سامري !!

**محمد بن سعد** · May 2nd, 2008, 16:41

لعبونيات أدخلت على السامري أدوارا وأنغاما جديدة

أثرت على الشعر النبطي وشعراءه

ومن أهم شعراء العصر الحديث فيما خص السامريات

هو

محمد بن احمد السديري، يرحمه الله
وأهم قصائد لعبونيات السديري
تغمده الله برحمته

***

حياتي كلها صبر وجلاده = وغيري عايشٍ عيشة سعادة
انا اللي عاشق بالغي مغرم = غريقٍ في هوا راع القلادة
بعيدٍ عنه بديار ٍبعيده = ولحد جاب لي منه الإفادة
يجيبنه حلوم الليل عندي = وحط الخد للغالي وسادة
واليا مني صحيت وقمت أراعي = ولين الليل يفجعني سوادة
تصور لي عزيز ما نسيته = حبيب ما سلى قلبي وداده
عذولي لا تلمني بالموده = لا جريح هائم في حب غاده
تهل الدمع عيني من عناها = وسفك الدمع للعشاق عاده
نشدت أهل الموده وأرشدوني = يقولون الهوا صعب جهاده
أقوله مصخرٍ من روح روحي = حياتي كلها صبر وجلاده

***

ومن أهم قصائده (الرفيق الموالي) بالطبعة الأولى
من ديوان الملحمة الزايدية
للشاعر محمد الأحمد السديري
فمن هو محمد بن أحمد السديري ؟

***

شجون تستحِق أن تُكتب، تميز بشاعريته، حقق الجمال في الشعر
الاسم: محمد بن احمد بن محمد بن تركي بن سليمان السديري
المولد: سنة 1340، ليلى بالأفلاج، وكان والده أميرها

النشأة: من بدارين آل زايد، انتقل مع والده إلى الغاط، ودرس الابتدائية على يد الشيخ عبد المحسن المنيع، وشغف عُرِف بسرعة العدو ملاحقة الإبل والإمساك بها، في بداية حياته بركوب الخيل والهجن وبالقنص واقتناء الطيور النادرة كهواية.

سيرته: اختاره الملك عبد العزيز سنة 1357 أميرا على الجوف بينما كان في السابعة عشرة من عمره (تغمدهما الله برحمته)، فقام بتصفية قطاع الطرق وإرساء الأمن على الحدود الشمالية وكذلك الشمالية الشرقية، وفي 1363 انتقل إلى منطقة جازان وتولى إمارتها، بعد سقوط إمام اليمن يحيى بن احمد، فسيطر السديري على ثورة ومشاكل حدود المنطقة، فعينه الملك عام 1368 قائد للفدائيين السعوديين في فلسطين ثم اختاره محافظا على خطوط الأنابيب حيث أتخذ مدينة عرعر مركزا لقيادته، وخوله الملك عبد العزيز بكامل التصرف فأسس ثلاث مدن: (عرعر) و(القيصومة) و(طريف) لم تكن حتى هِجر آنذاك، مِمّا ساعد على بداية توطين حركة ونشاط البادية, بعد وفاة الملك عبد العزيز أعاده الملك سعود إلى جازان، وحتى بعد اعتزال تولى قيادة الجيش بالمنطقة الجنوبية لمدة ثماني سنوات حتى نهاية حرب اليمن، وقضى بقية حياته متنقلا بين الطائف ومزرعة له في بريده القصيم، وتوفي عام 1398 بالرياض

ودفن بالقصيم يرحمه الله وأسكنه فسيح جناته.

