سامري !!

**محمد بن سعد** · May 1st, 2008, 04:43

السامري ،، مشتقة من السًمًرً ،، تؤدى عادة في الليل، يسحر سلطانه ذوي القلوب المرهفة

فطرة وطبيعة جياشة تدفع قريحة الشعر يسكون الليل إلى ارتجال ترنم وغناء

معظم السامري في الغزل والحنين والشكوى

الشاعر ابن لعبون

ألا يابـارق يوضـي جنـاحـه = شمـال وابعـد الخـلان عنـي
علـى دار بشـرق البـراحـة = تمخلت مـا بهـا كـود الهبنـي
لكن بها عقـب ذيـك الشراحـة = الـى مريـت باسـم الله جنـي
يفـز القلـب فيهـا للصبـاحـة = الـى قامـت حمامتهـا تغـنـي
صفقت براحة من فـوق راحـة = يعود ان الحمامـة خيـر منـي
وانا ان كان لي بالنـوح راحـة = فانا ابنـوح دهـري مـا اونـي
وانـا مانيـب مثلـك بالوقاحـة = على الطاروق طـرب ومتهنـي
ولا روجعت فـن فـي براحـة = على نبنـوب غصـن مرجهـن
وقالـت جامـع كـل الشراحـة = ولاانت بسامع ذا الصوت منـي
ومثلـك يدعـي زايـد فصاحـه = وطريـح الغـي لازمتـه يـون
ابات الليل في رجـوا صباحـه = وادق من النـدم بالعـود سنـي
ولا ثوبي غدا يطـرخ شلاحـه = يـدق القـاع ردنـه ومتثـنـي
عليهم صار خـدي بـه قراحـه = من الفرقى وشفني ويـش كنـي

***

بالنعاثـل مرنـي طفـل يسيـر = ثم علـى درب المفيـرق شفنـاه
ثم قفـى ليـن خلانـي حسيـر = حسبه الله مايخـاف مـن الالـه
لبسه الماهـود وثيـاب الحريـر = والمبيسم بالدجا يوضـى سنـاه
لو يجي عباس باشا مـا يسيـر = والشريف حسين سير مـن وراه
سائلـك بالله يـا طيـر تطيـر = لين عرض الحيد وقع في جبـاه
وان مشى كنه يوطي له حصيـر = ومن الغوى يا طا على ردن العباة
كن يزوي القلب كالوب قصيـر = والتمنـي مـا نفـع لـو قلتنـاه

***
حمام يـا للـي علـى نبنـوب = فـى شيلـه الـفـن بيـطـاره
بالله عليـك انحـر الرعـبـوب = واسجـع بـفـن عـلـى داره
وان قال وش لك من المطلـوب = قـل لـه مـن الـولـف زواره
الـى تبسـم حسيـن الــذوب = حـص فلـق عـنـه مـحـاره
خده كمـا بـارق مـن صـوب = والا كـمـا فــرغ جـمـارة
والردف نابـي يشيـل الثـوب = ينسـف كمـا شــد طــواره

***

حـي المنـازل تحيـة عـيـن = لمصـافـح الـنـوم سهـرانـة
والا تحيـة غـريـق الـديـن = معـسـر و وافــاه ديـانــه
منـزل فريـد البهـا والـزيـن = عطبـول مكحـولـة اعيـانـه
ودي بنسيانهـا ومــن ايــن = سلـطـان قلـبـي وشيطـانـه
اتبع هواها من ايـن الـى ايـن = واحظـى بشوفـه ورضـوانـه
وابغضت الادنيـن والاقصيـن = واحببـت قومـه علـى شانـه
ما شفت برق سـرى مـا بيـن = ذيــك الحـواجـب بليـوانـه
ومجـدلات عـلـى المتنـيـن = سافـات خانـة علـى خـانـة
والبطـن والخصـر والنهديـن = والعنـق والعـيـن واوجـانـه
والـى دعـاك الولـع ياشـيـن = دعــوى الـمـدوة لظميـانـه
وين اشتكي مـا دهانـي ويـن = مـشـكـاي لله سـبـحـانـه
واقـول ياهـل الهـوى عزيـن = مـا قـال محـسـن لعثمـانـه

***

سقى غيث الحيا مـزن تهامـى = علـى قبـر بتلعـات الحجـاز
يعط بـه البختـري والخزامـى = وترتع فيـه طفـلات الجـوازي
صـلاة الله مـنـي والسـلامـا = علي مـن فيـه بالغفـران فـاز
عفيف الجيب مـاداس الملامـا = ولا وقف على طرق المخـازي
أبـو زرق علـى خـده علامـا = تحلاهـا كمـا نقـش بـغـازي
عليـه قلـوب عشاقـه ترامـا = تكسـر مثـل تكسيـر القـراز
الا يا ويل من جفنـه علـى مـا = مضى له عن لذيذ النوم جـازي
ومن قلبـه الـى هـب النعامـا = يجرونه علـى مثـل الخـزازي
مضى بوصالها خمسـة أعوامـا = وعشـر كنهـن حـزاة حـازي
بفقدي لـه ووجـدي والغرامـا = تعلمـت النياحـة والتـعـازي
عذولـي فـي هواهـا بالملامـا = يعزيني وانـا مـا انـا بعـازي
وكل البيض عقبه لـو تسامـى = فـلا والله تسـوى اليـوم غـاز
سلينـا لا حـلال ولا حـرامـا = عليهـن الطـلاق بـلا جـواز
وخـد هـل بـه بـدر التمامـا = وجعد فـوق منبـوز الاعجـاز
فـلا ابـي عقبهـا زاد ولا مـا = وماجزت من الغوى والغي جـاز

***

يا منازل مي في ذيـك الحـزوم = قبلة الفيحا وشـرق عـن سنـام
في سراب عن جوانبهـا يحـوم = طافحات مثل خبـز فـي يـدام
ما بكت فيها من الفرقـى غيـوم = من نظير العين الا عـن غـرام
من هموم في قلوب فـي جسـوم = في بيوت في ديـار فـي عـدام
دار مي يـوم مـي لـي تقـوم = قومة الماموم من خلـف الامـام
يوم مي تحسـب الدنيـا تـدوم = وان عجـات الصـبـا دوم دوام
في نعيـم تحسبـه لزمـا لـزوم = مثل منزلنا علـى ديـم الخـزام
يوم هي توريك خد بـه وشـوم = يفضح البراق في جنـح الظـلام
كنه القنديـل بالزيـت مخـدوم = شبتـه داياتهـا عنـد المـنـام
داعجات غانجـات لـو تـروم = كنهن في كنهـن بيـض النعـام
والهواوي من هواهـن محـروم = غير وصل لا حلال و لا حـرام
يا سنين لي مضت مثل الحلـوم = كنهن في دار ابـن عـوام عـام
عل غريم الشوق يشبع منك يوم = شبعة المسكيـن بايـام الصـرام
او تلميـن الشمـل لـم الهـدوم = يا ليالي السعـد عـودن بالتمـام
قالت اللي فـات ماهـو بمعلـوم = ردته لك وانت سالـم والسـلام

