يوميات شيخ النظر

**مزاااج** · June 28th, 2009, 17:24

[align=center]
اهلاً وسهلاً بك ياشيخ في منتداك درة المجالس.

نحن نستمتع بمعيتك فاستمر ولك كافة المساحات والتسهيلات .
[/align]

**شيخ النظر** · June 29th, 2009, 10:43

بسم الله الرحمن الرحيم

السلام عليكم ورحمة الله وبركاته،،،

تبادل الإتهامات

شيخ : أنا قايييييييييييل لك لاتعطينها رواتبها وأنتي ذابحتني مسكينه وخاف

من ربك ولا الله يعاقبك فيها...

أم نمر : مكتوب ياأبن الحلال وإن شاء الله بتعوضنا بدالها...

شيخ : قاعد على بنك أنا...

أم نمر : لا قاعد على قلبي أنت وهالكومبوتر...

شيخ : تتريقين أنتي ووجهك بعدين أنطقي أسمه زين...

أم نمر : أسمع أنا ماعاد فيني أتحمل أكثر ياتجيب بدالها ذا اللي تقول من

رماااااااح وإلا حبشية بألف وخمس وإلا حقات جامعة الملك سعود الهنديات

اليوم بميه وإلا ودني لأهلي لين تجيب شغاااله....

شيخ : طيب والعيال؟؟؟؟

أم نمر : أقعد معهم أنت أبوهم...

شيخ : وأنتي أمهم..

أم نمر : لاحظ قلت أمهم ماهوب شغالتهم...

شيخ : طيب وين الأم وحنانها وإلا كلام فاضي وشعارات...

أم نمر : مقاض وأشارات!!!؟

الله يعطيك عقل بس خرابيطك ذي إذا ماعندك تسلف وإلا بع ذا القرنبع مع

هاللأجهزه اللي خلصت الكهرب علينا وجب لي شغاله....

وتدخل غرفتها طراااااااااااخ وتقفل الباب وهي تمتم لوأني مآخذه شايب كان مدلعني اللحين بدال صجّة هالفقيرررر....

والسلام عليكم ورحمة الله وبركاته،،،

**شيخ النظر** · June 29th, 2009, 10:44

بسم الله الرحمن الرحيم

السلام عليكم ورحمة الله وبركاته،،،

يسولفووووووووون

يقول حبيتر عندي شغاله أندنوسيه توها جايه من شهر وش حليلها نشيطه

وبعد كم يوم أنقلبت وأضربت عن الشغل فقالت المدام ودها للمكتب قبل

تنحاش ويستقبلني ذاك المصري أسمه سيد وقال ماتشيلشي هم خليها وبعد

ساعتين تيقي تأخدها قلت لييييه؟؟؟

قال حيقي المترقم ويتكلم معاهااااا....

وبعد ساعتين أجي لين أبتسامتها واصله أذنيهاااااااااااا وماعندها مشكله مع

الشغل...

وبعد أسبوعين رجعت مثل أول وأوديها وبعد ساعتين ضبطت....

وأشتغلت أسبوعين ثماً رجعت للإضراب وأوديها للمكتب ومن نزلتها عطيت

البنغالي عشرة ريال وسألته وش يسوي سيد بالخدامه قال فيه كذا كذا....!!!؟

قلت الخسيس أوريك فيه...

وبعد اسبوع أدق عليه ودار الحوار التالي :-

حبيتر : آلووووووه...

سيد : أيووووه مين؟؟؟

حبيتر : أنا حبيتر....

سيد : أيوه ياعمي برضوه شغالتك مش عوزه تشتغل قيبها يفهمها المترقم...

حبيتر : لا أبشرك سفرتها لأنها في الكشف الطبي طلع عندها

أيدززززززززز ونبي نعرف إجراءت البديله....

سيد : بتئوووووووول أييييييييييييه يخرب بيتك...

حبيتر : ليش وشفيك...

