اعادة تصميم سيارات قديماً (ترميم)

**محمد بن سعد** · September 9th, 2009, 17:01

ونيتات ،، هافات ،، بقسات ،، مبلكشات

**الحكيم** · September 9th, 2009, 17:52

حلوة والله , احس ركوبها يشرح النفس

يعطيك العافية

**محمد بن سعد** · September 9th, 2009, 20:33

المشاركة الأصلية كتبت بواسطة الحكيم

حلوة والله , احس ركوبها يشرح النفس

يعطيك العافية

بارك الله فيكم يا الحكيم

أيام كنت صغير
يعني قبل خمسين سنة

كان عندنا مثل هذا الجيب ،، ولكن أقدم بعشر سنين
بدون شراع ولا بيبان ولا مفاتيح (أبو هندل) قزازته الأمامية منصوفة.

أنا متأكد أن نجم سهيل يذكره زين !! ذكريات
كان يسوقه الوالد (الله يرحمه) ويركبنا فيه (أيامها كتن آخر تشخيص)

كانت شوارع الرياض الأزفلت:
(1) طريق الناصرية من دوار سمير أميس،
(2) طريق الوزارات المطار من دوار سمير أميس،
(3) شارع الوزير من الترنك إلى مصلى العيد (مدخل دخنة)،
(4) شارع الشميسي من الوزير يوازي طريق الخزان،
(5) طريق الملز من ميدان وزارة التجارة،
(6) طريق الثميري إلى ساحة العدل والمقيبرة،
(7) طريق ملث القصر الأحمر الفوطة
(8) طريق خريص الريل (مرورا بالملز)
(9) طريق مكة وصولا إلى الشميسي سلطانة

**محمد بن سعد** · September 9th, 2009, 21:29

لوحة وإستمارة من المنطقة الشرقية

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يــا راكـبـن مــن فــوق صـافــي البـلـوفـي = مـقـعـد انـبـيـر الــزيــت نــيــم الــحــرارة
فـــرّاق مــــا بــيــن الـقـلــوب الـولـوفــي = فـــرتٍ كـمــا وبــــل الـسـحـايـب غــبــاره[/poem]

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يــــا عـبـيــد غــنّــن ســيـــور الــهـــاف = لا يــــــا بـــعـــد كــــــلّ مــــــن غـــنّــــا
عــــــرق الابــيــتــر رمــــــاه خــــــلاف = مــــــا طــــــب لــــــه واحـــــــدٍ مـــنّــــا[/poem]

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
واهنـي مـن ظـفّ عفـشـه و لـمّـه للسـفـر = فـوق هافـن مـن قطـع وارده يقطـع رجــاه
يــوم لــزّه بالثـلاثـة مــع الـعـرق الـحـمـر = شال صدره من عوا الذيب ما تفرق عـواه[/poem]

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
منير دوك الفرت و اخذ الفواتير = افحص عليه و دخله بالكراجي
اللي يبى البنزين ركّب مواصير = و اللي تبيه النار ركّب بواجي[/poem]

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
من يســـب الهاف جعلـه فدوتلـة = جعـــل يفدنـة غنـــــاديـر البنــــاتـي
لازهمت الهاف جاك الهاف كلـة = تقل يشرب من غراش المسكراتي
كـم شـــــــراع للسواحـل قطعنـة = قطعنـة والتوايـر مســـــــــرعـاتـي
أبـرق الكبريـت لازم يســـهجنـة = يســــــــهجنة مقـبـلات اومقفيـاتـي
ياهل الهافات زيـدوا ســعرهنـة = لا تغالـون الثـــــــــمـن بالطيبـاتـي[/poem]

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ألا يا فكرتي كيف القضاء والحكم بين أثنين = لقيت المور وياالفرت يطلب حكم شرعيه
يقول الفرت أنا الطيب مكمل واجب الطيبين = سريع في الطلب تشهد لي أفراد السعودية
تفرج شوف طبلوني ميه من فوقها الستين = سريع في الطلب مانيب سيارة دوينيه
وقال المور أنا الي سرعتي تمشي على التقنين = وشيل الحمل لا عجزت عنه صنع المريكية
أنا من صنعة ألماني شف الطمغة على الشاصين = شهودي قيمتي مع قوتي ميه على ميه
وقال الفرت أنا قبل المزفلت و أنت وينك وين = تغرس في دروبي ما تعدي خطوط رسمية
ليا من رحت مع دربي يثور عندك التدخين = تغرس لو كفاراتك بعد يالمور رمليه
وقال المور أنا ديزل ولاني بلذع بليتين = مقرر صرفتي يومين تصرفها انت يوميه
كيلت أهلك بتبديل الغيار وشربك البنزين = خساره لو تنزل قيمتك يالفرت ربيه
وقال الفرت أنا لا جيت صحراء رحت عنك يمين = أسافر مع نفود أخريص منقل منه هميه
أسافر مع نفود السر كل شافني بالعين = بطل مانيب مثلك ما تعدى خط ردميه
وقال المور أنا أشيلك وأشيل من الفروت أثنين = ثلاثه من الفروت بحملها ما حمل ليه
لكن أصحى تجاكرني وأنا مانيب لك سنين = تسمح خلها ما بيننا دعوى سموحيه [/poem]

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يااهل الونيت اللي يبا مشتل البيب = مادق صدرة بالخطوط الغزيرة
يوم يتخثع في محير الاداعيب = يشدي تخثع جادلاً في حريره
لاتجربونه مايبي الفرت تجريب = قد جربة بالبيت الابيض خبيره[/poem]

مبيعات الونيتات القديمة بأمريكا - يا بلاش - الرابط

الحمد لله ،، ما منهن ونيت فرت !!

أخيرا ،، هذه اللوحات الجديدة جداً
ليست أفضل من سابقاتها ،،
وليست تغنينا في أسفارنا الدولية ،، ولا ولا ولا !!!

[line]-[/line]
لعبة على الطائر - إضغط نا للتسلية

**محمد بن سعد** · September 9th, 2009, 21:58

هذا يسمونه

فرت هاف

سيارة للأسفار بين المدن
يتم إعادة تصـــنيـعها محلياً

مركب السائق والمعاوني والدرجة الأوى

الأصــل
ونيت فورد

**سلمان السلمي** · September 10th, 2009, 06:36

يعجبك القدبم يادكتور محمد
مع انه يذكر بالماضي فقط
ولا زل له عشاق اذكر وحدة من مثل هذه السيارات
صادفتها على مخرج تشليح سيارات
واقول في قرارة نفسي هو فيه ناس تبحث عن القديم ؟؟
طلع شخص اشتراها بقيمة خيالية !!
شكرا على مجهوداتك يادكتور

**مزاااج** · September 11th, 2009, 13:52

مجهودك رائع يابو سعد ماشاء الله وعذراً فأنا مقلّ في المشاركات .

الفرتات لايخلو جانبنا من حكايات يقصها علينا الوالد رحمه الله واموات المسلمين

فله في كل سفر حكايا عندما كان خط التجارة والسفر يمر بالكويت قبل 80 سنة وكانت

قصص مشوقة ومتنوعة .

اكثر مالفت نظري بصراحة هو سوق السيارات او الونيتات القديمه في امريكا

يعني قعدت اقارن بين السوق عندهم والتنظيم وبين اسواق السيارات اللي عندنا والميكروفونات والصياح .. شيئ عجيب ؟؟!!

**شمس المجالس العربيه** · September 29th, 2009, 21:18

[align=center][table1="width:95%;background-color:black;"][cell="filter:;"][align=center]التطوير مطلوب

الف شكر د.محمد[/align][/cell][/table1][/align]