للشاعر الرائعـ.. "عبد الله بن ذويبان"
.
.




يالـيـت بـعـض الـنـاس مـثـلـي و تـشـتـاق
(( يـا جـارة الـوادي .. و أيــاك أعـنـي ))
صــدك ذبـــح فـيـنـي مفـاهـيـم الاشـــواق
و اسقـى عـروقـي للـفـراق .. و زرعـنـي
مـا غيـر واقـف لـك و اغنـي عـلـى ســاق
ابـعــد بـعـيـد مــــن الـخـلايــق سـمـعـنـي
الـقــرب دافـــي .. لـكــن الـبـعـد حــــراق
تـكـفــى .. بــعــادك لـلـكـآبـه .. دفـعــنــي
لا تنـشـد الدمـعـه عــن .. أيــام الاحـــداق
و لا عـــن الاحـــوال و الـبــال .. طـعـنـي
مــا عـــاد ياسـعـنـي مـسـاحـه و لا أفـــاق
من ضيقتـي .. مـا اشـوف شـيءً وسعنـي
كتبـنـي التـاريـخ .. فـــي صـفـحـة فـــراق
و بصفـحـة الاحــزان .. جـــار و طبـعـنـي
دخلت .. انا و الحـزن .. (غيبوبـة عنـاق)
بعثرتـنـي .. و الـحــزن عـقـبـك جمـعـنـي
مانيـب شـاعـر .. بــس صـادقـت الاوراق
و أصبحت نجـم .. و حزنـي اللـي صنعنـي
لـي معجبيـن .. و لـي مكانـه .. و عـشـاق
و لـي وضعـي الـلـي فـيـه ربــي وضعـنـي
و رغم اختلاف النـاس فـي بعـض الاذواق
انــت الوحـيـد .. الـلـي بـغـيـت و منـعـنـي
انـا .. و ليلـي .. و أثمـن كنـوز الأعـمـاق
نشـريـك .. و انــت تـقـول طالـبـك بـعـنـي
الله كــتــب بــأنٌــا نـحـبــك .. و نـنـســاق
أتركنـي أرضــى بـأمـر ربــي .. و دعـنـي
انــا و قلـبـي .. نـأخــذ لقـلـبـك .. سـبــاق
أنـشـد: وصلـنـا .. قــال : يعـنـي و يعـنـي
و انـا ادري انـك تملـك احسـاس و أخـلاق
أحسـاسـك الـلـي مــن عـروقــي نـزعـنـي
وش فيك؟ .. ما تفهم؟.. ترى جٌد مشتااااق
سـيـف الثـوانـي فــي غـيـابـك .. قطـعـنـي