يوميات شيخ النظر

**شيخ النظر** · July 2nd, 2009, 23:47

بسم الله الرحمن الرحيم

السلام عليكم ورحمة الله وبركاته،،،

نجران

صباح الخير

من واحد تعبان نوم

هذي حكايتي اليوم

من صحيت

أشياء كثيرة ملخبطه

البيت...

الشارع...

الدنيا...

حتى الوجيه محبطه

وقفت على باب سيارتي

تلبس عيوني نظارتي

أتأمل الشمس

ليه متغترة؟

ليه الصبح إزعاج؟

رغم أن أمس

كان همس

الندى في أوراق الشجر

على رأسي أنتثر

لحظة فز العصفور

من الغصن المكسور

والله بشر مابهم بشر

وليد صغينون

يحذف الشجر

فوق الإزعاج ترجيم

حجر يكسر زجاجه

الناس يتجمعون

على جرس الإنكسار

مافيه أي حاجه

بس زجاج وأحجار

والولد لويقصد

ماكسر الأشجار

بعدين الضرر بسيط

عشرة لعشرين ألف

يأخذ الولد كف

عن أذنكم هالولد عبيط

يبقى الحي إزعاج

أبو يقول غثنا

وأبو يقول ياقشره

وأنا أبحث عن العلاج

هالصغير طفر بالحي

عن عشرة رجاجيل

مابقا شئ...

كسر كل شئ...

حتى الجدران تشكي

وأبوه يبرر ويبكي

الولد جنسيته تركي

وبعدين صار نجراني

ماأدري بدلوه في المستشفى

ماأدري واحدآ ثاني

زاد الأتراك يقولون تكفا

وكل شئ في بيتهم يوشوش

ماعدا واحد أطرش

لاجاء يوشوش يرمش

بعد سنوات رجع الولد

لوالديه في حي الأجواد

أبوه طلق أمه

والحي كله طقاق وعناد

فسدهم هالصغينون

أقشر ماهمه..

ركبت سيارتي

وفصخت نظارتي

توي مشيت وقفت

ماأدري وش نسيت

الله يعله من ولد

مبنشر كفاراتي بعد..

يالله أنا الغلطان

وش سكنني في نجران

أرجع أنام

ولين قمت

تريحت شوي...

ثم نمت...

الله راحه يانجران..

أحسن مكان

يتعذب فيه الإنسان

والسلام عليكم ورحمة الله وبركاته،،،

**شيخ النظر** · July 2nd, 2009, 23:49

بسم الله الرحمن الرحيم

السلام عليكم ورحمة الله وبركاته،،،

نجحت

نمر : يباااااااااااااااااه يباااااااااااااااااه...

الباب : طقققققققققققققققققق طققققققققققققققققققق...

أبو جاسم : يباااااااااااااااااه يباااااااااااااااااه...

أم نمر : قم ششف من ذا اللي يطق البااااااااب.........

أبونمر : معك شئ ذبيييييييييييه....

أم نمر : وش معي الله يخل عقلك وش ذا الحكي..!؟

أبو جاسم : يباااااااااااااااااه يباااااااااااااااااه...

الباب : طقققققققققققققققققق طققققققققققققققققققق...

نمر : يباااااااااااااااااه يباااااااااااااااااه...

الجرس : تلتل تلتل تلتل تلتل تلتل تلتل لللللللللللللللللل...

أم نمر : قمممممممممممممممم شف البااااااااااااااااااااااااب...

أبونمر : طيب الله يعلتس علة مابعدها عللللللللللللللللللللله طييييييييييييييييب

ميييييييييييييين....

نمر : يباااااااااااااااااه يباااااااااااااااااه أنا نمرررررررررررررر...

أبونمر : والله والكووووووووووووووبه وش عندك على هالصبح كنك

منحااااااااش من الحكوووووووومة....!؟

نمر : نجججججججججججججججججججججحت...

أبونمر : مااااااااااااااااااااااااشاااااااااااااااااااااء الله مبرووووووووووووك...