***

يا منازل مي عـن قبـة حسـن = من يسار وعن قبر طلحة يميـن
في ربـوع كـل مافيهـا حسـن = في ديـار كـل مافيهـا حسيـن
غربـن شموسهـا واغلنطسـن = موحشات ما يبـات بهـا اميـن
ساريات كنهـن الـى ارجسـن = بالمدامـع دافنـات بهـا جنيـن
ما دريـت ان العـذارى يلبسـن = ثوب دال خالطـه نـون وسيـن
دار مي يـوم مـي لـي تسـن = سنة العشاق عونـك يـا عويـن
دارهـا يـوم الازار مـورسـن = والخصر مشغول والسروال جين
ظبية القناص في صبـح ومسـا = درة الغـواص مشراهـا ثميـن
تسحب القيلات من فوق اطلسـن = الهـوى ميـال ورداهـا خنيـن
يوم حظي جالـس لـه مجلسـا = مهتني بوصال صافيـة الجبيـن
غنجة العينيـن والخـد الحسـن = والقوام ان قام عـود الياسميـن
كم عذلني في هواها مـن لسـن = حاسـد بالغـي حـلاق مهيـن
بادرنـي بالمـلامـة وجلـسـن = عند راسي كالخضاري له ونيـن
عاذلاتي فـي هواهـا ويخسـن = هالخبز ماهوب من ذاك العجيـن
اطلقت يمنـاي ملـوي الرسـن = وبعدت بوصالنا غبـر السنيـن
هبت ريـاح الحبايـب نسنسـن = في ربوع كان ماتذرى الطحيـن
ونشدنـي بالعنـا يـوم افلسـن = ربما لي او عسى لـي او قميـن
واحمد الله يـوم ردن واختسـن = والثـنـا لله رب العالـمـيـن

***

يا ذا الحمام اللي سجـع بلحـون = وشبـك علـى عينـي تبكيهـا
ذكرتني عصر مضـى وفنـون = قبلـك دروب الغـي ناسيـهـا
أهلـى يلومونـي ولا يــدرون = والنار تحـرق رجـل واطيهـا
لا تطري الفرقى على المحـزون = مـا أدانـى الفرقـى وطاريهـا
اربع بناجر فـى يـد المجمـول = تـوه ضحـي العيـد شاريـهـا
انا اشهد انـه كامـل ومزيـون = مثل البدر سنا الليل شارع فيهـا
يا من يياصرنـي أنـا مفتـون = روحي ترى فيهـا الـذي فيهـا
يا من يعاونـي علـى الغليـون = والدلـة الصـفـراء مراكيـهـا
سته بناجـر وأربعـه يزهـون = وأن أقبلـت فالنـور غاشيـهـا
أبو هيـا طـرب يشيـل فنـون = مـا ثمـن الدنـيـا وطاريـهـا

***

يا علي صحت بالصوت الرفيـع = يـا مـرة لا تذبـيـن القـنـاع
يا علي عندكـم صفـرا صنيـع = سنهـا ياعلـى وقـم الـربـاع
نشتـري ياعلـى كأنـك تبيـع = بالعمـر ميـر ماظنـي تـبـاع
شاقنـي ياعلـي قمـرا وربيـع = يوم أنا آمر و كل امري مطـاع
يوم أهلنـا وأهـل مـي جميـع = نازليـن علـى جـال الرفـاع
ضحكتى بينهـم وأنـا رضيـع = ما سوت بكيتـي يـوم الـوداع
هم بروني وأنـا عـودي رفيـع = ياعلي مثـل مـا يبـرا اليـراع
طوعوني وأنا ما كنـت اطيـع = وغلبونـي وأنـا ظفـر شجـاع
وجد عيني علـى ظبـي تليـع = عندكم كـن فـى خـده شمـاع
شيبتنـي وأنـا تـوّي رضيـع = جاهل توّ فـي سـن الرضـاع
سايمين الهـوى يـا مـن يبيـع = سايميـن الهـو لاهـل الرفـاع
وانت يا لايمي جعلـك تضيـع = ما تمـاري بهـا مثـل الشعـاع
ودي اسـلاه والكـون الفنـيـع = سلوتـي ياعلـي مـا تستطـاع
دون مي الظبـي وام الوضيـع = والثعالـب وتـر بيـع الشـراع
ورأس ريع دخل فى بطن ريـع = مستطيـل ووديــان وســاع

**نجم سهيل** · May 1st, 2008, 06:42

السلام عليكم ورحمة الله وبركاته
ياجعلك سالم يابو سعد ومشكور مشكور
على مساهماتك الرفيعة والمتنوعه

**المنتقد** · May 1st, 2008, 14:39

بسم الله الرحمن الرحيم
السلام عليكم ورحمة الله وبركاته
هلابك والله يادكتور/محمد
واسمح لى الله يعطيك العافيه اضيف نبذه بسيطه عن هذا الشاعر ارجو ان تنال اعجاب الجميع:

محمد بن حمد بن لعبون المدلجى قيل انه الوائلى نسبة إلى وائل جد قبيلة عنزة القبيلة العربية الأصيلةوقيل دوسرى من الهدار القريبه من الافلاج فى وادى الدواسر وقيل انه من الذين تركو الافلاج للغاط شمال نجد. والده حمد بن لعبون من أدباء نجد وقد ولي بيت مال سدير في وقت من الأوقات

ولد شاعرنا في نجد في قرية حرمه وقيل في بلدة التويم حوالي سنة 1200 هجري وقيل 1205هجرىوتوفى بالكويت سنة 1247 هجري بعد أن أصيب بالطاعون
استفاد شاعرنا في سنين حياته الأولى من اطلاع وثقافة والده فقد كان ملماً بالأدب العربي وكانت اطلاعاته تلك تشكل الخلفية الأساسية في شاعرية ابن لعبون
هاجر شاعرنا إلى(الزبير) - في العراق - وكان يقطنها مجموعة من العوائل النجدية ويتولون الرئاسة فيها وكان الأدب فيها في أوج عظمته وهناك برز ابن لعبون كشاعر علم فى الشعر النبطي.
أسلوبه الشعري فريد من نوعه فهو مزيج من لهجة أهل نجد وأهل الخليج وبه لمحات من اللهجة العراقية مستفيداً بذلك من كثر تنقلاته فأصبح شعره مفهوماً محبوباً من الجميع كقوله:

وهـذي صفحـة القرطـاس عنـدي=ودني لى دواتى ياسلامه

أبـا أكتـب لـه كـلامٍ بـه سـلام=على بعد التنايف والمهامه

وقد كان ابن لعبون كما أسفلنا ضليعاً بالأدب العربي من خلال والده ومنه اقتبس صوراً بلاغية أعاد صياغتها نبطياً وكذلك استفاد من أساليب المعالجة الأدبية عند كبار شعراء العربية حيث الرقي الأدبي في معالجة الفكرة وقد استخدم هذه الأساليب في طريقة معالجته هو لأفكار قصائده فامتاز أسلوبه الشعري بها وارتفعت مكانته بين الشعراء ونلاحظ تأثره بالأدب العربي واضحاً كقوله

ضحكتـي من بينـهم وأنـا رضيـع= ماتساوى عبرتى يوم الوداع

وهذا يطابق قول المعري

حزنـا في ساعـة المـوت أضعـاف= سرور فى ساعة الميلاد

ارجو ان اكون اضفت مايفيد مع اجمل تحيه واحترام لاخى الدكتور محمد .والسلام عليكم

**محمد بن سعد** · May 2nd, 2008, 02:40

المنتقد - أرجو قبول هذه البيتين

كل شيء غير ربك والعمل = لو تزخرف لك مرده للزوال
ما يدوم العز عز الله وجل = في عدال ما بدا فيه امتيال
السلام عليكم ورحمة الله وبركاته

