محمد احمد السديرى - قصيدة فخر واعتزاز

[المنتقد]

بسم الله الرحمن الرحيم
السلام عليكم ورحمة الله وبركاته
ومن قصائد الفخر والاعتزاز التي اشتهر بها هذه القصيدة:-
[poem=font="Times New Roman,6,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ون صار زود المال بيدين الانذال= حنّا من المعروف تندا يدينا
وان كانهم شرهوا على طيب الافعال=حنّا وردنا جمامها وارتوينا
وان فكّروا للجود يمشون رحّال=حنّا قبل يمشون يّمه خطينا
يا ما لبسنا للشرف كل سربال=وعلى البسيطة للفضيلة مشينا
في دوحة العربا لنا مجد وظلال=وحنّا على در المكارم غذينا
لو نجمع اللي فات منا من المال=إن كان شيدنا القصور وبنينا
نعطي ولا نتبع عطانا بالاقوال=ونبذل ونسكت كننا ما عطينا
وان باعوا الشيمة بدينار وريال=حنا دخلنا سوقها واشترينا
نطلع لها لو هي على روس الاقذال=لو هو عسير ٍ دربها ما انثنينا
بافعالنا نرسم دروب ٍ للاجيال=إلي نساها غيرنا ما نسينا
أسود سادات ٍ تسجل للاشبال=فضايل ٍ شمنا لها واهتدينا
بيض ٍ نسجلهن جديدات وسمال=حفايظ ٍ لاحفادنا اللاحقينا
نصبر على الشّدات لو شيلنا مال=لو سال دم دفوفنا ما شكينا
نخاف يلقى سدنا كل ختّال=ويبني هزيلات المعاني علينا
الليل يا خالد على والدك طال=وهنّيت ناس ٍ بالكرا نايمينا
يا عز راسي شفت ما خبث البال=شي ٍ يهوّل شيّب الجاهلينا
شي ٍ من اسبابه يشيب بالاطفال=فطّر خشوم مهجرعات الحنينا
أدير قالات ٍ عريضات وطوال=قالات خلنّ المخفىّ يبينا
منهن رزين العقل بالوقت يهتال=بوقت ٍ عبوس ٍ فطّن الغافلينا
وقت ٍ من اسبابه شكى كل ريبال=نصبر ونسكت كننا غايبينا
الناس بالأيام راحل ونّزال=تفجعهم الدنيا وهم دالهينا
وحيات رب ٍ نزل آيات الانفال=عالم خفايا نية الحاقدينا
ما اترك طريق العدل في كل الاحوال=لو يرحل المريخ للفرقدينا[/poem]
رحم الله الامير الشاعر واسكنه فسيح جناته والمسلمين احمعين والسلام عليكم