سيد : طوط طوط طوط طوط قفل الخط....

المهم ويسافر سيد لمصر وينقطع عن الدنيا بس على سجادته وفراشة....

يقول حبيتر عذبني ضميري بعد شهرين وقلت خلني بأتصل على المكتب

وأبلغه...

ومن دقيت على المكتب قالوا سيد مسافر قلت عطوني رقمه وبعد ألحااااح

عطوني رقمه...

وأدق عليه وترد زوجته قلت لها أبي أكلم سيد قالت سيد بأءءء بتاع ربنا...

قلت قول لي له حبيتر...

ويرد علي...

سيد : أيووووووه عاوزه أيه تاني؟؟؟؟

حبيتر : أسمع ياأخ سيد أنا حبيت أعطيك درس ماتمارس الرذيله الشغاله

مافيه أيدزززز ولا شئ بس حبيت أربيك....

ياأبن الوسخخخخخخخخخخه ياحقيييييييييير دمرت حياتي.....

حبيتر : طوط طوط طوط طوط قفل الخط....

والسلام عليكم ورحمة الله وبركاته،،،

**شيخ النظر** · June 29th, 2009, 10:48

بسم الله الرحمن الرحيم

السلام عليكم ورحمة الله وبركاته،،،

لخمة قلب

أستخار وجداني...

في مصلى صدري...

وأستشار إيقاني...

أكتب من فكري...

دون مايدري...

لساني...

صرخ بي شعري...

يا سواري الأقلام...

تحت شمسك ظلّ...

وتحت ظلّك فلّ...

وتحت فلّك هلّ...؟؟؟

من كفيل أيتام...!؟

بكت من عتمة الجهل...

بكت من شح العقل....

بكت من عدة أعوام...

من ضاع...

على الهامش الوقوف...

ماشال قلمي كفوف...

ولاحرك فكرتي أصباع...

في شارع الورق...

كنت يتيم حروف...

مضيعني الأرق...

أدور بقايا قطوف...

على رأس محاية...

نساها كاتب...

نساها مفكر...

نساها عالم...

على لسان الوشاية...

تنّم بها القراية...

ولو كانت خطا...

لأن الخطا...

نوع ثاني من العطا...

للأسف ما لقيت...

ومن التعب غفيت...

في ظل قلم...

جردني من الألم...

بصوت بسمله وصلاة...

على منابر الصفحات...

لبّيت...

ومن قريت...

من مصحفي آيات...

عرفت أن الحكي...

يبقى حبيس في الفم...

وأن البكي...

مايوفي لو دمعته دم...

قلت يانفسي...

لغير ربي وديني....

جعلها ماتكتب يديني...

أتركني ياكرسي...

في خاطري أقوووم...

أنفظ من ذهني علوووم...

من أعمل بخمسي...

يبقى قلبي ملغوووم...

بروحانية وإيمان...

ماعاشها إنسان...

على مر الأزمااااااان....

والسلام عليكم ورحمة الله وبركاته،،،

**شيخ النظر** · June 29th, 2009, 10:51

بسم الله الرحمن الرحيم

السلام عليكم ورحمة الله وبركاته،،،

وشوشه نجرانيه

هالديرة أشبه ماتكون بشبه قاّرة تتنوع فيها اللهجات وفي بعض الأحيان

اللغات فأرجو من الله أن لايجعلني ممن يضيعون هذه اللغة العربية الأم

ومن هنا أحيي الأفاضل الأساتذه القائمين على هذه الساحات بمحافظتهم

عليها...
اليوم واحد من أهلي نجران الله يمسيهم بالخير ويفتح على قلبي وقلوبهم

يتحدث لزوجته وكنت مسترقاً للسمع...

أسم الرجل عقال وأسم زوجته رمثا...

الجوال يرن عليها تشششششششششششش تشششششششششششش

تشششششششششششش تشششششششششششش

تشششششششششششش

شاشة جوال رمثا (((عقااااال بن غربال رجلش يزهم رد وإلا لطم في وجهه)))

وترد رمثا...

