مجهول - قلبي سبب فرقاك ضايق ومنصاب

[المنتقد]

بسم الله الرحمن الرحيم
السلام عليكم ورحمة الله وبركاته ,,

حياكم الله جميعاً اخوتى واخواتى ...سلمكم الله
اليوم الله يسلمكم عندنا لكم قصيدة عن المحبين الله يهنيهم والقصيدة تقول :-

[poem=font=",6,royalblue,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
حل الفراق وسالت دموع لاحباب = في ليلتن غصبن علينا بكينا

الليله اللي ماحسبنا لها حساب = ولا حسبنا حساب فرقي حدينا

ليله بها دمع وتناهيت واعصاب = ماعاد ندري وش لنا وش علينا

فارقت فيها سيد تلعات لارقاب =اللي نبيه وندري انه يبينا

يانور عيني كافي دموع وعتاب = اللي حصل مقسوم ماهو بيدينا

مجبور في غيري وانا منك منصاب = ماتنفع الشكوي لو حنا شكينا

قلبي سبب فرقاك ضايق ومنصاب = دارت دواليب الدهر مادرينا

ليته حصلي عن محبتك مجناب = او ليتنا ياصاحبي مالتقينا

خبيت حبك عن قريبين واصحاب = وكتمت سرك عن هوي الحاسدينا

حبك بوسط القلب لو غبت ماغاب = مايمحي لو طال بعدك سنينا

قبل نتفارق قال بهديلك كتاب = كتبت فيه ايامنا اللي مضينا

فيه الرضا فيه الزعل فيه الاسباب .... فيه اللقا وايام رحنا وجينا

واقفي ودمعه سال من فوق الاهداب = هو مبتلي فينا وحنا ابتلينا

خبري بزوله يوم قفي مع الباب = حسبي علي اللي فرق العاشقينا

من دون خلي سكرت كل لابواب = ياحيله الله كان حنا انتهينا[/poem]


ارجو ان تنال استحسانكم ورضاكم والمعذرة عن كل نقص وتقصير ....والسلام عليكم ورحمة الله وبركاته ,,

[نسنوسه]

يعطيك العافية يا المنتقد
الكلمات قمة في الروعة
ليت الله خلق الدنيا بلا فراق

على كف الغرام اللي .. سكت في لحظة التوديـع
على درب الفراق .. ودمعـة المحـروم وآهاتـه

جلست اجمع فرح عمر ... وسنين ٍ ما لها تجميع
واقول الله على غالـي .. تبـي تبعـد مسافاتـه

انا كيف اتركه يرحل .؟. واهيم برحلـة التلويـع
وكيف اترك وليف ٍ لي ... وكيف أثنـي قناعاتـه

وانا ما ظن ّ لي قلب ٍ ... على هم الفراق ايطيـع
وانا ماظن ّ به قلب ٍ .... يعييييييش ابدون نبضاته

اروح اعاتبه .؟ وألا .. اعيـش بواقـع الترويـع
وانا وشلون اعاتب .؟ والعيون اتشوف دمعاته .؟

انا اشهد لحظة الفرقى .... بها كل العلوم اتضيـع
يتوه الهرج له نوبه ... و نوب اتمـوت كلماتـه

ذهول ٍ مع سكوت ٍ مع دموع ٍ مـا تبـي ترجيـع
معاهن حرقة ٍ تصرخ ... تدكّ الصمت و اسكاتـه

تعال اطلق عنـان الدمـع ... دام بدمعنـا تمتيـع
مدام الوقت ظالمنـا ...؟ فـلا تغريـك ضحكاتـه

هموم ٍ جالت بصدرري ... تقطّع بالأمـل تقطيـع
وانا هالوقـت يصدمنـي .... تضيّعنـي متاهاتـه

ترى هالخوف والريْبه ... حشا ما هيب للتوديـع
اخاف إن سافر الغالي " تسوق اخطاي خطواته "

[ابومشعل]

وعليكم السلام ورحمة الله وبركاته

حل الفراق وسالت دموع لاحبـاب
............................................في ليلتن غصبـن علينـا بكينـا

كل اجتماع لابد له من فراق واصعب فراق؟ فراق الأحبة , اللهم لاتفرق جمعنا هذا الا بذنب مغفور وسعي مشكور يارب العالمين .والسلام عليكم