شكيت جرحي للبحر قال تكبر ..!

[نسنوسه]

[SIZE="5"]السلام عليكم ورحمة الله وبركاته



شكيت جرحي للبحر قال .. تكبر
وتشوف منهم في حياتك .. غرابة !!


نطقت له .. تكفى .. إذا .. كنت تقدر ..
عندي سؤال بس ..؟؟ .. ناقص .. إجابة !!


ليه القلوب اللي نبي دوم تغدر ؟؟
وليه الحزن يفرض علينا .. ثيابه ؟؟


قال .. الكسر .. ما ظنتي يوم يجبر
إلا إذا .. اللي راح أعلن إيابه ..!!


قلت .. الوفا بين البشر .. ليه يندر ..؟؟
ليه الغلا بالناس سهل إنقلابه .؟؟


قال .. البشر .. طبعه غدر بس أصبر .
وأعرف .. ترى نصف الوجيه .. تشابه .!!


دنياك .. لو تصفي .. فلابد . تكدر
وتشوف شيب العمر .. بعد الصبابه .!!


وإن كان .. تبغى الحل .. من قبل يصدر
خلك حريص تعيش .. كلك . مهابه ..!!


من قبل دمع العين بالحزن .. يحدر ..
من قبل لا وقتك يعضك . بنابه .!!


وقتك غريب ومثلك اليوم .. يندر
يندر تعيش بطيبتك .. وسط غابه .!!


باقول كلمة . وأذكره .. دوم وأخبر ..
وأذكر .. كلامي لك إجابه . إجابه ..!!


لا تقول .. أنا .. فاهم .. على الناس أقدر ..
أقدر أميّز من دروسي . كتابه !!


صدقني .. هذا وقت .. خاين .. ويغدر ..
لو .. أنت ذيب .. تخون .. فيك الذيابه[/SIZE]

[المنتقد]

بسم الله الرحمن الرحيم
السلام عليكم ورحمة الله وبركاته ,,
حياك الله اختى الغالية نسنوسه ...سلمها الله

وقتك غريب ومثلك اليوم .. يندر
.........................يندر تعيش بطيبتك .. وسط غابه .!!

قصيدة جميلة وابيات معبرة,وفى انتظار جديدك ,, بارك الله فيك ...والسلام عليكم ورحمة الله وبركاته ,,

[نسنوسه]

وعليكم السلام ورحمة الله وبركاته
اشكرك على مرورك وردك الجميل
ما ننحرم