بسم الله الرحمن الرحيم
السلام عليكم ورحمة الله وبركاته ,,


قصيدة يبكي لها القلب

حياكم الله جميعاً اخوتى واخواتى سلمكم الله

اليوم عندنا لكم قصة وقصيدة يقل المسولف ..ان فيه بنت اسمها نجلاء وهى بنت جميلة جدا وعلى خلق عالي ويوم كبرت كان الخطاب يطقون بابهم للفوز بها زوجة ويوم وافقة هى واهلها على العريس المناسب وتم تحديد موعد الزواج قامة نجلاء مع أهلها في الاستعداد لزواج وتجهيز لوازمه وفي تلك الأيام وعند قرب موعد الزواج تعبت نجلاء وطلبت من اهلها يودونها المستشفى وكانت تشكوا من الم في راسها فأسرعوا بها إلى المستشفي و في المستشفي أدخلت نجلاء مباشرة إلى غرفة العناية المركزة ومنعوا أهلها من شوفتها حيث إن حالتها كانت خطيرة وسمحوا فقط لوالدها إن يشوفها لمدة قصيرة..ابتسمت نجلاء ابتسامة ترحيب بوالدها وفي نفس الوقت ابتسامة مودع!! ..وفي اليوم الثاني وفي أثناء الانتظار كان هناك حركة غير طبيعية عند غرفتها في العناية المركزة..فكان الأهل و الأب المكلومين ينتظرون بفارغ الصبر خروج الطبيب من غرفتها ليسألونه عن حالتها وعن الوضع الى هى فيه !!؟ .. خرج الدكتور وكان وجه متغير ولا يدل على بشرى خير فقال ابوها ماذا حصل يادكتور بالله اخبرنا ارجوك يا دكتور طمنا على نجلاء هل هي بخير فرد الدكتور وقال ان لله وانا الية راجعون فصعق ابوها وقال وش تقول ماتت نجلاء ماتت نجلاء فما كان منه الى ان بكاها بهذة المرثية الرائعة :

[poem=font=",5,royalblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لعل دنيا غاب عنها قمرها = تظلم جوانبها على طـول الايـام

ماينعرف في يومها من شهرها = واللي يبي لم اليمـن ينحـر الشـام

ولعل عين شح دمعة مطرها = عليـك يانجـلا تعثـر بالاقـدام

غديت مثل ام الحوير قهرها = قيدا وهي لحوارهـا تـرزم ارزام

اضيق واجحد عبرتي في نحرها = يردنـي عن بكوتِ ديـن الاسـلام

عليك ياتومة فؤادي قمرها = موت على كل المـلا حاكـم عـام

موت تخير وردتي من زهرها = وهي بقلبي منبته حب واريـام

موت معاليقي بصدري بترها = حكم من المولى جرت بيه الاقـلام

نوه على نبنوب عودي نذرها = عـود تغـرق بالربـى والتـنعـام

تسعة عشر عام لنجلاء عمرها = ربي على حشمه ومنطـوق وإلهـام

يوم القدر يانور عيني خطفها = اخفت صواب صابها بالحشا هـام

مايدري الغايب ولا من حضرها = ماغير في وجهه تشـوف التبسـام

طلبت ازوره قالوا الربع زرها = بس اقصر الجلسه على موجب الزام

فرحت وقالت ياهلا في سفرها = ابوي احبك بـس ماطـاب مـادام

دفنتها عقب استلامي مهرها = حكم من الوالي وهـو رب الاحكـام

يومي حفار المقابر شبرها = زادت على الحفره بشبرين وابهـام

ياحفرة ضمت خصايل شعرها = عسى الحياء يسقيك عام باثر عام

كيف القمر يدفن بلاذي حفرها = عقب البشاشه والبهـاء تلبـس الخـام

عقب المعزه بين بر وبحرها = تدفن بقبر موحش بيـن الارضـام

ودموعي اللي تنطلق من بحرها = تصير فـي خـدي للحـزن مرسـام

أبكي ويبكي والمحاجر سعرها = مثل الذي مقهور مـن سـود الايـام

أبكي ويبكي كل من سمع خبرها = أبكي نهاري وابكـي الليـل ماانـام

واعيني اللي تستلذ لسهرها = على التـي يبنـي بقلبـي لـه خيـام

أشوفها حولي تقلب صورها = كنه تنادينـي علـى بـر وإكـرام

واقلبي اللي كل ماادله ذكرها = يزيد فـي نجـلاء تخافيـق وإيهـام

للحل ياشمس البنات وقمرها = صلى عليـك منـزل اقـرا والانعـام

عفيفـة ربـي بدينـه سترهـا = وثيابهـا مادنستهـن بالاثـام

عساه بالجنه تقطف ثمرها = فـي جـاه ربـي للخفيـات عـلام

صلاة ربي كل ماهمل مطرها =وماناحت الورقى على روس الاوجـام

على نبي للشريعه نشرها =لين إنتشر في نور وزالـن الاوهـام[/poem]

ارجو ان تنال استحسان الجميع والمعذرة عن كل نقص وتقصير ...والسلام عليكم ورحمة الله وبركاته ,,