ناس تجر من سود الضيق ونات وناس تقضيها وناسه وفله

[سلمان السلمي]

يـغـنـيـك عـــن كـثــر الـحـكـي مـجـمـل ابـيــات
ومــن يـاخـــذ الـمـضـمــون يـلـــقــى الادلـــــه

تـــدري وش الـلـي يــقـتـل الـحــب بسـكـــات
لاصــرت فــي بـــوحــك تـــحـــس بـمــــذلـــــه

وتـــدري وش الـلـي يـكـسـر الـظـــهـر حـزات
لامـن عـطـيت احــســـاس مــاهـــو مـــحــلــه

وتـــدري مـتـى تـستــاهـل الـطــعـن مـــــرات
لا مــن خــطـيـت الــدرب وانــتـه تــدلــــــــــه

لا تـتـبـــع المـقـــفـي عـلـــى كــل حــــــــالات
بــعــض الـوجــيـه اللـي تـقـابـلـك عـلـــــــــه

ولا تـسـال الـغـالـي عــن الــــجـرح لا فـــات
نــبــش الــحـكـي يـــزود الـطــيــــــن بــلـــــه


طــالــع فـي مــن حولــك وتاخـــــذ شــهــــادات
مـــانــلـتــها لــو تـــدرس الـدهــــــر كـــلــــه

ناس تجر من ســـــــوود الضيق ونـــــات
ونـــاس تـقــضــيها ونـــــاســــه وفـلــــه

هـــذاك شــال هـــــمــــوم غــيــره ولا بـــات
وهـــذاك مــايــدري عــن احســـــــاس خلــه

واحــدن يهيــن اصــلـــــه عــــــلى كـــل زلات
واحـــــدن تـــرومه شـيـمــتـه مـــــــاتـــزلــه

لا تـــقــول حـــظي من عـنا الـوقـت قـد مـات
قــل مـــات حــــظ اللـي عــــنـاه اســتــــحلــه

ولا ضـــاقــــت الدنيـا وعلى الكيف ما جــات
اطـلـق احـجاجـك ثــــــم تـــــوكـل عـلى الله

[المنتقد]

بسم الله الرحمن الرحيم
السلام عليكم ورحمة الله وبركاته ,,

حياك الله اخوى سلمان ...سلمه الله

لاهنت يا قلبن شكى من خويه
......................... كم راس من طعنات الاصحاب شايب

وش لي بتنبيه القلوب العميه
............................. وحنا في هالدنيا دروب وركايب

ابتغزل في هذيك البنيه
.................................. بنت تفل القلب فل الذوايب

ما اقول يذبح زينها بس هيه
.............................. تلفت لها قلب عن الحب تايب

ولا اقول مغروره ولا هي خليه
.................................. فيها دلع طفل تبناه شايب

جمال نجد وفتنة حايليه
............................ وش جمع الثنتين فيها عجايب

تسلم اخوى الغالى على هذه القصيدة الطيبة ..بارك الله فيك...والسلام عليكم ورحمة الله وبركاته ,,

[نسنوسه]

بسم الله الرحمن الرحيم
السلام عليكم ورحمة الله وبركاته


وتــدري متـى تـسـاهـل الطـعـن مـرات

لا مـن خـطـيـت الـدرب وانـتـه تـدلـه

/
\


راق لي هذا البيت فحينما
تتوه
خطواتنا مابين مد وجزر ..
صراع بين الخطاء والصواب
تيقن انك أخطأت الطريق
فليس لك مكان هنا وسارع
بالرحيل ومجاهدة النفس فهي
خير معين

رائع من روائع ذائقتك الرائعة

بارك الله فيك

شكرا ...

[سلمان السلمي]

ولا ضـــاقــــت الدنيـا وعلى الكيف ما جــات
اطـلـق احـجاجـك ثــــــم تـــــوكـل عـلى الله

اعجبتني هذه القصيده وجذبني اكثر
هذا البيت مماجعلني انقلها لكم
مع تقديم الشكر لمن شارك من الأخوه الكرام