تكفا ترى تكفا تهزّ الرجاجيـل *** لولا ظروف الوقت ماقلت تكفا ,,,,

**أم مالك الأزدية** · August 20th, 2009, 14:21

السلام عليكم ورحمة الله وبركاته ,,,
للشعر الشعبي وقفات ومحطات
يطيب لنا فيها البقاء لجودة الصياغة وحسن الإنتقاء وسمو المعاني
مع أجمل ما قرأت في الشعر الشعبي سأترككم في هذه الرحلة في ركاب شاعر

أما لطمنا العيل والا الطم العيل

مادام شب النار مندوب الاطفا

من ذاق حر القايله يعشق الليل

ومن شب ضوه ليلة البرد يدفـا

أمسيت في جيلٍ ولاهوب ذالجيل

وأصبحت والا ديرتي شبه منفـا

واللي حما بيته بطيـرن أبابيـل

ماجيت أدور كل من صد واقفا

ولاجيت أبشحذ يانما دلّه وهيل

جيتك وجرح الظلم غاديه يشفا

جيتك بكلمه كنها صعقة الويل

إن قلت تكفا لاتهـاون بتكفـا

تكفا تراها كلمةٍ تقطم الحيـل

لابالله الا تنسف الحيـل نسفـا

تكفا ترا تكفا لها هدرة السيـل

في صدر حرٍ ينتف الطيب نتفـا

تكفا ترا تكفا لها تسّرج الخيـل

إن كان لك في مجمع الخيل عسفا

تكفا تراني من قرومٍ مشاكيـل

حماية الساقه بسيـفٍ وشلفـا

تكفا وتكفا ماتسـاق لمهابيـل

تكفا تخلّي القرم لاشٍ وهطفـا

تكفا ترى تكفا تهزّ الرجاجيـل

لولا ظروف الوقت ماقلت تكفا

ناظم هذه الرائعة

هو الشاعر محمد الدحيمي .. ابن شاعر بني شهر المعروف رافع بن دروش الدحيمي الشهري ..

يعتبر من أشهر شعراء قصائد النظم في منطقة الخليج ..
لما يمتلك من موهبة شعرية فذة ومعين لا ينضب من الجزالة والمعاني القوية ..
ويمتلك اسلوب خاص في قصائده لا يجيدها غيره ..
قال عنه الشاعر الكبير مساعد الرشيدي ..
(محمد الدحيمي شاعر سيلغي جميع التجارب السابقة فقط انتظروه) ..
له قصائد كثيرة منشورة في المجلات الشعرية والشعبية
والجرائد اليومية و المواقع الشعرية في الانترنت ..
بالاضافة لإقامته العديد من الامسيات
الشعرية مع كبار الشعراء في مختلف مناطق المملكة ..
له قصيدة بعنوان
(ملحمة الجن)
فازت بالمركز الأول في مهرجان الجنادرية

