يوميات شيخ النظر

[شيخ النظر]

بسم الله الرحمن الرحيم




السلام عليكم ورحمة الله وبركاته،،،




ليلة راس 2010 من العام جديد




بيسان البحرين






قعمص : هابي كرسموس يو يير...




مرعي : أقووووول خل عنك الضواطير وصب بسسسسسسسس...




قعمص : ضواطير وإلا مواطير للبر ههههههههه...



مرعي : ههههههههههههههههههه وبعد هههههههههههههههه




قعمص : ياخييييي ماأدري وشلون هبّل بنا هالمشرووووووووب..!؟



مرعي : ياحليلهم شركة الغازيات في السعودية رافعينه الدبل والله لوأنه

شروى هالطيب...!؟




قعمص : أنت تشوف ثواااارتهم....



مرعي : قصدك بقااااارتهم هااااااع هاع هيييييع....




قعمص : تصدق أنه عسل لا لا لا لا سمن برررررررررري....



مرعي : أنت تشوف والله ياللي ورى مصنع الأسمنت لو ذاقووووه كان

وزعوا اللي عندهم مجاناً....




قعمص : ليه كتب مدرسية هي...!؟



مرعي : هاااااااع هااااااااااااع هييييييييييييع....




قعمص : ياأخي الواحد لين تقهووووى يحن لذيك الديرة...



مرعي : أي ديرة لاتقووووووول ديرتناااااا...!؟




قعمص : أيه والله ماعاد فيني أروح للبحرين ياأخي تخوووووف...



مرعي : قايل لك خلك على دبي تايلند الصغرى...




قعمص : ولاحتى دبي ياخوي كلهم غاليات أجل بالله الليلة تكلف 3500 ريال

وأحنا طفّرنا حيييييل...



مرعي : ليه وش حادك على الغالي خذ لك من ربيعنا رخاص ونظاف...




قعمص : لا ياشيخ أعوووذ بالله أطلع من هم وأعود على هم صاحي أنت...!؟



مرعي : قبل الكأس وإلا بعده...!؟




قعمص : هاع هاع هييييييييييييييع ياخف دمك برى الحدود....



مرعي : شفت أنا قايل لك دمي خفيف وخاصة مع هالمآخوووووذ يصير

تووووووووووووت توت نغمة مشغوووووول مانيب فاضي...




قعمص : على طاري توووووت يقولون شركة stc ناوية تمسح بمشتركيها

الأرض الشهر الجاي على أستهبالهم بالرسايل يقولون رئيس مجلس الإدارة مطلّق

لايطلعها من ظهورهم....



مرعي : المشكلة ربعك من كثر مايبردون في حريمهم ماعاد بقى في

ظهورهم شئ....




قعمص : أجل بيطلعونها من قلوبهم....



مرعي : هااااااااع الله يعين الشميسي وطقته على الجلطااااااات الشهور

الجاية....




قعمص : عادي سمعت عن الشميسي أنهم ناوين يفضون المواقف اللي قدامه

عشان الأسياب عندهم أمتلت وماعاد باقي إلا يحطون المرضى على

الأرصفة وفي مواقف السيارات...



مرعي : أقووووووووووووول صب ياشييييييييييخ وفكنا من سواليف ذيك

الديرة اللي الضغط فيها أعلى من الزيادة السنوية والمعيشة فيها صارت

خيالية من الغلا وقلة الحيا...




قعمص : على طاري الغلا يقولون أن الدولة بتساهم في تقليص نسبة العنوسة

للنص.....



مرعي : أقول أنطم بس ذي سالفة تجيبها ذا الحزة...




قعمص : وشففففففففففففيك أسمع طيب للنهاية...



مرعي : أها يالله قل وش عندك..!؟




قعمص : يقولون في الشهر الداخل هجري الحكومة سمحت لأي مقيم يجيب

أهله وربعه وذويه مهما كانت مهنته.........



مرعي : نععععععععععععم وشهوووووووووو...!؟؟؟




قعمص : وشفييييييييييييك...!؟



مرعي : أقوووووووول أنت شكلك بتفككها...!؟




قعمص : وشلوووووون...!؟



مرعي : أنت عارف يقول الأمير مشعل عندنا في هالبلد تسعة مليون وخمس

مية ألف أجنبي صح..!؟




قعمص : صح هذا بعد قبل أربع سنوات يعني نقول الحين عشرة ملايين...



