طلال السعيد - الشيب يا عايد غزى عارضي شيب

[سلمان السلمي]

السلام عليكم ....
كيفكم اعزائي الكرام ... اليوم جايب لكم قصيده من طلال السعيد
ولسبب ايرادها لكم هنا ان لها مناسبة حدثت لي
واتمنى ان تقضو وقتا مناسبا

الشيب يا عايد غزى عارضي شيب .. طفنا اربعين و قرب الشيب منا
شبنا يا بو ثامر حصان الأطاليب .. يا ليت مرسوله لنا ما تعنى
الشيب ما به عيب ما به عذاريب .. لا شك عيبه يطرد البيض عنا
لا من تذكرنا زمان التعاجيب .. القلب من بين المعاليق ونا
ياما و ياما وكم مضى من تجاريب .. كم قربن البيض و كم أبعدنا
ياما وقفنا فوق روس المراقيب .. ننظم غريب الشعر في كل فنا
و كم جاوبتنا الخلج حرش العراقيب .. و كم مغرمٍ تل الربابة و غنى
ياما سمعنا من شتام و تراحيب .. و ياما بليناهن و ياما بلنا
ياما علينا تظهر الشمس و تغيب .. و ياما ركضنا خلافهن و أتعبنا
كم ليلةٍ نضوي كما يضوي الذيب .. ياما وعدناهن و ياما اوعدنا
كم مرة نرسل و لا نحصل مجيب .. و كم مرةٍ هن بالخفا راسلنا
و ياما علينا يرسلن المناديب .. لا طال منا البعد ما واجهنا
و كم من وعد يصدق و كم صار تكذيب .. و كم مرةٍ قلنا و هن كذبنا
و ياما قضبنا و ما لقينا مقاضيب .. و ياما نطرناهن و ياما نطرنا
و كم ليلةٍ نسهر بونة و تعذيب .. حنا تعذبنا و هن عذبنا
و كم مرةٍ ننصاب و كم مرة نصيب .. و كم قلب صوبنا و كم صوبنا
و ياما تحملنا جروح المعاطيب .. جروحنا تنزف ولا وقفنا
كم مرةٍ ما بين مخطين و مصيب .. و كم مرةٍ جتنا على ما نتمنى
نَلقى و نِلقى و نثاب و نثيب .. و ياما سكتنا و الدموع فضحنا
رميٍ يجي وهمي و رميٍ بتصويب .. سهم العيون اللي يصيب المعنى
ياما ضحكنا و البكا عندنا قريب .. كم ضحكن منا و كم ضاحكنا
و ياما تعالجنا على الجرح و نطيب .. و ياما جرحناهن و ياما جرحنا
جرحٍ يطيب و جرح من غير تطبيب .. يطيب لا من بالوعد أملنا
و ياما طوينا البعد خفية و تهريب .. نسري و نصبح بالوعد ما نتونى
و ياما نجي و نغيب و نروح و نجيب .. و ياما هديناهن و ياما هدنا
كم هجعن البيض روس الاصاعيب .. بالغصب طاوعنا و هن طاوعنا
الفاتنات الغالبات المغاليب .. ياما عشقناهن و ياما عشقنا
عشقٍ يثلب ثومة القلب تثليب .. يجبرك تسهر بالكرى ما تهنا
عشقٍ يهذب مولع القلب تهذيب .. ما يلتفت لا شاف غصنٍ تثنى
حنا دخلنا الحب من غير تدريب .. حب الوفا والا الردى ما شحنا
يشهد علينا اصحابنا و الاجانيب .. ياما خذينا الحق منهن مثنى
و بالرغم من ذلك حفظنا المواجيب .. و حنا سترناهن و هن سترنا
نحفظ عهدنا لا نشهر و لا نعيب .. على العهد وافين ولا يوم خنا
على النقا حبٍ بعيدٍ عن العيب .. نمشي مماشي الصدق ما عذربنا
ندخل بطيب و عقبها نطلع بطيب .. هذي مماشينا و لا عيبنا
حب الوفا ما فيه شكٍ ولا ريب .. قولوا لحب اليوم وشلون كنا
حب النشاما عارفين الأساليب .. حبٍ بعمدان الشهامة يبنى
واليوم شفت و عفت يا عالم الغيب .. يالله يا رب المخاليق عنا
خلصت مالي بالمحبة مطاليب .. أكيد جاز الحب من غير حنا
من يوم شفته لاح في عارضي شيب .. طفت الاربعين و قرب الشيب منا

