ماحولكم وايت للبيع

**سلمان السلمي** · February 28th, 2010, 01:38

الشايب والوايت

شايب نوى يشتري له وايت علشان يسقي الحلال
وذالشايب متقاعد

وشاري له قطيع غنم

وفوقها خمسين ناقه , فأخذ يجمع له دراهم لين صار عنده حول
الخمسة وثمانين ألف ريال

فقام وتوكل على الله وعزم يروح يدور له وايت

صدفه و هو يمشي .. يلقى ناس
مجتمعة في أرض فضاء كبيرة
وحولهم وايت واقف

تعجب الشايب

قال بس لقيناه
خلني اروح

أوصل هناك وأشوف كم هو واصل سومه وإذا هم حادينه اشوف كم هو عليه

وصل عندهم الشايب ووقف يسمعهم يحرجون

وأستانس بالحيل لأنه ماهو غالي

وإلا ذاك الرجال

ماسك الميكروفون ويحرج 50,,52,,55,,ومن قال زود

قال الشايب بس شكلهم يحرجون على الوايت ولا هوب بغالي
وإن شاء الله يكون من نصيبي

وخش معهم بالحراج ,,,56,,,ويزودون...ويزود...ويزودون...ويزود

المهم وصلوه 75,,,قام خربها وقالهم ,,,80

هو قالهم ,,80,,يوم طخوا كلهم وسكتوا..!..وهجدوا..!!..
والتفتوا عليه!!!

يناظرونه..ويناظرون بعضهم..يوم تغامزوا ونقزله واحد منهم

وسحبه على جنب

وقاله شف يا رجال أنت باين عليك أبن حلال وطيب بالحيل
وش رايك لو نعطيك شيك!!!

بمليون ريال الآآآآن

بس مانشوف وجهك واقف معنا بالحراج

انصدم الشايب ..أفتر راسه شوي وقال هااااا

وش السالفة..؟؟؟

مليون ريال ..وليه..؟؟

قال له الرجال خويهم
بس خذ هالشيك وتوكل على الله
والله يستر عليك ولالك بالطبخه

وش اسمك ؟؟

عطاه أسمه وكتب له الشيك بمليون ريال

وطلع الرجال من الحراج وهو مايدري

وش السالفه!!!

طيب وش العلم علمني ..؟؟

إلا واحد قال له
الجماعة يحرجون على المخطط وواقفين بالصدفة جمب الوايت اللي

جايبينه يرشون به الأرض علشان يحرجون

والحراج من اليوم بــ 56 مليون و 75 مليون..وابو الشباب الشايب

خش عليهم عرض

ولايدري وش العلم

وهم بعد أخترشوا شوي يحسبونه هامور وبيلطش عليهم المخطط

قاموا صرفوه بمليون ريال

وهو ماصدق .. طاير من الفرحه,,مليون,,ويقول بخاطره

عجزت وأنا اجمع خمسة وثمانين ألف ويجيني ذا الرزق من الله

فسبحان الله مقسم الأرزاق على عباده

الرزق مثل الأجل يتبعك

******

الله يرزقنا بمخطط بالغلط.

ماحولكم وايت للبيع

.....هههههههههههههه

**المنتقد** · March 6th, 2010, 12:21

بسم الله الرحمن الرحيم
السلام عليكم ورحمة الله وبركاته ,,

حياك الله اخوى الحبيب سلمان ....سلمه الله

ان لقيت وايت مثل وايت الشايب علمنى ونرى لك النص ...اسعدتنا اسعدك ربى فى الدارين ...والسلام عليكم ورحمة الله وبركاته ,,

**محمد بن سعد** · March 6th, 2010, 12:43

حبيبنا الغالي

سلمان السلمي

الله يجزاك الخير ويحقق طموحك

اتصور أن جيراني بينقدون علي من كثر ما ضحكت

ذكرتني قصص لبعض شيبانا والحراجات
وشيلهم السلم بالعرض

قصة أروع من الخيال
شكرا على الموضوع
[line]-[/line]
على طاري الحراج والصدف الغلط

أحكي لكم هالقصة

أول ما رحنا لأمريكا ندرس
كانت الخرفان بأمريكا من 30 دولار مذبوحة وموصلة

اتفقت يوم من الأيام انا واخوياي
ان نذهب للمزارع خارج البلدة

الهدف

أن نذبح لأنفسنا بأنفسنا
أنضف وأصدق لذبح السنة
ونحصل على الكرش والمعلاق وحسحسة الراس
وهذه لم تكون داخل نطاق سعر الذبائح الموصلة

