يوميات شيخ النظر

**شيخ النظر** · June 25th, 2009, 00:46

بسم الله الرحمن الرحيم

السلام عليكم ورحمة الله وبركاته،،،

قدح وربيعه

كثير للحين مافهم معنى الإحترام ومازال يخلط بين الإحترام والخوف لدرجة

إذا أحترمه أحد نظر لسنه أولمقامه أو الوظيفي أعتقد أنه يخافه وهذي

مشكله كيف توصل للناس الإحترام بطريقتك بدون مايشعرون أنك تخاف

منهم...

نظرية: رقم سبع وثمانيه بين المثقفين والعوام...

المثقفين عندما تسأله عن جلسه للعامه في الشعر النبطي وسواليفهم يقول

لك أنواع الكلام الهابط الخالي من قواعد اللغه وفي المقابل العامي عندما

يخرج من ندوه علميه يقول ياخي عندهم صرفيه في الحكي ويحك أيها اللي

مافهمتنا...

طيب أين وسيلة الإتصال بينهم؟؟؟؟

أبو يحيى شاب معاه خمسه إبتدائي عمره ثلاثين سنه محترم جداً وذو صيت

طيب بين زملائه وجماعته بصلة رحمه وبذله السخي وأدبه المتفاني والأهم

أنه من يسمع الآذان مباشرة للمسجد...

أبو يحيى يعمل في أحدى الدوائر الحكوميه قهوجي وهو راضياً تماماً

خصوصاً أنه يعمل بعد الدوام على ليموزين (موتي قهر ياأم أنمر.. قالت

ليموزين يعني بنحل مشاكل من جذورها) وأبو يحيى مبتسم دائماً ولكن لابد

من شئ يعكر صفو شئ...

أبو ياسر الدير العام اللي مكتبه تديور فيه التريلا (ماأدري وش الحكمه)

وجنب مكتبه غرفه صغيره يبدو للكسعات وهالمدير مابقى ندوه أو أمسيه أو

حوار إلا وتلاقيه داخلاً فيه ياخييييييييييي مثقف....

فكل صباح تنشب مجادله بين أبو ياسر وأبو يحيى لأن أبو ياسر يقول له

أعطني (قدح من القهوة) وقدح هي أصل أبو يحيى وآخر أسمه في البطاقه

فكان أبويحيى يشتاط غضباً منه...

وفي يوم من الأيام تأخر أبو يحيى ولما سأله أبو ياسر قال توى إستقدمت

(ربيعه) من أندونيسيا تساعد زوجتي في رعاية والديي فأستشاط أبو ياسر

غضباً فقال له ياهابط غير أسمها حيث ربيعه هي أصل أبو ياسر وآخر

أسمه في البطاقه وربيعه في لهجة أبو يحيى تعني خادمه...

فصار الجدال يومياً بين قدح وربيعه لين جاء ذاك اليوم قال أبو ياسر أريد

قدح من الماء أستمتع به وأرتشفه رشفاً ينسيني من أنا؟؟؟

فقال أبو يحيى ماتخسى تستمتع بقدح وقامت هوشه ضرب فيها أبو يحيى

أبو ياسر نقل على أثره للمستشفى ونقل أبو يحيى إلى قسم شرطة العليا

وهو يزبد قال يستمتع بقدح قال...

والسلام عليكم ورحمة الله وبركاته،،،

**أم مالك الأزدية** · June 25th, 2009, 00:53

[align=center]الله يسعدك يا شيخ النظر
والله سواليفك تقول محطات تلفزيونية
جاية بحمولي قلت بحرك المنتدى
لقيتني أفتح ها اليوميات وأكركر لين تدمع عيوني
والظاهر أني بحتري راجنو
المهم خله يعلمنا نزهب لكم العشاء
والله بنكرمه الله يسلمه من كل شر
بعدين جاني بريد من الحريم يبون يجون معانا
خايفة يلحقونا اللي هجينا منهم
الله يسكنهم مساكنهم
والله ودي أجيب جام ثاني مسكينة هذي ما تعرف لغتنا
من الإمارات تبي لها مترجم
شكلي بروح أراجع سفارة الإمارات وأنسق معاهم
بس تحوم في ذاك الحوي تدورني وتنادي عليك
حتى والله دمعت عيني [/align]

**شيخ النظر** · June 25th, 2009, 00:54

بسم الله الرحمن الرحيم

السلام عليكم ورحمة الله وبركاته،،،

طيبين

يبدو أنكم طيبين حيييييييل ساكتييين ولالكم حس ولاخبر ورغم ذلك ألا

يامخليكم حتى لو طردتموني أبغير أسمي وأجي بفيزة ثانيه يعني من بيدري

قالوا طبقوا البصمة وكل اللي راحوا رجعوا شكلهم لو يطبقون (dna)

برضوه بيجون...

وبعدين أنا ماطلبت غير القرأة ولوحصلت وانبسطتوا أرتحت نفسياً أن هذه

المتصفحة مقبولة من الآخرين راجياً أن ينفع الله بي الإسلام والمسلمين...