أبو جاسم : وأنا بعد نجججججججججججججججججججججحت...

أبونمر : مااااااااااااااااااااااااشاااااااااااااااااااااء الله مبرووووووووووووك...

نمر : مواااااااااااااااااح مواااااااااااااااااح الله يوفقكم....

أبو جاسم : أنا أبي سيكل هارلي ودباب...

نمر : وأنا أبي سيكل كوبرررررررررررا وأكس بوقس أصلي....

أبونمر : وليه أصلي...!؟ وشفيييييييه اللي عندك...!!!!؟

نمر : هذا ماتقدر تلعب به على النت...

أبونمر : أقوووووووووووول كل واحد له خمسين رياااااااااال ويحمد

ربببببببببببه...

نمر : وش ذا بس متعبنا ذاكرواااااااا ذاكرواااااااا وتاليتها خمسين ريااااااال

بس...

أبونمر : أجل كم تبوووووووووووون...

جميلة : أنا أبي طقم ألمااااااااااااس من معوض مثل ماقالت أم ماااااااااااالك....

أبونمر : أم مالك اللي يمشي ورااااااااااه هااااااااالك هي وأيا نصايحهاااااااااا...

أم نمر : وش ذي بعد يالفاعل التارك....

أبونمر : هههههههههههههه الفاعل مرفوع بالضمة الظاهره على آخره

والتارك ليس له محل من الإعراااااااااااب (تطوووور الولد لغوياً)...

أبو جاسم : هذي وحده في الدرة عجوووووووووز طايحه ضروسها تأكل

من الفرامة على طول...

نمر : هههههههههههه وذي يمه تشرب من خشمهااااااااااااا....

جميلة : لالالالالا بعد يقولون أنها عندها شغاله هي اللي تكتب له بس أم مالك

بالقلم الفسفوري تحدد لها من الكتب وهي تنقل كنها تكتب لها

بحووووووووث....

أم نمر : ههههههههه يعني ماهيب حرمه!!!؟

نمر : إلا حرمه بس أنها عجووووووووووووز وتتلزق في الشباب ومسويه

أنها تعرف كلششششششششششش...

أبونمر : خلاااااااااااااااااص ياتبن أنت وأيااااااااااااه عيب لاتسمعكم

وتزعععععععععل...

أم نمر : بعد خايف على شعرهاااااااااااااااا...

نمر : ههههههههههه قصدك مشااااااااااااااعرها يمه........

أم نمر : اللي هو...

أبونمر : لا يابنت الحلال بس الغيبة ماتجوووووووووز...

أم نمر : طيب وأنا وش بتعطيني منجحه عياااااااالك...

أبونمر : ليه معطتهم الأسئله...!؟

أم نمر : لا بس قومااااااااات معهم في الفجرياااااااااات أفطرررررررهم...

أبونمر : بعطيك زيهم خمسه ريااااااااااال...

أم نمر : الحين تقول بتعطيهم على خمسين وأنا خمسسسسسسسه...

أبونمر : خلا ص خمسين ولايهم شناباتك والصفر سقط سهواً...

أم نمر : سهواً لاصارت الحاجة لي هاه إلا على طاري خدامتها وش صار

على سالفة الخداااااااااامة....!؟

غالية : وأنتم قاعدين تتقاسمون الورث بدوني أصبروا لين اخلص إختبارات

والله لاأطلعها من عيووووووووونكم حسبي الله عليهم في إدارة التعليم

يعطلونكم وأنا جالسة أختبررررررر...

والسلام عليكم ورحمة الله وبركاته،،،

**شيخ النظر** · July 2nd, 2009, 23:58

بسم الله الرحمن الرحيم

السلام عليكم ورحمة الله وبركاته،،،

التعليم العالي

التعليم العالي...

وش اللي معليه دامه يتعاقد مع سباكين وخياطات على انهم دكاترة ولو بغيت

تدرس على حسابك قالوا جامعة معترف فيها من قبلنا...