مرعي : عليك نووووووووووووووور يعني نقول كل واحد من هذولا عنده

بس طفلين مع الحرمة يصيرون ثلاثة...!؟




قعمص : مضبوووووووووط شكلها مسّكت على رياضيات....



مرعي : تدري ثلاثة ضرب عشرة ملايين يعني يساوي ثلاثين مليون مع العشرة يصيرون

أربعين مليون وأحنا سبعة ملايين مابين بدو وحضر وطرش بحر ومليون ونص شيعة ونص

تعدادنا وزيادة حريم....




قعمص : يعني وش تقصد الله يرجججججك شكلي بأشرب الكأس الجاي بدون

ثلج ولاإضافات كلامك يخوف يبي بقووووة تركيز...



مرعي : يعني ياثوووور....




قعمص : ماعليك زود أسلم...



مرعي : الله يسلمك الحكومة ملّت منا كشعب وحابة تغيرنا أو تدمجنا مع

سكان العالم يعني يزوجون عوانسنا للأجانب وأحنا بالفقر والشحاذة يمسكونا

في المتسولين ثماً يسفرونا نفي وإلا ينطلونا في البحر أهم شئ يصرفونا...




قعمص : ضنك ابو متعب يسويها...!؟



مرعي : أيه من حقه ياأخي ذا الشعب يفشششششل ماغير شكاوي وفضايح

في هالنت وهو توه زايدهم خمسطعشر في المية...!!!!




قعمص : لالالالا قل غيرها....



مرعي : أجل وش تحسب...!؟




قعمص : أنا كان ضني لما كل واحد يجيب عائلته يصيرون يآخذون

هالعوانس ثم تصير الدعاوي أرخص...



مرعي : إذا هو يكد على عائلته هناك وصنّعوا الخمور ومارسوا القوادة أجل

لما بيجيب عائلته هنا وش بيسوي...!؟




قعمص : أقول والله أنك صادق الشعب الجديد لايقلق عن الإختلاط وإلا قيادة

المرأة ولافتح السينمات...



مرعي : ضنّك هالمآخووووووذ بيصير يباع عندنا ورى مصنع الأسمنت

بدال الوطني المرووووووووح...!؟




قعمص : هاه أقول أشرب وخلّك على الصامت لاتجيب الطّعه لنا...



مرعي : سمعت وش يقول أبوحمد (بشير حمد شنان)...!؟




قعمص : وش يقووووووول...!؟






مرعي :هذي جابها أبو حمد على لسان الحكومة...


خلصت من جمله الخلان ------ واحسن لي أعيش وحداني


ماعاد أعاشر جميع إنسان ------ يكفي العذاب الذي جاني


مادام اللي هويته خان ------ اخشى تورط مع ثاني


هويت انا قايد الغزلان ------ واهديت له قره اعياني


هويتكم والمقدر كان ------ واليوم أشوفك تحداني


حقيقه إني انا الغلطان ------ وش لي بشخص تناساني


عملت له طيب وإحسان ------ وبالهجر والغدر جازاني


ولابد ماارجح الميزان ------ واعطيه من حيث مااعطاني








والسلام عليكم ورحمة الله وبركاته،،،

[شيخ النظر]

بسم الله الرحمن الرحيم




السلام عليكم ورحمة الله وبركاته،،،




ملف أخضر علاقي











المدارس تطالب بملف أخضر علاقي عشان تقبل عيالك...


الوزارات ملف أخضر علاقي عشان تشوف معاملتك...


الديوان ملف أخضر علاقي عشان تقدم على وظيفة...


حتى الشركات صابتها العدوى تبي ملف أخضر علاقي عشان تتقدم لها

كموظف ولاتقبل تستلم أوراقك إلا به...


وكله كوم والتقديم على وظيفة عسكرية كوم ملف أخضر علاقي ومليون

صورة ومليار ورقة من البطاقة والشهادات...



بالنسبة لي عندي في السيارة على الطبلون ملف كامل أخضر علاقي فيه عشر

صور للبطاقة الشخصية وخمسة وعشرين صورة شخصية ومصور كل

شهاداتي حتى فواتير الكهرب والتليفون وش رأيكم تعطوني ملفاتكم الخضر

العلاقية وأقدم لكم معي..!؟


لاحظوا ترانا في هالديرة ماسمعنا أبد بالحكومة الإلكترونية لازم في كل دائرة

حكومية بوفيه تبيع كل سندوتش بثلاثة ريال وشاهي بريالين وملفات علاقيه

خضر ومكينة تصوير عشان تقدم عليهم ملفك ولهطوا منك العشرة اللي خذتها

من عجيزك اللي صرفتها من الشئوؤن ثم ذبوا أوراقك في الزبالة ورجعوا

الملف للبوفية عشان يبيعونه لغيرك وهكذا...


