قصة وقصيدة ابو البنات

**المنتقد** · February 25th, 2009, 01:34

بســم الله الـرحمــن الرحيــم
السلام عليكــم ورحمـة الله وبركاتــة ،،

قبل حوالى 70 سنة وفي منطقة القصيم كان فيه رجال من اهل بريدة اب وعنده بنات صغار واقبل عليهم عيد رمضان طلبو البنات ملابس يبون يفرحون بالعيد وخابرين فرحة العيد وهذا الرجال ماعنده الاطلبة الله رغم انه امام لا احد المساجد ،المهم كلما قالو له وين ثياب العيد يقول لهن يرزقكن الله سبحانه وتعالى ..وقبل العيد بيومين فقط وصلته الكسوة من عنيزة من احد مشائخها يقال له
(( البسام )) حيث ان البسام راى في منامه ان المطوع فلان بحاجة الى مصاريف العيد ، فانتدب من يوصل له هذه الكسوة وفرح وفرحت معه بناته وقال هذه القصيدة :-

يالله ياللى تعلم الحال وتشوف
............................. يامعطى كل على قد حاله

تلطف بعبد مامعه حق مصروف
............................ حمله ثقيل وارتكاله لحاله

ان قلت " وش كاري ولانيب مكلوف
............................ ماحد تبرى قبلنا من عياله

عندي بنات لي مصاغير وضعوف
......................... والحال يعلمها عظيم اجلاله

ان جيت ادور مع هل الطيب معروف
....................... ربعي كثيرين ولا من صماله

حقى من اربوعي معاذير وحلوف
......................... وكل يبي حلفه يوفر حلاله

ارجو ان تنال استحسان الجميع .والمعذره عن كل نقص وتقصير ..والسلام عليكــم ورحمـة الله وبركاتــة ،،

**هلالي القرن** · February 25th, 2009, 17:43

صح لسانك يا المنتقد .
هل القصيده انت الذي الفتها؟؟؟؟؟؟

**المنتقد** · March 1st, 2009, 02:35

المشاركة الأصلية كتبت بواسطة الهلالي الأول

صح لسانك يا المنتقد .
هل القصيده انت الذي الفتها؟؟؟؟؟؟

بسم الله الرحمن الرحيم
السلام عليكم ورحمة الله وبركاته
حياك الله اخوى الحبيب الهلالى ...سلمه الله
صح بدنك يالغالي... والقصة والقصيدة واقعيه كما ذكر في كتاب شعراء من عنيزه .. وانا ماني شاعر لاكن احفظ بعض الشعر ومتابع بسيط للشعر وخاصة لقدامى الشعراء مثل الامير الشاعر محمد السديرى رحمه الله وشيبان بن قويد ومحيسن الهزانى ومحمد القاضى وابن سبيل وابن لعبون وغيرهم من قدامى الشعراء ..شرفنى مرورك بارك الله فيك ...والسلام عليكم ورحمة الله وبركاته

**هلالي القرن** · March 6th, 2009, 11:30

شكرا لك يا المنتقد على الموضوع المميز .
بارك الله فيك .
بس سؤالي هل انت تجيد الشعر؟؟
موفق بإذن الله ... لك مني أجمل تحية .

**المنتقد** · March 6th, 2009, 22:05

المشاركة الأصلية كتبت بواسطة الهلالي الأول

شكرا لك يا المنتقد على الموضوع المميز .
بارك الله فيك .
بس سؤالي هل انت تجيد الشعر؟؟
موفق بإذن الله ... لك مني أجمل تحية .

بسم الله الرحمن الرحيم
السلام عليكم ورحمة الله وبركاته
حياك الله اخوى الغالى الهلالى ...سلمه الله
لا اخوى الغالى لست بشاعر حتى لو كنت انظم بعض الابيات البسيطة ...شرفنى مرورك بارك الله فيك..والسلام عليكم ورحمة الله وبركاته