كفّيتو ووفيتو وجمل الله حالكم

***

لم أعلم باهتمامكم بقصة كل قصيدة
فأرجو قبول اعتذاري

***

فهمت من بعض قراءاتي بأن
ابن مويم وابن لعبون من وداعين آل زايد
واليوم ،، أزيدكم عمّا سبق قليلاً – مشكورين

***

يقولون: بن لعبون
أمير شعراء الشعر النبطي
هو: محمد بن حمد بن محمد بن لعبون
المـولد: حرمة، سدير، عام 1205هـ
نشـأته: نشاء في حجر والده الأديب والمؤرخ متذوقاً علومه، وتنتقل معه ومع عمه من حرمة إلى ثادق بالمحمل حتى تجاوز السابعة عشر، فاستقر بالزبير 22 عاماً، وعاش آخر عامين من حياته بالكويت، تولع بالشعر والأدب منذ صغره. تولع بالأدب الشعبي، ونبغ في الشعر النبطي وأبدع فيه، مركزاً على الهوى في شبابه. يتدفق شعره بمعاني الرقة والعذوبة، وأبدع في الغزل فأمتع سامعيه. ادخل على السامري أدوارا وأنغاما جديدة سميت باللعبونيات، مما جعله أمير شعراء الشعر النبطي.

وفاتــة: توفي في الكويت سنة 1247 هـ بالطاعون الذي شمل العراق، وليس له أبناء يرحمه الله

يُقال: في يوم خروجه من ثادق اشّرت عليه امرأه وقالت: هذا ابو قذيله اللي يقصد، فارتجل:

أبو قذيـــلة ما وقف عند بابك = ولا هوب فصّخ واحد من ثيابك
انتي حصـاة الدرب كلن وطابك = حتى الأجانب جـو يدلون بابك

قيل عن وفائه لمحبوبة له: ظل وفيا لها، والتي اختار لها اسما مستعار (مي) وأستمر يردد هذا الاسم أملاً بها، وصارت حليلة لأحد مشايخ المنتفق، خطبها ابن لعبون بعد وفاته فرفضه أهلها، وزوجوها لأحد لعربي متغلب في ديلم في إيران. عندها، يئس ابن لعبون منها فبث ما بصدره في قصيدة عاطفية اختلطت أبيات اللوعة فيها بأبيات الهجاء ضد أهبها وضد زوجها ودعاءه بأن تدك النيازك ديلم، مختتِما قصيدته بالإفصاح عن اسمها حيث يقول:

والله لولا الحيا واللوم = لاصيح واقول يا هيله

ابن لعبون والزبير: جاء إليها في 1222هـ وخرج منها عام 1243هـ كان هجائه للزبير من تأزمات نفسيه مرت عليه وهو في فيها على ثلاث مراحل: ضيق الحال، وزواج (مي) الثاني، وعداوة ابن زهير له فطره.

الأولى: بداية سكنه فيها عام 1222هـ حتى تعلق بمي، وإنتظام أجوائه الجمالية عام 1228هـ، كانت فترة مغمور لم ينصهر فيا اجتماعيا، وبقاء علاقته بأبناء عمومه كونه معدماً وصغيراً لم تبدو مواهبه، حيث يقول:

البارحة بالدار صارت ضغاين = بيني وبين الدار ومكالمن شين

الثانية: منذ عام 1239هـ (17 عام من اقامته بالزبير). حيث زواج مي من الديلمي ورفض أهلها زواجها منه، وإحساسه بجفاء الكبار له من أهل الجاه والتعصب الديني لكثرة لهوه، أحس بأنهم يغيبونه في المجالس، فجاشت قريحته بقصيدة مطلعها:

لو با تمنى قلت يا ليت من غاب = عمّا جرى باللوح واللي كتب به

إلى قوله:

رجالهم ما يسفه إلا إليا شاب = مثل القرع يفسد إليا كثر لبّه
صدوقهم عندي خنوبن وكذاب = والبحر مثل الليل ما ينشرب به
ضراغمن عند الخوندات واطواب = واليا طلع للدو تلقاه دبّه
إلى ان وصل:

أهل العمايم والنمايم والأصحاب = مِد الحبل في ذمّهم واحتطب به
بعدها توجع من رحيل مي إلى الشرق = خف القطين وحين قوضن الأحباب
هبت لنا من نسمة الشرق هبه = حامل هواها القلب في ليل الاتعاب
حمل ثقيل ما ادري وين ابى اذبه = لو صار في قبرن ومستور بتراب

كان ألحقه يا بن حمد واصطحب به ... ... ...

الثالثه: قصة طرده من الزبير ظاهرها اللهو، وباطنها عداء ابن زهير له، حيث صب ابن لعبون غضبه على ابن زهير، ووشاية المجتمع المحافظ من اهل الزبير به، فقال قصيدته الدالية مخاطباً بها ابن ربيعه:

ذا حس طار او ضميرك خفوقه = يدق به من نازح الفكر دقاق
الحي هو حيّك وطابت وفوقه = والدار هي دارك وهذيك الاسواق
ياعبيد خل اللي تشكل بسوقه = شيخ وهو عبد يذكّر بالاعماق

فالمقصود بها هو ابن زهير،
ثم صعق ابن زهير بوصفه له:

العبد عبد هافيات عموقه = ان جاع باق عمومته وان شبع ماق
والحر حر ينهضنه سبوقه = والبوم يلعي في الخرابات خفاق
قم لا رعاك الله وقرب سبوقه = ثم ارفعه عن دار غاقه وغرناق

شمل هجاءه الزبير وسكانها:

بع بالهجر وصال حي تشوقه = دار عساها للزرايا بتيفاق
دار الشنا للي بها والمعوقه = ما تنبغي لو هي على سبع الاطباق
دار بها الوالد كثير عقوقه = واللي يعقونه مصلين الاشراق
تلقى بها هذا على ذا يسوقه = الله يعزك والخوندات بسحاق
راعي الوفا منهم عميله يبوقه = وتلقاه حلاف مهين وملاق

***

ومن روائع شعره العجيب
قصيدة لا تحتوي على نقاط

احمد المحمود ما دمع همل = أو عدد ما حال وادٍ هم سال
أو عدد ما ورْد ورّاد الدحلأ = ورمى دلوه وما صدّر ومال
أو حدا حاد لسلمى أو رحل = سار هاك الدار أو داس المحال
أحمده دوم على حلو العمل = سامع الدعوى ومعط للسوال
ما على راك لعا و اعلى ومال = حاول الطاعه على ما صار حال
ما حلا لولا صدور له وهل = لو ورد ما عدها الما له أطال
ما رد حاله على حال الوحل = رطالما حسّه لروحه لا محال
راد رود للمها سمه سحل = عاد صل لسّعه سل وآل
ما دعى مارود دمعه لو هطل = لا ولا مسراه عاد للهمال
ما ورا ما هو عصى وال المهل = مالك العالم وعلام الأحوال
ماسك صارم هلاكه والكسل = ماسك لعراه معدوم العدال
عادم علم الهدى ماله وهل = الدهر دوم على طول الآمال
ما وراهم كود هدم الامل = للملا حارس وللارواح سال
لو عطاه أو مهله ماله مهل = هل على طول الدهر عمر اطال