في اول الأمر ،،
حصلنا مطلبنا دون سعر 25 دولار للخروف

بعدها باشهر

اتصل علينا واحد من شلتنا

وقال : اسرعوا ياشباب
كنت على الطريق الفلاني
شفت زحمة ونيتات مزارعين

وشفت لوحة كبيرة فيها صورة خروف تحت إسم مزاد
وتقول اللوحة ان الحراج الساعة الثانية ظهرا

جمعنا السكاكين والمواعين والحبال
وذهبنا إلى الموقع قبل الموعد لرؤية الخرفان

العجيب
رسوم الدخول إلى المزاد

كانت أكثر من قيمة اي خروف

هذا لو شرينا

شفنا الخرفان من خلف الشبوك
كان كل خروف أكبر من الثاني

سألنا أحد المزارعين عن الموضوع

عندما عرف سبب تواجدنا
ضحك كثيرا

وأخبرنا

أن هذه الخراف
تبدأ من الخمسة وثلاثين الف دولار
وهي من سلالات خاصة للتهجين

الحمد لله اننا لم ندفع رسوم الدخول

**سلمان السلمي** · March 8th, 2010, 01:20

المشاركة الأصلية كتبت بواسطة المنتقد

بسم الله الرحمن الرحيم
السلام عليكم ورحمة الله وبركاته ,,

حياك الله اخوى الحبيب سلمان ....سلمه الله

ان لقيت وايت مثل وايت الشايب علمنى ونرى لك النص ...اسعدتنا اسعدك ربى فى الدارين ...والسلام عليكم ورحمة الله وبركاته ,,

وعليكم السلام ورحمة الله وبركاته
حيا الله اخونا الحبيب ابو محمد
الظاهر ماني محصل لو وايت فاضي
وعلى قولتهم :
يامدور مع الحافي نعال

**سلمان السلمي** · March 8th, 2010, 01:48

المشاركة الأصلية كتبت بواسطة د/ محمد بن سعد

حبيبنا الغالي

سلمان السلمي

الله يجزاك الخير ويحقق طموحك

اتصور أن جيراني بينقدون علي من كثر ما ضحكت

ذكرتني قصص لبعض شيبانا والحراجات
وشيلهم السلم بالعرض

قصة أروع من الخيال
شكرا على الموضوع
[line]-[/line]
على طاري الحراج والصدف الغلط

أحكي لكم هالقصة

أول ما رحنا لأمريكا ندرس
كانت الخرفان بأمريكا من 30 دولار مذبوحة وموصلة

اتفقت يوم من الأيام انا واخوياي
ان نذهب للمزارع خارج البلدة

الهدف

أن نذبح لأنفسنا بأنفسنا
أنضف وأصدق لذبح السنة
ونحصل على الكرش والمعلاق وحسحسة الراس
وهذه لم تكون داخل نطاق سعر الذبائح الموصلة

في اول الأمر ،،
حصلنا مطلبنا دون سعر 25 دولار للخروف

بعدها باشهر

اتصل علينا واحد من شلتنا

وقال : اسرعوا ياشباب
كنت على الطريق الفلاني
شفت زحمة ونيتات مزارعين

وشفت لوحة كبيرة فيها صورة خروف تحت إسم مزاد
وتقول اللوحة ان الحراج الساعة الثانية ظهرا

جمعنا السكاكين والمواعين والحبال
وذهبنا إلى الموقع قبل الموعد لرؤية الخرفان

العجيب
رسوم الدخول إلى المزاد

كانت أكثر من قيمة اي خروف

هذا لو شرينا

شفنا الخرفان من خلف الشبوك
كان كل خروف أكبر من الثاني

سألنا أحد المزارعين عن الموضوع

عندما عرف سبب تواجدنا
ضحك كثيرا

وأخبرنا

أن هذه الخراف
تبدأ من الخمسة وثلاثين الف دولار
وهي من سلالات خاصة للتهجين

الحمد لله اننا لم ندفع رسوم الدخول

اهلا بحبيبنا الغالي ابو سعد
طلعت خبرتك ماهي بسيطه بالحراجات
حتى حراج الغنم الظاهر انها متأصلة من يوم سافرت لأمريكا
وبعد كان سعر الخروف 30 دولار
هذا يابو سعد قبل 30 سنة يمكن ؟
واذا للحين نبي نلحق نستورد !