أوراقك اللي راحت للزبالة تشتريها شركة إعادة التدوير ثم تسويها أوراق من

جديد تشتريها الحكومة ثم يلهطها المسئول ويحطها في بوفيته ثم يجي غيرك

ويخرج العشرة اللي عطته العجيز وهكذا...


وهذا إستنزاف للمواطن تحت مظلة ملف أخضر علاقي...


العجيب الغريب أن القصيبي يقول في كتابة حياة في الإدارة أنه يمقت

البيروقراطية العربية وكثرة الأوراق والآن وزارته أكثر وزارة تطلب

أوراق لا وفي كل مرفق لها اربع بوفيات يقولون مالايفعلووووون....





غبنة الملف العلاقي هذي ماراح تندثر من الدوائر الحكومية وأحنا مازلنا

نستعمل المعاريض والألة الطابعة والمعهد المهني مازال يعطي تدريب عليها

وسرى الليل ماحياً فطن لي ودموعي تهل لي...










والسلام عليكم ورحمة الله وبركاته،،،

[شيخ النظر]

بسم الله الرحمن الرحيم




السلام عليكم ورحمة الله وبركاته،،،




الدنيا حلوووووووة








تفتح التلفزيون بعد صلاة الظهر تلاقي فيه برنامج إثنين شباب مشخصين

ريحة عطورهم تشمّها من ورى الشاشة لابسين ثياب بيض ويتضاحكون

ويقولون الدنيا حلوووووووة...


تدور لك عود أسنان عشان تضغط اللي يغير القناة لأن الريموت مكسّر

والأزارير داخله جوا من كثر مالشباب عيالك الله يصلحهم منتفين الأزارير

وعلى بال ماتلقى عود تلاقي واحد من الشباب اللي في التلفزيون يشكر في

التنمية والحكومة ثم تتفل على الشاشة (حاشاكم) (من قهرك من نفاق الإعلام)

مافيه أحد يقول الصدق وإلا أني الوحيد اللي معاني...



أنا أجزم بلا الجازمة أن هالإثنين من عيال الواسطات وأنه بمجرد ماتخرج

بتقدير مقبول من جامعة الإمام قسم إعلام إلا وظيفته جاهزة ووين في القناة

الأولى للتلفزيون السعودي لأن القناة الثانية تبي لها إنجليزي ومخلينها لعيال

الضعوف عشان يتسابقون عليها والقناة الأولى هذي اللي يتفرجون عليها

الفقراء والمساكين اللي يطلعون لهم هالبزران ويتّريقون على مشاعرهم

بإهامهم أن الدنيا بخير بس أن حظك يالفقير نحس ليه ماصار أبوك وإلا أخوك

معالي وإلا من الديرة الفلانية وإلا من جماعة رجلاً شرواهم....


تغير القناة ثم تطلعك مذيعة في قناة إقتصادية لابسة ضيق في ضيق لدرجة لو

سوت حركة مفاجئة كان تفتقت ملابسها وحاطه في وجها أحمر وأبيض كنها

لزقات الحفريات اللي تشوفها في الشوارع وأبتسامتها واصله المريخ وتقول

لك السوق السعودي مستقر الأوضاع بل إنه سجل إرتفاع في الربع الأخير من

عام 2009 وتصفقك ذيك العبرة من تقلب التسعه وتصير عام 2006 وتتذكر

كيف نهبوا فلوسك بدون أحم ولادستور والدموع تنزل على صدرك كن عينك

معرّقه وتجيك المدام وتسألك ورى عيونك تدمع ولاتدري وش تصرفها وتقول

لها أبد من ريحة البصل اللي في خلاقينك (مسيكينة هالمرأة مجبورة تتحملك

تورطت بك وبها العيال)...