قصيدة ابن جلق

ما طرق فوق الورق يا بن جلق = زور كف فوق كف ما يليق
كلما هب الهوى له واصطفق = حمله بفراقهم ما لا يطيق
حته المضنون به حت الورق = من شفا روحه عليهم في مضيق
تنتحي رايات حربه وانخنق = مع نظير العين في طق وطقيق
ادعته غمس الليالي مطرق = للعدو وان مر في ثوب الصديق
لو رموها بالحرق عقب الغرق = ما سلت يا ابن جلق عن ذا الطريق
فيه مصروف الغواني لو مرق = رايح يطّاف بالبيت العتيق
طاير عاقه مقادير التفق = بالهوى واليوم يا نعم الرفيق
اسأل الأطلال عن سود الحدق = حيث علمك بالطلل علم وثيق
ما عليك إن خلت براق برق = من ثنايا دار أهل وادي العقيق
قانيات العاسهن مثل الدنق = زرقة واجياد تلعات عنيق
محصنات ما علقهن الدبق = ما كشف غراتهن كود الابريق
لفتة العزلان وبطون السلق = والمعارف من خوافي ريش هيق
شايلات مثل شيشات العرق = ناعمات والخمر خمر عتيق
خيلهن تشربك يا حلو المرق = جيشهن ياكلك بالخبز الرقيق
كنهن ياطن على اطباق الزلق = إن علاه الطل أو نوض الطريق
ميسرات بالتماني والجوق = كنهن للي برجواهن شفيق
دوحة البرهام وظلال الغوق = من قعد في ظلهن ما فك ريق
راكبات في طبق عالي طبق = من زعانيف الهوى قلبي خفيق
رحت الومه في هواهن وانطلق = مدمع له سال من بحر عميق
ضارباته في عصاهن وانفلق = كل فرق ظل كالطود العتيق
اترعن كاس الهوى لي واندفق = كاس عذري الهوى راعي الحريق
غرد الحادي بصوته بالبلق = ينهم الاضعان عجلات اللحيق
يا رحي يُلهى لها كف الفلق = دارها الافلاك والدنيا دقيق
ناشت العربان والشمل افترق = في فريق حال من دونه فريق
شتت الخلان وادعتهم طقق = ركبة الماشوم لحصان سبيق
سيف غارات الليالي و؟!؟ق = مغفر السلطان وخوٍ له شقيق

قصة قصيدة يجهاها الكثير:
امرأة كانت ترقص في حفل خاص،
رفعت حجابها له عندما لحظته،
فجأة رأي ابن لعبون أخاها مقبلاً،
فأراد أن يلفت انتباهها لإعادة حجابها،

فقال:

يا علي صحت بالصوت الرفيع = يا مره لا تذبين القناع
يا علي عندكم صفراً صنيع = سنها يا علي وقم الرباع
نشتري يا علي كان انك تبيع = بالعمر مير ما ظني تباع
شاقني يا علي قمرا وربيع = يوم أنا آمر وكل أمري مطاع
يوم أهلنا وأهل مي ٍ جميع = نازلين ٍ على جال الرفاع
ضحكتي بينهم و أنا رضيع = ما سوت دمعتي يوم الوداع
هم بروني وأنا عودي رفيع = يا علي مثل ما تبرى اليراع
طوعوني وأنا ماكنت اطيع = و غلبوني وانا قرم ٍ شجاع
دون مي الظبي و ام الوضيع = و الثعالب و تربيع الشراع
راس ريع ٍ دخل في راس ريع = مستطيل ٍ و وديان ٍ وساع

من مرثياته في محبوبته
التي ظل وفياً لها طيلة حياته،
علِم بوفاتها وهي في طريقها للحج،
رثاها برائعة ولم يرثي بعدها أحداً

سقى صوب الحيا مزن تهامى = على قبر بتلعات الحجاز
يعط بها البختري والخزامى = وترتع فيه طفلات الجوازي
وغنى راعبيات الحماما = على ذيك المشاريف النوازي
صلاة الله مني والسلاما = على من فيه بالغفران فاز
عفيف الجيب ما داس الملاما = ولا وقف على طرق المخازي
عذولي به عنود ما يراما = ثقيل من ثفيلات المراز
أبو زرق على خده علاما = تحلاها كما نقش بغازي
عليه قلوب عشاقه ترامى = تكسر مثل تكسير القزاز
الا يا ويل من جفنه على ما = مضى له من لذيذ النوم قازي
تكدر ما صفا يا ما وياما = صفا لي من تدانيها المجازي
ومن قلبه إلى هب الولاما = يجرونه على مثل الخراز
ليالي مشربي صفو المداما = وثوب الغي منقوش اللطراز
مضى بوصلها خمسة عواما = وعشر كنهن حزاة حاازي
بفقدي له ووجدي والغراما = تعلمت النياحة والتعازي
وصرت بوحشة من ريم راما = ومن فرقاه مثل الخاز بازي
عذولي في هواها بالملاما = يعزيني وانا ما نيب عازي
وكل البيض عقبه لو تساما = فلا والله تسوى اليوم غازي
سلينا لا حلال ولا حراما = عليهن الطلاق بلا جوازي
حياة الشوق فيها والهياما = وجعد فوق منبوز العجازي

قصيدة توبته عند قرب منية:

كل شيء غير ربك والعمل = لو تزخرف لك مرده للزوال
ما يدوم العز عز الله وجل = في عدال ما بدا فيه امتيال
والذي ينقاد بزمام الأمل = لا تغبطه في زغتري لهبال
استغفر الله عن كثر الزلل = واستعين اعنايته في كل حال
زاح دهرك يا محمد بالغزل = والغزال اللي تهزا بالغزال
والخدود اللي كما وصف السجال = نكستك بالسقم نكس الهلال
والجبين اللي بروقه تشتعل = مع جعود كنها داج الليال
والنهود اللي غذتك بالمهل = والمرض منها ومن قبل الحمال
رنة الخلخال تحدث لك وجل = مع كمالك ما استحيت امن الرجال
واهل ذاك البيت من هذا النزل = داستك خفراتهم دوس النعال
كم طرقت لبابهم عجل خجل = للطوافة وانت ما تبغي السؤال
ما طرق فوق الورق أو من أجل = قال من لولا الهوا ما كان قال
عن سفاهك في هواهم لا تسأل = يا محمد ما بقى فيك احتمال
عاشروك فليت من يلقى بدل = عشرته وياك يا بيس البدال
توبة لله عن ذيك النجل = والردوف اللي كما نفد الرمال
والشفايا اللي كما ذوب العسل = من جنى جناتها السلسال سال
عاطلات الريم وادمي الرمل = مع نباته ظلهم عندي ظلال
توبة المغتر حاط به الأجل = بالعجل يا أيها الراجى محال
بادره مادام لك فيها مهل = فالمنايا رايحات بك عجال
واسأل اللي يستجيب لمن سأل = هو يجيبه محتفى بك حيث قال
واسأله باسرار ما جاب الرسل = واسمه المخزون في علمه تعال
والملائكة الكرام أهل المحل = وأولياه الموصلين به الحبال
يسمح اللي فات في وقت الجهل = واسع الغفران وان ضاق المجال
غافر الزلات حي لم يزل = لو ذنوبك راجحات بالجبال
العفو والصفح هو للصفح اهل = والكرم والجود جوده والنوال
ياهل التقوى ويا ضافي الفضل = طلبةٍ لي من عطاياك الجزال
من روايح رحمتك عل ونهل = لهل حسن الظن بك يا ذا الجلال
والسموحه منك يوم لم تزل = جملة الأجسام في قبري يهال
فإن ذا الدنيا كما ضرب المثل = والحياة ابها كما طيف الخيال
والعزيز ابها يذل وينخذل = ويبتلي فيها وما فيها وبال
كم رأينا من نعيم واضمحل = مع حبيب نازل فيها وشال
يا عديم الرأي لو هي بالعقل = ما سوت عندك على بختك عقال