***
ومن أهم قصائد ديوانه

يقول من عدا على راس عالي = رجم طويل يدهله كل قرناس
في راس مرجوم عسير المنالي = تلعب به الارياح مع كل نسناس
في مهمة قفر من الناس خالي = يشتاق له من حس بالقلب هوجاس
قعدت في راسه وحيد لحالي = براس الطويل ملابقه تقل حراس
متذكر في مرقبي وش غدالي = وضعقت بالكفين ياس على ياس
اخذت اعد ايامها والليالي = دنيا تقلب ما عرفنا لها قياس
كم فرقت ما بين غالي وغالي = لو شفت منها ربح ترجع للافلاس
يقطعك دنيا ما لها اول وتالي = لو أضحكت للغبن تقرع بالاجراس
المستريح اللي من العقل خالي = ما هو بلجات الهواجيس عطاس
ماهوب مثلي مشكلاته جلالي = أزريت أسجلهن بحبر وقرطاس
حملي ثقيل وشايلة باحتمالي = واصبر على مر الليالي والاتعاس
وارسي كما ترسي رواس الجبالي = ولا يشتكي ضلع عليه القدم داس
يا بجاد شب النار وادن الدلالي = وأحمس لنا يا بجاد ما يقعد الراس
ودقه بنجر يا ظريف العيالي = يجذب لنا ربع على اكوار جلاس
وزله إلى منه رقد كل سالي = وخله يفوح وقنن الهيل بقياس
وصبه ومده يا كريم السبالي = يبعد همومي يوم أشمه بالانفاس
فنجال يغدي ما تصور ببالي = وروابع تضرب بها أخماس وأسداس
لا خاب ظني بالرفيق الموالي = مالي مشاريه على نايد الناس
لعل قصر ما يجيله ظلالي = ينهد من عال مبانيه للساس
لا صار ما هو مدهل للرجالي = وملجا لمن هو يشكي الضيم والباس
بحسناك يا منشي حقوق الخيالي = يا خالق أجناس ويا مغني أجناس
تجعل مقره دارس العهد بالي = صحصاح دوِّ دارس ما به أوناس
البوم في تالي هدامه يلالي = جزاك يا قصر الخنا وكر الادناس
متى تربع دارنا والمغالي = وتخضر فياض عقب ما هيب يباس
نشوف فيها الديدحان متوالي = مثل الرعاف بخصر مدقوق الألعاس
ونثير على البيدا سوات الزوالي = يشرق حماره شرقة الصبغ بالكاس
وتكبر دفوف معبسات الشمارلي = ويبني عليهن الشحم مثل الاطعاس

قصيدة أخرى

أنا من نجد يكفيني هواها = ويبري لوعتي شربي لماها
وشوفي من نبيه ومن نوده = غزال تابع قلبي هواها
غزال ضيعت عقلي وروحي = رمت قلبي وقلبي ما رماها
لها بالروح وفوادي موده = ولاشيء من أحوالي خفاها
تعرف اني لها مملوك طايع = أبيع الروح في دورة رضاها
وأهيم بحبها واخفي جروحي = وقلبي ما عشق زول سواها
توقد حبها بأقصى فوادي = ونار الحب يحرقني لظاها
ملكني بالهوى عذب السجايا = ولا اذكر ساعة قلبي نساها
نحيل الخصر وضاح الثنايا = نظيم الدر منظوم بفاها
فجعني بالهوى ورقة حمامه = إلى غنت يذكرني غناها
يذكرني وليف غاب عني = وعيني منه جاها ما كفاها
ورا دنياي عقبه لوعتني = من الفرقا تكدر لي صفاها

***

لا لا

قالوا علامك باكيٍ قلت مطعون = شوفوا نزيف الدم مني تلالا
قالوا من اللي صوبك قلت عافون = قالوا عدوك قلت يا ناس لا لا
هذا الحبيب اللي له القلب مرهون = هذا حياة الروح بدر الكمالا
ياعاذلين القلب لا لا تعذلون = وحياة ربٍ فوق عرشه تعالا
إني فلا انسى واحدٍ فيه مفتون = بيني وبينه نازح البعد حالا
فتان صاب الفاب كونٍ بأثر كون = مملوح اخذ كل البها والجمالا
كنه إلى حرك قوامه على الهون = غصنٍ إلى هب الهوى فيه مالا
قلبي لقلبه لو تنحيت مرهون = غيره حرام ونور عيني حلالا

***

يا زين قلبي راح مني يباريك = واصبح مقره بين الاضلاع خالي
بالحلم يا سيد العذارى يناجيك = وبالعلم له وسط الضمير اجتوالي
طابت لي اذكارك وطابت مواريك = وطابت عمامك يوم طاب الخوالي
ارضيتني وبعالم الحب ابرضيك = انت الحبيب اللي بديت وبدالي
لعل رب صورك لي يخليك = تشفي فوادي ما بقن الليالي
انا على خافي ضميرك موليك = في منزل ما يسكنه كود غالي
عينك تراعيني وعيني تراعيك = اشفق من الصايم لشوف الهلالي
نصبح مصابيحك ونمسي مماسيك = وانا ورا ضنك بعيد المدالي
انا لي ضاعت جهود الشبابيك = ارسي على صيد الوحش باحتيالي

***

كِتبت بلوحك ولوحي

***

يا شبة وضحه زينوا فوق هاديك = قل لي هلا وآقول صبحك بالخير
وقل مرحبا واقول يا روح روحي = يا بو ثمانٍ بالمبيسم مغاتير
أغليك وانت اللي تسبب جروحي = جاوبت من فرقاك خلجٍ على ضير
وناديت بإسمك والمخاليق توحي = حيثك هواي من البنيّ الغنادير
وليا عذلني واحدٍ قلت ما اوحي = أغليك ما طاوعت عذّال ومشير
وحياة من مشّى السفينة بنوحي = قلبي على لاماك يكفخ كما الطير
ما عادلت روعات قلبي فروخي = ورجلي تزيد المشي يمك بتصخير
ولا تعدت يم غيرك شبوحي = وهموم قلبي منك ورد ومصادير
اكّن عبراتي ودمعي يفوحي = وش جابني لولا إن هذي مقادير

