أم نايف - أصـــيح باعلى الصوت

[المنتقد]

بسم الله الرحمن الرحيم
السلام عليكم ورحمة الله وبركاته ,,

قصيدة ,أبكت الجميع وحركت المشاعر وأثارت الأحاسيس ... أم نايف من رحيمه تحكي معاناتها في ابنها القابع بين قضبان سجون أمريكا في ولاية كلورادو
وقد توجتها بمدح وثناءلصاحب السمو الملكي الأمير سلطان بن عبد العزيز ولي العهد طالبة منه التدخل في القضية .
نسأل الله أن يفرج عنه وأن يسعد والديه وذويه برجوعه

[poem=font=",6,blue,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]
أصـــيح باعلى الصوت نايف فقدناك = عساك تسمع صرختي يوم أناديك
أنا أمك اللي عيـــــدها يوم لـــــــقياك= يا سعد نفسي لو عيوني تــــلاقيك
والقلب نــــــــاره تشتعل عقب فرقاك =ما تطفي النيران يا كــــود أياديك
لبست ثوب الحـــزن بعدك ولا انساك = والنــــــوم ودّع يوم غابت لـياليك
تاهـت بي الخطوات وادروبي أشواك = والدمع من عيني على الخد يبكيك
أراجع الماضي واعــيد ذكـــــــــراك = تشدني الذكرى وابـــكي لماضيك
سجـــين بالغــربة وياكـــبر بلـــــواك =الله يعينك دايم في بــــلاويـــك
هذا القدر مكتوب ... مكتوب ما جاك = اصبر عسى الله بالنهايه ينجــــيك
بديار ( بوشٍ ) سجنك الموحش هناك = ياليت لي قدره على الدرب واجيك
يا ســـــجن ارفق مسندي وسط مبناك = ما شاف شمس ومظلمات مبانيك
مدري يا عمري كيف الأحوال ويّـاك = طمــني عنك طمن امك تحـاتيك
من يغسل اهدومك ومن قـــام يرعاك = ومن يطبخ الوجبات منهو يواسيك
ومــنهو الذي بالليل لا نمت غــــطاك = خوفي عليك البرد بالـحيل يوذيك
ودي قبل مــــــــــوتي مشاهد محياك = ودي أضمك في يديني وحــــاكيك
يا حافر قبري دخيــــــلك رجيـــــناك = تحط فوق النصب نيشان بوصـيك
يمكن يحين الوقت ترجع لمــــــرباك = وتزور قبري مسـرع في خطاويك
يا سيــــــــــدي سلطان تكفى طلبناك = يا راعي الفزعات تشكر مساعيك
شلال طيــب منبعه دوم يمــــــــــناك = خيرك مغطــي كل بيت باراضيك
وقت الشدايد ما لها غير شـــــــرواك = يبشر بعزه كل من جاك ناصيك
يا ســــــــــــــيدي سلطان حنا فداياك = بارواحنا نفديك نفديك نفــــــديك
الجود وانت الجود يمشـــــي ببمشاك = يمشي وراك ويتبـعك ما يجاريك
يتـــعبني مدحك لو أعدد سجــــــاياك = والشعر يرفع رايتـــــه ما يوفيك
يالله عسى المولى يصــونك ويرعاك = ويعود نايــف يا عسى الله يخليك
أبختصرها يا ذرى كل من جـــــــاك = شكوى تجيلك تنتهي ما تعــــديك[/poem]

اللهم فك اسره يارب العالمين ...والسلام عليكم ورحمة الله وبركاته ,,

[ابومشعل]

وعليكم السلام ورحمة الله وبركاته
قصيدة مؤثرة جداً .اللهم فكه من سجنه وره سالماً لأهله ,والسلام عليكم