قلت الوداع وجاوبـت دمعـة العيـن ،، وما لقيت راعيها

[الساهر]

بسم الله الرحمن الرحيم


السلام عليكم ورحمة الله وبركاته

لقيت القصيدة وما لقيت راعيها ،،
اربكم تعفوني من خطا خطيته


[motr]قلت الوداع وجاوبـت دمعـة العيـن[/motr]
[motr]تجـرح بساتيـن الخـدود،، النديـه[/motr]

واغضت وشفت بعينهـا الحزن،، حزنيـن
وصاحت على الفرقا انـا مـو قويـه

[motr]وجاوبتها،، ارجـوك تكفيـن تكفيـن[/motr]
[motr]والله ولله دمعك يشـعـل النار فـيّـه[/motr]

وقالـت تعاهدني عـهـاد المحبـيـن
الله يخـون اللـي يخـون بخويّـه

[motr]قلـت ابشري واللـي خلقـك لاتظنيـن[/motr]
[motr]حرااام ماغيرك عشقـت آدمـيـه[/motr]

وقصّت شعرها قلت انـا وش تسويـن
قالت ابـي مـن غرتي،، لـك هديـه

[motr]ونادتنـي الغربه علـى الهـم والبـيـن[/motr]
[motr]احسّـب الأيـااااام روحـه وجيّـه[/motr]

وفـي كـل ليله ترتسـم بيـن رمشيـن
خيالها بـيـن الـرمـوش الشقـيـه

[motr]غربة سنه فـي ذمتـي غربـة سنيـن[/motr]
[motr]متى علـى الله يلتقـي الحـي،، حيـه[/motr]

خلاص،، هانت مابقـى غيـر يوميـن
خـلاص ،، قفّت غربـةٍ جرهديـه

[motr]ورجعت....شوقي في خفوقي... براكيـن[/motr]
[motr]ورجعـت انـا... كلـي لها....جاذبـيـه[/motr]

وسألت ما ردّوا...وانا اصيح هي..وين !!!
وكلٍ نثر... مـن داخـل العيـن... مَيّـه

[motr]وفـي معمعـة حزني...تلقيـت رمحيـن[/motr]
[motr]قالـوا توفـت ..غافلتـهـا ...المنـيـه[/motr]

وفـي غرغرتها...ماذكرت...غيرحرفيـن
تشهـدت بسـمـك... شـفـاه البنـيـه

[motr]وتزاحمـت فـي داخلي،، ألـف سكـيـن[/motr]
[motr]والحزن يطويـنـي ثمانيـن،، طـيّـه[/motr]

صدمه..وجابتنـي علىالارض..نصفيـن
وشلـون راحـت دون،، ذنـب وخطيـه

[motr]تكفون،، دلـونـي علىالقبر،، هالحـيـن[/motr]
[motr]مـاعـاد فيـنـي للصبر مقـدريـه[/motr]

ووقفـت اطالـع قبرها بيـن نصبـيـن
وجلست اضـم اغلـى النصايـب عليّـه

[motr]واصيح،، وش بك يا غلا،، مـا ترديـن[/motr]
[motr]اشتقـت همس إشفاهك،، النرجسـيـه[/motr]

وش فيك،، جيت من السفر،، مـا تهليـن
ماهي بلك عـاده،، ولا انتـي،، رديـه

[motr]وحاولت في لحظة جنون،،اجرح الديـن[/motr]
[motr]وازيـح تـربـة قبرهـا،، فـي يـديّـه[/motr]

وبالغصب شالوني،، حشـا تقـل مسكيـن
واصـرخ بهـم،، والله،، والله ولله حـيّـه

[motr]اقفت،، وتاهـت بـي جميع،، العنـاويـن
والحـزن يلعب،، داخلـي ،، سامـريـه[/motr]

ورجعت لـدروب الشقـا،، قبـل عاميـن
مدري من اللي صـار،، فينـا ضحيـه

[نسنوسه]

الغااالي ..
’’’ الساهر ’’’’
رسمت نموووذج من الكلمااات المميزهـ والمعبررهـ..

وسطرت جمل هي في غااايهـ الروووعهـ والجماال الباااهرر..

فسلم ذوووقكـ المميز واختياركـ الشاامخ,,,