**محمد بن سعد** · May 2nd, 2008, 17:03

الشاعر محمد بن أحمد السديري

إن من أطول قصائده كانت في الحكمة
وهذه القصيدة مقارنة الأجاود بالأنذال

(نصح وتحذير)

عفا الله عن قلب يزيد عناه = وداعي غرامه للغرام دعاه
ما طاع عذالٍ يعذله من الملا = وان سمع عذاله يزيد عناه
إلى توسع خاطره ربع ساعه = على الضيق داكوك الهموم نحاه
قلب براه مجادل الضيم والعنا = الضيم من بين الضلوع براه
دع القلب يا عذال خله بغايته = هواك ما يتبع طريق هواه
دع القلب يا اميالطنا = يزيد يا عاذل عليه شقاه
كونه الأيام لين أوجعنه = وعزى لمن حر الزمان كواه
يكويه من هجر النياح اميالطنا = يضيق به مما دهاه حشاه
يحن حنات الخلوج لجنينها = والخلج مفهوم تحن ظناه
ما حزنها حزنه ولا ربع ما به = وحياة من نشا السحاب بماه
على جادلٍ ما شافت العين مثلها = احيا بذكري من هو يتلقاه
عشيري شرابي من مناظيم مبسمه = يجلا عن القلب الدريك ظماه
اداريه عن شىء يحسه ويغضبه = وإلى زعل يصعب على أرضاه
ان دك بي من حامى البين هاجس = وجرعت من حر الغرام طناه
تذكرت من طلابة الجود نادر = رفيع الذرا عسر الدروب مشاه
مشى بدرب المجد والنفس تدفعه = الى شامخ عسر الدروب سناه
خالد سنام الطيلات بن فيصل = حجا من لجابه والزمان وطاه
ابشكي على فرز الوغى جاير الهو = شطون الشفاوي والشفاوي تاه
قد تاه ببحور الغرام المظلمه = دليل الخطا عن من يريد نحاه
نحاه عن حي يوده من الملا = وما فات من يومٍ يزيد غلاه
غلاه في قلبي تجدد علايمه = وتكتب على القلب الدريك اسماه
اسماه وأن عرضت مع الناس صفقت = محاني فوادى والحبيب رماه
رماه بسهوم المحاجر وجندله = قليل الفزع ظلم الحبيب دهاه
دهاه بالفرقا وقلبي له انتما = يتله ومن بين الظلوع لواه
لواه يوم انه على الحب يلتوي = ومن دينه دين الجميل اوفاه
اوفيه بالروح العزيزه ولو غلت = روح تبي روح تحب جزاه
اجزاه لو انه رماني وجادني = يمحا خطا الغالي عظيم إرضاه
إرضاه يبهج خاطري عقب ضيقته = ويرتاح قلب بالفؤاد فراه
فراه في وسط المحاني وعذبه = وان عذبه سهل عليه أدواه
دواه عنده سبايب مصايبه = واشفاه من كوثر نظيم شفاه
ارجيه لو دونه من الناس حاسد = رجاي بالله ما قطعت رجاه
ارجيه لو دونه جموع تصدني = وحبل الرجا يضفي على رشاه
وقد قيل للعراف في ماضي مضى = هذا لهذا من هذاك رواه
يمنى بلا يسرى قليلٍ حصيلها = ورجلٍ بلا ربع يخاف اعداه
ما هبلك يا باغي من النذل فزعه = رجواك من عند الجبان سفاه
رفيق الرخا ينسى مودة رفيقه = ليا ضاق به شين الزمان نحاه
عوين الدهر ما يامن الجار جانبه = وليا عرض للشامتين شناه
على داره السودا تبني خيامها = عوين الدهر شين السواد غشاه
خذ يا لبيب القلب مني وصيه = حميدان في ماضي الزمان لقاه
إختر من الخلان حي توده = تسبق على فعل الجميل يداه
دليل على العليا بعيد من الخطا = الطيب في دنيا الحياة مناه
ما جال في قلبه من الخوف جايل = وان كاد مرقا الطيلات رقاه
ولا ضعف النفس العزيزه الجارته = ولا هروولت للمحصنات إخطاه
يفرح به العاني ليا حده القصا = وللضيف معسول الكلام نباه
وان جاك من يمة معاديك ريبه = من قبل ما تاطا عليه وطاه
صديقك صديق له وضدك يضده = وعلى روس عدوانك تدير رحاه
هذاك حطه لك رفيق موالى = عونك ليا زاد الزمان بلاه
ما يفصل القالات إلا رجالها = ولا كل من شيد بناه حماه
ولا كل من ركب الجواد عدابها = على حامي الهيجا وحر لظاه
ولا كل من نوى لدار رحل لها = يموت ما لحق هواه إمناه
ولا كل من رام المراجل ينولها = يا عسر مقضبها على يمناه
ولا كل من ركب المطايا غزابها = ولا كل من رام الغريم قواه
