بســم الله الـرحمــن الرحيــم


السلام عليكــم ورحمـة الله وبركاته

دق علي واحد الآن وقال لي أخبار ماهي كويسة عن العمل وأنا المفروض

من أطلع من العمل أنساااااااااااه لحد ماأرجع له لكن...!!!؟؟؟


أنا ونفسي



ياخيييي غريبة

أيه والله غريبة حييييييل بعد...


لاحووول ياهي عجيبة

والله صدق عجيبة...



والله ماتستاهل؟؟؟

هذي تاليتها يعنييييييييييي؟؟؟؟


لالالالالا مايصييير


أففففففففففف مع تصفيق الكفين على بعض....


طيب وش السواة الحين؟؟؟


ننتظر ونشوف وش بيصير...


وش تنتظر يالفااااااااهي قم تحرك...


المشكلة وين بأرووووووح وأنا مامعي سيارة....


دبر نفسك لو تروووووح مشي ولاتقعد...


صدقتي يانفسي يالله بألبس وبأمشي...


أجل هم كفووووو بس يلهبونك وأنت تشووووف...

لا لا لا بأروح أتفاهم معهم وأوريهم شغلهم زين مازين...


هذي عاشر مرة يكنسلووون فيها إجازتك الصيفية...


والله لو ماعندي عيال وإلا سيرلنكي بينهم ياخييي مايخافون الله...


أصلاً مايصلّووووووون عشان يخافون الله فيك


الله الهادي والساكت عن حقه يتحمل مايجيه....


طيب تركد لاتخرب الدنيا كالعادة....


هين يصييييييييير خير....

والقهر مطلعين الفلبيني والباكستاني...


أيه ذولا نقّالت الحتسي لهم فطبيعي يغضوني بهم....


شف ذاك الدب ماعنده حل ولاربط كلها من تحت رأس الأصيلع...


هذا مشكلتنا هالبزران اللي خذوها بالوسطات ولايعرفون وش الإدارة

اصلاً...


طيب فكر وش بتقول؟؟؟؟


بأقوووووول عطوني إجازتي وبرفعها للمدير المشارك أبو الكفاءة وأثنين

وخمسين الف...


ههههههه حتى وأنت معصب ظريففففف


أقول أنطمي يانفس وأعوذ بالله من الشيطان الرجيم....




ومن أوصل للعمل لين الدب يتهزهز كنه محطوط في غسالة البابطين أم عمود

حقت الكنابل ويقول ترى إجازتك رفعت ولاتنسانا بالهدايا...


وأزفر وأقول أعوذ بالله من الشيطان الرجيم


والسلام عليكــم ورحمـة الله وبركاته