طرف الليــــــــــــل

**نسنوسه** · January 16th, 2010, 20:07

السلام عليكم ورحمة الله وبركاته

طرّف الليل يا عنق الغـزال الجميلـه
ما تزين الليالـي ليـن يطلـع قمرهـا

***

هالحلا والترف مانـي مـدوّر بديلـه
تآخذ القلب من ضيق السنيـن وكدرهـا

***

لا أجلست تستخف عقول ناس ٍ ثقيلـه
عاد وشلون لا قامـت وفلّـت شعرهـا

***

المحاجـر وسيعـه والجدايـل طويلـه
وكن شمس الضحى مخلوقتن من نحرها

***

وان تثنّت كما غصن ٍ نما فـي خميلـه
مير سبحان من كمّل مزايـا صورهـا

***

كلّمتنـي ولا قالـت مـن أيّـة قبيلـه
واسهرتني وحبيت التعب مـن سهرهـا

***

قلت انا كان جت للحق راعي طويلـه
لاتضنين اباخـذ حاجتـي وأختصرهـا

***

لو تدن الرعود ولـو تخيـل المخيلـه
بعض الافكار ما تقنعك وجهة نظرهـا

**المنتقد** · January 17th, 2010, 00:54

بسم الله الرحمن الرحيم
السلام عليكم ورحمة الله وبركاته ,,
حياك الله اختى الغالية نسنوسه ...سلمها الله

المحاجـر وسيعـه والجدايـل طويلـه
............................وكن شمس الضحى مخلوقتن من نحرها

سبحان الله وبحمده ... سبحان الله العظيم ..تصوير اكثر من رائع ..صح السان الشاعر والناقل هذا البيت بقصيدة ...بارك الله فيك ..وفى انتظار المزيد من الأبداع ...والسلام عليكم ورحمة الله وبركاته ,,