تطفي التلفزيون وتلبس خلاقين الدوام لأن دوامك مسائي ومن خوفك من البرد

مايبقى خلق في البيت مالبسته ثم تتدربا لحد الشارع لأن من ضيق البجامة

الداخلية وشراب العايلة (حاشاكم) تحس أنك ملزق بشطرطون ماأنت لابس

ومن توصل هالونيت موديل 78 أبو عزيز تتذكر كلمة الشابين اللي في القناة

الأولى (الدنيا حلوووووووة) ثم تبلع ريقك عن مرارة صبرة وحلتيتة ومرّة

وتحاول تفتح الباب اللي جيم من تغيرات الجو وبعد معاناة عجز يوصفها خالد

الفيصل ينفتح الباب ثم تدخل المفتاح في السويتش وتحاول تشغل وتحاول

تشغل ولاتشتغل السيارة لين جارك يوقف سيارته عند بابه وبسرعة يزرق

لبيته يخاف أنك تقول له إشتراك وإلا مساعدة...


تبدى عاد تدور العامل حق البلدية أو أي باكستاني يساعدك تدفون السيارة

عشان تنتعها وبعد غارت جوية وزحف بري في الشارع تلقا إثنين باكستانية

نايمين على كرتون تايد من العرقان طابع في ظهر الأول بالعربي وفي ظهر

الثاني بالإنجليزي وتترجاهم عشان يساعدونك ويقولون لك نبي فلوس وعاد

راتبي بالميلادي يعني لسه مانزل تقول عادي أرهن عندكم إستمارة السيارة

مير ويبكووون ويقولون لي يالله ياشيخ أمشي نساعدك...


ويدفونك لين وصلت سرعة السيارة ثمانين وتنتع وتنتع وتعيي السيارة تشتغل

لاحول ولاقوة إلا بالله ثم يرجعون ويدفونك وبرضوه عيت تشتغل وفي الأخير

بعد ماأبعدوا بك عن البيت ثلاثة كيلو تكتشف أن السيارة مافيها بنزين وتقلّب

في مخابيك وتقلب في طفاية الدخان هلل لين مافيه لأنهم صاروا يحرجونك في

المولات تتبرع فيه للجمعيات...


المهم وتوقف عند المحطة وتقول له عبي بنزين 91 تسعين اللي لونه أخضر

سعودي حقنا يالسعوديين بعشرة ريال ومن يعبي تمد له البطاقة حقت الأحوال

ويطلع لك ذاك المعروض بممانعة رهن البطاقة من وزارة الداخلية (ياسبحان

الله مانعين رهن البطاقة ولاعرفوا ليه أحنا نرهن البطاقة؟؟؟) المهم وتحب

راس صديق وترهن عنده الإستمارة لأن الجوال مرهون عند راعي البقالة

والساعة مرهونة عند راعي البنشر ماعاد باقي إلا ترهن عيالك عشان تقدر

تعيش وإلا تنفصل من دوامك وتدمر حياتك...


ومن يوافق وتشتغل السيارة لين اللي أرتفاع ماهوب مؤشر البنزين اللي

التناكي علوووه معشش فيه أبو عشيش (العنكبوت) آخر مرة تعبى فل (مليان)

أيام الملك خالد الله يرحمه ويرتفع أمبير الحرارة للخط الحمر الإتش وتنصى

البنشر ويلقطك بحلقك وين العشرة حقت رقعت التيوب لس وتتفلت منه بالقوة

وتلقط لك سطل وتكبة في الأديتر لين بردت السيارة ثم يجيك اليماني اللي

داخل متسلل وفتح بنشر بأسم واحد من هالمواطنين يعطيه في الشهر ألف

ويربح ثلاثين ألف والجوازات ماتدري عنه ولو بلغتهم حققوا معك وش دراك

أنه متسلل يمكن كان وحرس الحدود على خط واحد وطلع مع طلوع الكورة...


المهم ويقول لك الساعة خربانه وتضحك علي وتترجاه لين يخليك ثم تطلب منه

جركل الموية يعطيك أياه عشان توصل لدوامك إحترازاً لاترتفع ثانية

(بصراحة حلوة إحترازاً أحس أني أديب وأنا أكتبها)...