طيب وهالبلداء اللي مسوين زحمة في كليتنا والجامعات على أنهم دكاترة

ويدرسون عيالنا فنون السباكة والخياطة ويخلوووووونهم يشترون أمهات

الكتب اللي توقف أمام أسعااااارها المكافأة مشلولة ثم يجيبون لك إختبار من

الإنترنت جاهز ويقولون أختبروا ثماً يبقى النجاح على حسب أهوائهم...

عادي الدعوة دام المتخرج يعرف أحد في الجوازات أو الخطوط أو الجمارك

أو المتخرجة كذلك فتسلك للبلداء كي ينجحونهم وبالتالي يتعين الواحد بعد

تخرجه في وظيفة محجوزه مسبقاً لأنهم من جماعة رجل شروا الحاضرين

وياقلب لاتحزن هكذا بلادي هي في وادي وهمومنا في وادي وحسبنا الله ونعم

الوكيل ياأدارة التعليم العالي...

العجيب لما يجيك واحد من متعاقدين التعليم العالي ويقول عيد السنة أو أحمل

هالمواد لأنك بتتخرج وتجلس في البيت فخليك عندنا تضيع وقت أحسن لك...

والسلام عليكم ورحمة الله وبركاته،،،

**شيخ النظر** · July 3rd, 2009, 00:02

بسم الله الرحمن الرحيم

السلام عليكم ورحمة الله وبركاته،،،

الشاطئ

الله يالشاطئ أخر مره شفتك في ينبع هذا في البحر الأحمر وفي الجبيل هذا

في الخليج العربي دنسوك أهل القصور والمنتجعات السياحية ماعاد تنشاف

إلا وعليك بقعة بترول وأحنا من الرياض نضرب لك مشاوير وتاليتها

مانلقاك زي زمان...

وأحنا في جنوب الرياض جالسين يستصلحون لنا المياه وحاطين جداول

مياه عندها فلبيينين متلطمين ومعهم عصي مكانس فيها سلوك طيارة على

بالهم سنانير ويصيدون...

فعد لنا أيها الشاطئ كما كنت...