على قدي وابسط الأشياء تفرحني (وش أسوي من قريه مافيها لاكهرب

ولاماء لمدينة الرياض طبيعي يكوني صدمه للحين قاعد أستوعبها)...

والسلام عليكم ورحمة الله وبركاته،،،

**شيخ النظر** · June 25th, 2009, 01:00

المشاركة الأصلية كتبت بواسطة أم مالك الأزدية

[align=center]الله يسعدك يا شيخ النظر
والله سواليفك تقول محطات تلفزيونية
جاية بحمولي قلت بحرك المنتدى
لقيتني أفتح ها اليوميات وأكركر لين تدمع عيوني
والظاهر أني بحتري راجنو
المهم خله يعلمنا نزهب لكم العشاء
والله بنكرمه الله يسلمه من كل شر
بعدين جاني بريد من الحريم يبون يجون معانا
خايفة يلحقونا اللي هجينا منهم
الله يسكنهم مساكنهم
والله ودي أجيب جام ثاني مسكينة هذي ما تعرف لغتنا
من الإمارات تبي لها مترجم
شكلي بروح أراجع سفارة الإمارات وأنسق معاهم
بس تحوم في ذاك الحوي تدورني وتنادي عليك
حتى والله دمعت عيني [/align]

أضحك الله سنّك...

من جاء يجي ومن راح أهم شئ يكون مرتااااح

ومن جيت هنا في رأسي قاعدة (أذن طين وفي الثانية عجين)

من داخلني رديت عليه بحب ومن أكتفا بالقرأه سيجد مايسعده

**شيخ النظر** · June 25th, 2009, 01:01

بسم الله الرحمن الرحيم

السلام عليكم ورحمة الله وبركاته،،،

كخ ياربا

زعل واحد من الشباب (موظف في شركة السراج والفتيله) من قلت الكهرباء

ماوصلت ديرتنا للحين قال ديرتكم كلها 50 رجال شارفوا على الموت وشهو

له الخساير؟؟؟

صادق وشهوله الخساير لو أن قريتنا كومباوند كان فتحوا فيها مولات تجاريه

بس حنا مواطنين...

وللمعلوميه هذي الشركه معينه لكل محطه 30 مقاول وتدفع له عن كل

سعودي يوظفه خمسة آلاف والمقاول يعطيه فقط 1500ريال وهذي الشركه

فقط توظف سنوياً 300 موظف نصهم خبراء يعني أجانب طيب بدال

ماتعطون المقاول عطو الضعيف 3000 ياهو يمكن يموت من هول

الصدمه...

والسلام عليكم ورحمة الله وبركاته،،،

**شيخ النظر** · June 25th, 2009, 01:07

بسم الله الرحمن الرحيم

السلام عليكم ورحمة الله وبركاته،،،

بكالوريوس جندي

دق علي واحد جاي من الديره وقال أبونمر تكفى تعال ألحق علي أنا عند

محطة أبو هيه ثم في مدخل الرياض من الشمال قلت وش ذا النشبه اللي

جايني بعد ماصرفت الراتب في الشرقيه ذا بيدخلنا في سلوف ومشاكل...

المهم وأركب الونيت اللي كل الدرايش مشرعه عشان مافيه مكيف بعد

ماخذت معي قهوه وشاي وكرتون مويه صحه تحسباً للطوارئ وجيت

أبروح مع الدائري الشمالي فحفت من كثر التفتيشات لأن أستمارة الونيت

منتهيه (ياخوي من يقول أنه أسبوع المرور إلا دهر ولانعرفه إلا بكثرة

المخالفات) عاد أنا مسوي حركة تمويه كاتب على الباب 2009 عشان

يخلوني أعدي...

المهم قلت أروح مع طريق الملك فهد لأني ماقيلت قلت أقيل في الخط لين

اليوم عاد حر ياوالله وجهي صاير كنه منقد فحم من سموم شمس الرياض

اللي تقول أنك في عطارد وإلا الزهرة من شدة الحرارة ومن دخلت كني

مبرمج نمت شوي حوالي ربع ساعه إلا اللي وراي يضرب وأتلمس على

يميني أحسبه المنبه أشتغل قلت أطفيه وأناظر إلا وراي سياره بنت أم دبليو

قيمتها يقول لي واحد من الشباب قيمة فله في السويدي أطالعه إلا وغترته

تتحرك كنه يد من قوة المكيف واحد يأشر لليموزين ياخي ماشاء الله مركب

إسبيلت وأتنحى عن منصبي خدمة لهذا الوطن قصدي أوخر عنه شوي لينه

من النوع اللي مستغرب فيه فقراء في هذا المجتمع ويفتح القزازه ويقول

(الله يقلع من دخلك لهالديره) قلت له سمّ قال بععععععععد وتتكلم سعودي

قلت أيه ساكن عند عائله وش تتكلم سعودي من زين هاللهجه ماتشوف

وشلون الناس في المنتديات كأنهم في مسلسل الكواسر قال لبق لبق أسنعك

قلت ياخوي عندك سلف لبقت غيره الله يستر علينا وعليك وأجي بأضغط

على دواسة البنزين إلا ألقى أبوعشيش(العنكبوت) طاق شباكه على

الدواسه...

