا ...
جربت الطريقة المزعومة لأبو ابراهيم
وبدل قنينه وحدة ..على قولة اخونا مزاج ...
حطيت ثلاث ..
واحس الجو عادي مثل ماهو وودي بعد اغسل بها راسي
علشان اللطف الجو ازين من هالطريقة ..
مدري يمكن جو مكة ماينفع معه هذه الطريقة ..
اما اهل جدة مايحتاج يحطون قارورة البحر قريب منهم ..

**دايم الجرح** · July 12th, 2009, 11:22

السلام عليكم ورحمه الله وبركاته

اهلا فيك اخي الحبيب ابو ابراهيم

لا مانع من التجربة ولكن ان حصل شىء فأني اطالب بالعقوبة القصوى على من ياترى ؟؟؟ على الحر او على الماء او على السيارة ؟ مين مين ؟ اهاااا لقيتها على صاحب الفكرة .

الرائد7 · July 12th, 2009, 15:00

السلام عليكم
الصراحة الشباب كأن ودهم يثبتون عدم صحة التجربة..
طيب هناك ملاحظات لنجاح التجربة..
1- يجب أن تكون قارورة الماء ممتلئة.
2- يجب فتح زجاج السيارة بشكل كافي مو تفتح فتحة يادوب تدخل منه الذبابة.
3- تغطية الزجاج الأماي بشمسية فهو أفضل.

أنتظركم بعد الملاحظات الثلاث