ولا كل من يبرم عهود وفا بها = يطغى على فعل الجميل رداه
ولا كل من ودع لسر يصونه = وكم واحدٍ سر الصديق أبداه
ولا كل من حصل حلالٍ صخابه = يبين بالوقت الشديد صخاه
ولا كل من جالس هل العلم عالم = وكم عالمٍ ضر العبادخطاه
ولا كل من ناله جميلٍ يرده = ولا كل من شاف الحريب نصاه
ولا كل من سل السنان صطا به = يموت وسنانه جضيع إخباه
يا ناشدٍ عني وانا لي قبيله = لها المجد زايد بالرفاع بناه
وكمل مقام المجد عامر وشيده = طريق المعالي للدخيل مشاه
كونٍ جرى على واضح النقا = الاشراف جضت من عظيم بلاه
مزنٍ تزبر فوق سلى صواعقه = تشظّف من خشوم الجبال حصاه
نشا من ثنايا برك ترعد مخايله = من الشرق غيظ بالصدور حداه
غيظ مخيف يطحن الغيظ والغضب = وما طال من روس الخشوم طماه
امطر على الأشراف وانهل وبله = عليهم تنثر بالغزير طماه
قوز الشريف اكبر علايم دلايله = سيله تدفق هد كل انياه
سيله عجاج الخيل والبيض والقنا = وروس النشاما بالحزوم إغشاه
تشهد على ما قلت هالعامريه = جضت أسبيع من عويل ابكاه
تبكي على فتخان الإيمان غلمه = تعشوهم اللي بالحروب اعصاه
والضبعة العرجا تعشا بدربهم = وكم ضيفوا ذيب يجر إعواه
والطير يلقى البر من ضرب شلفهم = مضاريبهم يعي الطبيب إدواه
وش حل بالأشراف غالب وراجح = اقفو كما صيد حدته إضراه
اقفو على قب تخافق مع الوطا = تنازا بطوعات الرقاب حذاه
من ولب عطبين الهوايا آل زايد = لهم صانع السيف الصقيل حناه
حناه وارهف شذرته يوم كمله = وعطاه لمن هم بالحروب عداه
حيث أنهم يروون حده من العدا = بأيمانهم روس الفهود عشاه
إلى عدا فيهم حريب وزارهم = يعدلون بحدود السيوف صغاه
وجريس ما طاله من الظيم طايل = اسود الشرى عمن يبيه حجاه
اسود الشرا بالضيق تنجي دخيلهم = ويروون من دم الرقاب ظماه
فكوه ثم اغنوه يوم انه التجا = وجه أبن بدران يزيد ضياه
تجمل مع جريس اليماني وعزه = الزايدي يوم الدخيل عداه
يشهد العامر ما مضى من فعايله = يوم إن غالب بالجموع نصاه
يبي دخيل البيت ماخاف خالقه = دخيل عطبين السهوم إرماه
واقفا ذليل يتبع السير بالسرا = وحرب عناله بالفواد شكاه
أقفا مثل ماجا وهو يشكي العمى = اقفا من الذله يحر قناه
عيب على مثله لياهد ينثني = يبدل من عقب الهدير إرغاه
وأبن صباح أذروه وبن خليفة = رمح آل زايد ظلهم بافياه
اخذ ثارهم من ضدهم يوم كادهم = رمح من العز القديم عصاه
يشهد به الهدار واللى جرابه = دخيلهم ثاره عطوه إقضاه
فكو حقوق للدخيل ابن وايل = جميلية نالوا حقوق وجاه
من ضرب من لا صددوا عن حريبهم = يصكون باجباه الخصيم جباه
دخيلهم باعلى السماكين منزله = له بين نجم الفرقدين متاه
كنه بجنات تظله غصونها = والنايف الطايل يحل رباه
تعلوا لعرش المجد من قو عزمهم = مصابيح ظلنات تريح رجاه
مراجيم عدوان مرابيع ملتجى = ليا جف من وبل المزون ثراه
إلى قطبت عسر السنين وجذبت = ولا عاد يذكر بالرياض كماه
يهوشون بوجيه تكاشف من النقا = والضيف ما يقصر عليه إقراه
ياناشد عني وأنا ليقبيله = قصر الندا زادو عليه إبناه
اشادوا فعول بالفضايل وسلمهم = للجار كل باللسان حكاه
بني زايد ادوا جارهم من جداره = ولا أحدٍ من اسباب الإله وداه
لهم وادي سهل الدروب ودونه = نار ينزح عن احماه سناه
سناه مصقول الحديد الصافي = وعزم القلوب الصاطيات لظاه
عذروبهم للضيف ترخص نفوسهم = والجار مضمون السلام إغطاه
وجه الندا يندا كمت ماطر الحيا = يبين عند الموجبات نداه
تعييي على الشيمات حفاظة الشيم = ووجيه الندا لازم يبش حياه
قصيرهم يارد على العد قبلهم = ولا شكا يوم الورود ظماه
إن زادت إسنينه تجدد معزته = وكلٍ خطا جاره عليه رفاه
