[grade="008000 4B0082 FF1493 008000 800080"]غاليــــــاتي العرايـــــــس .... مبروك والله يتمم لكم على خير

مثل منتوا عارفين أصعب شي هو فترة التجهيز والترتيبات اللي تسبق الزواج, بس لما تكون فيه خطة تمشين عليها بتسهلك هذي المهمة كثير

فاليوم كتبت لكــم قوائم واحتياجات العروس وأتمنى اني اكون مانسيــت شيء

بعدين مو شرط ان هذا الموضوع للبنات بس حتى الأباء أو الاخوان يقدرون يطبعون هالموضوع ويعطونه لعروستهم .. [/grade]:w6w_w6w_20050427162


أولا: الحجـــوزات المطلوبـة

* حجز القاعـــة
* حجـز الكوشه والاضاءة وديكور طاولات المعازيم
* حجزالتوزيعات من صبابات وخدم واحرصي ان كل وحدة تفهم دورها صح
* حجز التصوير واختيار البوم العرس
* اختيار بطاقات الدعوة ووضع لستة بالمعازيم من بدري عشان ما تتوهقين وتنسين أحد
* اختيار الشوكولاته وودي الصواني من بدري عشان يجهزونها من بدري وتأكدي إن ألوانها أو زينتها تكون قريبة من ألوان الكوشة والطاولات ولا تنسي هدايا المعازيم اللي بعد العشا
* اختيار قائمة البوفية واختيار كيكة العرس
* شراء دفتر تواقيع كبير وتحطينة بمدخل القاعة عشان صاحباتك يكتبولك فيه وبيني وبينك بيكون لك ذكرة حلوة فبعد الزواج بتقعدين تقرين وتضحكين
* اختيار الزفة والتدرب عليها
* حجز المكياج والشعر (للعرس والحنا والصباحية) يعني 3 حجوزات ويفضل تسوين بروفا قبل العرس عشان ما تتوهقين وتطلعين شيفة
* حجز الورد للصالة ولا تنسين المسكة
* حجـز الفـرقة

:79:

[line]-[/line]

ثانيــا: قائمة مشتريات العروس

* الفساتيــــــن :

1-فستان الزواج ( تفصيل - ايجار- جاهز )
2-فستان الصباحية
3- فستان او فستانين زيادة على حسب انتي ويش تبغي للعزايم والمناسبات

* الجلابيات :

1-طبعا تختلف الوحده عند بيت زوجها بتسكن تحتاج كميات من الجلابيات اكثــر .. يعني تقريبا 5 جلابيات لاتكثروووا ......وفيه بنات مايحبوا الجلابيات فلاتتعبوا نفسكم
2- جلابية الحنــا أو فستانها ( طبعا شعبي)


* قمصان النوم :

كل عروووس لاتكثر عن 15 قميص نووم لانها بتمل منهم وبعد الزواج بتشتري ... طبعا يتنوعوا بين الطويل والقصير والمفتوح والشفاف والرئيـــــــيسي الي حق أول ليلة يكون طويل ومستر ( مايمنع يكووون دانتيل وشفاف طبعاً) ولون العرايس المعتاد للون ليلة العرس هو السكري ودرجات البيج وشفت منهم حق ليلة العرس في نعومي على 2000 ريال الا خمسه هههههههه..


* البيجامات :

تنوعوا بين بيجامات الحرير والشورتات والبيجامات القطنيه وبعد لاتكثرووا يعني 10 كفاية .. وطبعا مايحتاج أوصي عالسليبرز (شحاطات البيت) عشان نكمل الطقم والارواب


* الملابس الداخليـــــه:

من15 الى20 طقم وإذا تبين نصيحة خذيهم من مجلات أسماء ماركة شانتيل أو من ديبينهامز


* ملابس البيت :

طبعا ملابس البيت وتتنوع بين برمودات وتنانير قصيره وحركات دلع .. اخذوا الأشياء العمليه الدلوعه (شرايكم بالتعبير) عشان تنفعكــم


ملابس السبورات :

جينزات ... وتيشيرتات ... قمصان كشخة وعملية ... حزامات ... وماالى ذلك


البــدل والتنانير :

تحتاجي من 4 الى 6 بدل كشخة لانك من عقب العرس بتجيكي زيارات كثيرة وبتحتاجيها ....