شاعرٍ له مع هـل الطـولات والعليـا مقامـي
جاء يقول الصدق لو كان اعذب الشعـر اكذبـه
في زمانٍ صار عذب الشعر من حشو الكلامـي
والقصايـد روّحـت عـذراء ورجعـت ثيبـه
يرتوي من جـم معنـاه المعاطيـش الحيامـي
الشعـر يكتبـه مانـتّـف شـعـره بيكتـبـه
يارجيلي عانش الله فـي غبوشـش والجهامـي
السنيـن عجـاف والدنيـا قـفـارٍ مجـدبـه
والله اني ماقدرت اصبر وانـا مقهـور كامـي
من ورى صبري على ضيم السنيـن المحنبـه
كنت اخايل بارقٍ ضوحه فتق صدر الظلامـي
نوب يجذبني سنا برقـه وانـا نـوب اجذبـه
بـارقٍ خايـن كـذوبٍ ياعيونـي يالحلامـي
عادته يجهرش نوضـه ليـن تقذيـش اشهبـه
البلا اني كل مـادورت لأسـم مـن الاسامـي
طحت بإسمٍ ضايـعٍ معنـاه وازريـت اعربـه
شرهتي ياكبرهـا يـادرع جنبـي ياحزامـي
الهبود الجرب ينشر فـي حمـا الـذود جربـه
واللحى يادرع جنبـي ستـر لوجيـهٍ حشامـي
وانت تدري ماستر وجـه الثعـل غيـر ذنبـه
ماعطيت اللاش وآخيه الثعـل جـل اهتمامـي
خابرن بين الثعل والـلاش وش وجـه الشبـه
وان تبي تعرف علامي يوم تنشد وش علامـي
لدّ عينك يـم نجـم سهيـل والشـوف اندبـه
فاطري تضلع وانا صدّرت جـم العـد ظامـي
نذر ياعـدٍّ يمـنّ المـاء لامـوت ولا اشربـه
ومن بنات الفكر في فكـري ثمـانٍ بالتمامـي
سبع منهن طاهـراتٍ .. غيـر وحـده مذنبـه
عاربـه يالعاربـه ياللـي عيونـش ماتنامـي
ماقـذى عينـش سـوى سبّابـة المستعـربـه
جعلها تبطي الحراميـه علـى ذمـة حرامـي
الحنش يلقـى الحنـش .. والعقربـه للعقربـه
مادفن وسط الثرى راسه سوى ربـدا النعامـي
ومن عجز يادّبه ابيه .. يحصـل اللـي يادّبـه
ياحلالي والله ان تخسا يديـن ابـن الحرامـي
ماتنوشش حد لـي عـرقٍ يـدق النبـض بـه
ووالله ان تبطين وانا اهيم فـي حبـش هيامـي
ويبطي اسمش نقش في قلبي ولا احدن يشطبـه
فدوتش من تردف الغدفه على مثنـى اللثامـي
عذربينـي منـش ياحلـو العـذل والعـذربـه
وابشريبي ماكـرٍ ماطـاح بشْبكـة الحمامـي
من حرار الطير لامـن جـاع شبـع بمخلبـه
ميل لاهبت هبوب النـود يـا عـود البشامـي
ميل والعوشز عجبه او جعل عمـره ماعجبـه
(قزوعي .. يالقزوعي) ميّل على (ربخة تهامي
)ادقل ( المدقال) عرضه .. عقبها (اللعب ) العبه
ماذخرتش يايميني فـي رجـا طـق الدمامـي
ولاني اللي هز حقـوه عقـب ماطـق رْقبـه
يانما ماكل من شل (ام خمس ) يصيـر رامـي
كـل وادي خابريـن مـاه ونعْـرف حطبـه
يانما هرشك فطيحـه لاكبـر جـاه السقامـي
الجرب قبل يتعرش غـارب الهـرش اكربـه
والذلول اللي شحـم وركينهـا كبـر السنامـي
اعرف ان السّن نابت فـي جماهـا .. وانتبـه
قدهي توّرد وتصـدر .. مايعقّلهـا الخطامـي
والـردي اللـي زملهـا .. نوختـه بتركـبـه
يانما في ذمتي مـن لايضيـم انـه يضامـي
ومن كبر راسه كبر صالبـه وابطـى يتعبـه
ياعسى ليل الشتا يخطيـش بـرده ياعظامـي
وياذلولي درهمـي مابيـن ( بيشـه وتربـه )
وياخوالي كل ماهتـز القنـا بانخـى عمامـي
مايقص الـراس غيـر اللـي بحكمـه ركبّـه
مانتخيت الا ( دحيم ) مخضبة حـد الحسامـي
لابةٍ لو هازاهـا جنّـي .. تجـن الجـن بـه
والوفا مثل الدخيل اللي زبـن وجـه الكرامـي
طامـنٍ فـي لحيـة النشمـي ويطلـع بشْنبـه
ماشبعنـا شبعـة المعـدوم بايـام الصرامـي
لـو مكالفنـا تغـنـي ( حبـنّـا ياجنـدبـه)
والقليب اللي جمع (شهـري بقحطانـي ويامـي
)والله ان تسفح عجـوزه دمعهـا مـن يقربـه
وياسلام الله علـى دار الوفـا واثنـي سلامـي
من جنوبه للشمـال .. لمشرقـه .. ولمغربـه