وان ذبح خير عند وجهه = وكسب الفضيله بالحيلة إمناه
على الطيب شبان وشيب تزاحموا = والطيب يتعب للرجال مداه
دواسر كنيوا على دوسر الفحل = واسمٍ على فعل يبين إقداه
من الهضب للافلاج مكدين ضدهم = وحريبهم مر المذاق عشاه
وادي العقيق مطهرينن جنابه = ولا ديس بين العالمين إحماه
من عصر ابن بدران هذي ديارهم = والدار محدٍ للخصيم عطاه
راسين مثل جبال هضب آل زايد = وهم ليا شان الزمان إحماه
حموه يوم إن القنا يقرعالقنا = ولمثلهم رب العباد بناه
من الفرعة العليا إلى الخرج حدهم = به الجار ما كِّدر عليه صفاه
الدار ما تصلح لمن لايصونها = الدار عوره والرجال إرداه
دارٍ خذوها بالمراهيف عنوه = وهم نورها الصاطع ينير ضياه
بني عقيل أخلو مغاني ديارهم= بعد دمهم بأرض العقيق سقاه
من غلمة ما باعوا العز والشرف = يوم الردي فعل الجميل نساه
تشهد مشاريف اليمامه بفعلهم = فعل تعد العالمين ثناه
هرج بفعل يشبه الماس بالذهب = وهرج بلا فعل يقال سفاه
نعد قول ما تكذب مثايله = راويه أصدق من طيور قطاه
نعد مجد الطيبين وفعلهم = واذكار فعل الطيبين طراه
فعلٍ على فعلٍ تحاك ابه العرب = مجدٍ يكذب من يعدثناه
من رام فعل الغانمين وشانهم = السيف يروى من عداه شباه
من رام فعل الغانمين وسلمهم = الجار عن الخصم العظيم وقاه
من رام فعل الطيبين وقدرهم = يبذل لياضاق الزمان قضاه
ان كف همال الحيا وامحل الوطا = وشحشح عن الطفل الرضيع غذاه
يكرم لياضاقت على الناس وامحوا = ويصبر ليامن الزمان وطاه
النذل مايقدر على طيب الثنا = والليل ما يشبه صدوق ضحاه
يجود الفتى بالجود من زايد الحيا = يخاف من العايبات قضاه
قولوا لطلاب الثنا يتبع النقا = ولايلحق العرض النزيه شناه
ومن سار بدروب الردى زاره الخنا = ويلبس من اسلاب السواد كساه
ابعد عن الانذال وترك ديارهم = يفكك من الوجه الخبيث نياه
الاجواد آيات الندى في وجيهها = والانذال شرى ما يذاق جناه
الاجواد ما تنوي بك البوق والرد = والانذال عيب ما يعد غياه
الاجواد فعل الخير لذة نفوسهم = والانذال ملزوم يشاف خناه
الاجواد جنات تعاقب أنهورها = والانذال صلدا من صخور صفاه
الاجواد تاصف لك طريق يدلك = والانذال لعسرات الدروبإقداه
الاجواد مثل الورد عطرروايحه = والانذال زقومٍ يطير سفاه
الاجواد فيهم باب يسر ومعزه = والانذال عسرٍ ما عليه شفاه
الاجواد زلة جارهم يدمحونها = والانذال تجزا الاقربين جناه
الاجواد مثل النهر حلو شرابه = والانذال صباخٍ ملاح ماه
الاجواد تبذل فضلها دونعرضها = والانذال دنسين العروضعراه
الاجواد مثل الريف سعد سعوده = والانذال قحط الزمهريرشتاه
الاجواد تامن شرهم وانتعندهم = والانذال شر مايطيب بلاه
الاجواد مثل الصبح تمشيبنوره = والانذال ليلٍ مظلمٍممساه
الاجواد حبات الندى يبذرونها = والانذال تبذر بالرخيصرياه
الاجواد فعول الخير ما يجحدونها = والانذال حزم مايطيب حفاه
الاجواد ماتلحق عزيز مذمه = والانذال تنطق بالصديق زراه
الاجواد عز الجار والضيفسلمهم = والانذال بعيون العزيزقذاه
من طاوع النفس الذليله على الردى = يرخص ويظهر للرجالخفاه
من طاوع النفس الذليله على الردى = نسى الجار والضيف العزيز جفاه
من طاوع النفس الذليله على الردى = تقصر عن العز الرفيع إخطاه
يموت طلاب التماني على الشقا = سراب دو والظلال غطاه
يموت طلاب التماني بحسرته = وكثر التماني ماتعيد صباه
يموت طلاب التمانيومثله = من يرجي الحنظل يزيننماه
يموت طلاب التماني ومكسبه = كما صايحٍ صوته يردصداه
أبا التماني لاتمنى وخلها = ترى التماني والحلومأشباه
يقولها لك من هوى القلب عذبه = وداعي غرامه للغرامدعاه