**نجم سهيل** · May 2nd, 2008, 05:50

تم تثبيت الموضوع

**المنتقد** · May 2nd, 2008, 13:13

أرجو قبول هذه البيتين

كل شيء غير ربك والعمل = لو تزخرف لك مرده للزوال
ما يدوم العز عز الله وجل = في عدال ما بدا فيه امتيال

السلام عليكم ورحمة الله وبركاته
كفّيتو ووفيتو وجمل الله حالكم

***

لم أعلم باهتمامكم بقصة كل قصيدة
فأرجو قبول اعتذاري

***

السلام عليكم ورحمة الله وبركاته
هلا بخوى الغالى د/محمد
اضافه اجمل من جميله وما قصرت ولاهو شرط كل قصيده بقصه لاكن اذا حصلت القصه

مع القصيده كانت امتع واكثر تشويق للمطلع وبعض القصائد لانعرف قصصها ولم نقراء عنها ولاكن قد نسمع عنها عدة اقوال غير منطقيه وغير موثقه فلا ننقلها لاكن القصيده جيده ولها معانى جزله فننقلها ونترك القصه .بارك الله فيك ولك منى كل تقدير
واحترام .والسلام عليكم

**محمد بن سعد** · May 2nd, 2008, 16:41

لعبونيات أدخلت على السامري أدوارا وأنغاما جديدة

أثرت على الشعر النبطي وشعراءه

ومن أهم شعراء العصر الحديث فيما خص السامريات

هو

محمد بن احمد السديري، يرحمه الله
وأهم قصائد لعبونيات السديري
تغمده الله برحمته

***

حياتي كلها صبر وجلاده = وغيري عايشٍ عيشة سعادة
انا اللي عاشق بالغي مغرم = غريقٍ في هوا راع القلادة
بعيدٍ عنه بديار ٍبعيده = ولحد جاب لي منه الإفادة
يجيبنه حلوم الليل عندي = وحط الخد للغالي وسادة
واليا مني صحيت وقمت أراعي = ولين الليل يفجعني سوادة
تصور لي عزيز ما نسيته = حبيب ما سلى قلبي وداده
عذولي لا تلمني بالموده = لا جريح هائم في حب غاده
تهل الدمع عيني من عناها = وسفك الدمع للعشاق عاده
نشدت أهل الموده وأرشدوني = يقولون الهوا صعب جهاده
أقوله مصخرٍ من روح روحي = حياتي كلها صبر وجلاده

***

ومن أهم قصائده (الرفيق الموالي) بالطبعة الأولى
من ديوان الملحمة الزايدية
للشاعر محمد الأحمد السديري
فمن هو محمد بن أحمد السديري ؟

***

شجون تستحِق أن تُكتب، تميز بشاعريته، حقق الجمال في الشعر
الاسم: محمد بن احمد بن محمد بن تركي بن سليمان السديري
المولد: سنة 1340، ليلى بالأفلاج، وكان والده أميرها

النشأة: من بدارين آل زايد، انتقل مع والده إلى الغاط، ودرس الابتدائية على يد الشيخ عبد المحسن المنيع، وشغف عُرِف بسرعة العدو ملاحقة الإبل والإمساك بها، في بداية حياته بركوب الخيل والهجن وبالقنص واقتناء الطيور النادرة كهواية.

سيرته: اختاره الملك عبد العزيز سنة 1357 أميرا على الجوف بينما كان في السابعة عشرة من عمره (تغمدهما الله برحمته)، فقام بتصفية قطاع الطرق وإرساء الأمن على الحدود الشمالية وكذلك الشمالية الشرقية، وفي 1363 انتقل إلى منطقة جازان وتولى إمارتها، بعد سقوط إمام اليمن يحيى بن احمد، فسيطر السديري على ثورة ومشاكل حدود المنطقة، فعينه الملك عام 1368 قائد للفدائيين السعوديين في فلسطين ثم اختاره محافظا على خطوط الأنابيب حيث أتخذ مدينة عرعر مركزا لقيادته، وخوله الملك عبد العزيز بكامل التصرف فأسس ثلاث مدن: (عرعر) و(القيصومة) و(طريف) لم تكن حتى هِجر آنذاك، مِمّا ساعد على بداية توطين حركة ونشاط البادية, بعد وفاة الملك عبد العزيز أعاده الملك سعود إلى جازان، وحتى بعد اعتزال تولى قيادة الجيش بالمنطقة الجنوبية لمدة ثماني سنوات حتى نهاية حرب اليمن، وقضى بقية حياته متنقلا بين الطائف ومزرعة له في بريده القصيم، وتوفي عام 1398 بالرياض

ودفن بالقصيم يرحمه الله وأسكنه فسيح جناته.

***
ومن أهم قصائد ديوانه

يقول من عدا على راس عالي = رجم طويل يدهله كل قرناس
في راس مرجوم عسير المنالي = تلعب به الارياح مع كل نسناس
في مهمة قفر من الناس خالي = يشتاق له من حس بالقلب هوجاس
قعدت في راسه وحيد لحالي = براس الطويل ملابقه تقل حراس
متذكر في مرقبي وش غدالي = وضعقت بالكفين ياس على ياس
اخذت اعد ايامها والليالي = دنيا تقلب ما عرفنا لها قياس
كم فرقت ما بين غالي وغالي = لو شفت منها ربح ترجع للافلاس
يقطعك دنيا ما لها اول وتالي = لو أضحكت للغبن تقرع بالاجراس
المستريح اللي من العقل خالي = ما هو بلجات الهواجيس عطاس
ماهوب مثلي مشكلاته جلالي = أزريت أسجلهن بحبر وقرطاس
حملي ثقيل وشايلة باحتمالي = واصبر على مر الليالي والاتعاس
وارسي كما ترسي رواس الجبالي = ولا يشتكي ضلع عليه القدم داس
يا بجاد شب النار وادن الدلالي = وأحمس لنا يا بجاد ما يقعد الراس
ودقه بنجر يا ظريف العيالي = يجذب لنا ربع على اكوار جلاس
وزله إلى منه رقد كل سالي = وخله يفوح وقنن الهيل بقياس
وصبه ومده يا كريم السبالي = يبعد همومي يوم أشمه بالانفاس
فنجال يغدي ما تصور ببالي = وروابع تضرب بها أخماس وأسداس
لا خاب ظني بالرفيق الموالي = مالي مشاريه على نايد الناس
لعل قصر ما يجيله ظلالي = ينهد من عال مبانيه للساس
لا صار ما هو مدهل للرجالي = وملجا لمن هو يشكي الضيم والباس
بحسناك يا منشي حقوق الخيالي = يا خالق أجناس ويا مغني أجناس
تجعل مقره دارس العهد بالي = صحصاح دوِّ دارس ما به أوناس
البوم في تالي هدامه يلالي = جزاك يا قصر الخنا وكر الادناس
متى تربع دارنا والمغالي = وتخضر فياض عقب ما هيب يباس
نشوف فيها الديدحان متوالي = مثل الرعاف بخصر مدقوق الألعاس
ونثير على البيدا سوات الزوالي = يشرق حماره شرقة الصبغ بالكاس
وتكبر دفوف معبسات الشمارلي = ويبني عليهن الشحم مثل الاطعاس

