مديرة مدرسة وفوائد العزوبية

**سعودية ولي الفخر** · May 8th, 2008, 19:14

تدور القصة حول مديرة مدرسة عزباء غابت عن المدرسة يومين ولما رجعت لمدرستها قابلنها المدرسات سلامات وينك يامديرة ؟

قالت لهن باركولي تزوجت.

قالن مبروك يامديرة ولكن منهو زوجك ؟.

قالت لهن بصراحة زوجي هو زوج إحداكن.

المدرسات تكفين علميننا أي وحدة منا ؟

قالت المديرة والله ما أعلمكن .

المهم لزمن عليها فقالت لهن أنا منيب متكلمة اللي تبي تعرف هل هو زوجها وإلا لا تجيب بكرا معها خمسمية ريال وإذا جت توقع تحط الخمسمية على الطاوله واللي آخذ خمسميتها فهي مهو زوجها واللي أخلي خمسميتها على الطاولة ولا آخذها فهو زوجها عيب علي اتزوج زوجها وآخذ بعد منها خمسمية ريال .

وافقن المدرسات على الطريقة.

ويوم جاء بكرا وكل وحدة مزهبه معها الدراهم.

جت الأوله والثانية والثالثة والرابعة حتى العاشرة والمديرة تاخذ الدراهم .

يوم جت المدرسة ال 11 وبدت المديره تأفف المهم حطت الدراهم على الطاولة وقالت لها تكفين خذيها يالمديرة قالت المديرة اعذريني قالت المدرسة كانها قليلة حطيت ألف بدال الخمسمية قالت المديرة أووووووووووووه معليش أثرك أنتي جواهر والله اني آسفه غلطت يوم تنفست المدرسة وقالت الحمد لله يعني بتاخذين الفلوس المهم اخذتها المديرة ...

ودخلن بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية .

المهم بقي مدرسة وحدة فقط ماجت يوم اتصلن عليها المدرسات هاه وينك يا استاذه قالت والله اني تعبانه وماني جايه . قالت المدرسة الغايبة : هاه
من صار زوجها اللي متزوج المديرة ؟

قالن لين الحين مابين شي والمديرة عيت تاخذ الفلوس لين نحضر كل المدرسات (يلعبن عليها بس يبونها تجي عشان يتطمنون إنها هي لأنه مابقى إلا هي) وقالن المدرسات لازم تجين تكفين .

المهم جت تسحب رجليها بالقوة ويوم جت تدخل المدرسات كل وحده مبسوطة انها مهي هي وبدن يسمن على المدرسة ال 24 عشان ماتنصدم .

دخلت المدرسة الأخيرة غرفة المديرة وحطن باقي المدرسات ايديهن على قلوبهن وحطت المدرسة الخمسمية على الطاولة وضفتها المديرة .

يوم طلعت لقنها عايدية وماصار شي وفلوسها أخذتها المديرة .

قالن يابنات فيه وحده منكن ماخذت المديرة دراهمها ؟

قالن لا والله كلنا اخذت دراهمنا .

ودخلن المدرسات على المديرة وقالن اخذتي الفلوس من كل المدرسات تلعبين علينا منهو زوجك ؟

قالت المديرة المهم الدراهم ( 12000 ريال ) ماراح ترجع وأنا والله لا تزوجت ولا شي لين الحين عزوبية ووالله كنت مريضة هاليومين . ولكني
اطلبككن قبل شهر تدفعن على مية ريال نصلح المصلى ولا وحدة منكن دفعت قلت والله
لأدفعكن 500 ريال نصلح المصلى ونشتري مصاحف وقف للمسجد .

قالن المدرسات بردها الله بالعافيه فداك الدراهم ولو تبين زود عطيناك بس هو صدق بس رجالنا ماتزوجوا

**نجم سهيل** · May 8th, 2008, 23:34

ولسان حالهن
ضرب الراس بالدرة ولا طخة الضره

**سعودية ولي الفخر** · May 9th, 2008, 00:33

[align=center]ترى الضرة مرة يا أبوسعود[/align]

**المغتربه** · May 9th, 2008, 14:12

المشاركة الأصلية كتبت بواسطة سعودية ولي الفخر

[align=center]ترى الضرة مرة يا أبوسعود[/align]

الله يكفينا شر الضره

بورك فيك أختي سعو ديه

**احساس طفلة** · May 9th, 2008, 17:05

[align=center]عجبتني الفكرة بنفذها << ماصدقت على الله هههههههههههه
تقبلي مروري

مع خالص تحياتي/احســـــــــ طفلة ـــــــــــاس[/align]

**سعودية ولي الفخر** · May 9th, 2008, 22:21

[align=center]اختي المغتربة

اللهم آمين .... أسعدني مرورك[/align]

**سعودية ولي الفخر** · May 9th, 2008, 22:26

[align=center]احساس طفلة

انتبهي لا تكون وحدة طاقة من زوجها وتبي الفكة وتتوهقين

تسلمين على المرور[/align]

**احساس طفلة** · May 11th, 2008, 19:55

[QUOTE=سعودية ولي الفخر;3453][align=center]احساس طفلة
انتبهي لا تكون وحدة طاقة من زوجها وتبي الفكة وتتوهقين
تسلمين على المرور[/align][/QUOTE
[align=center]لا مو كذا فهمتي غلط للأسف <<الله لايقدر ههههههههههه أقصد بصير زي المديرة بجمع الفلوس وبطيييييير ههههههههه<<عاد لاتصدقي
مع خالص تحياتي/احســــــــ طفلة ـــــــــاس

[/align]

**سعودية ولي الفخر** · May 12th, 2008, 22:38

[align=center]احساس طفلة

أقول إذا سويتيها وجمعتي الفلوس لا تنسيني ,,, النص بالنص

مو أنا اللي أوحيت لك بالفكرة؟؟؟

تحياتي[/align]

**احساس طفلة** · May 13th, 2008, 18:32

المشاركة الأصلية كتبت بواسطة سعودية ولي الفخر

[align=center]حساس طفلة
أقول إذا سويتيها وجمعتي الفلوس لا تنسيني ,,, النص بالنص
مو أنا اللي أوحيت لك بالفكرة؟؟؟
تحياتي[/align]

[align=center]هههههههه أجل انتي داخلة على طمع بس خلاص ابشري هالمرة وبس.. أأعتبريها تعارف هههههههههههههه
مع خالص تحياتي/احســـــــــــــ طفلة ـــــــــــــــــــــاس

[/align]