يوميات شيخ النظر

**شيخ النظر** · June 26th, 2009, 22:16

بسم الله الرحمن الرحيم

السلام عليكم ورحمة الله وبركاته،،،

الرياض

اللي يسمع اللي يتكلم عن المحميات يقولو أننا ماتشوف البعارين والجيوب

الونيتات فيها...

ومن ناحية السياحه وش نبي يعني أكثر من هالحدايق اللي على مشارفها

شباب مشغلين البلوتوث ويرسلون لخلق الله وشكلنا عفنا الرياض من تنظيم

الدخل المحدود بيت ملاصق لبيت تقول كنهم أطفال سياميين (الأطفال

المتلاحمه من الولاده)...

وبعدين وين نلقى فنادق فيه؟؟؟

حنااااااااااا في الرياض اللي يبني عماره ومايمشي سوقها يقلبها شقق

مفروشه عفشها من الحراج مستخدم...

وأكيد لاحظتوا في الرياض كل حي سكني حاطين لهم بر متنكر بلوحة

أراضي للبيع عادي هذا بر نخيم فيه أهل العاصمه عشان الزحمات أقرب

لنا...

تلاقيك رحت للثمامه اللي فيها شوي للأسعار على الفحم مع بركه ماتنظفت

من فتح هالمنتزه...

يالله بأنتظار رأيك الصريح عن ديرتنااااااااااا...

ودمتم على خير وبالحب في الله نلتقي لنرتقي...

والسلام عليكم ورحمة الله وبركاته،،،

**شيخ النظر** · June 27th, 2009, 08:25

بسم الله الرحمن الرحيم

السلام عليكم ورحمة الله وبركاته،،،

الفلوس والفلوس...

يقول لي أصلاً لوأنك عندك مخ ماصرت منتف ماتشوفني بعقلي وشلون

جمعت هالدنيا كيف ونسى قوله تعالى:

﴿ ولولا إذ دخلت جنتك قلت ما شاء الله لا قوة إلا بالله إن ترن أنا أقل منك مالا وولدا﴾

معك ريال تسوى ريال واللي مامعووووووووش مايلزموووووووش...

أي شئ بفلوس والفلوس صارت مثل الزيقب (الزئبق) تشوفه ولاتقدر

تمسكه ويكون قدامك كبير ولما تلمسه تلاقيه تفرقع لقطع صغار...

بارك الله فيه وفي دينه ومزاحمته للحجاج في كل سنه وأنه مغبوط على

مداومته على الفروض والسنن الرواتب وكل الناس تدعي له ويقولون ونعم

فيه بس ياحسره من سلفته كرهته لأنه ضعيف فقط قدام الفلوس مايحب

يسدد ولايبي حتى حلول للتسديد والمشكله لسانه طويل يقلب الحق باطل

والناس مالها إلا الظاهر فحسبنا الله ونعم الوكيل...

اليوم صار الإنسان يكره الفلوس لأنها مثل مايقولون العامه (وسخ يدين)

ويغلونها أكثر من أرواحهم والقهر لما تشوف أخوان واقفين في محكمه

على الفلوس...

تفضيل الله ناس على ناس له عدة أوجه منها العلم ومنها الأولاد ومنها

العقل وغيره كثير لكن اليوم المعيار لأن تكون كذا (مضمومه الأصابع لراحة

اليد والإبهام مرفوع (thumps up)) لابد تكون عندك دراهم والغبنه

راعي الدراهم يحسبنه ماخلا ولابقا في كل مجال...

والسلام عليكم ورحمة الله وبركاته،،،

**شيخ النظر** · June 27th, 2009, 08:28

بسم الله الرحمن الرحيم

السلام عليكم ورحمة الله وبركاته،،،

إيميل

قلت لعمي راعي غنم ليه ماتسوي لك إيميل لأنك عندك أمر أستيراد عشرة

ألآف رأس وماشاء الله بيكون لك طلب في دول الجوار ولابد تتراسل معاك

الناس بدال خساير هالجوال وغيره قال وصليعته بينه شوي أيام كان شعري

تواليت (يعني قصة في التسعينات هجريه) جاني واحد شامي وقال سوي لك

صندوق بريد عشان نتراسل وأعلمك وش عندي ماعندي من الغنم وأزوعه

(يعني حاشاكم أطرشه بمعنى أطنشه) وأمشي على طريقتي وهو للحين

يترزرز في السوق كيف نتواصل ونتراسل وأنا شوف عينكبخير ولله الحمد

فالإيميل أخاف الحين أسويه وأرجع مصفر لأيام التواليت فخلني الله يرضى

عليك (منطق)...