عقال : وش قومش ماتردين؟؟؟

رمثا : بقعا تصوعك أخلعتني قاعده أززززهب غداك لاهناك...

عقال : إلا لاهناش أنتي...

رمثا : ماجووووور السلامه...

عقال : الله يجيرش ويسلمش....

كيففش أنتي بخير؟؟؟؟؟

رمثا : إلا أنت بخير...

عقال : وشلون الغراااان....

رمثا : بخير كني بك عندك رفقانك وتتطيول قدامهم...

عقال : تصدقين ودي ارجع للبيت...

رمثا : اللي يسمعك يقول مبطي منه قطعا يالرجال من يسمعك يقول ماخلا

ولابقا من زين فعوله...

عقال : المهم بيجون يتغدون معي ربعي...

رمثا : وشهووووووووو ربعك أخدم عندك أناااااااااااا!!!؟

أقووووول المطعم كل اللي سويت مدهن وعيش يالله يزيك أنت وغراااانك...

عقال : دخيلششش يارمثااااا.... لاتفشليني عند الربع تراني متراهن

معهم...

رمثا : تراهنت على ساحقاً ماحاق ورصاصاً متلاحق....

عقال : والسوات؟؟؟؟

رمثا : أبيك تشري لي بناجر ودرااااعه كلووووش بأحضر عرس جارتنا

بتلاااا....

عقال : البناجر أبشري بها والدراااااعه والأكل كلووووش أنتي وغرانش...

رمثا : أقول لك كلووووش يامال الصقه وقل الثقه....

عقال : منهم اللي كلووووش...

رمثا : ياويل حالش يارمثااااااا ياطر جيبي طرااااااااه مأأأأأين تفهم أنت؟؟؟؟

عقال : وشبشششش!؟؟؟ بلا...

رمثا : أسمع أروح معك للسوق وأوريكيه لابارك الله فيك ومن عزمت....

كم هم؟؟؟؟ وأيش باغين تأكلواااااااا؟؟؟؟ يامال السم اللي يزفركم الدم....

عقال : اللي تبينه زودي عيش وحطي من لحمة الحاشي....

رمثا : يالله فمان الله...

عقال : فمان الله....

تووووش تووووش تووووش تووووش أنتهت المكالمة...

لما خلص نسى أنه حاطه على الإسبيكر وقلت ياعقال على فكرة أسمك حلو على روس كل الخليجين

مو بس السعوديين وأنت من هالوشوشه تحتاج بدال أسمك أناتل زي حقات البحث عشان تصفى إلا

ورى ماتبث سوالف عبر موجات أف أم اصفى لك ترى أس دبليو أم أنقرضت؟؟؟؟

قال من زين هرجكم ياأهل نجد ولايهونون أهل الشمال بقلب الكاف تسا....

وهذي مشكلتنا يالسعوديين طايحيين في بعضنا تنقد وعياااااره

والسلام عليكم ورحمة الله وبركاته،،،

**شيخ النظر** · June 29th, 2009, 10:59

بسم الله الرحمن الرحيم

السلام عليكم ورحمة الله وبركاته،،،

يوميتي

دقيت الظهر من الدواام على البيت كالعادة بس هالمرة بأهدي الأوضاع مع

أم نمر ويرن جوالها وينقطع بدووون رد...

وبصراححححححححه أنقلقت قلت ياربيييييييه وش فيها (يعني معودتني ترد

من أول رنه هاااااااع)....