من روائعة أيضاً

يمه غدرني الشيب قبل أفرح بشيٍ مشتهيه
....... أثري نحرت البحر وانا كنت اخاف من البلل

يمه ترى حتى العسل نـــاسٍ تعرفه ماتبيـه
....... والا ترى الله مطريٍ في سورة النحـل العسل

يمه ترى لوكل رجلٍ جــــــا مثل جدّه وابيــه
....... ان كان صاروا كل خلـــق الله نبيين ورسل

كم كنت القح نخل جدّي رحمةالمولى عليه
....... وان قلت برد يقول "عمر البرد مالقّح نخل"

وكم قلت فاسي ثلّمه جذع الأثل وازريت فيه
...... والبيد سيل من الجفاف وشلون ابحطب لك أثل

والبير يــــــــاجدي حِثل والحِثل ماحدٍ يرتويه
....... وشلون ابرمي الدلو في بيرٍ وصافيــها حِثل

ويقول"مزن الغيب يذبحه الظما من يحتريه
....... لابد مــــانشرب همـــــــاجٍ لين نلقى له بدل

ولّم حطبك وماك واللي كتب له رزقٍ يجيه
....... ودنياك داريها قبل مايسبـق السيف العذل "

طفولتي كانت رجـوله مـــــابها افراحٍ وتيه
....... في داخلي حتى البراءه عاشت رجـــولة طفل

طفولتي همّ,, وشقى يمّه ولا قد قلت ليـــه
....... حتى مراجيـــــح الطفوله كانت شداد وجمل‍‍‍‍

أكبر ويبقى الهـمّ فيني مثل ضيفٍ بالوجيه
....... أهـــــجّ من رمضـــا الضياع لمربعانية ملل

يمّه ومن حظّـه مثل حظـــّي ردي لا تعذليه
....... لو ساقته فوضى الزمن لديــار عاقلها خبل

حاولت من عاري الزمان اخذ سمل ثوب ارتديه
....... واثري مثل من حاول بياخذ من الحـافي نعل

أحلى شبابي وانتهى في غربتي قبل ابتديه
....... ما لولشت له بنت بدو اتمشط اطراف الزعـل

رجعت مثل اللي طلب ثار ولده من عند اخيه
....... شديت بـــالقعدان حملي يـــــوم ضيعت الزمل

يمه وكلٍ قال مــــــــا لأمه مثيـــــل ولاشبيه
....... واللي خلق كلّ النســـا مالك شبيه ولا مثـــل

يمه دخيل تراب ماطا رجلك الدمع احبسيه
....... هالكون كله مايساوي دمع عينـــــك لانهمل

يمه فـرح والا حـزن دمع الغـلا لاتسفحيه
....... تبقى دموعك غاليـــــه لــوكان سبتها بصل

ولاّ انا حظي كــذا مــافـرح بشيٍ مشتهيه
....... يمه مادام اني غرقت وشلون اخاف من البلل

**غيوووض** · August 20th, 2009, 14:46

تكفا ترا تكفا لها هدرة السيـل

في صدر حرٍ ينتف الطيب نتفـا

تكفا ترا تكفا لها تسّرج الخيـل

إن كان لك في مجمع الخيل عسفا

عسى عطوووه مطلوبه؟؟
ياشيخة لو هو قايلها لي ..يا شيخة لاعطيه راس امي

<< قليلة خاتمــة وشاشت ..

صح لسانه من شاعر
ويسلم ذوقك يا بطله ..

**أم مالك الأزدية** · August 20th, 2009, 14:56

وعليكم السلام ورحمة الله وبركاته ,,
قال تعالى :
وبالوالدين إحسانا

وين البر بالوالدين يا غيوضوه
الحمد لله ما قاله فيك
أمك
تعطينه رأس أمك
إن ما علمتها لين تعقلين
ول عليك من أبنة عاقة
عطيني أمك مع أمي ببر فيهن
أصبري علي بعلمك البر على أصوله