فإذا صار عندي فلوس بأكون مثل ومثل ومثل ماأقدر أجزم أو أنفي لكن

نشوووووووووووووف....

ودمتم على خير وبالحب في الله نلتقي لنرتقي

والسلام عليكم ورحمة الله وبركاته،،،

**شيخ النظر** · June 27th, 2009, 08:32

بسم الله الرحمن الرحيم

السلام عليكم ورحمة الله وبركاته،،،

المنطق

جاي من أمريكا بعد ماأخذ الأستاذيه في (المنطق) وربعه قراوا فسوو له

عزيمه وجمعوا كل الناس ولين من ضمن المدعويين ولد عمه نويصر اللي

لين الحين يمش خشمه بكمه ولما سلم نويصر على الأستاذ الدكتور سأله

ولد عميييييييي...

الأستاذ الدكتور : نعم يانويصر...

نويصر : وش كنت تسوي في أمريكياااا!؟؟؟

الأستاذ الدكتور : كنت أدرس المنطق...

نويصر : وشهو المنطق...؟؟؟؟

الأستاذ الدكتور : (وهو يهوجس وشلون أفهم هالدبشه ويمكن غيره واجد

وهذا المحك لي) فقال عندكم كلب(حاشاكم)...؟

نويصر : نعم...!!!

الأستاذ الدكتور : أكيد حطينه في كوخ!؟

نويصر : نعم...!!!

الأستاذ الدكتور : والكوخ في الفناء الخارجي من الفيلا...؟

نويصر : نعم...!!!

الأستاذ الدكتور : بيتكم كبير...؟

نويصر : نعم...!!!

الأستاذ الدكتور : وأبوك رجل أعمال...؟

نويصر : نعم...!!!

الأستاذ الدكتور : أجل أبوك متزوج أمك وهي صغيره...؟

نويصر : نعم...!!!

إذاً المنطق يقول أن أمك أنسانه شريفه...!!!

نويصر : أيه بس كذاااااااااا...!!!؟؟؟

الأستاذ الدكتور : بس كذا...!!!

ثم راح نويصر لأخوياه اللي واحد منهم (سعيد) دارس كهرباء في أمريكا

فلما جاء قال بيحل لديرتهم مشكلة الكهرب فشبك قريتهم على لمبات

الشوارع ماعدا بيتهم اللي مره يولع المجلس والمقلط ومره تولع الصاله

والمطبخ ومره غرف النوم والبيت كله بعد الساعه 12 في الليل كنه داق

الفليشر يولع ويطفى فلما تتبعوا التوصيلات لقوا أنه مشبك على الإشاره...

المهم سعيد بما أنه من مثقفين أمريكيا ينشد نويصر وش عنده ولد عمك في

أمريكيا قال له يدرس منطق...

سعيد : وشهو المنطق...!!!؟؟؟؟

نويصر : عندكم كلب(حاشاكم)...؟

سعيد : لا والله...!!!

نويصر : أجل أمك ماهيب شريفه...

والسلام عليكم ورحمة الله وبركاته،،،

**شيخ النظر** · June 27th, 2009, 08:37

بسم الله الرحمن الرحيم

السلام عليكم ورحمة الله وبركاته،،،

الخال

لما كانت أم نمر حامله بأول مولوده لنا وهي الغاليه غالية كنت أراجع بها

وأمها معها جايه من الديره لأنه بتكون جده وتبي تشوف أول أحفادها...

المهم ذيك الأيام معي ونيت غماره (ياحليل المرأه من أول تركب معك

ولايهمها أحد وعيالي يقولون موترك يفشل) المهم طالع من التخصصي مار

بخريص داخل لطريق الملك فهد (سبحان الله هذا ميدان القاهره كأنه كومة

سلوك معقد ودايم زحمه تقول أن أرضه مسكونه)...

وأجيك في عصرية رمضان يوم 25 الساعه ثلاث العصر تو الناس طالعين

من دواماتهم وأدخل لين ذاك الخال راكب ألتيما ويحدني على الرصيف قلت

أفااااااااااااا وأقوم وأحده (أبليس ومامن عقول) ومن حديته ويسقط علي

ويوقفني قلت بس هالخال بأخبطه في خشمه ومن ينزف تضيع علومه ويوم

نزل ساقه لينه أطول من وزارة الداخليه ومن نزل كله لينه يركي بكوعه

على لمبات الشوارع...