وأدق ثانية وأنا بلهفة المحب اللي رايحاً وطييييي (ويقولون خليل مع ميرنا

أكثر مني رومانسسسسسسسسسسسيه) هلا وغلااااااا بروووووووووحي

وأسمع ضحكت غالية وهي تقول رووحك بعد أعتصامنا وإضرابنا البااارحه

منسدحه وتقول قولو له لايقبببل على البيت إلا في يده شغاااله وإلا يروح

يدور له دار مسنين أو عجزه تأوييييييييه قلت لاحول ولاقوة إلا بالله وش

هالحتسسسسسي أنا أبوسسسسسسسسسسس وتقولين لي كذاااا قالت

أبوس وإلا أقبل دبر نفسك باكر لو سقطنا لاسمح الله قلت أنا وأنا كنك حدا

هالوزراء من يفتح له مدرسة إيجاااااار يقعد يصجنا سنتين سووووويت

وماقصرت!!!!

قلت يالفااااااااااااره أنا كذاااااااااا قالت ماينفع معك إلا أمي ترى بأعلمها وأنا

مانيب فااااااره وإلا كان صرت أنت جرذيييييييييي هاه بتجيب شغاله وإلا

نحيل أوراقك لهيئة التميز للنظر في وضعك المستشري (لاطشتها)....

قلت عيب ياأبوي ماأمداك تهظمين حليبي أووووه قصدي المقاضي اللي

شريت لكم قبل ستة أشهررررررررر...

قالت قصدك أول مانزلت الخمسطعشر في المية؟؟؟

قلت أصصصص بس أنتي ووجهس قالت وشفيه وجهي خلقت الله بعد

مهوب عاجبك؟؟؟؟

قلت وش مسويين على الغداء؟؟؟؟

قالت ههاااااي غداء مين ياأبو غدااااااااااء من اللي بيصلحه أنت؟؟؟؟

قلت أفااااااااااا؟؟؟؟

واسكر الخط وأتعوذ من الشيطان كبروا هالعيال وطالت ألسنتهم هذي

الحريه وهم ماشموا منها إلا ريحتها سووو بي كذا!!!!!

المهم وأروووووح للبيت وألقى عليه لافته كنها ذيك اللوحه (((اللي على

كبري الخليج وأنت متجه شرق حاطين صورة سعودي شايب لابس

خلاقيييين يقول لله يامحسنين برميل وإلا أي بقايا من أي مورد لوجه الله)))

مكتوب عليه أهلك نزلوا ولاندري وين...!!!!؟

واجرب المفتااااااااااح لين الكوالين مغيره وحتى الجيران غيروهم وموقف

سيارتي لقيت فيه ديّانا فيها عمال فارشين كاراتييييين ونايمين....

ثم رحت للإستراحه وشغلت اللاب توب اللي عليه بصمات شايب عندنا في

العمل قاعد يقراء موضوع ويتبّع بأصبعه ولما خلصت المتصفحه لقيته

يدخل أبهامه في فمه عشان يقلب الصفحة قلت ياخااااااالي كتاب هو؟؟؟

قال يقسمووون أراضي في الربع الخالي وطلع معرووووووووضه...

وش ذا الناس مجهزين أوراقهم تحسباً للفررررررررررج....

والسلام عليكم ورحمة الله وبركاته،،،

**شيخ النظر** · June 29th, 2009, 11:01

بسم الله الرحمن الرحيم

السلام عليكم ورحمة الله وبركاته،،،

محافظة العيص

(نحن معكم قلباً وقالب)

صوت الشارع (سواليف الإستراحات)

شيخ : تصدق ياأبو داااااحم أن هالمحافظه لو ماجاها هالزلزال كان ماأحد

درى عنها...

أبو داااااحم : وشلوووووووون؟؟؟

شيخ : مثل ماأقول لك بيجيهم بعدها الكهرب والمويه وبيفتحون عندهم

بنده....

أبو داااااحم : لا ياشيييييييييييخ....

شيخ : أيه هذا النظاااااااااااااام....

أبو داااااحم : أي نظااااااااام؟؟؟

شيخ : تتذكر أي محنة مرت فيها دولة إسلاااااااااامية....!؟؟؟

أبو داااااحم : أيه واجد يوم يسوووون لهم في التلفزيون قطّه.......