قصيدة أخرى

أنا من نجد يكفيني هواها = ويبري لوعتي شربي لماها
وشوفي من نبيه ومن نوده = غزال تابع قلبي هواها
غزال ضيعت عقلي وروحي = رمت قلبي وقلبي ما رماها
لها بالروح وفوادي موده = ولاشيء من أحوالي خفاها
تعرف اني لها مملوك طايع = أبيع الروح في دورة رضاها
وأهيم بحبها واخفي جروحي = وقلبي ما عشق زول سواها
توقد حبها بأقصى فوادي = ونار الحب يحرقني لظاها
ملكني بالهوى عذب السجايا = ولا اذكر ساعة قلبي نساها
نحيل الخصر وضاح الثنايا = نظيم الدر منظوم بفاها
فجعني بالهوى ورقة حمامه = إلى غنت يذكرني غناها
يذكرني وليف غاب عني = وعيني منه جاها ما كفاها
ورا دنياي عقبه لوعتني = من الفرقا تكدر لي صفاها

***

لا لا

قالوا علامك باكيٍ قلت مطعون = شوفوا نزيف الدم مني تلالا
قالوا من اللي صوبك قلت عافون = قالوا عدوك قلت يا ناس لا لا
هذا الحبيب اللي له القلب مرهون = هذا حياة الروح بدر الكمالا
ياعاذلين القلب لا لا تعذلون = وحياة ربٍ فوق عرشه تعالا
إني فلا انسى واحدٍ فيه مفتون = بيني وبينه نازح البعد حالا
فتان صاب الفاب كونٍ بأثر كون = مملوح اخذ كل البها والجمالا
كنه إلى حرك قوامه على الهون = غصنٍ إلى هب الهوى فيه مالا
قلبي لقلبه لو تنحيت مرهون = غيره حرام ونور عيني حلالا

***

يا زين قلبي راح مني يباريك = واصبح مقره بين الاضلاع خالي
بالحلم يا سيد العذارى يناجيك = وبالعلم له وسط الضمير اجتوالي
طابت لي اذكارك وطابت مواريك = وطابت عمامك يوم طاب الخوالي
ارضيتني وبعالم الحب ابرضيك = انت الحبيب اللي بديت وبدالي
لعل رب صورك لي يخليك = تشفي فوادي ما بقن الليالي
انا على خافي ضميرك موليك = في منزل ما يسكنه كود غالي
عينك تراعيني وعيني تراعيك = اشفق من الصايم لشوف الهلالي
نصبح مصابيحك ونمسي مماسيك = وانا ورا ضنك بعيد المدالي
انا لي ضاعت جهود الشبابيك = ارسي على صيد الوحش باحتيالي

***

كِتبت بلوحك ولوحي

***

يا شبة وضحه زينوا فوق هاديك = قل لي هلا وآقول صبحك بالخير
وقل مرحبا واقول يا روح روحي = يا بو ثمانٍ بالمبيسم مغاتير
أغليك وانت اللي تسبب جروحي = جاوبت من فرقاك خلجٍ على ضير
وناديت بإسمك والمخاليق توحي = حيثك هواي من البنيّ الغنادير
وليا عذلني واحدٍ قلت ما اوحي = أغليك ما طاوعت عذّال ومشير
وحياة من مشّى السفينة بنوحي = قلبي على لاماك يكفخ كما الطير
ما عادلت روعات قلبي فروخي = ورجلي تزيد المشي يمك بتصخير
ولا تعدت يم غيرك شبوحي = وهموم قلبي منك ورد ومصادير
اكّن عبراتي ودمعي يفوحي = وش جابني لولا إن هذي مقادير

**محمد بن سعد** · May 2nd, 2008, 17:03

الشاعر محمد بن أحمد السديري

إن من أطول قصائده كانت في الحكمة
وهذه القصيدة مقارنة الأجاود بالأنذال

(نصح وتحذير)