**سلسبيل** · March 11th, 2010, 20:02

اضحك الله سنك ياسلمان ...
هذه القصة اعتقد انها قديمه ايام ماكانت الدنيا حضوظ على عهد جدي ...
الان تلقى راعي الوايت عنده شركه وايتات وحاط رجل على رجل ومقابلات على الفضائيات :
المذيعه :
عزيزي رجل الاعمال صالح الوايتي اخبر الشباب الطموح كيف تمكنت من جمع هذه الثروه .؟!
رجل الاعمال المشهور :
والله انا يوم كنت في عمر الشباب كنت انسان طموح وبديت العمل من تحت الصفر وكونت ثروتي بجهدي ومثابرتي
على العمل المتواصل فعملت عامل نظافه وعملت في المطاعم وحمال كل شي وريال على ريال حتى كونت هذه الثروه ..!!
وانصح الشباب اليوم الايكون عاله على اهله بل يعمل حتى ولو عامل نظافه الشغل مو عيب ..!!

..........................
* الدكتور محمد معقوله امريكا فيها خرفان ...؟!
كيف عاد مثل خرفاننا ولا لا ..

**سلمان السلمي** · March 12th, 2010, 13:54

المشاركة الأصلية كتبت بواسطة سلسبيل

اضحك الله سنك ياسلمان ...
هذه القصة اعتقد انها قديمه ايام ماكانت الدنيا حضوظ على عهد جدي ...
الان تلقى راعي الوايت عنده شركه وايتات وحاط رجل على رجل ومقابلات على الفضائيات :
المذيعه :
عزيزي رجل الاعمال صالح الوايتي اخبر الشباب الطموح كيف تمكنت من جمع هذه الثروه .؟!
رجل الاعمال المشهور :
والله انا يوم كنت في عمر الشباب كنت انسان طموح وبديت العمل من تحت الصفر وكونت ثروتي بجهدي ومثابرتي
على العمل المتواصل فعملت عامل نظافه وعملت في المطاعم وحمال كل شي وريال على ريال حتى كونت هذه الثروه ..!!
وانصح الشباب اليوم الايكون عاله على اهله بل يعمل حتى ولو عامل نظافه الشغل مو عيب ..!!

..........................
* الدكتور محمد معقوله امريكا فيها خرفان ...؟!
كيف عاد مثل خرفاننا ولا لا ..

حيا الله سلسبيلوه
تقول هذه القصة من عهد جدي ؟
الحين عرفنا مصدرها

وحب الوايتات

.............
ياخوك ارمي علينا لو الشيب حق الوايت
اي شي احنا قابلينه ...

ومو كل وايت وايت

**محمد بن سعد** · March 13th, 2010, 21:58

المشاركة الأصلية كتبت بواسطة سلسبيل

* الدكتور محمد معقوله امريكا فيها خرفان ...؟!
كيف عاد مثل خرفاننا ولا لا ..

طبعا ،، معقول

حرفان أمريكا على المراعي
حلوين ونضيقين

ماكو شــــــــــــــــــــــــعير

شــــعـير مافيه ولا ضرمة ولا كيماويات
الله لا يعاقبنا ولا ملح قبل البيع

تتربى على المروج الخضر

تتوالد أيام الربيع ويذبحونها للصيف

أو

تتوالد في الخريف ويذبحونها للشتاء

لونها أبيض مثل الحريات
وذيولها قصيره ونحاف مثل ذيول السكواني

عيبها أن شحمها داخلي
يعني تصلح للشوي مثل الضأن التركية

شكرا على السؤال أخي الغالي