بسم الله الرحمن الرحيم
السلام عليكم ورحمة الله وبركاته ,,

حياكم الله اخوتى واخواتى ..اليوم عندنا لكم قصيدة عن من يشوفون انفسهم فوق وغيرهم دون لآن الله رزقهم فتكبرو, ويدعون المرجله وهم عنها بعيدين و القصيدة الى تقول :-


الله من عين طرقها صواديف
................................عميت ويبسن بالعروق الصخافي

شفت الوزا بالعين من عرض ماشيف
...............................شفته وغيري من فطن له وشافي

وقت تغير فيه حتى العواصيف
................................جا في عواصيف الرياح أختلافي

شره قناطير وخيره مقاطيف
................................يفطن له اللي يرضع الديد غافي

كم واحد جاله زمانه على الكيف
..................................واغترته نفسه يبا الجود وافي

يطلع مطاليع العلا بالسواليف
..................................بين العذارى عد روحه سنافي

يفرح بهرج بالقفى يكره الضيف
.......................................قتات والقتات بالنار هافي

يعلق قصيره علقة النار بالليف
.....................................عي ولد عي زنوده ضعافي

ان رخصت الحذوه توفي عن الحيف
........................وان غليت الحذوه مشى اللاش حافي

يرقد ويلحق والدينه تخاليف
...................................دايم ومرقد ميت النار دافي

هو مادرى ان الجود يبغى تكاليف
...................................سهر الليالي مقبلات مقافي

يبغى يدين للعطايا مغاريف
..................................ويبغى رجول ماتمل الوقافي

والصبر بنحور السنين الشواحيف
.................................اللي قساها مثل حد الرهافي

مايقدرون الجود سود الأطاريف
..............................مشاركة بيض النسا باللحافي

ارجو ان تنال استحسانكم والمعذرة عن كل نقص وتقصير ....والسلام عليكم ورحمة الله وبركاته ,,



لشاعر:-بندر بن سرور ,,رحمه الله