شيخ : قطّــــه؟؟؟؟

أبو داااااحم : قصدي يجمعون لهم قرووووش ويروحون لهم خياااااام....

شيخ : أيه قصدك تبرعات!؟؟؟ (تثقف من الدرة)

أبو داااااحم : اللي هي.....

شيخ : لا ويطلعون تجاااارنا اللي عمره مازكى دراهمه ويقول إستجابة

لنداء خادم الحرمين الشريفين....

أبو داااااحم : صدق ليه يستجيبون للملك ولا يستجيبون لله!!؟؟؟

شيخ : أسكت بس وش ذا الحتسي!!!؟؟؟

أبو داااااحم : دايم دااايم تحطمني عشانك دارس لرابعه وخذتوا قواعد!!!؟

(ماشاف اللي في السحات أوجعوا قلبي وذلوني بهااللغة تقول أوزباكستاني

بينهم ماعندك لغه ياشيخ ماعندك لغة وأنا دارس في بريطانيا فرنسي)

شيخ : وش قواعده يالفاضي أسمع بس الملك إذا تبرع بعشرة مليون

المفروض يتبرعوووووون بأكثر لأنهم تجااااااااااار والملك ملك....

أبو داااااحم : وشلون الملك ملك أيه فهمت...

شيخ : أيه أشواااا توني بأخبطك هو جزاه الله خير ماعنده تجاااااره عشان

يزكيها ويتصدق بس ذولي عندهم درااااااااااااهم وأستثمارات وتاليتها

يتبرع بمليون!؟؟؟؟

أبو داااااحم : وشفيك مليووووون شويه؟؟؟؟

شيخ : لا ياأدمي بس مليون وش بتسوي؟؟؟؟

أبو داااااحم : المليون تجيب مليون وثلاثمئة الف كيس صامولي إذا شروها

من سيارااات التوزيع ولو واحد تبرع بمليون بيضة ومليون وثلاثمئة ألف

عصير برقداااان كان ضمنوااا الفسحة لمدة خمس سنوات...

شيخ : وهذا بس همك الفسحححححححححه....!!؟؟؟

أبو داااااحم : لاززززم نتعلم من الأزمات للمستقبل...

شيخ : أيه والله والله أنك صكيت على مهاتير محمدي يالإقتصادي؟؟؟؟

أبو داااااحم : شكلك ماتتابع محاضرة الشيخ المنجد؟؟؟

شيخ : وهذا وش يسوي؟؟؟؟

أبو داااااحم : هذا من أفضل المحللين الإقتصاديين في العالم بس

ماعطوووووه فرصة....

شيخ : أصلاً من اللي آخذ فرصة وإلا صندوق الجماعة الحظ ردي وقعت في

فنادق مالبورن وسوف تذهب للسجن أو تدفع للمستأجر 2000 جنيه...

أبو داااااحم : وش تخربط تقووووول؟؟؟؟

شيخ : يااااااااااه هالمنوبولي هي علاقتي بالدنيا لعبت في أفكااااااااري.......

أبو داااااحم : طيب متى نجهز القطّه؟؟؟؟

شيخ : الله يآخذك التبرعات أسمع في نص الشهر يوم ينزلوووون التجار

تخفيضات على جميع مبيعاتهم ومن ينفضون جيوب الناس يعلنون القطّه....

أبو داااااحم : أجل لاأحد يشتري نبي نقدم شئ لأخوانا المتضررين في

محافظة العيص....

شيخ : الله يحفظهم وأنشاء الله مايجيهم شئ وخل قطّتك لك وأنتبه عليها

من الفيراااان....

أبو داااااحم : آميييييييييين

شيخ : أسأل الله ان يصرف عنهم وعن السعودية وعن باقي بلاد المسلمين

الفتن والزلازل ويحفظ مليكنا وولاة أمرنا وإن شاء الله مانحتاج قطّه...