[المنتقد]

بسم الله الرحمن الرحيم
السلام عليكم ورحمة الله وبركاته ,,

حياك الله اخوى الحبيب اغالى سلمان ...سلمه الله


[poem=font=",5,blue,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]
يا علي لو تشوف الشيب ماني بشايب = لابسات البراقع يا علي شيّبني


يوم طار البريقع و شفت شقر الذوايب = قمت من غير فكر بعالي الصوت أغني


القمر بالنحر و الخد وصفه عجايب = و العيون الوسيعه يا علي يسحرني


قالوا الربع توب و قلت ماني بتايب = والله إني ماتوب وهن ما جنبني [/poem]

والأخر يالغالى يقول :-

[poem=font=",5,blue,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]
والشيب هو قبله وجيـه الرجالـي = وجيه الرجال اللي شمو على الطيب

كم أشمط لاهـاب بعـض العيالـي = يارد على حوض المنايا إليا هيـب

وخطو الغليم لو بوجهـه جمالـي = يصير دعبـول هروجـه ربابيـب [/poem]

واخر يقول الله يسلمك ..

[poem=font=",5,blue,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]
الوقت شيب بي قبل وقـت شيبـي = حسبي على سود الليال المعاطيـب

والناس قالـوا للفتـى مـا يعيبـي = العيب باللي ما سلك منهج الطيـب

وإن شبت ما ينقص وقاري وطيبي = عند الرجال اللي تعرف المواجيـب [/poem]

بارك الله فيك اخوى الحبيب وفى انتظار المزيد ...وتقبل مرورى ...والسلام عليكم ورحمة الله وبركاته ,,

[محمد بن سعد]

وعليكم السلام ورحمة الله وبركاته

أخي الغالي سلمان السلمي
هذه قصيدة جميله للغاية
بارك الله فيكم

هل هذه القصيدة للشاعر
سرور بن عودة
بين 1200 - 1280هـ
هل قصره هو الذي يسمونه : مشرف
شمال وادي أرمة - 20 كم عن الرس ؟

على أي حال ،، صار لنا زمن نحلق الرأس صفر
ولكن اللحية والشنب والحواجب ما نقدر نخقي بياضها

يازين شفني لا توصي وصايا *** مادام كلٌ حاضر قل ونا أقـول
عذربت شيبي ياجميل الحلايا *** لابد مايبداك مع كـل مجـدول
يبدأ بشقرٍ مثل عصم الروايـا *** عليه من شغل اليمن تل وتلول

الأبيات الجميلة يا أبو محمد
يا علي لو تشوف الشيب ماني بشايـب *** لابـسـات البـراقـع يـــا عـلــي شيّـبـنـي
يوم طار البريقع و شفت شقر الذوايب *** قمت من غير فكر بعالي الصوت أغني
القمـر بالنحـر و الخـد وصفـه عجـايـب *** و العيـون الوسيعـه يـا علـي يسحرنـي
قالـوا الربـع تـوب و قلـت مانـي بتايـب *** والله إنــي مـاتـوب وهــن مـــا جنـبـنـي

[نسنوسه]

