البروقراطية والسمعه الإفتراضية









شيخ : سرعة الإنجاز تستدعي المبادرة طال عمرك والناس غرقانة...



أبوبندر : بس عندنا أنظمة ولوائح نمشي عليها وإلا تبينا نخالفها...


شيخ : بعد الناس في الشوارع ماهي لاقيه لاتسكن ولاتأكل ولاتشرب والدولة محتاجة قرارت جريئة


تخدم الشعب وتخفف حدة الشارع...




أبوبندر : ماهوب أنتي اللي بتعلمني وشلون أشتغل سوي اللي أقول لك ولالك شغل أبد...


شيخ : بس هذا غير منطقي وبيمر بنا في دومة تنتهي في الأخير في أمور لاتحمد عقباها...




أبوبندر : ياخوي بتعلمني شغلي أنت؟؟؟ إذا مهو عاجبك بلط البحر...



شيخ : خلنا نزفلت شوارعنا وبعدين أبلط البحر والديرة صارت بحر وحمى الضنك صارت


وباء متفشي وأحنا في نفس الروتين ود ورق وجب ورق والناس في وضع متأزم


وتحتاج ردة فعل تبرد كبودها ماهي محتاجة لملفات وإجتماعات عشان نقرر والأمر


واضح وضوح الشمس...




أبوبندر : أسمع أنت ووجهك أنت تعمل من خلال منظومة تنفذ مايقال لك دون تفكير فأي


تعدي على على ذلك والله لأوقف في وجهك شخصياً لأنك ماأنت كفو من يقدرك


وهذا سلوكك المتعدي على الأنظمة...



شيخ : الأنظمة وضعت لتسخر لمصالحنا ماهو لأجل نعبدها ولاهي قرآن منزل...




أبوبندر : أقول أنطم وتراه طال لسانك يالله على مكتبك ونفذ اللي نقوله وإذا صرت صاحب قرار


سوي اللي تبيه أما الآن أنت مجرد أداة تنفيذية...


شيخ : وأنا أعتذر أن أشارك في مثل هذا الأمر والإنسان إذا ماكان فعال وإلا الأفضل يفسح


المجال لغيرة...




أبوبندر : هين إذا ماأخلي تندم على هالكلام يااااا...



شيخ : يا أيش لاتكون تحسب المنظمة هذي إرث عائلي...




أبوبندر : أطلع برى ياتعباااااااان أطلع...



شيخ : أنا بأطلع بس أبيك توقع لي على قرار نقلي للإدارة الهندسية...




أبوبندر : أقوووول فارق عني لاأجيب لك الأمن يطلعووونك....



شيخ : وأطلع من عنده والقهر يعتصر قلبي...




أبوبندر : شفتوا الحقير السافل هذا توه طالع من البيضة بيعلمني وشلون أشتغل


هين إذا ماأكرهه في حياته...




منافق : روق ياأبوبندر وأخز الشيطان مايستاهل تحرق دمك على شئ مايستاهل...






في الإدارة الهندسية


أبوناصر : بصراحة أحنا نرحب بمثل قدراتك ماشاء الله عليك متعدد المواهب


وأنا عندي كذا وظيفة وأحتاج لمثلك في أي منها وأتشرف بالعمل


معك جهز خطاب النقل وأنا بنفسي بأروح أوقعه لك...




شيخ : الله يجزاك خير ويوفقنا وأياك ومقدر لإستقبالك والله يجعلني عند


حسن ظنكم فيني...





أبوناصر : خلاص تجيني يوم الأحد...




شيخ : على بركة الله...




وبعد ساعة...


أبوناصر : هلا أبو بندر في عندكم موظف طالب النقل عندنا أسمه...



أبوبندر : لاتكمل قصدك شيخ النظر...!؟



أبوناصر : أيه الله يسلمك...



أبوبندر : والله ياأبوناصر أني حان عليك من هالموظف...




أبوناصر : كيف يبدولي أنه كويس...!؟




أبوبندر : هو ظاهره كويس بس كثير المشاكل والتأخير في أداء



العمل بل أنه يتحجج عن تقصيره في العمل بحجج واهية...




أبوناصر : بالله عليك ياأخي منظرة وشهادته ماتوحي بذلك...



أبوبندر : عموماً أنا أقول لك من باب الأمانة وأداء العمل الشخص


هذا غير صالح وكثير مشاكل وأنا بلغتك..




أبوناصر : لا ياخوي مادام هذا سلوكه لا والله خلوه عندكم ماينفع لنا أبد...





يوم الأحد رجعت لأبوناصر...




أبوناصر : والله ياأخ شيخ الوظيفة عند ابو بندر تقدر تمر عليه بالنسبة

في إدارتنا الوظائف غير شاغرة ونتمنى لك التوفيق في مكان

آخر أعذرنا...




شيخ : ليه ياأبوناصر...!؟




أبوناصر : والله ماأدري وش أقول لك بس أحنا تابعين لأبوبندر ولاأقدر


أسوي لك شئ كل شئ عن طريقة....




لايوجد حلول سوى بيروقراطية مقيته وتكنوقراطيين لقوها بالواسطة


رثاء لهذا الوطن الذي لن يتقدم والمحسوبيات تعيق عجلته...