والسلام عليكم ورحمة الله وبركاته،،،

**شيخ النظر** · June 29th, 2009, 11:03

بسم الله الرحمن الرحيم

السلام عليكم ورحمة الله وبركاته،،،

العيص

مشاركة من أبنتي غالية 13 عاماً حفظها الله للإذاعة المدرسية

العيص...

في أمان الرحمن...

لابرحمة الإنسان....

تدعو لك الكهول...

ويزداد صوت الإيمان...

تتزلزل أرضك طبول...

تقرع للإنام أفيقوا...

آن الآوان....

لله الرجوع...

لله التوبة...

صاحب الغفران...

أن العذاب أقبل...

والعقول تذهل...

من هول ماكان...

وماسيكون...

بعد الفحش والمجون....

زلزال وبركان...

ويعقبه الطوفان...

هي ياأخوتي...

فلنسرع...

ولله نتظرع...

بجزيل الإستغفار....

قبيل أن يحكمنا العصيان...

فاليوم بلد...

وغداً بلد...

على طول الأمد...

مالم نتوب للرحمن....

سبحانه جزيل الغفران...

والسلام عليكم ورحمة الله وبركاته،،،

**شيخ النظر** · June 29th, 2009, 11:05

بسم الله الرحمن الرحيم

السلام عليكم ورحمة الله وبركاته،،،

يازائر

عزيزي زائر هذه المتصفحة قد يكون تعبيرك اياً كان عما قرأت أمتداد

لتطورها فلذلك عندما تتكرم بزيارتها لامانع من وضع تعليق لو بسيط

فوالله أنه مصدر سعادة لي أن أعرف مشاعر زوار هذه المتصفحة

(ولاتخااااف ترى ردي على قدي ماأقصد فيه المداخلين بكثر ماأقصد فيه

أشياء في نفسي) ودمتم في حفظ من الله ورعايته ولاتنسوا أخواننا في

محافظة العيص من صالح دعائكم ولجميع المسلمين في شتى بقاع

الأرض...

والسلام عليكم ورحمة الله وبركاته،،،

**شيخ النظر** · June 29th, 2009, 11:08

بسم الله الرحمن الرحيم

السلام عليكم ورحمة الله وبركاته،،،

لاتفرط في حقّك

في يوم من الأيام أتفقت في أحد المشاريع على التأثيث كامل ومن ضمنها

الأجهزه الكهربائية بما فيها التكييف اللي أخذته من شركة مشهورة دفعت

مليارات للدعاية في العالم لدرجة جاء وقت أول ماتفتح عيونك تلاقي

شعارهم كان على جفونك (بعض الحتسي ماله سنع لاتدققون)...

المهم أخذت من وكيلهم في السعودية حوالي 13 إسبيلت وحدة تكييف

مركزية وسبحان الله جاء مكيف غرفة نوم العميل هو اللي خربان يعني

مافيه كيف الحال؟؟؟؟

وأروح للشركة ولين ذاك الفلسطيني والسوري واللبناني كل واحد مدير

على الثاني حكى الفلسطيني وقال راح أرسل لك الفني يشيك عليه وإذا

خربان يصلّحه قلت لالالا يغيّره قال ماهو على كيفك قلت على كيف

مين؟؟؟

قال أحنا الوكيل وأحنا اللي بنحددددد؟؟؟؟

قلت أبي أقابل صاحب الوكاله اللي هي بأسمه قال هاظ الله يرحمه قلت من

مكانه قال الشيخ حسين والشيخ حسن ظاك في جدة وهاظ في الرياض قلت

شيخ عليك أنت وأشكالك أما أنا ماعلي شيوخ (أكثر ديره فيها ألقاب في

العالم وعلى ناس فلا تستاهلها) قال بداك تقابل مدير المنطقة بيصير أما

الشيخ مشي فاضي لك بلكي بيفضا بعد تسع شهووور قلت ليه حامل

وبينتظر إجازة الأمومه عشان أرفّعه بالمره؟؟؟؟

ويقول شوهالكلام ولك مو عيب هالكلاااام...