بسم الله الرحمن الرحيم
السلام عليكم ورحمة الله وبركاته

صح لسانك علي الابيات الجميله والرائعه

هذا ماهو شيب .. لا تبكين .. ماهو شيـب يمّـه
0000لا يهولك منظره في راسي وتبكيـن .. عـادي !
لا يغـرّك لونـه الأبيـض .. ولا يفجعـك كَمّـه
00000صدقيني ماهو من الشيـب هـذا اللـون بـادي
تذكريـن .. أصابعـك لمـا تبعثـره وتلـمّـه ؟
0000يوم كنت اوسده رجلك .. واروّض لك عنـادي ؟
كل ما مشّيتي اصبـع بيـن شعراتـي تشمّـه ..
0000لين صارن بيض من كبر الغلا و طُهر الايـادي !
شرّعي لي حضنك الممطـور بالمسـك ابخمّـه
0000خمة ٍ تبرا بها روحي مـن جروحـي .. وانـادي
ما ابي مْن الناس : غير اذكارك وريحتـك لَمّـه
000ولا ابي مْن النور : غير سرآآجك العن به حدادي
وما ابي مْن العز : غير اللي تحت رجليـك قمّـه
000ولا ابي مْن الأرض : غير جلالك اعلن به بلادي
ودي ارجع ( طفلك المغمور ) واللي كان همّه ..
000يصعد / اطول نخله .. ويشرب / من حثال العوادي
يغسل نعاسه .. بآذان الفجر ، واصـوات الأئمّـه
0000ويونْس الشيبان لا رتّل لهم : ( قُل يـا عبـادي )
ويسرق اول ( خبزه لصاجك) ويخفيهـا بفمّـه !
00000قبل ما يصحى حدا اخوانه .. ويحتـد التمـادي !
طفلك : اللي ذنبه انه مـا غسـل بالدمـع كمّـه
00000000لين صار الكـم مـن بطـا دموعـه رمـادي !
ودي ارجع طفل : بعض عيوبه أجمل من شيَمّـه
00000يوم كان أصغر رفاقه عمر .. وأكبرهـم مبـادي
ودي افتـش بتاريخـي عـن احلامـي المهمّـه
0000قبل ما تهزم جيوش اليـأس صبـري واجتهـادي
ودي اوشي بحزنـي الحاضـر لماضيّـي وانمّـه
00000يمكن انقذ جمرة سنينـي مـن المـوت برمـادي
بس وشلون اقدر ارجع ؟ ليه ما قلتي لي يمّـه ؟
00000ليه ما قلتي لي ان الشيب مشتـاق لسـوادي ؟!
ليه فهمتيني ان الخـوف مـن بكـره مذمّـه ؟؟
0000ليه خليتيني اكبر واحمـل ذنـوووب اعتـدادي ؟؟
وين اعيّن خير يُمّه ؟؟ والأمل من غيـر يَمّـه !!
ا000000لحطب - يا ميّه - قليّـل وبـرد الليـل سـادي
كل ما غرست غصنـي سافـي الحرمـان دمّـه
00000واشعر اني وردة ٍ مزروعة ٍ فـي بطـن وادي !
وانا والله ، ما رضيت بهالعنـا مـن قـل همّـه
00000ولا كبا غير الدروب اما انت وافـي يـا جـوادي
احمد الله جاعـوا النـاس وانـا شبعـان ذمّـه
00000ما زرعت الا الوفا والناس تاكـل مـن حصـادي
ما عرفـت الاي خـال لخالـه وعـم ٍ لعمّـه !!
00000يوم ما ياسع هموم القـوم غيـرك يـا شـدادي
وانتي يُمه .. لو بكيتـي شيبـي وهوّلـك كَمّـه
0000قلت يُمه : ماهو من الشيب هـذا اللـون بـادي
تخبرين ( الثلج) لا منه تكدّس ( فوق قمّـه ) ؟؟
0000هذا ثلج .. وراسي القمه .. ولا تبكيـن عـادي !
هذا ثلج .. وراسي القمه .. ولا تبكيـن عـادي !
00000هذا ثلج .. وراسي القمه .. ولا تبكيـن عـادي !