وأنا بغيت أمووووووووت من الخوف هذا وشلون يخلونه يمشي بين الناس

وبعدين متلوي في هالسياره كنه (سباغيتي) ياربببببببببببببيه وش الحل

أنطق قدام المرأه وأمههههههههها لالالالالا مايصير المهم ويقطع حبل

أفكاري بقولته (تمبلو كريري الله) (( أحمد ربك أن معك حريم) وتراي أمزح

في الجمله السابقه كانك دقيت على تكروني تنشده) قالها بصوت عالي المهم

وأنا أبلع العافيه وأجي راجع لسيارتي وقبل لاأفتح الباب قلت أدع بسلامة

أننا صايمين قال أيشششششششششش الله يقلعه سمعني وأركب السياره

وأمشي لينه وراي أسرع يسرع أهدي يهدي قلت ذا شكله بيفطر علي المهم

وأستخدم الحركات البهلوانيه وأزورق بين السيارات وأقطع الإشاره وألف

يمين...

ثماً مالقيته وراي ولما مشيت شوي قلت الحين أنا آخاف منه هو ويا وجهه

ليني ذيك الأيام ساكن جنب بيت أخوي أبو حمنبص اللي لو تقول له يده لا

قطعها عصبي ونشيط ماشاء الله عليه...

وأرجع أدور الخال قلت خليني أفطر عليه أنا وأبو حنبص المهم ولالقيته

وأقول ياهو ربي فكه من مشكله مايعلمها غير ربي ولما وصلت البيت وألقى

عيال أخوي في الشارع وأسئلهم وين أبوك قال بيفطر في بيته الثاني والبيت

الثاني في عرقه قلت الحمدلله أني مالقيت الخال وإلا كان جلدني في

حارتنا وقدام عيال أخوي...

والسلام عليكم ورحمة الله وبركاته،،،

**شيخ النظر** · June 27th, 2009, 08:40

بسم الله الرحمن الرحيم

السلام عليكم ورحمة الله وبركاته،،،

سريع

خذني...

مثل ماأنا...

حبة سفندي...

أو فراوله...

قشرني...

وإلا كلني...

مثل ماأنا...

ماعندي مطاوله...

سريع سريع...

يوسف فندي...

ماأحتاج تقطيع...

والسلام عليكم ورحمة الله وبركاته،،،

**شيخ النظر** · June 27th, 2009, 09:05

بسم الله الرحمن الرحيم

السلام عليكم ورحمة الله وبركاته،،،

لاتنتظرني

لاتنتظرني أقول لك عطني...

ثماً تقول لي لا...

لاتنتظرني أقولك سامحني...

ثماً تقول لي لا...

لاتنتظرني أجي لك...

ثماً تروح...

لانتظرني وأنا خلف الباب...

مترامي أنتظرك مجروح...

مافيني عتاب...

أنت اللي خطيت...

وأنا اللي ينتظرك مسامح...

فيني أفتريت...

جارح جارح جارح...

ماهمك غير نفسك...

غير كبرياك...

نسيتني في طيات أمسك...

تذبحني قسواك...

بعلي أبو عيالي...

من أول وأنت غالي...

ياقهر كان ماتعرف غلاك...

والسلام عليكم ورحمة الله وبركاته،،،

**شيخ النظر** · June 27th, 2009, 09:17

بسم الله الرحمن الرحيم

السلام عليكم ورحمة الله وبركاته،،،

فك تشفير هواجيسي

لا يفوتك ولأول مره

يومياً على هالحال أسلاك شاحن اللاب توب مع أسلاك شاحن الجوال مع

السمعات وأجلس يومياً نص ساعه بس أفكك هالتعقيد...

ياخييي أعتبرها تسليه...

ليه فاضي أنا على الأقل أكتب لي حرفين...

أكيد واحد بيطلع ويقول رتبها وريحنا...

طيب ياعمي ولايهمك...

كان مزعجتك هالكتابه غمض عيونك...

وأغمض ليه؟ أنت اللي وقف كتابه..

وأوقف الكتابه ليه؟ أنت مالقيت إلا أنا تتسلط علي، وإلا هذي الدنيا الضعيف

ينداس والقوي على الراس...!!!

قوي مين وضعيف مين ياعمي...

كيف أصير عمك وأنا أنت..

طيب يانفسي..

ممكن نقوم من الكرسي...

لالالا الله يرضى عليك خلينا جالسين مرتاحين...

طيب ليه مانطلق رجلينا شوي...

وين بنروح لسه باقي على نهاية الدوام ساعه ونص...

والحل يعني فيني النوم...

وين نوم الليله ليلة الجمعه...

وأيه يعني...؟؟؟

يعني نغير جو طول الإسبوع وأنا مقابل هالكومبيوتر ومراكض في

هاليوميات....

طيب شئ حلو صار عندك أصدقاء غيري...

أنا لو بأصادق الكون كله ماأستغنيت عنك...

أحرجتني ياشيخخخخخخ...

ولاأحرجتك ولايحزنون لأني مابي أجلس بالحالي آخاف...

