قصيده في المكياج

[سلمان السلمي]

قصيده كتبها واحد

متعقد من المكياج


يا صانع المكياج الله يجازيك
خليتني مخدوع في شكل خلي

الله يحرق مصنعك مع مبانيك
والمعرض الموجود في بيكاديلي

ادعي عسى تعمى وتنشل رجليك
هذا دعائي دوم لا جيت أصلي

خليتني اركض ورا البنت هاذيك
واشوفها أجمل غرام ٍ حصل لي

قلبي عشقها يا(جيفنشي) توماتيك
وان شافها قلبي يرحب يهلي

هي رحبت بي وقالت الله يحييك
وقالت هلا باللي عشق زين شكلي

وقالت أنا أجمل بنت في اللي حواليك
شف حسني الأخاذ وروجي العسلّي

طالعتها ثم قلت هالقلب يبغيك
ومن شاف حسنك خلى غيرك يولي

ابغي اشوفك دون مكياج يكسيك
وابغي اشوفك بالجمال المحلي

قالت تبيني افرك الوجه تفريك
واشيل هالبودر وروجي وكحلي

قلت أي نعم قومي عسى الروح تفديك
ابغي جمالك هالطبيعي يهلّي

قالت دقايق راجعه لك واراويك
ذاك الجمال اللي لعينك يسلّي

ويوم رجعت لي شربكتني الشرابيك
وح سيت الأرض تدور وأنا بمحلي

الخد كنه يا(جيفنشي) سيراميك
والوجه شارع مثل شارع حولي

الوجه كنه بيت كله شبابيك
من هالحفر في وجهها اللي يعلّي

كله سبب مكياجك الله يجازيك
خليتني مخدوع في شكل خلي

ونصيحتي لكل شاب من غير تشكيك
لا لا اتسرع ثم تنغش مثلي

اللي بلا مكياج خلها حواليك
واللي تحط مكياج ..
خلها تولي

[نسنوسه]

السلام عليكم ورحمة الله وبركاته

ههههههههههههههههههههههههههههههههههههه


عجيبـــه


بس الحب مو حب شكل لان الجمال راح يزووول

اهم شي الاخلاق---))

تبون الصدق عاد المكياج مايغير الوحدة ..الشينة شينة حتى بمكياج

[المنتقد]

بسم الله الرحمن الرحيم
السلام عليكم ورحمة الله وبركاته ,,

حياك الله اخوى سلمان ...سلمه الله

اليوم المكياج وما ادراك ما المكياج والشاعر يقول فى الجمال الطبيعى :-


إن العـيون التي في طرفها حور
............................... قـتلـننا ثم لم يحـيين قتلانا
يصرعن ذا اللب حتى لا حراك له
............................ وهن أضعف خلـق الله إنسانا

والجمال الصناعى ؟؟؟؟؟؟
؟؟؟
؟؟
؟
ومن يعتقد انه جمال

[سلمان السلمي]

شكرا على مروركم وتعليقكم
لكن المكياج له دور
يايزيد !!!؟؟؟ او يزيد العجين بله

وعاد اخوي المنتقد جاب صوره
كمثال للحسناوات
الله يهداك بس
كان لازم تفضحنا