ابو الغرام - اللي يحدك على الهون

[المنتقد]

بسم الله الرحمن الرحيم
السلام عليكم ورحمة الله وبركاته ,,

اليوم عندنا لكم قصيدة عن عزة النفس شاهدتها فأعجبتنى فأحببت نقلها لكم والقصيدة تقول:-


[poem=font=",6,blue,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]
لاصـار خلـك مستحـق المسـبـه =سبه ترى العشاق غيـرك يسبـون

لاابوه لاابو الحب مـن قلـب سبـه =لاابو الغرام اللي يحدك على الهون

يالعـن ابـو قلـب غشيـم يحـبـه =ملعون والقلب اللي يغليه ملعـون

اقـول مـن هبـاك ياخبـل هـبّـه =الدون مايسلك معاهم سوى الـدون

عـز الجفـا ولا هـوان المحـبـه =ماخوذ من يصير على الذل مغبون

اظهر قواة البـأس والضعـف خبّـه =ترى الضعيف ضعيف لاطعم لالون

الراس مااحـد يقطعـه غيـر ربـه =اقول عز النفس مااقول لك هـون

خـلـه يـولـي لايـذلـك بحـبـه =ابعد وتلقاهم علـى البعـد يدنـون

والا انت لـو ترقـد وبالعيـن شبّـه =ابرك من اللي يجرحونك ويسلـون

ياجاهـل افهـم خذمـن العلـم لبّـه =اصبر وتنسى والعـذارى ينسّـون

الرجـل عقلـه دائمـا قبـل قلـبـه =ماهو عمى بالقلب ومفتّـح عيـون

لاقدّمـوا حـبـه تقـدمـت حـبّـه =وان وخّروا وخرت والعز مضمون

تـرى غـلا هالوقـت هبّـه وهبّـه =اغنم هبوب الريح لاتقلـب سكـون

لاساعـدك حظـك تغانـم مهـبّـه =لاترتهي يجيـك يـوم ويصـدّون

قبـل يذبّـك نـاب الأرداف ذبّــه =ترى حلاة الرجل طاعن ومطعـون

كم عاشق خلّـوه مـن غيـر سبّـه =يصفق بكف كف مايدري وشلـون

مالـه جـدى ياكـود دمـع يكـبّـه =عليه سيف الهجروالصـد مسنـون

هذامـن اول يـوم لـو دل دربــه =مادش في دنيا المجانيـن مجنـون

لكن تبـع قلبـه وقلبـه لعـب بـه =واليوم يبغى عون ماحصّل العـون

روض فؤادك ياابن الأجـواد ربّـه =البيض مايصلح لهن كود فرعـون

والا ضعيـف النفـس دايـم مسبّـه =ودك مساكيـن البشـر مايحبـون [/poem]

ارجو ان تنال استحسانكم ورضاكم والمعذرة عن كل نقص وتقصير ...والسلام عليكم ورحمة الله وبركاته ,,

[نسنوسه]

لاتتصل ماني على الصوت شفقان
وفر كلافة عنوتك واتصالك

اللي زعل يبقى على طول زعلان
ومشكور ماقصرت يكفي سؤالك

مامشي ورى المقفي لو كان ماكان
اعز نفسي صوب رغبة وصالك

صحيح أحبك مولعاً فيك هيمان
وصوتك يسافربي لاعالم خيالك

لكن حبي لك أله اربع أركان
من دونها عندي قصيره حبالك

عزي ؟ وفهمك ؟ كلمتي ؟ وزود تحنان
وايضا الوفا ؟ واأبشر بقلبي وفالك

وأنكان ناويها صدوداً و هجران
لابوك لابو الحب لابو جمالك

أحقرك وانهي عشرتك (ذل) حقران
بهيبك لينه يخيفك أضلالك

ماقد سمعت بذل أنسان لاأنسان
مني خذه لاتسمعه دوك جالك

لاتحسبني شخص بالسهل ينهان
منهو نواها محاوله صار هالك

لاتتصل ماني على الصوت شفقان
وفر كلافة عنوتك وأتصالك

اللي زعل يبقى على طول زعلان
ومشكور ماقصرت يكفي سؤالك



صح لسانك ..
اخوي المنتقد
ابيات قمة الروعه ..

يعطيك العافيه .. ماننحرم من جديدك المميز

[ابومشعل]

وعليكم السلام ورحمة الله وبركاته

الرجل عقلـه دائمـا قبـل قلبـه ............ماهو عمى بالقلب ومفتّح عيـون

بيت جميل .صح السان القائل والناقل . والسلام عليكم

[المنتقد]

بسم الله الرحمن الرحيم
السلام عليكم ورحمة الله وبركاته ,,

حياك الله اختى الغالية نسنوسه ...سلمها الله

صح لسانك ..

اخوي المنتقد ابيات قمة الروعه ..يعطيك العافيه .. ماننحرم من جديدك المميز

صح بدنك اختى الغالية ويعطيك الف عافية وصحة وهناء على مرورك واضافتك بارك الله فيك ...والسلام عليكم ورحمة الله وبركاته ,,

[المنتقد]

بسم الله الرحمن الرحيم
السلام عليكم ورحمة الله وبركاته ,,

حياك الله اخوى الحبيب ابومشعل ...سلمه الله

صح بدنك يالغالى ...سرنى وشرفنى مرورك .. بارك الله فيك ..والسلام عليكم ورحمة الله وبركاته ,,