ومن تركب الدائري لين الزحمة واصله حدّها أنت تتحكحك من الحرارة

وجسمك يقرصك كنه لحظة طلوع النمل من المدارس وجالسين يمشون على

جسمك لين على اليمين من الدائري اللي صار أسمه الزحامي من الزحمات

على يمينك التريلات اللي وأنت مفتح الدرايش ينشقونك ديزل لين صرت

مدمن ديزل ولو ماشميته ذاك اليوم تحس بدووخه وعلى يسارك تلاقي

السيارات الجديدة 2009 و 2010 وتتذكر حملة "خلوها تصدي" وتدري

ماصدى إلا قلبك لأن هالشعب زلايب مايصملون على شئ قاطعوا البيبسي

إسبوع ويرجعون له تقول أنه يطول العمر...


المهم وتشغل الرادو على إذاعة القرآن ثم يطلع لك شيخ يتحدث عن التبذير

وعدم الإسراف وأنه يجب على المسلم الإقتصاد في كل شئ ولأن هالإذاعة

مايستمع لها إلا كبار السن والفقراء كل مواضيعها ياعن اللبْس والعين والسحر

والجن والشياطين وإلا عن المشاكل الزوجية وإلا وعظية عن التبذير

والإسراف وغيرة مايدرون أني وأشكالي ندور نأكل ولالقينا الظاهر أنا نبذر

في الهواء اللي نتنفسه يالله أحسن مافيها أنك تسمع القرآن وأذآن بن ماجد الولد

الله يرحم أبوه ويطول بعمرة والصلاة في الحرم...


وبعد رحلة شاقة من حدحدت التريلات والدينات توصل للعمل لين مديرك

مكشر تحس أن تكشيرته هي سبب زحمة الدائري وتسلم عليه ولايرد وتبي

توقع لينه مجهز لك خطاب إنذار يومين من الراتب (يالعنبوا هالخمسة في المية

5% اللي تناتفوها التجار والمسئؤلين قبل لاتظهر) ولايهمّه أصلاً وش أخرك

طالما هو بيأدبك على حد زعمه وبينصف الدولة كن هاليومين اللي مخصومة

من راتبك هي اللي تزيد التضخم في الميزانية وهو إذا جيت مبكر للدوام يجي

متأخر ساعتين...


تبدى دوامك على مرارة عجزت أنواع المرارات من شري وحرمل وعوشزج

توصلها ولولا رحمة الله وخوفك من عقابه علقت رقبتك في سلك وطبيت

والمشكلة لو ماتموت وتبقى بس مريض عاله على أهلك يراجعون بك في

الشميسي اللي تدخله متعافي وتطلع منه معك مرض مزمن وتصبح حالتك

ميئوس منها يالله الدنيا حلووووووووة...






والسلام عليكم ورحمة الله وبركاته،،،

[شيخ النظر]

بسم الله الرحمن الرحيم




السلام عليكم ورحمة الله وبركاته،،،


ظلامية الهم






ياستر الهموم...


بلاوي...


في ضيمي أعوم...


ولاعدت قاوي...


ياسود الليالي...


على حجابك والستر...


أبصيرلك هدى شعراوي...


أبجردك...


قدام البشر...


من تعذيبتك...


ناوي...


تغريبتك...


أنا ليبرالي...


أبنزع من سوادك الطرحه...


مليت الغمّة...


مشتاق للفرحة...


فكّيها يابعد حالي...


من أصبح...


إلين أمسي...


بس أعاقب نفسي...


حزن وجروح...


وأنتي ياليالي...


على سوادك سواد...


أتعبتي حالي...


كنك بنت أجواد...


نفسي أكون لك ليبرالي...


وأجردك من ثياب الحداد...


أبشوف حريتك كيف...


ذبحني الهم والحيف...


يقولون...


ورى العسر يسرين...


يالطعون...


فكّيها عني تكفين...


أبجرب حرية الفرحة....


من أنزع حجابك والطرحه...


ربي كريم...


ماضيّع عباده الداعين....


آمين...


يارب العالمين...







والسلام عليكم ورحمة الله وبركاته،،،

[شيخ النظر]

بسم الله الرحمن الرحيم




السلام عليكم ورحمة الله وبركاته،،،


تغيير العالم








من اللي كنت صغير ونجحت من ثالثة ب إلى رابعة ج كان تقديري منتاز


والحين أشوفهم غيروها وصارت ممتاز رايح تعبّي بنزين ماهو توصف حالة


طالب الدراسية...


المهم كنت حاط في بالي أني بأغير العالم بأخلي كل الناس مفرفشة


ومبسوطة مثل ولد جيرانا اللي يضحك ويسعبل حتى لو المدير يجلده...