وتخاف من مين؟؟؟

أخاف من نفسي!!!؟

طيب أنا نفسك...

بالله؟؟؟؟ وأطيح مغمي علي...

والسلام عليكم ورحمة الله وبركاته،،،

**شيخ النظر** · June 27th, 2009, 09:28

بسم الله الرحمن الرحيم

السلام عليكم ورحمة الله وبركاته،،،

عقارب

جرحتيني...

في قلبي...

في حبي...

في عيني...

ياللي ذبحتيني...

أدفنيني...

تحت ركام الحروف...

وأتركيني...

تحاسبني فيك الحسوف...

من عطيتك كلي...

ماخذت غير تفكيرك...

حتى راحتي اللي...

قسمتها حول أساطيرك...

وأثرك غير...

الشر...

بيدينك خير...

والسر...

أفشائه يثيرك...

حرام وش سويت لك...؟

من بد كل الناس جيت لك...

مافي نفسي إلا تقديرك...

هي كذا...

ماصفت لذا...

وذا...

ولو صفت...

ماوقفت...

يالله الدنيا تجارب...

موجب وسالب...

يجمعهم فرق الأصل...

وسالب وسالب...

في تضارب...

وهذي طبيعة الأهل...

والأقارب...

عقارب...

عقارب...

عقارب...

والسلام عليكم ورحمة الله وبركاته،،،

**شيخ النظر** · June 27th, 2009, 14:26

بسم الله الرحمن الرحيم

السلام عليكم ورحمة الله وبركاته،،،

من ذاكرتي

أميمتي الله يرحمها وموتا المسلمين أجمعين كانت ماتنومنا أنا ونمر الله

يرحمه إلا على قصه ومن القصص اللي تدور في ذهني دائماً لدرجة أني

ورثتها لعيالي هي قصة السلطان وأولاده الثلاثه...

يقال أن هناك ثلاثة أبناء وهم سعد وهاني ومسعود للسلطان فرج (ماتجي

هاه!!!) وهالسلطان وعياله وشعبهم في قلعه وهذي القلعه محاطه بالغابات

والتي تحتوي على الوحوش والضباع فذات يوم السلطان فرج جمع أولاده

وقال لهم: ياعيالي كل واحد فيكم بيحكم هالقلعه سنه وبعد سنه راح أرميه

في هالغابات تأكله الوحوش لين يجي للحكم من يستحقه من نسلكم أو من

الشعب فوافق الجميع لأن للسلطه بريق عجيب...

أبتدى العام الجديد وبدأت مراسم تتويج الأبن الأكبر سعد (برضوه ماتجي

السلطان سعد) كحاكماً للبلاد وكان رسماً وشاعراً أديب فأشتهر في القلعه

الفن والشعر والرسم إلى أن أتم 365 يوم ثم آخذه أبوه السلطان فرج

ورماه في الغابه فأكلته الوحوش والسباع...

ثم تولى الحكم الأبن الأوسط هاني (برضوه ماتجي السلطان هاني) وكان

يحب الأكل والمعازف والغناء فقد أشتهرت القلعة بما يحب إلى أن أتم 365

يوم ثم آخذه أبوه السلطان فرج ورماه في الغابه فأكلته الوحوش والسباع...

ثم تولى الحكم الأبن الأصغر مسعود (يالله تنبلع السلطان مسعود) وأول

ماأمر به هو حمله لتطهير الغابات من الوحوش والسباع ومن ثم أستصلاح

أراضيها زراعياً وبث أهل القلعة للعمل فيها إلى أن أتم 365 يوم فجاءه

السلطان فرج بسن ذهبي يلق مبتسماً وقال له أنت من أستحق حكم هذه

القلعه فبدأت بماقد يهلكك وأصلحته فلم يبقى مكان لتهلك فيه بعد أن جعلت

ماحول هذه القلعة مأهول ومستأنس...

وأربع سنوات تروح...

وأربع سنوات تجي...

ولانشوف الشباب إلا في الأخبار...

وإلا في الجرايد يحلل مبارة وإلا ينقد قصيدة...

لابد يظهرون في كل مناسبه ((خشب مسنده)) خصوصاً الإعدام وأصدقاه...

وإلا منزل لي كتاب عن الرشاقه...

وإلا منزل كتاب حياتي ياعين ماشفت زيووووووووه كتاب...

الفرح فيه سطرييييييييييييين والباقييييييي كلووووووووه عذاب..

كتاب حزين كله مآسي حكم الزمن غدار قاسي...

والغابه طبت علينا وبيأكلونا السباع والضباع والله يكون في عونك يافرج...

والسلام عليكم ورحمة الله وبركاته،،،