والسلام عليكم ورحمة الله وبركاته،،،

**شيخ النظر** · July 3rd, 2009, 00:05

بسم الله الرحمن الرحيم

السلام عليكم ورحمة الله وبركاته،،،

ثورة الشك

أَكَادُ أَشُكُّ في نَفْسِي لأَنِّي

أَكَادُ أَشُكُّ فيكَ وأَنْتَ مِنِّي

يَقُولُ النَّاسُ إنَّكَ خِنْتَ عَهْدِي

وَلَمْ تَحْفَظْ هَوَايَ وَلَمْ تَصُنِّي

وَأنْتَ مُنَايَ أَجْمَعُهَا مَشَتْ بِي

ِإلَيْكَ خُطَى الشَّبَابِ المُطْمَئِنِّ

وَقَدْ كَادَ الشَّبَابُ لِغَيْرِ عَوْدٍ

يُوَلِّي عَنْ فَتَىً في غَيْرِ أَمْنِ

وَهَا أَنَا فَاتَنِي القَدَرُ المُوَالِي

بِأَحْلاَمِ الشَّبَابِ وَلَمْ يَفُتْنِي

كَأَنَّ صِبَايَ قَدْ رُدَّتْ رُؤاهُ

عَلَى جَفْنِي المُسَهَّدِ أَوْ كَأَنِّي

يُكَذِّبُ فِيكَ كُلَّ النَّاسِ قَلْبِي

وَتَسْمَعُ فِيكَ كُلَّ النَّاسِ أُذْنِي

وَكَمْ طَافَتْ عَلَيَّ ظِلاَلُ شَكٍّ

أَقَضَّتْ مَضْجَعِي وَاسْتَعْبَدَتْنِي

كَأَنِّي طَافَ بِي رَكْبُ اللَيَالِي

يُحَدِّثُ عَنْكَ فِي الدُّنْيَا وَعَنِّي

عَلَى أَنِّي أُغَالِطُ فِيكَ سَمْعِي

وَتُبْصِرُ فِيكَ غَيْرَ الشَّكِّ عَيْنِي

وَمَا أَنَا بِالمُصَدِّقِ فِيكَ قَوْلاً

وَلَكِنِّي شَقِيـتُ بِحُسْنِ ظَنِّي

وَبِي مَمَّا يُسَاوِرُنِي كَثِـيرٌ

مِنَ الشَّجَـنِ المُؤَرِّقِ لاَ تَدَعْنِي

تُعَذَّبُ فِي لَهِيبِ الشَّكِّ رُوحِي

وَتَشْقَى بِالظُّنُـونِ وَبِالتَّمَنِّي

أَجِبْنِي إِذْ سَأَلْتُكَ هَلْ صَحِيحٌ

حَدِيثُ النَّاسِ خُنْتَ؟ أَلَمْ تَخُنِّي

الامير عبدالله الفيصل

والسلام عليكم ورحمة الله وبركاته،،،

**شيخ النظر** · July 3rd, 2009, 00:08

بسم الله الرحمن الرحيم

السلام عليكم ورحمة الله وبركاته،،،

المطعم

ابو نمر : دخلنا المطعم أنا وعيالي ومعنا أم نمر بما أن اليوم السبت والسالفة

قطة وأنسب مكان المطعم اللي على طريق الشرقية...

الونيت : وعااااااااااااااااان لين وصلنا للمطعم...

ابو نمر : يا الله يا فلاشات تسبدي تولموا (تجهزوا) ثم انزلوا بسرعة...

فنزل الأولاد مسرعين قائلين هيه هيه هيه ويدلفون الى ارض المطعم

كأنهم السبعين بزر حقين لالالالا أفتح ياسمسم أبوابك نحن الأطفاااااااااال

أم نمر : تعالوا هيا اندعسوا كلكم بهالغرفة واجلسوا على هالكنبة اللي كنها

مراتب مرسدس 82 جلد وفيها زرار ومحزم وكل اثنين بكرسي لأنها

ماتكفيكم...

ابو نمر : فجلس الأولاد ثم التفت اليهم قائلاً ماشاء الله لااله الا الله والله ياعيال

على هالزحمة صارت الغرفة تقول مدخل بنك للإكتتاب وإلا باب أمير في

رمضان...

نمر : وش ذا خاطفنا أنت عشان جايبنا في هالمقطعه...

ابو نمر : بس عااااااااد وش رأيكم بالمطعم اطلبوا وش تبون بس...

البرهي : يباااااااااااااااااااااه انا ابي هوت قوق...!؟

أم نمر : وش تبي فذااااااا كل شي ينفعك يادبشة...

ابو نمر : وبعدين ذي الله يكرم النعمة تقول وإلا أقول لك (هههههه) شكلكم

فهمتوني...!؟

توته : انا ابي هامبورقر...

ابو نمر : مهبووووووووول أنت خبزة بـ18 مدرمحه كأنه أمكم...

توته : أمي دباااااا والهامبرقر خبزتين مدورات و بينهم لحممممممممة...

ابو نمر : يعني نفس أمك بس أمك بينهم شحممممممممه...

أم نمر : مستخف دمك ياشيخ الفلس...

غالية : هههههههههههههه حلوووووووووه بس من اللي قايلها له..!؟؟؟؟؟

الأسره كاملة : ههههههههههه ماندري ماندري ماندري ماندري لاتزعل بعد...

أبو جاسم : لالالالا يبااااااااااااااااااه نبي صبة فلافل ...

ابو نمر : انت ثور الله يخلف وش تبي به بالصبة تبني أنت...

نمر : وش عنده رجلتس مستخف دمه من تالي من يوم حلق الشنب وأنا شاك في

الموضوووووووووووووع...

ابو نمر : انا اقول بس انثبروا حتى الأكل ماتعرفون تطلبون انا اللي اطلب لكم

هاللحين...

ابو نمر : يصفق ويصوووووت يامعلم هات لنا حبة دجاج شواية الرز مشكل

ومرشوش بشوي مرق وعطنا قارورتين سفن أب عائلي ومويه صحه وأنقز

يانمر جب المناديل من السيارة...