عفا الله عن قلب يزيد عناه = وداعي غرامه للغرام دعاه
ما طاع عذالٍ يعذله من الملا = وان سمع عذاله يزيد عناه
إلى توسع خاطره ربع ساعه = على الضيق داكوك الهموم نحاه
قلب براه مجادل الضيم والعنا = الضيم من بين الضلوع براه
دع القلب يا عذال خله بغايته = هواك ما يتبع طريق هواه
دع القلب يا اميالطنا = يزيد يا عاذل عليه شقاه
كونه الأيام لين أوجعنه = وعزى لمن حر الزمان كواه
يكويه من هجر النياح اميالطنا = يضيق به مما دهاه حشاه
يحن حنات الخلوج لجنينها = والخلج مفهوم تحن ظناه
ما حزنها حزنه ولا ربع ما به = وحياة من نشا السحاب بماه
على جادلٍ ما شافت العين مثلها = احيا بذكري من هو يتلقاه
عشيري شرابي من مناظيم مبسمه = يجلا عن القلب الدريك ظماه
اداريه عن شىء يحسه ويغضبه = وإلى زعل يصعب على أرضاه
ان دك بي من حامى البين هاجس = وجرعت من حر الغرام طناه
تذكرت من طلابة الجود نادر = رفيع الذرا عسر الدروب مشاه
مشى بدرب المجد والنفس تدفعه = الى شامخ عسر الدروب سناه
خالد سنام الطيلات بن فيصل = حجا من لجابه والزمان وطاه
ابشكي على فرز الوغى جاير الهو = شطون الشفاوي والشفاوي تاه
قد تاه ببحور الغرام المظلمه = دليل الخطا عن من يريد نحاه
نحاه عن حي يوده من الملا = وما فات من يومٍ يزيد غلاه
غلاه في قلبي تجدد علايمه = وتكتب على القلب الدريك اسماه
اسماه وأن عرضت مع الناس صفقت = محاني فوادى والحبيب رماه
رماه بسهوم المحاجر وجندله = قليل الفزع ظلم الحبيب دهاه
دهاه بالفرقا وقلبي له انتما = يتله ومن بين الظلوع لواه
لواه يوم انه على الحب يلتوي = ومن دينه دين الجميل اوفاه
اوفيه بالروح العزيزه ولو غلت = روح تبي روح تحب جزاه
اجزاه لو انه رماني وجادني = يمحا خطا الغالي عظيم إرضاه
إرضاه يبهج خاطري عقب ضيقته = ويرتاح قلب بالفؤاد فراه
فراه في وسط المحاني وعذبه = وان عذبه سهل عليه أدواه
دواه عنده سبايب مصايبه = واشفاه من كوثر نظيم شفاه
ارجيه لو دونه من الناس حاسد = رجاي بالله ما قطعت رجاه
ارجيه لو دونه جموع تصدني = وحبل الرجا يضفي على رشاه
وقد قيل للعراف في ماضي مضى = هذا لهذا من هذاك رواه
يمنى بلا يسرى قليلٍ حصيلها = ورجلٍ بلا ربع يخاف اعداه
ما هبلك يا باغي من النذل فزعه = رجواك من عند الجبان سفاه
رفيق الرخا ينسى مودة رفيقه = ليا ضاق به شين الزمان نحاه
عوين الدهر ما يامن الجار جانبه = وليا عرض للشامتين شناه
على داره السودا تبني خيامها = عوين الدهر شين السواد غشاه
خذ يا لبيب القلب مني وصيه = حميدان في ماضي الزمان لقاه
إختر من الخلان حي توده = تسبق على فعل الجميل يداه
دليل على العليا بعيد من الخطا = الطيب في دنيا الحياة مناه
ما جال في قلبه من الخوف جايل = وان كاد مرقا الطيلات رقاه
ولا ضعف النفس العزيزه الجارته = ولا هروولت للمحصنات إخطاه
يفرح به العاني ليا حده القصا = وللضيف معسول الكلام نباه
وان جاك من يمة معاديك ريبه = من قبل ما تاطا عليه وطاه
صديقك صديق له وضدك يضده = وعلى روس عدوانك تدير رحاه
هذاك حطه لك رفيق موالى = عونك ليا زاد الزمان بلاه
ما يفصل القالات إلا رجالها = ولا كل من شيد بناه حماه
ولا كل من ركب الجواد عدابها = على حامي الهيجا وحر لظاه
ولا كل من نوى لدار رحل لها = يموت ما لحق هواه إمناه
ولا كل من رام المراجل ينولها = يا عسر مقضبها على يمناه
ولا كل من ركب المطايا غزابها = ولا كل من رام الغريم قواه
ولا كل من يبرم عهود وفا بها = يطغى على فعل الجميل رداه
ولا كل من ودع لسر يصونه = وكم واحدٍ سر الصديق أبداه
ولا كل من حصل حلالٍ صخابه = يبين بالوقت الشديد صخاه
ولا كل من جالس هل العلم عالم = وكم عالمٍ ضر العبادخطاه
ولا كل من ناله جميلٍ يرده = ولا كل من شاف الحريب نصاه
ولا كل من سل السنان صطا به = يموت وسنانه جضيع إخباه
يا ناشدٍ عني وانا لي قبيله = لها المجد زايد بالرفاع بناه
وكمل مقام المجد عامر وشيده = طريق المعالي للدخيل مشاه
كونٍ جرى على واضح النقا = الاشراف جضت من عظيم بلاه
مزنٍ تزبر فوق سلى صواعقه = تشظّف من خشوم الجبال حصاه
نشا من ثنايا برك ترعد مخايله = من الشرق غيظ بالصدور حداه
غيظ مخيف يطحن الغيظ والغضب = وما طال من روس الخشوم طماه
امطر على الأشراف وانهل وبله = عليهم تنثر بالغزير طماه
قوز الشريف اكبر علايم دلايله = سيله تدفق هد كل انياه
سيله عجاج الخيل والبيض والقنا = وروس النشاما بالحزوم إغشاه
تشهد على ما قلت هالعامريه = جضت أسبيع من عويل ابكاه
تبكي على فتخان الإيمان غلمه = تعشوهم اللي بالحروب اعصاه
والضبعة العرجا تعشا بدربهم = وكم ضيفوا ذيب يجر إعواه
والطير يلقى البر من ضرب شلفهم = مضاريبهم يعي الطبيب إدواه
وش حل بالأشراف غالب وراجح = اقفو كما صيد حدته إضراه
اقفو على قب تخافق مع الوطا = تنازا بطوعات الرقاب حذاه
من ولب عطبين الهوايا آل زايد = لهم صانع السيف الصقيل حناه
حناه وارهف شذرته يوم كمله = وعطاه لمن هم بالحروب عداه
حيث أنهم يروون حده من العدا = بأيمانهم روس الفهود عشاه
إلى عدا فيهم حريب وزارهم = يعدلون بحدود السيوف صغاه
وجريس ما طاله من الظيم طايل = اسود الشرى عمن يبيه حجاه
اسود الشرا بالضيق تنجي دخيلهم = ويروون من دم الرقاب ظماه
فكوه ثم اغنوه يوم انه التجا = وجه أبن بدران يزيد ضياه
تجمل مع جريس اليماني وعزه = الزايدي يوم الدخيل عداه
يشهد العامر ما مضى من فعايله = يوم إن غالب بالجموع نصاه
يبي دخيل البيت ماخاف خالقه = دخيل عطبين السهوم إرماه
واقفا ذليل يتبع السير بالسرا = وحرب عناله بالفواد شكاه
أقفا مثل ماجا وهو يشكي العمى = اقفا من الذله يحر قناه
عيب على مثله لياهد ينثني = يبدل من عقب الهدير إرغاه
وأبن صباح أذروه وبن خليفة = رمح آل زايد ظلهم بافياه
اخذ ثارهم من ضدهم يوم كادهم = رمح من العز القديم عصاه
يشهد به الهدار واللى جرابه = دخيلهم ثاره عطوه إقضاه
فكو حقوق للدخيل ابن وايل = جميلية نالوا حقوق وجاه
من ضرب من لا صددوا عن حريبهم = يصكون باجباه الخصيم جباه
دخيلهم باعلى السماكين منزله = له بين نجم الفرقدين متاه
كنه بجنات تظله غصونها = والنايف الطايل يحل رباه
تعلوا لعرش المجد من قو عزمهم = مصابيح ظلنات تريح رجاه
مراجيم عدوان مرابيع ملتجى = ليا جف من وبل المزون ثراه
إلى قطبت عسر السنين وجذبت = ولا عاد يذكر بالرياض كماه
يهوشون بوجيه تكاشف من النقا = والضيف ما يقصر عليه إقراه
ياناشد عني وأنا ليقبيله = قصر الندا زادو عليه إبناه
اشادوا فعول بالفضايل وسلمهم = للجار كل باللسان حكاه
بني زايد ادوا جارهم من جداره = ولا أحدٍ من اسباب الإله وداه
لهم وادي سهل الدروب ودونه = نار ينزح عن احماه سناه
سناه مصقول الحديد الصافي = وعزم القلوب الصاطيات لظاه
عذروبهم للضيف ترخص نفوسهم = والجار مضمون السلام إغطاه
وجه الندا يندا كمت ماطر الحيا = يبين عند الموجبات نداه
تعييي على الشيمات حفاظة الشيم = ووجيه الندا لازم يبش حياه
قصيرهم يارد على العد قبلهم = ولا شكا يوم الورود ظماه
إن زادت إسنينه تجدد معزته = وكلٍ خطا جاره عليه رفاه
وان ذبح خير عند وجهه = وكسب الفضيله بالحيلة إمناه
على الطيب شبان وشيب تزاحموا = والطيب يتعب للرجال مداه
دواسر كنيوا على دوسر الفحل = واسمٍ على فعل يبين إقداه
من الهضب للافلاج مكدين ضدهم = وحريبهم مر المذاق عشاه
وادي العقيق مطهرينن جنابه = ولا ديس بين العالمين إحماه
من عصر ابن بدران هذي ديارهم = والدار محدٍ للخصيم عطاه
راسين مثل جبال هضب آل زايد = وهم ليا شان الزمان إحماه
حموه يوم إن القنا يقرعالقنا = ولمثلهم رب العباد بناه
من الفرعة العليا إلى الخرج حدهم = به الجار ما كِّدر عليه صفاه
الدار ما تصلح لمن لايصونها = الدار عوره والرجال إرداه
دارٍ خذوها بالمراهيف عنوه = وهم نورها الصاطع ينير ضياه
بني عقيل أخلو مغاني ديارهم= بعد دمهم بأرض العقيق سقاه
من غلمة ما باعوا العز والشرف = يوم الردي فعل الجميل نساه
تشهد مشاريف اليمامه بفعلهم = فعل تعد العالمين ثناه
هرج بفعل يشبه الماس بالذهب = وهرج بلا فعل يقال سفاه
نعد قول ما تكذب مثايله = راويه أصدق من طيور قطاه
نعد مجد الطيبين وفعلهم = واذكار فعل الطيبين طراه
فعلٍ على فعلٍ تحاك ابه العرب = مجدٍ يكذب من يعدثناه
من رام فعل الغانمين وشانهم = السيف يروى من عداه شباه
من رام فعل الغانمين وسلمهم = الجار عن الخصم العظيم وقاه
من رام فعل الطيبين وقدرهم = يبذل لياضاق الزمان قضاه
ان كف همال الحيا وامحل الوطا = وشحشح عن الطفل الرضيع غذاه
يكرم لياضاقت على الناس وامحوا = ويصبر ليامن الزمان وطاه
النذل مايقدر على طيب الثنا = والليل ما يشبه صدوق ضحاه
يجود الفتى بالجود من زايد الحيا = يخاف من العايبات قضاه
قولوا لطلاب الثنا يتبع النقا = ولايلحق العرض النزيه شناه
ومن سار بدروب الردى زاره الخنا = ويلبس من اسلاب السواد كساه
ابعد عن الانذال وترك ديارهم = يفكك من الوجه الخبيث نياه
الاجواد آيات الندى في وجيهها = والانذال شرى ما يذاق جناه
الاجواد ما تنوي بك البوق والرد = والانذال عيب ما يعد غياه
الاجواد فعل الخير لذة نفوسهم = والانذال ملزوم يشاف خناه
الاجواد جنات تعاقب أنهورها = والانذال صلدا من صخور صفاه
الاجواد تاصف لك طريق يدلك = والانذال لعسرات الدروبإقداه
الاجواد مثل الورد عطرروايحه = والانذال زقومٍ يطير سفاه
الاجواد فيهم باب يسر ومعزه = والانذال عسرٍ ما عليه شفاه
الاجواد زلة جارهم يدمحونها = والانذال تجزا الاقربين جناه
الاجواد مثل النهر حلو شرابه = والانذال صباخٍ ملاح ماه
الاجواد تبذل فضلها دونعرضها = والانذال دنسين العروضعراه
الاجواد مثل الريف سعد سعوده = والانذال قحط الزمهريرشتاه
الاجواد تامن شرهم وانتعندهم = والانذال شر مايطيب بلاه
الاجواد مثل الصبح تمشيبنوره = والانذال ليلٍ مظلمٍممساه
الاجواد حبات الندى يبذرونها = والانذال تبذر بالرخيصرياه
الاجواد فعول الخير ما يجحدونها = والانذال حزم مايطيب حفاه
الاجواد ماتلحق عزيز مذمه = والانذال تنطق بالصديق زراه
الاجواد عز الجار والضيفسلمهم = والانذال بعيون العزيزقذاه
من طاوع النفس الذليله على الردى = يرخص ويظهر للرجالخفاه
من طاوع النفس الذليله على الردى = نسى الجار والضيف العزيز جفاه
من طاوع النفس الذليله على الردى = تقصر عن العز الرفيع إخطاه
يموت طلاب التماني على الشقا = سراب دو والظلال غطاه
يموت طلاب التماني بحسرته = وكثر التماني ماتعيد صباه
يموت طلاب التمانيومثله = من يرجي الحنظل يزيننماه
يموت طلاب التماني ومكسبه = كما صايحٍ صوته يردصداه
أبا التماني لاتمنى وخلها = ترى التماني والحلومأشباه
يقولها لك من هوى القلب عذبه = وداعي غرامه للغرامدعاه

