فراج بن ريفه - قصيدة - يا الله أنا طالبك !!!

[محمد بن سعد]

يا الله أنا طالبك حمراً هوى بالي
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
قال ابن ريـفـه بـدافي المرقب العـالي =واعلى المراقيـب تومي به هبـايـبها
يا مرقـبي جــاك من الاسـبار همالي =نصـوب مزن من المنـشـا يهل ابـها
ما يدهله كون صـافي الريـش ولـوالي =ولا الـولـع يـوم يفـتك في عجايـبها
انـا ولـد طـارفـه مانـيـب كسـالي =خـاف من خـبرة بـاحت مزاهـبـها
عليك يا مرقب جيـته وانا ســــالي =هيض على القلب ديارنٍ شـطيت ابـها
هيض عليه شــدوق (الثفن) لا سـالي =عطــفة (طريب) ليا زافت عــجايبها
لامـن غدا الفـيض كـنه زرع عـمالي =سـيله من القدم للبـطـنان نـاهـبـها
كـم مـرة قـد نزلـنا عـشـبه المالي =بيـوتـنـا لاوزا المـجـرم يـلوذ بها
تـنـزلـه بـبـيوت عـراف وجـهالي =وانـا جـا النذر مـن خفـيف مانزهبها
ربعـي (عبيـدة) الياجـاهـوش وقتالي =هل هيـة في الضـحى تشـعا كسايبها
انشــد عبيـدة هل الطـولات من حالي *** وانشـد الاجـانيب يـوم انــا نقربها
منـهـو يـقـلـط عـلى فرش وفنجالي =ســعـد ابن عمه ليـاجاته مكاربها ؟!
لامن غــدا بين نـقـاض وفـــتالي =صـفت الاجـانيب واذاته بطـلايبها ؟!
ثم جـيتـها ثم لـفحت بهم على الجالي =لفـح الدالي للمـعـدي يـوم يجذبـها
ياركب ميـمونه في مشـــيها ارمالي =ماشـتحن مـن هــل العيرات راكبها
تزهي السـفايف وتزهي الخرج وحبالي =ومجـرب لاسـرى في الليـل صـالبها
ملفاك من يلبسـون الجــوخ والشالي =ربعــي ودرعـي وضـد اللي يحاربها
ملفاك شــيخ القبـيلة حــامي التالي =عند (ابن شــفلوت) يالمنجـوب قربها
قل له على طـــالت المدة وانا (جالي) =عشر سـنوات مضت بحسـاب مقطبها
فان كـان ربعـي نسـوني مانيب غالي =باعيــش في ديـــرة قفرا جوانبها!!
في ايـدي قرار تكـــف الجمع لاهالي =طويلة ناحــل مقضـب خشـــايبها
لي بنـــدق ما صنعها الصـانع التالي =من دقـة (المارت) نحـال مقاضــبها
شـريتها بالثـمن يوم ارخـص المالي =إميـه وعشـرين مـا يمهل بغـايـبها
الله يرحمــــك يا عود شــراها لي =من واحـد جــابها للســوق جالبها
حديــدها واذكر الله كنه ريــــالي =كن الحيـايا تطـــــوا في مقاضبها
اقف بهـا بين ربـعي وامنـع التـالي =لا خـف ولد الردي ما احتال يزهبــها
عـط الطـويلة عريــب الجد والخالي =ولد الردي لا تلخـونه يـزول بـهـا!!
واللي رفـيـع وللشـوفات حمـــالي =ارفـع نواصـيه يـاربي وقطـــبها
وانا مـن الخبرة اللي شــورهم عالي =واهـل سـلوك الردي يــارب تذهبها
بنـت غـراها زبـاد في ايـــد دلالي =ولا طـمـوح هـواها من يلاعـبـها
كـم مـرة قـد ضـربنا منـجم خـالي =وكـم جمـلة فرقـتـها من ربايبـها
وليا لفـونا من المقـنـاص زعــالي =أحـد مدح بنـدقة واحـد يعــذربها
بشـرتهم العشــا من عقـب مقـيالي =القـايدة مـع مـرد الكـوع ضاربها
اضـرب بها الوعل لاجاد له تـهنـفالي =ابو حـنية كــبير الراس شــايبها
ذبحت عشـرة بها والظــل ما مـالي =والحاديه روحـت تـثـلغ مضـاربها
ويالله انـا طـالبـك حمــرا هو بالي =لا روح الجـيـش طـفـاح جنايـبها
لا روح الجيش حاديه اشــهب اللالي =لا هــي تـورد وسـيع صدر راكبها
اللي على كــورها واللي بالاحــبالي =واللي عـلى عيزها واللي بغـاربـها
لا روحت مع سـباريت الخــلا الخالي =كن الذيـــابه تنـهش من ترايبها!!
تمت وصـلوا عــدد ماهل هـمـالي =على نبي شـروع الحـق رتـبــها
اغفر ذنـوب الفـتـى يالله يـاوالي =لا جـيت في حفرة رزوا نـصـايـبها[/poem]
الشاعر فراج بن ريفه العبيدي القحطاني
يرحمه الله

[المنتقد]

بسم الله الرحمن الرحيم
السلام عليكم ورحمة الله وبركاته
الله يرحمــــك يا عود شــراها لـــي *** من واحـد جــابها للســوق جالبـــها
حديــدها واذكر الله كنه ريــــالـــــي *** كن الحيـايا تطـــــوا في مقاضبــــها
اقف بهـا بين ربـعي وامنع التـالــي *** لا خـف ولد الردي ما احتال يزهبــها
صح لسانك يادكتور والله يرحم الشاعر واموات المسلمين
قصيده معبره وجميله بارك الله فيك والسلام عليكم

[مزاااج]

صلى الله عليه وسلم

قصيده جميله فعلاً اخي محمد

بارك الله فيك