بسم الله الرحمن الرحيم

السلام عليكم ورحمة الله وبركاته،،،

غربي وشرقي







عجيب الفكر الغربي ويقولون أنكم يالسعوديين بدو ومتخلفين (ليه فيه بدو

متمدنين) كل واحد عنده خيمة وجمل وبير بترول...

والصدق الصدق حنا حول الكلام ولكن بصورة غير المذكورة فأحنا طفارى

والفقر خلانا متخلفين لأن الرأس مالية نستنا دينا اللي مايطبقه لا الكبير

ولا الصغير كما هو بشتى أركانه (الإسلام، الإيمان، الإحسان) فعادي نكون

متخلفين لأن الله عزنا بهذا الدين وبدون جاهلية إليكترونية (بصراحة

جديدة والله أنه يجي مني)...


طيب والخيمة جازت لي سالفة الخيمة تعالوا نشوف الشتاء في السعودية

تقريباً ثلاثة أشهر وأجوااااء السعودية ماشاء الله تبارك الله أنواع أجواء

زحل لدرجة من العج والحر الأرض عندنا بدت تفور ويا مالك (سلموني

على مالك ولد الأزدية سليلة الأنبياء) والناس ماهيب فاهمه غير مع الخيل

ياشقراااا...

خيمة بخمسطعشر ألف إلى أربعين ألف وكله في جيوب هالبنقالية وتاليتها

الخيمة مسكرة والغبرات مغطيتها تقول أهلها مسافرين والغبنة لين جيت

بيوتنا تلاقيها كلها مجالس مسكرة وكلها للضيوف وكل سنتين يجيك

ضيوف تحطهم في أستراحة وإلا المسايير في نهاية الأسبوع أم محمد

وعيالها أم ناصر وبناتها أم خليل وخدامتها وبصراحة ياعزيّز بأفرش لهم

في الحوش لايخربون بيتنا...


هذي الخيمة للي عنده وحاب يكون ولد حامايل ومعتز بتراث أجداده اللي

قبل مئتين سنة كانوا يسوون لهم أصنام من التمر ثم يعبدونها وإلى جاعوا

كلوهاااااااا وإذا جيته لقيته حاطاً لك صورة عوشزه (شجرة العوسج) معلق

عليها ميداليات حقت اللي يجون من مصر والهند من أول وكل ميدالية فيها

أسم وخلفها مكتوب عين الحسود فيها عود حاط هالشجرة في صدر

المجلس وثلاثة أرباع الأسامي شكلهم ناقلهم من مخطوطة مكبوب عليها

شاهي لأن اللي كان يكتبها كان رأسه صاكّه ويوم نادته مرته من الروعه

كب القدح (صراحه حلوه قدح هنا بس الظاهر ماتناسب مع الحقبة الزمنيه

يقال اللي يقراء حقين جايزة الملك فيصل) المهم من الروعه كب القدح

على المخطوطة وطلعت الأسامي (قصدي الأسماء لاتفهمونا غلط ماصدقنا

قضيتوا) وطلعت الأسامي جلهم وسفروت ومخترش والصدق لو رجعنا


لآلة الزمن المذكورة في المقال أعلاه(يعني كانك طمرتها أرجع أقرها

ماهوب تعبوني ولاتقروووون) فلو رجعنا لآلة وقابلناهم هم أنفسهم ناسين

أساميهم عاد يالتوثيق عندنا...


المهم بنلاقيهم جواعا الظاهر بيأكلونا ماعلينا هالعوشزه محطوطه في صدر

المجلس ومحطوط في جذورها آدم عليه السلام بالله ماتستحي حاط آدم


عليه السلام تحت ومسحات وخشبة ومصيول فوق هذولي واجد عليهم

يركبون في الصندوق...



نرجع لموضوعنا عاد اللي ماعنده دراهم تلاقيه ساكن في بيت طين آيل

للسقوط وجنبه بير بس مع لعب في الحروف يصير (بياره) حاشاكم وعاد

هالبعاريين اللي صارت تحتاج لبورصة بصراحة من ضرب أسعارها

والله لو دروا الأمريكان كان غزونا على خبالتنا في هالأنعام يعني الحاشي

أبو مئة مليون كم يصير الكيلو حقه وإلا سندوتش الكبدة منه بكم أنتم يا أهل

الدراهم جاوبوني بصراحة بنجن يعني بأنهبل ماهو تبنجوني....


البعير حقي ونيت موديل سته وستين يعني يوم تأخذ أنكلترا كاس العالم

ويرفعه الخبل مدرب مانشستر (السيكل فقس كرتون)...


ومشكلة بعيري أو ونيتي يغرز على الأسفلت فمابالك بصحاري شوارعنا

وبكذا أثبتنا للعالم أننا كسعوديين حقيقة كما يحب أن يرانا الآخرون...



طيب بأعطيكم جانب من تخلف الأمريكان يقولون جيري معرس على تومه

بنت سلقان من 25 سنة لأنه فكروا بعد الولد الرابع يتزوجون ومره من

الحلتيت قصدي من المرات بحث في قوقل عن صور حمير قصدي حريم

ولقى صورة تومه ولمافتح ملفها لقاها حاطه عازبة ومسميه نفسه توتو

يعني أثنين أثنين للي يسئل عن النتيجة وهو منتدب لأسبوعين أنت ياجيري

لأنه كان عنده تصوير في أفلاك قراطيس لأن بعد ماحكم بودلاما ماعاد في

أمريكا ولاكرتون أحتراماً لعراقة الرئيس....



على طاري عازبة هذا أنا عندي ستة الله يحفظهم وأمهم وتوي مجدد الجواز

وألقى الحالة الإجتماعية عازب خلف الله على مركز المعلومات ولا.. بكره

أحفادي يحطون أسمي في شجرتهم يقال أن جدهم شيخ موثق إلكترونياً

ومكتوب عازب يعني هالستة وأمهم ماأقتنعت بهم الحكومة وإلا كيف...؟؟؟


نرجع لجيري وبقرته فبدى هو يلعب بالشيطان وقال أثرها تخوني وقام

يتذكر كل شئ صار بينهم وتكبر السالفة ويشرب لين انعدم وخلال أيام طاح

في الهرويين وأدمن الشراب لين رجع لبيته وأول ماأستقبلته تومة بقميص

النوم طعنّها لين ماتت يعني نقصت أمريكا نفر للي بيحولون فلوسهم

لمساعددة الأمريكان من تجارنا يعني لاتحسبون حساب تومه بنت سلقان

لأنها ماتت...


والسلام عليكم ورحمة الله وبركاته،،،