**نجم سهيل** · May 2nd, 2008, 17:41

السلام عليكم ورحمة الله وبركاته

تسجيل حضور واستماع مع استمتاع

**محمد بن سعد** · May 2nd, 2008, 18:56

محمد بن أحمد السديري

ليالي نجد

قالوا وحيد وقلت ماعندي اوناس = وقالو غريب وقلت بأرض بعيده
ابعدت ما بي شوف ناس من الناس = بعّدت عن بعض الملا وتعديده
مطاوع قلبي على كل الأجناس = والبعد عن شوف المكاره يفيده
اخترت بعد الدار عن قرب الأنجاس = عن دارهم نلقى ديار جديده
في وسط نجد ابتع هوا كل نسناس = واطرب لشوف اطيورها وتغريده
اعشق ليالي نجد لو انّها ادماس = وايّامها عندي جنان سعيده
شمى لعشب رياضها يقعد الراس = وما فات من ساعات عمري بعيده
شوف الزهر يبعد عنا كل هوجاس = ويريح عن قلب الشقا ما يكيده
وحس الرعد في رايح المزن رجّاس = دقات عود عند سمعي فريده
وان قال لي بعض المخاليق لا باس = قلت الهضايم بالضماير مجيده
الله من هم بالاضلاع غطاس = اقام وسط القلب وابطى شديده
فكّرت بالدنيا بتقدير وإحساس = ولاجت لي الدنيا على ما نريده
اللي نبي تقطّعت عنه الأرماس = وعنه اختفت كل العلوم الأكيده
القلب يبغض كل غادر وبلاس = اللي يلطخّ دم الأجواد بيده
واحب من يتعب على كل نوماس = ومن فيض جوده ما يمده الزهيده
اللي ليا كادت والارياق يباس = يصبر على كود الأمور الشديده
وللنفس عن طرق المثاليم حباس = يتعب على كل العلوم الحميده
واحب نجد وكل حبّي على ساس = حب بقلبي له قصور مشيده
عندي وعرها مع سهلها والاطعاس = غابات ورد في زهور نضيده
برياضها محلا هدد كل قرناس = ان شاف حفّان الحبارى تصيده
عدل المناكب لأبرق الريش دّواس = ما ناش في مخلاب كفه يجيده
ياحلو هدّاته على الجول غلاس = ينحر كثيره ويتعدى الفريده
اجرد عديم لهايش الخرب فراس = والطايره لو ترتفع ما تكيده
ايّام عجّات الهدد كلها اوناس = ياحلو بالخد البياح تهديده