قصيدة ...الا واهني اللي من الحب مـا يهتـم

[المنتقد]

بسم الله الرحمن الرحيم
السلام عليكم ورحمة الله وبركاته ,,

حياكم الله اخوانى واخواتى الأعضاء والزوار الكرام سلمكم الله جميعاً
اليوم يالربع عندنا لكم قصيدة عن الحب الله يكفينا شره وعن المحبين للشاعر ابودحيم واسمه حمد بن عبدالرحمن المغيولي من شعراء عنيزه الكبار والمشهورين ....

والشاعر الله يرحمه من فحول الشعراء وشعره في الغزل جمع بين النقيضين العذوبة والجزالة .. فشعره جزل لكنه عذب . وأغلب شعره في الغزل العفيف , ولم يكن يلجأ إلى التصوير الجسدي كما يفعل بعض الشعراء من جيله وممن عاشوا قبله , بل كان يترجم العواطف , ويشرح الهواجس بعبارة ساحرة وخيال خصب ,ونتركم مع القصيدة علشان ماتقولون طولت علينا والقصيدة يقول فيها :-

الا واهني اللي من الحب مـا يهتـم
.................................يطيب الزمان او يختلف شين ماهمـه

معافى زمانه لا يهوجـس ولا ينـدم
..................................يقضي ليال شباط والقيظ عنـد امـه

وانا اللي عيوني تزعج الدمع دمعه دم
...............................واخفي جروح الروح والروح منسمه

سبب جاهل لاهوب يصخف ولايرحـم
...............................لو اني من اقصى الناس والا ولد عمه

حربني وانا ما نيب طاغي ولا مجـرم
..................................انا بالبخت يا هافي الوسـط والذمـه

الى صار دينك جايزٍ ذبحـة المسلـم
.................................فالى حل ذبحي خل ذبحي على يمـه

الا يا مربي قذلـة تقـل ذيـل ادهـم
..................................من العنبر الغالي على بعد لـه شمـه

ابي شربة تبرد غليلي مـن المبسـم
..................................اذا كان تسمح لي على مطلبـي تمـه

صويب المحبه لو نجح دور ما يسلـم
..................................يسومل على همه وهو ناشـف دمـه

ياليت الثريا ماعترض دونها المـرزم
...................................لما الكبد يطفي حرهـا بـارد الجمـه

حرام الهوى غيرك من الناس ما يلزم
..................................الى صار غيري ما تلد النظـر يمـه

ارجو ان تنال استحسانكم ورضاكم والمعذرة عن كل نقص وتقصير ...والسلام عليكم ورحمة الله وبركاته ,,

[نسنوسه]

وعليكم السلام ورحمة الله وبركاته

الف شكر يا مبدعنا المنتقد



أسير الحب لو صاح القوايـل لا تلومونـه
00000ترا قصدير قلبه من وحم نار الهوى ماعي
الا يا عاذليـن القلـب كفـوا لا تعذلونـه
00000عذلتوا والقلوب الهايمه ما تسمع الداعـي
عليه الهم خيّم والتعـب والسهـر لعيونـه
00000سبب من لا جزاه الله صوابه بين الاضلاعي
بكى مجنون ليلى وان بكى ما نيب من دونه
00000انا اللي في بحر ميه وعشره يكفخ إشراعي
بلاي قماش من حدر القماش مذهّب لونـه
00000لزمته ثم سمته سومة الصامل ولا باعـي
وراكم يا هل المال المذهّـب مـا تبيعونـه
00000عشقت المال نوعه شاقني من بدّ الانواعي
أحب السلعه اللي من بلدها مـا يعرفونـه
00000عليها شمعها ما روجت بالسوق مع ساعي
ثمان سنين ما غيرت زاد وسـط ماعونـه
00000والى قلت الحذيه من زهور الورد ما طاعي