قلت والله العيب أنه يسرح ويمرح في هالديرة لايدفع زكاة ولاهامه أحد

وفوق هذا مايوظفففففففف سعوديين وش شغلتك أنت وكرشتك غير سوي

قهوة جيب شاهي وزقاير من شاف المكتب يحسبه محترق....

تدخل اللبناني وقال هلا شو بدّاااك قلت هاااااااااااه أول مرّه أشوف

ذوباااااااااااااان لآخر قطره قال أييييييه فهمني وألقطه بحلقه قلت ترفع

صوتك علي يعني فازع ويجيبون الأمن لينه ذاك السعودي اللي طاقته

الشموس وأنقلب بنغالي ومن شفته أبرد قال يالغالي ممنوع التعدي عليهم

مهماً كان هذولي مدراي وأفك اللبناني وأحلف أيماااااان أن ماغيروه

لايكونون قضية حياتي وعلم شيخك أني لأخليه يعتذر لي شخصياً ويغير

المكيف غصب عنه...

المهم وأطلع مع حارس الآمن ولينه مبسوووط ويحبب كتفي قال ياليت

جالدهم والله أمتحنوني عيال الكلب قلت أرجع قال لا بعدين(مصدّق أني

بأرجع)...

المهم وأدق على إقبال (هذا أحسن بنقالي في العالم يشتغل في شركة أخوي)

وأقوووول له ياأقبال أبي عصير برتقال ليمون مع النعناع وشغل تكيف

مكتب...

طبعاً هذا مكتب مسويه بيدي شخصياً وإنشاء الله بأرفع صوره لكم وهو

أحسن مكان أرتاح فيه بسبب إقبال ومايوفره لي من راحة وهدوء وأجيك

مسلفح لين أقبال مبتسم ومجهز الماء والقهوه والشاي (بيجي واحد متميلح

بيقول والعصير؟؟؟) بأقول له يحطه مباشرة جنب الكي بورد عشان

يعرفني أبي أكتب...

وأشك ذاك الخطاب اللي كنه خطابات أدولف هتلر للحكومة الروسية

وأبحث عن مايسمى بخدمات العملاء لهذي الشركة وأسب فيهم وفي

تعاملهم وأني بأوجه دعوة بأوكل فيها محامي أمريكي لأنهم ماأحترموا

الضمان اللي هو مرفق مع المكييف وأن بأفضحهم في جميع مواقع

الإنترنت مير وأبكي من حرة ماأونس وأنثر دموعي في وسط الإيميل

عشان يصير مؤثر وشديد اللهجة في نفس الوقت وأقمت أضيف من

هالإنميشن الصور المتحركة لين غدى إيميلي فستان قروية معزومة في

عرس جيازنة ساكنين في أبهاااا تلاقي الوان الطيف بحلّه فسفورية...

ومن ضغطت إرسال على ستة أماكن في العالم بما فيها الشركة الأم...

إلا من باكر ويوصلني ردوود ولين ذاك الرقم غريب يتصل مدير خدمات

العملاء في الشركة الكورية يتكلم معي من خلال مترجمه عربية ويعتذر

عن تصرف الوكيل ويوعدني بحل المشكلة بنهاية هذا اليوم...

وبعده على طول يدق المدير الإقليمي من دبي ويقدم أعتذاره وقال راح الآن

يتصل حسين شخصياً يقدم إعتذارة...

وفعلاً ويدق عليّ الشيخ حسين يعتذر وهذا خطاء موظف ومن هالحكي

ويحلف لي مايدري وقدم لي هدية مكيف 24 ألف وحدة وغير مكيف

الرجال بدون أي إزعاااااج وغصب عليهم بس أعرف تطالب بحقك....

والسلام عليكم ورحمة الله وبركاته،،،