العطورات والكريمــات :

خذي كذا كولكشن عطور مع كريماتهم + عطور عربية (دهن عود ومخلطات وبخور) + عطور فرنسية+ مسك المنطقة الحساسة ولا تنسين عطور الشعر

أنصحك بطقم أوبيزيشن, جادور, شانيل5, اتيرنيتي, رومانس وعطور بيربيري


* الشنــــــط (الحقائب) :

1. شنط سهرة بالألوان المهمة مثل الأسود, الذهبي والفضي
2. شنط ماركــات راقيــه (جيفينشي, ديور, بيربيري, برادا أو شانيل)
3. شنط لتجهيزاتك (طقم) + شنطة مكياج + شنطة للمجوهرات


* المكيـــاج :

يعتمد على نوعية بشرتك والماركات اللي تعودتي عليها


* الذهب والمجوهــرات :

نصيحة لكل عرووسة ..... لاتكثري من المجوهرات لأن راح تجيك هدايا كثيرة ... يعني تاخذي طقمين كافي .. والباقي نوعي بين كم خاتم وأساور لليد .. والشبكه ليوم العرس (طبعا مب شرط) ....
ونصيحة خذي ألماس لآنه محد بيهديكي ألماس فيكون عندك تشكيلة حلوة

* الســاعات :

ساعة ليلة العــرس ويفضل تكون ألماس ... وساعتين وحدة عمليــة لشهرالعسل ووحدة كشخة للزيارات وغيرها .. (( لوكان عندك ساعات من قبل العرس فماله داعي تكثريـن))

* الأحذيــة :

1. أحذية بألوان أساسية أسود-أبيض-بيج-فضي وذهبي
2. أحذيه عمليه لشهرالعـسل من صنادل وأبوات وجزم واطية
3. أكيـــد حذاء ليلة العرسـ مع انش حتى لو مشيتي حافيه ماحد بيطالع في رجولش يوم ليلة العرس


* الأدوات والمستلزمات الثانوية :

1. مجفف شعر (سشوار)
2. ماكينة للحف
3. عدةأظافـر
4. عدة خياطة مع اني واثقة حتى زر ماراح تركبيه هههههههههههه
5. حلاوه –شيره سويت (بكل اللغات )
6. ملقط شعر
7. اكسسوارات الشعر ولا تنسين المشط

[line]-[/line]

ثالثاً: الاهتمــام والعنـــاية

1. حمامات مغربية
2. عناية بالجسم
3. رياضة
4. حل مشاكل البشره عند دكتور جلدية
5. حمامات زيت وبرامج عناية بالشعــر
6. بادي كير ومانيكير (تنظيف الأظافر)
7. عناية بالأسنان

[line]-[/line]

رابعاً: مقتطفـــــــــات ( لاتنسي )

1. إعداد قائمة المعازيم من وقت عشان ماتتعبي أو تنسي أحد
2. تأكيد الحجوزات قبل العرس بفتـــــره
3. تشاورين الناس القريبين منك في الخطوات اللي تسوينها لأن النصايح مفيدة
4. لوحجزتي شي (مكياج – شعر- حنا – كوشه ) وانتي مقتنعة وعاجبـك ... لااااتخلي أحد يحيرك
5. حجز المكياج لاتحجزي لمرافقات واجد معك عشان تاخذي راحتك ومايكون ضغط عالكوافيرة وبعدين ماتطلعي بالشكل المطلوب
6. خلي لش مبلغ من المهر ينفع لبعد العرس هذا اذا كان مهرك يكفي اصلا.
7. لاتنسين الهدايا لخطيبك بين كل فتره وفتره (تقرب القلوب) >> طبعا عشان هو يجيب بعد هههه ههههههه
8. أهم شي قراء سورة البقرة كاملة يوم العرس أو أي شي من القراآن للحفظ من العين وحصني نفسك بالأدعية
9. لبس الفستان والحذاء قبل العرس والتمرن على المشية ويفضل مايكوون ثقيل عشان ماتتعبي.
10. ابتعدي عن السهر عشان وجهك يكون منور يوم العرس
11. اكثار شرب الماء واكل الفواكه والاشياء المفيدة للبشرة
12. لاتتوتري ... ترى يقولون أيام التجهيز من أحلى الايـــام حتى لوكانت تعب
13. يفضل انك تجهزي من بداية الخطوبة عشان مايجي وقت العرس الا انتي مرتاحة ومايصير عليش اي ضغط يؤثر عليكي في ليلة العرس.


ولا تنسون صلاة الاستخارة من أول الخطبة لحد يوم العرس .... الله يوفق الجميع ويرزق اللي لسا ما تزوجوا



تحياتي