المهم ساعتين لحد ماوصلت لولد الديرة (حمد) إلا وأسلم وحياك الله وش

عندك في الرياض قال جاي أقدم على وظيفة جندي في الحرس قلت جندي

مآخذ بكالوريوس أجتماعيات عشان تصير جندي؟؟؟

قال أحمد ربي ماجستير وماقبلوهم!؟؟؟؟

قلت في نفسي أكيد هذا شخص مغرض وحاقد على مكاتب التوظيف اللي

أنتشرت في الآونه الآخيره اللي تأخذ منك رواتب ستة أشهر ويوظفونك

وتفصل بعد تسعة أشهر ووين صندوق تنمية المارد البشريه اللي يأخذ على

الإقامات 150 ريال عشان دعم التوظيف السعودي والفيز صارت لاتعد

ولاتحصى لدرجة وصلة إلى مالانهايه اللي كنا ندرسها في الرياضيات وإلا

معظم الضباط من دورات الإلحاق من الإبتدائي كانوا يأخذونهم لأمريكا

وباكستان عشان يصيرون ضباط وإلا عندنا مشاة أليين ويحتاجون

للشهادات عليا عشان يعرفون يمشون على نفودنا وإلا وش

القصصصصصصصصه ياناس فهمووووووني!!!؟؟؟

والسلام عليكم ورحمة الله وبركاته،،،

**شيخ النظر** · June 25th, 2009, 01:17

بسم الله الرحمن الرحيم

السلام عليكم ورحمة الله وبركاته،،،

تنازلي

عشووووووه...

تسأأأأأأأأأأه...

فماااااااااااانيه...

بسعععععععععععععه...

تيسسسسسسسسسسسسه...

خسسسسسسسسسمه...

أببببببببببعه...

فلااااااااااااااااااااااافه.......

فنيننننننننننننننننننننننننننن...

فصرررررررررررررررررر

أخخخخخخخخخخخ خخخخخ أسسسسسسسس (شخير)...

لالالالالالا نسيت الواحد....

نبداء من جديد....!؟

موااااااااااافقين...!؟

أيييييييييييه هيييييييييييين يالله بخاطركم وتصبحون على خير ياأهل الخير

بانووووووووووووم...

والسلام عليكم ورحمة الله وبركاته،،،

**سلمان السلمي** · June 25th, 2009, 05:56

السلام عليكم ورحمة الله ..
ياحي الله اخونا شيخ النظر والله وزانت الدار
وبالبسك البشت وبنعزم الربع اللي بالاستراحة...
يازين سواليفك
بعض الاحيان تسر وبعضها يقلب المواجع
وخاصة مع دلة الصبح

فر القلم ولا تخليه يبرد
.......واذا خلص حبره غير الانبوبه

**شيخ النظر** · June 25th, 2009, 08:22

المشاركة الأصلية كتبت بواسطة سلمان السلمي

السلام عليكم ورحمة الله ..
ياحي الله اخونا شيخ النظر والله وزانت الدار

بسم الله الرحمن الرحيم

وعليكم السلام ورحمة الله وبركاته،،،

الله وملائكته يحيونك والدار صرح مزينه أهله...

اللي ياليتهم يعطونها من وقتهم للنهوض بها...

المشاركة الأصلية كتبت بواسطة سلمان السلمي

وبالبسك البشت وبنعزم الربع اللي بالاستراحة

...

البشت بيجي شئ مع ضروسي الذهب...

وأنت كريم والربع يستهلون...

المشاركة الأصلية كتبت بواسطة سلمان السلمي

يازين سواليفك
بعض الاحيان تسر وبعضها يقلب المواجع
وخاصة مع دلة الصبح

الله يبعد الأوجاع عنا وعنك والجميع خذ وخل ولاتحط ولاتشيل وتراني أكتب

ولاأدري وش أقول فيني نوووووم صناعي (غير طبيعي)...

المشاركة الأصلية كتبت بواسطة سلمان السلمي

فر القلم ولا تخليه يبرد
.......واذا خلص حبره غير الانبوبه

وأن خلص القلم عبيته رصاص ساكتون يمكن يخاف ويكتب هاه كذا

كويس...!؟

أبشر بالسعد وطيب الفال...

والسلام عليكم ورحمة الله وبركاته،،،

الرائد7 · June 25th, 2009, 11:37

السلام عليكم
مني ومن جميع الإدارة والمشرفين والأعضاء..
واصل أخوي شيخ النظر ثم واصل ثم واصل
واستمر ونحن معك لحظة بلحظة..
وانثر قلمك الصافي هنا كيفما تشاء..
وحي هلا بك وبالجميع مجددا