أم نمر : يادافع البلى والله لو أنك عازمنا في عزبة باكستانية ناقص بس

عشرين حبة تميس...

جميلة : هاللحين يبه مزعجنا ابوديكم للمطعم وابو ديكم للمطعم اللي يسمعك

يقول يبي يحط لنا عشاء في الخزامى على اللبيسين وإلابوفية مفتوح ووناسة...

نمر : وآخرتها دجاجة شواية تقول افغاااااااااااانيه ياخخخخخخخخخخخي أنت

ماتستحي وأنتي صابرة عليه على وشهوله هو وياوجهه بدون شنب كن خشمه

توّه مطهّر...

ابو نمر : أنطم ياو جه العنز ماعاد إلا هي تحاسينا كننا عيالك وأنت توك بلح

مابعد صلح ماأدري فلح...

غالية : شكلك ياهالشاكوش ماسمعت بالعولمة أبد...

ابو نمر : وأنت شكلك ماسمعت بوصايا الحكيم لقمان أبد...

البرهي : يبه يبه شف هذولا عندهم سمك وقنبري كنهم طالبين من بنده نبي

مثلهم...

توته : لا وعندهم سلطه وفوقها تشتوتوش...

جميلة : ههههههههههه أسمه مفتوووووووووووش...

ابو نمر : بالله يعني صلحتي له يالبقرة أسمه فت وأووووووووش (عند أم عمار

طريقته)...

أم نمر : من هي ذي بعععععععععععد...

البنات : ماأحد ماأحد...

ابو نمر : اها بس حول لاتطل على الناااااااااس تقعد تطيح وينشق راسك عاد

وش المكينة اللي بيدخل فيها عشان نخيطه...

البرهي : يبه يبه شف هذا يقول للحرمه ياحبيبتي اطلبي وش تبين انت وراك

ماتقول لأمي مثله...

نمر : وخررررررررر أشوووووووف يؤؤؤؤؤؤؤؤؤؤ.........

جميلة : هذي ماهيب مرته هذي أخته واللي معهم أخوهم الصغير.......

أبو جاسم : ماتسمعينه يقول ياحبيبتي.......

جميلة : هههههههههههههههههههههه جديدة رجل وحرمته وولدهم يتشابهون

ههههههههههههههههههههههههههههههههه هاااااااااااااااااااع....

ابو نمر : وراااااااااا ماتنزلون وتنثبروووووووون لااعلقكم هاللحين ورى الباب

وتغدون كنكم ملابس عزوبية وبعدين من زينكم انتم وإمكم علشان اقولها حبيبتي

هاه وواجد عليها بعد...

أم نمر : أشوووووووفه طايلن لسانك وصاير كنه شرّاااب بين ضروسك...

العيال : هههههههههههههههههه أحلااااااااااا يمّه...

أم نمر : أقووووووووول قم قم الله يحيك خلني أوديك لمطعم تااااااهي ماهوب ذا

الصندقه اللي أنت جايبنا فيها غلللللللللللقه...

الباكستاني : طيب والطلب صديق...

أم نمر : هذا إذا شفتوا معه عماااااااااال نزلوا له هالطلب قال حبه شوايه وشق

الكيس واقرب رصيف مصدق هالخبل اللي في البالتوك ومسمي نفسه لورنس...

الباكستاني : هزا رجال سعودي سيمسم حرمه باكستاني وحرمه سأودي سيمسم

رجال باكستاني لاهول ولاقوة إلا بالله...

والسلام عليكم ورحمة الله وبركاته،،،

**شيخ النظر** · July 3rd, 2009, 00:15

بسم الله الرحمن الرحيم

السلام عليكم ورحمة الله وبركاته،،،

وش رأيكم نقلب الوضع

أعذروني من صحيت أمس وأنا بس أضحك ولا أبي أتنكد ابد والدعوه يالربع

ماهي مزاج بالعكس راحه نفسيه معيشها نفسي بالقوّه ولاني حاب أطلع منها

فيمكن تلاحظون سمة الكتابة وحده فأعذروني محتاج أضحك عشان أنسى أني

مواطن أبي أجرب أكون مقيم وش رأيكم نقلب الوضع ونشوف وش بيحصل أنتم

بس أذكروا لي وش بيصير معكم...

