الأكثر حزناً في فقد الحبيبته !! قصيدة ..

**محمد بن سعد** · May 4th, 2008, 21:25

الحبيبة - الأكثر في الرثاء!!

أواه يا ضب على الطعس مغبون .♥.۞.♥. يبكي قهر من شوف فرقا مكونه
شاف الجحر فاضي بلا طعم او لون .♥.۞.♥. شافه ودمعه غارقٍ في عيونه
ما صدق عيونه الا كيف وشلون .♥.۞.♥. عقب الرفاقه والمحبه تخونه
قام يتقلب في الجحر تقل مجنون .♥.۞.♥. يقلب تراب الغضي ويصونه
يشكي على الحرمل مواجيع وشطون .♥.۞.♥. ويلسب لواهيب الغرام وديونه
ويسحب من اللوعات انفاس وشجون .♥.۞.♥. ويجلس طوال الليل تسهر جفونه
تسمع وشيشه كن صدره به اطعون .♥.۞.♥. يجاذب انفاس الوله في طعونه
هنيكم ياللي بذا البر تلهون .♥.۞.♥. ما تعرفون العشق شكله ولونه
الحب مثل السيف لا جاك مسنون .♥.۞.♥. يحمل معه اوجاع ذل ومهونه
ياعل جحر في نقا البر مسكون .♥.۞.♥. يسقيه ربي من صوادق مزونه
حيثه سكن في داخله ضب مزيون .♥.۞.♥. ضب جمع بالزين حسن وليونه
هذا وليفي مغرمٍ فيه مفتون .♥.۞.♥. وما شفت طعمٍ للبراري بدونه

ض3

**ابوعبدالمجيد** · May 4th, 2008, 22:16

عزتي لهذا الضب المغبون على فرقا مكونه
طيب يشوف له عروس منا والا منا عند احد من جماعته هههههههههههه
مايصير يقعد لحاله بالجحر اخاف يوسوس خخخخخخخخخ
شكرا لك يا دكتور

**نجم سهيل** · May 4th, 2008, 23:27

المشاركة الأصلية كتبت بواسطة د/ محمد بن سعد الحتان

[FONT="Tahoma"][SIZE="4"]
ياعل جحر في نقا البر مسكون = يسقيه ربي من صوادق مزونه
حيثه سكن في داخله ضب مزيون = ضب جمع بالزين حسن وليونه
هذا وليفي مغرمٍ فيه مفتون = وما شفت طعمٍ للبراري بدونه [/poem]

ض3

الله يسامحك يابو سعد
انا والله أكلت المقلب مربع ومكعب وياغافل لك الله
من لحظة نزول الموضوع وانا أتجنبه ولسان حالي يقول
وش لنا والاحزان والهم والغم وضيقة الصدر

وعقب جيت متحمس ابي اشوف تكة الصدر وقاعدن
اجر التناهيد ابرح الطريق لصدري

والضحكة صارت مزدوجة على حال الضب وحالي

**سلمان السلمي** · May 5th, 2008, 02:14

مسكين حال الضب
الحبيبه وطارت والجحر مهجور
حال يرثالها ..
الله يصبره على بلوى فقد الحبيبه
هونها والموسم الجاي تعوض او تلحقها ياضب

شكرا د/ محمد على هالوناسه