وكلما كبرت شوي أتكن ويصير عندي حكمة والعالم كل ماله يكشر ويزداد


حزن ويأس إلى حد ما وقررت تغيير بس السعودية وش علي من العالم على


الأقل ربعي وأهلي وفيهم الجميلة والمعروف...



إلا ياولد من طاح سوق الأسهم حسستني السعودية أنها تجمع أحزان


العالم ولافيه أمل ولاحصة ولاجهير تتغير حتى لو طلعوا بطاقات...


قلت ياشيخ مالك إلا هالمرأة وهالعيال ألعب فيهم لعب ركب لهم دغديغات


عشان يضحكون الليل مع النهاروللأسف من أرتفع البيبسي والسكر


والشاهي والحليب والفيشار أبو نص والريال صار ماعاد له قيمة


غير أن عليه صورة الملك وإلا كان رميناه مثل الهلل حسيت أن


عائلتي ماراح تتغير...


بصراحة كاد الياس يتسلل لقلبي (حدود ذا ماهو قلب) المهم وأقعد


لوحدي أتأمل حالي وعندي هالكوم البزران وأمهم قلت أجل


بأغير نفسي...


ومن سمعتني الحرمة وتتصل على خالها ناصر اللي جاب الجماعة كلهم


ودبغوني لين عضيت الأرض يقولون الحين مزوجينك أياها عشان تبدلها


أياك بغيرك ياقليل الحيا والمروة...


المهم أنا للحين في المستشفى أنتظر فاعل خير وإلا الدولة مافيه أمل تفكر


فيني فاعل خير عشان يصرف لي مع راتبي راتب عشان أقدر أرجع


الإبتسامة لي ولعيالي وللسعودية وللعالم أجمع يانااااااااااس ملينا


هموم وأحزاااااااااان....





والسلام عليكم ورحمة الله وبركاته،،،

[شيخ النظر]

بسم الله الرحمن الرحيم




السلام عليكم ورحمة الله وبركاته،،،







توقيع










ورقة...



تناقلتها الأصابيع...



من أسابيع...



تتشفقهم شفقة...



توقيع...



بس توقيع...



تكفون يالربع...



بصمة صبع...



وإلا أي توقيع...



هالشخبطة....




لو ماتمّت...




خلت اللخبطة....



عمّت....



ياكم موضوع تحله...



وتربطه...




أردى المواضيع....



اللي يتم سريع....



وأهم المواضيع...



اللي من مكتب...



إلى مكتب يضيع...



أيه ياورقة...



لوبعد سنة....



لقاها أحد تبسم...



ولوقراها...



تلعثم...



مليانة ألسنة...



خلته تجهم...



ولملمها بكفة....



ومسكها بخفة...



ثم حكم عليها بالتقطيع....



ثم قال...



توقيع مين...



يا أبو توقيع...





والسلام عليكم ورحمة الله وبركاته،،،

[شيخ النظر]

[align=center]
بسم الله الرحمن الرحيم


السلام عليكم ورحمة الله وبركاته




ياهبّ




يقولون...



هدب...



يماشي هدب...



قالوا عمى...



ماتعب...!



صدق أنه مجنون....



وشلون...!؟



بالله وشلون...!؟



مايشوفه...!؟



ومع بعض يمشون...



ياهب يالملعون...!!!!



لين أحولّت العيون....



وشوي...



شوي...



لين ماعاد....



شفت شئ...




بعض العرب...



على النبي مايصلون....



ولله مايذكروووون....




والسلام عليكم ورحمة الله وبركاته [/align]

[شيخ النظر]

[align=center] بسم الله الرحمن الرحيم


السلام عليكم ورحمة الله وبركاته




كتبت





أبوي...



ياحليلة أبوي...



كان فلاح فقير...



وأنا قبل أصير...



كنت في ظهر أبوي...



يعلمني الكتابة أخوي...



لأجل أطالب بالتغيير...



ولما دخلت بطن أمي...



كان الظلام...



علي يسمي...



من روعة اللي بصير...



ومن أنولدت...



خذت القلم...



وكتبت...



وكتبت...



والغريبة...



العنوان الألم...



كتبت...



وكتبت...



لين شبيت...



وأنا أحلم....



ببيت...



والقلم...



قضا مداده...



ومات أبوي...



وجثته على الوساده...



وماتت أمي...



وحلمها فيني عاده...



ومات أخوي....



ماشاف أولاده...