**المنتقد** · May 3rd, 2008, 01:04

بسم الله الرحمن الرحيم
السلام عليكم ورحمة الله وبركاته

هلا بالدكتور محمد

يمنى بـلا يسـرى قليـلٍ حصيلهـا = ورجـلٍ بـلا ربـع يخـاف اعـداه
ما هبلك يا باغي من النـذل فزعـه = رجواك مـن عنـد الجبـان سفـاه
رفيق الرخـا ينسـى مـودة رفيقـ ه =ليا ضاق به شيـن الزمـان نحـاه

هذه قصيدة الملحمة الزايديه وهى من ابدع ماقال الامير الشاعر محمد السديرى يرحمه الله
لك منى كل تحيه

**محمد بن سعد** · May 4th, 2008, 20:22

الشاعر بن مويم

هو سفران بن محمد مبارك بن مويم بن راكان الودعاني الدوسري
القصيدة: في مجلس الشيخ قاسم بن محمد آل ثاني أمير قطر
ومعهم شاعر بني هاجر ابن عفيشة

القصة:
جلسوا جميعاً على العشاء في ضيافة ابن ثاني
مد سفران يده على (لسان الذبيحه)
أخذه وأعطاه الشيخ قاسم
فرفضه وقال: "بينك وبين الشاعر ابن عفيشه"
فقد جرت العادة لدى بعض شعراء القبائل
أن لسان الذبيحة للشاعر
ولا يأكله غيرهم - فرد (سفران) بقوله:
ليس لابن عفيشه نصيب في هذا اللسان
وأتحمل مسؤولية أكله، فقطعه نصفين،
أعطى نصفه للشيخ قاسم وأكل القسم الآخر بتحدي..!!
ولمّا فرغوا من العشاء
جلسوا في المجلس لمواصلة السمر والسماري
قال أحدهم:
تكلم يا لسان
(يعني ابن مويم)

فبادره الشاعر سفران بن مويم،، قائلاً:
اسمع

{}{}{}{}{}

يا لله يا رب يا كريم = يا عالم جميع الكائناتْ
يا نافذ أمره في العباد = وأحكامه عليهم ماضياتْ
فنا طالبك يا ربي اهداك = تعاوني على فرض الصّلاتْ
وترحم حالي في سؤالي = وترحمني إلى جات الوفاتْ
قال ابن مويم له مقال = مقال فيه معنى واكلماتْ
فالفكر دار باعلوم ودار = مثل الميل يضرب باحركاتْ
فنا لا بغيت الشعر جاني = يضرب اطبولٍ واعرضاتْ
اطمر فيه وانقا من خياره = اللي للرّجال بها شفات
من عقب ذا دنّيت خير النجايب = تسعين من اركاب اعمان منقيّات
سحم لونها والجد واحدْ = ولا هيب في الهداد امدعلات
عداها الجمل خمس وثلاث = وهي في سنّها تسع اسنوات
رعت في مصافيح الرّمال = الى جبل الدروع امربعات
لاكن عيونهن خلص الشرار = ولا يوما عليهن بالعَصَاتْ
ولا كنّهن لاحن صوت المغنّي = كما لعب العذارى الحافلاتْ
وكن وصف البراطم يوم تومي = لعب الزنجفة في يدا الغوات
وكنهن يوم يقفن في زراجه = نعام بحدبا جافلات
طفق واصطفق عجلٍ مذاره = من عقب اجتماع بافتخات
وخلوا هجنكم بحفظ الله = ولوذوا عليهن باعجلات
تنحّر رفيق زاده الله = اسنين اطوال مقبلات
رفيقٍ حذيقٍ ما نملّه = بصير يحوز الطّيبات
جميع المعاني يحتزيها = معاني المرجله والطايلات
صبي الهاجري يستاهل = سلام والعلوم الغانمات
علومي جاتك باللي تريده = وعلومك ننتظر يالقرم هات
فنا ما قول قولا ما يثبت = ولا عد اقوالي كاملاتْ
ولكن اباري كل شاعر = واجيب البيوت الوافيات
فنا اقول ان طعتني يا شاعر = فكسب السلامه راس المغنمات
واسلّم على اللي حاضرين = ولبواب للّي راد متفتّحاتْ

