قصة وقصيدة: يا ذيب ياللي جرصوت عوا به

[المنتقد]

بسم الله الرحمن الرحيم
السلام عليكم ورحمة الله وبركاته ,,

قصة وقصيدة:يا ذيب ياللي جرصوت عوا به

حياكم الله اخوتى واخواتى الكرام ...سلمكم الله

يقول المسولف الله يسلمكم ان فيه بنت متزوجه من قبيلة ثانيه وفى يوم من الأيام غزوا اهل زوجها اهلها وكسبوهم وخذواحلالهم .

وبعد فتره تسلل اخو البنت وقابل اخته وقال لها ان ناوى ارد حلالنا وعسى الحلال وينه فيه واذا جاء الليل ابعوي عوا الذيب وانتى اطلعى وعلمينى وين الحلال علشان ارده ..

وفى منتصف الليل،سمعتة أختة ايعوي ولكنها ماقدرت توصله خوفا من حماتها اخت زوجها فقالت هذة الأبيات

[poem=font=",6,blue,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
يا ذيب ياللي جرصوت عوا به = مدري طرب وإلا من الجوع يا ذيب
يا ذيب لاتقهرك عنها المهابه = يا مجفل الغزلان طرشك معازيب
تلقى العشى لك يم خشم اللهابه = في فيضة السرداح ون تهت ياذيب[/poem]

فسمعتها حماتها فظنت انها تهرج عشيقها وردت عليها الحماة

[poem=font=",6,blue,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
الذيب حذارى يعضك بنابه = ترى معض الذيب ماله تطابيب
تراك مثل اللي جلب له جلابة = لادارها السوام يلقى عذاريب[/poem]

فردت البنت على قصيدة حماتها موضحة الأمر لحماتها

[poem=font=",6,blue,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
وحياة جلاب المطر من سحابة = اني عذية مادخل عرضي العيب
الذيب اخوي اللي يشيل الكسابة = يوم ان نجوم الليل مثل المشاهيب
واللي ظلمني جعلها في شبابة = وتحدرة من عاليات المراقيب
انا كما عد عذي شرابة = ماتارده فى القيض حرش العراقيب[/poem]

ويوم اصبح الصبح الله يسلمكم لين البل رايحه وعرفوا ان ابل اهل الحرمة رجعت لهم ..وسلامتكم
ارجو ان تنال استحسانكم ورضاكم والمعذرة عن كل نقص وتقصير ...والسلام عليكم ورحمة الله وبركاته ,,

[ابومشعل]

وعليكم السلام

انشهد انه ذيب رد الحلال ورفع راس قبيلته .والسلام عليكم