وأنا...



على ماأنا...



أحسب الهنا...



أرض...



وقرض...



وأبني للعائلة بيت...



كتبت....



أيه ياليت...



وكتبت...



وكتبت...



لين شبت...



مالقيت...



من يقرى ماكتبت يميني....



غير يساري...



ومن تعبت...



ماعلي يطرى...



غير دمع عيني...



ساعة إحتضاري...



يادياري...



غنيك أمير...



وفقيرك فقير...



صقور وحباري...



اللي يطير...



مايدري باللي ساري...



مت ياقلم...



وخلني أعيش...



من كتبت الألم...



كان الموضوع دراويش...



مالهم غير الباري...



الباري...



ماهو البراري...



وإلا الصحاري...



في دياري...



ذبحها التلطيش...





والسلام عليكم ورحمة الله وبركاته [/align]

[شيخ النظر]

بسم الله الرحمن الرحيم


السلام عليكم ورحمة الله وبركاته



شركات في وطني



شين وزين




لبناني أوجيه هل هي شركة قائمة وإلا مجرد غطاء لمشاريع كثيرة تتم في البلد ولاتنفذ

ولابه نية أصلاً لتنفيذها؟؟؟


ياأخي هالشركة ماتمسك مشروع لين تكرهك فيه وحتى بعد ماتسلمه أنواع العلل

والمشاكل القهر أنها ديكور بلا مضمون ماأدري هل هي إمتداد للدولة اللبنانية وإلا

حبحار للشركة الوهمية اللي تسلم كل مشاريعها لمقاولين آخرين بالباطن ولاحتى

تشرف طيب وين الرقابة من وزارتها...؟؟؟


وفي النقيض تماماً للقوة في التنفيذ مع السرعة والدقة شركة بن لادن الله يرحمه من

يستلم المشروع وهو يسلمه قبل موعده على أكمل صورة واللي مايعرفها يقول جعل

شايبها في الجنة يروح يشوف طريق الهدى مكة وشلون ومشاريعها في توسعة

الحرمين كيف تتم إذا كان أسم بن لادن الله يرحمه موجود على أي لوحة لمشروع تلاقي

تلقائياً يتم بلا والله من طيب الشايب مؤسسها رحمه الله....



يكفي يابلادي شركات لاتقدم ولاتتأخر تطلع على أكتاف هالوطن....

والأمثلة حدث ولاحرج...

يامسئولين النهضة تبي شركات حقيقة فعاله ماهيب شركات شوط بقرة تبدى في

المشروع ثم يطيح حيلها إذا ماهم كفو من الأساس خلوهم يندمجون وإلا شوفوا الكفو

لوكان من الخارج بشروط توظيف لأبناء البلد مثل ماتم مع شركة هيونداي الكورية اللي

أستلمت مشاريع في الجبيل...


من قلبي بيحت مكنوني ياوطن....



والسلام عليكم ورحمة الله وبركاته

[شيخ النظر]

بسم الله الرحمن الرحيم

السلام عليكم ورحمة الله وبركاته



سعودي؟؟؟



إذا أنا سعودي وأنت سعودي وذاك سعودي ومعنا نفس البطاقة والدولة تعاملنا

على نفس المكانة ليه للحين نحاول نفرق بين أنفسنا حتى في مطالباتنا تجاه

الدولة...


يابشر إذا أحنا للحين ماأتفقنا مع بعضنا في أبسط الأمور كيف نبي أحد يتفق

معنا...!؟



سعودي يسوق ليموزين أركب معاه ولو حسابه عشرة عطه خمسطعش شجّعه

سعودي...


وأنت ياسواق الليموزين توصى في أهل البلد ولاتضرب في العالي....



الكلام بعض السعوديين زي الصرصار (حاشاكم) يستاهل ضرب بالزبيريات

(ساجديات) (حاشاكم) لين تلصمه في الأرض لأنه يستهوي التفريق بين

السعوديين وغيرهم وإذا شاف السعودي ضرب به في العالي فسبحان الله كأننا

أعداء ماهو مواطنين ولكن من وين لهالناس الوطنية وهم ماتجرعوها بس

درسوها في كتاب في الإبتدائية....


طيب إذا أنت ماأنت كفو تصير سعودي ليه ماتفارق هالوطن وتخلي غيرك

يعيش ويتعايش...!؟



والسلام عليكم ورحمة الله وبركاته