أنا حسي براحه كذا لما لقيت أموري سالكه وأشوف السعوديين متعذبين وأنا

والشقراء اللي جنبي لايروح تفكيركم بعيد شقراء مره راكبين البانوراما والمكيف

يهفهف علينا ومشغلين سلوووووو ميوزك وقاطعين الأشارة ونشوف واحد فقير

متزاحم هو وعياله في الونيت وجيههم سود وماعندهم مكيف معبين المويه في

قارورة سفن أب ومعرقين وحالتهم حاله...

ياأخيييييييييييييييي مساكين السعوديين بس ولو يستاهلوووووووون مايجيهم

حسدان وملاقيف ولاينعطون وجه...

والسلام عليكم ورحمة الله وبركاته،،،

**شيخ النظر** · July 3rd, 2009, 00:18

بسم الله الرحمن الرحيم

السلام عليكم ورحمة الله وبركاته،،،

ثرثرة نفسي

لا تعاتبين...

من تغابين...

في ثرثرة نفسي...

ماتنقطع لك سيرة...

عن النميمة يانفسي...

هالحكي ملينا تكريرة...

سوت فعلت...

رضت زعلت...

لين تصيبني قشعريرة...

لي ذهن...

تسيحين فيه...

مثل دهن...

ونملي ميتاً عليه...

لدرجة كلي...

يدبي بيوصل إليه...

وأحسب أني نمت...

يالله الخيرة...

ولادريت أني همت...

لين تصيبني قشعريرة...

لو كل مافيني...

ذاب كل ماطريتي...

كان ياعيني...

ذبت ولاعني دريتي...

بس أشوااااا...

في ذكرك سلوى...

تبرد على قلبي إذا أبطيتي...

وأنتي بتفكيري جديرة...

أنتي فيني وش سويتي...!؟

لين تصيبني قشعريرة...

والسلام عليكم ورحمة الله وبركاته،،،

**شيخ النظر** · July 3rd, 2009, 00:25

بسم الله الرحمن الرحيم

السلام عليكم ورحمة الله وبركاته،،،

الراتب

المسئولين في القطعات العامة مايهمهم الإنتاجية أهم شئ الحضور

والإنصراف ولو ماتنجز شئ أهم شئ تحضر على الوقت وتنصرف عليه ولو

تغاب ومعك عذر طبي أو تأخذ إجازة بدون إتصال تلاقيهم أسرع شئ يسوونه

الحسميات أم علاوتك والزيادات وخارج الدوام تحتاج تطالب فيها إلى أن

تحفا رجليك وياقلب لاتحزن...

ومشكلتنا في السعودية قائمة المقاضي كأنها صك بيت ناقصها عمل الطالب

فلان الفلاني ولاجيت على الفطور لينه بيض وجبن والغداء كبسه ومرق

وسلطه والعشاء مكرونه وإلا خفايف والمقاضي وين تروووووح الله وأعلم...

ومن ناحية الدعم النفسي دش باااااااااااارد ونومة عمييييييييييييقه كفيله بحل

المشاكل...

والسلام عليكم ورحمة الله وبركاته،،،

**شيخ النظر** · July 3rd, 2009, 00:27

بسم الله الرحمن الرحيم

السلام عليكم ورحمة الله وبركاته،،،

نكته من نمر

الشرطه مسكت واحد سكران ويحاول يثبت لهم أنه عاقل...

فقالوا تصلي ؟؟

قال ايوه قالوا تصوم؟؟

قال : أكيييييييييييد وش شايفيني كافر مثلاً...

قالوا: محشوووووووم طيب تقوم االليل ؟؟

قال : أحياناً اذا سمعت صجه...

والسلام عليكم ورحمة الله وبركاته،،،