**محمد بن سعد** · May 4th, 2008, 23:26

السماري

أصبح جزء
من حياة الكثير
عبر دول الخليج
هذا ولا يختلف أداء
الكثيرين له في نجد مثل:
الوشم سدير القصيموحائل إلا
لبعض كسرات الشيلات الجماعية
إلا أنها تختلف عنهم في نجران والوادي
وتنحصر قصائد السماري لشمال منطقة نجد
في طريقة أدائها التي تغيرت كأغاني خصوصاً في الشيلات التالية:

* عسى الحيا يسقيك
* يا هل الحي ما شفتوا
* اي والله من نو حقوقٍ
* البارحة ياملا الزين جاني
* طيري غدا والسروقي راح
* عيني تفجر تنوح فراق خلي
* تلبس الضيق وتقتل بالرموش
* يوم الخميس اللي مضى مريت
* انا البارحه هلت محاجر عيوني
* يا عين هلي على ترف القدم هلي
* سلمولي على اللي سم حالي فراقه
* ما أقبلك يا زول ضحى العيد شفناه
* يا زين حلمٍ حلمته ان الحبيّب زارني
* مع الزمل الأول ويا راعي الأوضاح

هذا وتتقارب المناطق في شيلات:

* يا طير يا خافق الريش
* داوني داوني يا عبيد الله
* يا حمام على الغضى ينوحي
* هيه يا بو اللثام لا تغلى عليا
* طيري غدا واقفى يرف الجناحين
* الشمس غابت والحبيّب على البال
* يا سدرة الحزم جعل الرب يسقيك
* عديت بالمستقلي من نايفات العداما
* سرا الليل والمشغول ما طاب له مشرب
* انا مشتاق أسولف لك واعيد الماضي اللي راح

أشهر من غنى السامري:

محمد عبده - عبد الله فضالة - عائشة المرطه
عوض الدوخي - محمد المسباح - محمد زويد

كاستشهاد - يمكن تطبيق معظم هذه الملاحظات
من خلال سماع تلك الاختلافات على هذا الرابط ( هنا )

**نجم سهيل** · May 2nd, 2008, 17:41

السلام عليكم ورحمة الله وبركاته

تسجيل حضور واستماع مع استمتاع

**محمد بن سعد** · May 2nd, 2008, 18:56

محمد بن أحمد السديري

ليالي نجد

قالوا وحيد وقلت ماعندي اوناس = وقالو غريب وقلت بأرض بعيده
ابعدت ما بي شوف ناس من الناس = بعّدت عن بعض الملا وتعديده
مطاوع قلبي على كل الأجناس = والبعد عن شوف المكاره يفيده
اخترت بعد الدار عن قرب الأنجاس = عن دارهم نلقى ديار جديده
في وسط نجد ابتع هوا كل نسناس = واطرب لشوف اطيورها وتغريده
اعشق ليالي نجد لو انّها ادماس = وايّامها عندي جنان سعيده
شمى لعشب رياضها يقعد الراس = وما فات من ساعات عمري بعيده
شوف الزهر يبعد عنا كل هوجاس = ويريح عن قلب الشقا ما يكيده
وحس الرعد في رايح المزن رجّاس = دقات عود عند سمعي فريده
وان قال لي بعض المخاليق لا باس = قلت الهضايم بالضماير مجيده
الله من هم بالاضلاع غطاس = اقام وسط القلب وابطى شديده
فكّرت بالدنيا بتقدير وإحساس = ولاجت لي الدنيا على ما نريده
اللي نبي تقطّعت عنه الأرماس = وعنه اختفت كل العلوم الأكيده
القلب يبغض كل غادر وبلاس = اللي يلطخّ دم الأجواد بيده
واحب من يتعب على كل نوماس = ومن فيض جوده ما يمده الزهيده
اللي ليا كادت والارياق يباس = يصبر على كود الأمور الشديده
وللنفس عن طرق المثاليم حباس = يتعب على كل العلوم الحميده
واحب نجد وكل حبّي على ساس = حب بقلبي له قصور مشيده
عندي وعرها مع سهلها والاطعاس = غابات ورد في زهور نضيده
برياضها محلا هدد كل قرناس = ان شاف حفّان الحبارى تصيده
عدل المناكب لأبرق الريش دّواس = ما ناش في مخلاب كفه يجيده
ياحلو هدّاته على الجول غلاس = ينحر كثيره ويتعدى الفريده
اجرد عديم لهايش الخرب فراس = والطايره لو ترتفع ما تكيده
ايّام عجّات الهدد كلها اوناس = ياحلو بالخد البياح تهديده

