مجهول - قالـوا علامـك صامـت وقلـت يـانـاس

[المنتقد]

بسم الله الرحمن الرحيم
السلام عليكم ورحمة الله وبركاته ,,

حياكم الله اخوانى واخواتى سلمكم الله جميعاً ,,

اليوم عندنا لكم قصيدة عن الصمت وحكمته وعن المراجل والقصيدة تقول الله يسلمكم :-

[poem=font="times new roman,6,blue,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
قالوا علامك صـامت وقلت ياناس= كثر الكلام يقل لاجله مقامي

الصمت حكمه والحكي مصدر إفلاس= ولقيت في صـمـتي يزيد احترامي

الصمت له معنى وله ذوق وإحســـاس =مركب نجاتك في بحـور الظلامي

ترى الرجل صوره من الـراس للساس=ثم يتبين جوهــره بالكلامي

إما نطق في كلمة ترفــع الرأس=تضفي على شكله جــديـد الاسامي

وإلا يعود معدنه مـــعــدن نحاس=يرميه سهمه بـعــد ماكان رامي

لا صار عندك من ثمـيـنات الألماس =خله بـصـدرك لين وقت التمامي

أخاف يطلعلك مـن الناس بلاس =وإلا سـفــيه ما يرد السلامي

الله خلق خلقه على عـدة أجناس =وكلن يسوقه مذهـبه للأمامي

والله خلق بالطير قمري وقرناس =ووقت الهدد ما ينغزي بالحـمـامي

لا جال في صدرك من الهم هوجاس =وعينك يحاربهـا لذيذ المنامي

ونفسك عليله والفكر صار محتاس =اترك طمان القـاع وارق السنامي

عليك بالعالي ليا هب نسـناس =يبري الجروح الخـافيه والعظامي

وخلك لربـعـك دايم الدوم نـبراس= وخص القريب وخص ولد العــمامي

خلك لهم في داجي الليل مقـباس =ولصاحب أصدق من حقوق الغمــامي

ربعك ذراك ليا لحق راســك البـاس =قدم لهم شربك ولو كنت ضـامي

وخلك لثوب الطيب والعز لبـاس =واترك دروبٍ تنتهي بالحرامي

وفعل الجميل وواجب الضيف نومـاس =ومن لا نفع بالضـيق نفعه عدامي

بيت الكريم أبوابه بدون حـراس =وبيت البخيل يـعـد مثل الهدامي

كلٍ بها الدنيا نصيبه بـمقياس= ياخذ نصيبه لوجــفـوه الأنامي[/poem]


وسلامة الجميع ...ارجو ان تنال استحسانكم ورضاكم والمعذرة عن كل نقص وتقصير ...والسلام عليكم ورحمة الله وبركاته ,,

[محمد بن سعد]

حايكم الله أخي الغالي

قصيدة جميلة

وياليت لو نعرف شاعرها
هل هي من اشعار ابن طهيف ؟

علـيـك بالـعـالـي لـيــا هـــب نـسـنـاس - - - يـبـري الـجـروح الخافـيـه والعظـامـي
وخـلـك لربـعـك دايــم الــدوم نـبــراس - - - وخـص القريـب وخـص ولـد العمامـي

[نسنوسه]

كلماات رااائعه واحاسيس جميله ومعبره...

يسلموو على اختياارك الرااائع ...

لاعدمناا جديدك


متعب القلب قلي ويـش غلطاتـي ,,

ان كنت انا اقدر اعدلهـا .. بعدلهـا ’’

لصرت تجهل عناء الدنيا .. وضيقاتي ,,

من دون ماشرح لك اوضاعي تأملها ’’

الوقت ضدي .. حرمني من ملذاتـي ,,

والصد بعدك ذبح روحي .. وكملهـا ’’

لا .. لايغرك كثير الصمت .. وسكاتي ,,

خل المشاعر تقول ( الآه ) وإسألهـا ’’

يسكني الحب .. واضح من عباراتـي ,,

وش عاد لجلك حروفي لـو أذللها ’’

عذبني الشوق واسرفـت بخيالاتـي ,,

روح ٍ تحبك دخيلك ليه .. تهملها ’’

ياليتك إشوي تشعـر فـي معاناتـي ,,

دنياك يمكن عليك تضيـق باكملهـا ’’

الحزن كنه سفيـري فـي علاقاتـي ,,

والهم خيّم على حالـي .. وطولهـا ’’

اغديت دربي وتاهت فيـك خطواتـي ,,

كل المواعيد مدري ليـش تجلهـا ’’

سنين احاول وضاعت كـل حيلاتـي ,,

متدري اني ( حيـاة الـذّل ) مقبلهـا ’’

لجيتك أسال وادوّر فيـك ضحكاتـي ,,

كنك تعمد بيديـك اليـوم .. تقتلهـا ’’

لا تترك الظـن يلعـب باحتمالاتـي ,,

الكلمه اللي تحزّ بخاطـرك .. قلهـا ’’

تعال شفني وحـس بحـال لوعاتـي ,,

كن الدقايق بدونـك عـام مطولهـا ’’

متى التباشر بقدوم ( الغـلا ) تاتـي ,,

فرحة زماني بشوفـك مـا تخيلهـا ’’

خلاص صبري تعـدى كـل هقواتـي ,,

اتعبت نفسي ( اعزيهـا .. وعللها ) ’’

ابيك تنسى وتدمـح كـل ( زلاتـي) ,,

بعض البشر صعب مانقـدر نزعلهـا ’’

والحين جيتك ابمسح كـل غلطاتـي ,,

دنيا ي دونـك وربـي ماتحملهـا ,,

[المنتقد]

حايكم الله أخي الغالي

قصيدة جميلة

وياليت لو نعرف شاعرها
هل هي من اشعار ابن طهيف ؟

علـيـك بالـعـالـي لـيــا هـــب نـسـنـاس - - - يـبـري الـجـروح الخافـيـه والعظـامـي
وخـلـك لربـعـك دايــم الــدوم نـبــراس - - - وخـص القريـب وخـص ولـد العمامـي

بسم الله الرحمن الرحيم
السلام عليكم ورحمة الله وبركاته ,,
حياك الله اخوى الحبيب الغالى د.محمد ...سلمه الله
الحقيقة لايحضرنى القائل لاكن سوف احاول الوصول اليه ...سرنى وشرفنى مرورك بارك الله فيك ...والسلام عليكم ورحمة الله وبركاته ,,

[ابومشعل]

السلام عليكم ورحمة الله وبركاته

مرحبا اخوى المنتقد

انتقاء رائع بورك فيك والسلام عليكم

[المنتقد]

بسم الله الرحمن الرحيم
السلام عليكم ورحمة الله وبركاته ,,

حياك الله اختى الغالية نسنوسه ...سلمها الله
ياليتك إشوي تشعـر فـي معاناتـي ,,
.....................................دنياك يمكن عليك تضيـق باكملهـا ’’

اضافة جميلة بارك الله فيك ...والسلام عليكم ورحمة الله وبركاته ,,