**محمد بن سعد** · May 2nd, 2008, 20:33

عودة إلى قصائد وأشعار

السامري

أرغب إضافة جزء من قصيدة
للشاعر محمد بن أحمد السديري
يُرددها الكثير في عرضاتهم بدون دفوف
يستعجلون الشق الثاني من بداية كل شطر بأصوات أوطأ

آه من دمعٍ على خدي سفح = من فراق اللي على غيري شحيح
من فراقه بالحشا قلبي لفح = ساكنٍ وسط الحشا حبه صحيح
من رُبا صنعا إلى غربي رفح = ما سكن وسط الحشا غيره مليح
ان تعمدت الخطا عنده صفح = خابرٍ قلبي من اسبابه جريح
في غباب الحب انا قلبي طفح = هايمٍٍ ببحورها ما يستريح
ريح خلّي مع هوى الغربي نفح = من جنان الخلد ريحه فيه ريح

**محمد بن سعد** · May 2nd, 2008, 19:47

نجم سهيل

يحفظكم الله

هذه قصائد في نجمة سهيل
ولكل محبي موقعنا {}{}{} درة المجالس العربية السعودية {}{}{}

سهيل نجمة قدلة أيام شفناه = وقفا سموم القيض واقبل براده
راعي الولع يفرح ليا حل طرياه = تمضي لياليه سرور وسعادة
ينسى هموم وسط صدره مخفاه = اللي يعض لايام تزعج رقاده
لقبل هداد مخضب كف يمناه = بدم الريش اللي تحب النيادة
غلاس طلع من عيدان مجناه = أبيض نحر وباقي الريش ساده
هجر عريض كامل في مزاياه = وزود على ذلك طبوع وركاده
لاشافه الصقار نوخ مطاياه = وقام يتذكر مامضى من هداده
يوم السنين الطيبة كان يقناه = واليوم نفسه ماتوام مراده
أليا مضى لسهيل خمسين شلناه = من مربطه والموس طوف عقاده
وبعدأسبوعين ينقز دعيناه = وعقبه جهز للي تحب الشراده
خطواخريش ماتعدا معشاه = بين العواسج ضأير له مقاده
نوب تجي هارب ونوب محيراه = يرضي وعر وفي طرفها حشاده
يومه سمر بالطلع تل وعطيناه = وسبقه مع فتحة قزاز القياده
وقفى يهز الريش ولغيض يحده = مطلب وهي قدمه سوات الجرادة
عقبة طواها طويةالدلو لرشاه = مرهي ولوطارت طيار زيادة
وادلاعليها بالحراب المسماة = سيف ابن غانم يوم فاخت غمادة
من صفقته جاتك من الغيم مدلاة = وهو شهر يردم سما من عنادة
وعقرب عليها من بعيد مذكاة = من ظربته مايحيى الصيد عادة
وحول بها القاع رويت من دماه = والريش غطا في محلة مصادة
وجينا وغديناه قلب وثنداة = وريش عليه الدم قاني سوادة
وخبو ماليق العيال المظراة = لجروم رمث مبطي في همادة
والنار في ظل المواتر شعمناة = وقامت توقد يوم حطوا وقاده
وسويت فنجال على الكبد محلاه = بة زعفران خالطة مع قنادة
وصبيت للربع المشاكيل مبداه = وقنا نسولف بينا با الهوادة
تسوا حياة معثر مالهم جاة = عند الحلايل ماتعدوا الوسادة
لاغاب عنها يوم قامت توطاة = ماتصدقه حتى يجيب الشهادة
ياالله عسى رب السموات يمحاه = ولا عسى ربي يعجل نفاده
القاف لعيون الصقاقير قلناه = اللي بعضهم مهتنا في قعاده
بيض الوجيه ألي تحاتي محاتاة = طلوع نجم سهيل يطلق قيادة
وصلاة ربي عد غيم نثر ماه = على رسول الله ختمنا الإفادة

قصيدة الشاعر مهيل دغيم جابر الهاجري

رحلة مقناص وطلوع نجمة سهيل