سامري !!

[محمد بن سعد]

محمد بن أحمد السديري

أنا على ذكراك

يا مرحبـاً ياللي البعد ناديـت = ومية هلا مني والأخرى قفتها
جاوبت بأسماك العزيزة ولبيت = وروحي لروحك يالهوا رايمتها
أنا الذي لك بالمودة تلاجيت = روح تبي روح وهي مالكتها
وتفتحن أزهار قلبي وهليت = وعيني تراعي عشقة عاشقتها
للقلب يا وضاح الأنياب تليت = وردون ثوبي عبرتي غرقتها
بسفك الدموع وبالتجلد تلهيت = فاخت وعبرات بصدري حدتها
إلى بكت عيني ذكرتك وونيت = ودنياي من فرقاك ضاقت سعتها
وان غبت يا مضنون عيني وصديت = قلت الفراق وغيبتك مغضبتها
اكره إلى قفيت وافرح إلى جيت = وعندك خبر نفس تعرف أشفقتها
يا ما لشوفك يا حبيبي تعنيت = وكم خطوة للقاك رجلي خطتها
إن شفت غيرك صدت النفس واغضيت = وناس تبي لاماي غيره عصتها
حبك بقلبي هزني واستخفيت = وجنات عطفك فرحتي غاديتها
أنا على ذكراك عشت وتغذيت = وهواجسي فرحاتنا ما نستها
أقسمت لك باللي فرض حجة البيت = أنا العهود اسنيننا ما خلفتها
ليتك يا بو تركي بعينك تحليت = شقر القرون الناعمة ناقضتها
روحي معه تقعد إلى غبت وأبطيت = وروحه على ما تشتهي عاسرتها

[محمد بن سعد]

نجم سهيل

يحفظكم الله

هذه قصائد في نجمة سهيل
ولكل محبي موقعنا {}{}{} درة المجالس العربية السعودية {}{}{}

سهيل نجمة قدلة أيام شفناه = وقفا سموم القيض واقبل براده
راعي الولع يفرح ليا حل طرياه = تمضي لياليه سرور وسعادة
ينسى هموم وسط صدره مخفاه = اللي يعض لايام تزعج رقاده
لقبل هداد مخضب كف يمناه = بدم الريش اللي تحب النيادة
غلاس طلع من عيدان مجناه = أبيض نحر وباقي الريش ساده
هجر عريض كامل في مزاياه = وزود على ذلك طبوع وركاده
لاشافه الصقار نوخ مطاياه = وقام يتذكر مامضى من هداده
يوم السنين الطيبة كان يقناه = واليوم نفسه ماتوام مراده
أليا مضى لسهيل خمسين شلناه = من مربطه والموس طوف عقاده
وبعدأسبوعين ينقز دعيناه = وعقبه جهز للي تحب الشراده
خطواخريش ماتعدا معشاه = بين العواسج ضأير له مقاده
نوب تجي هارب ونوب محيراه = يرضي وعر وفي طرفها حشاده
يومه سمر بالطلع تل وعطيناه = وسبقه مع فتحة قزاز القياده
وقفى يهز الريش ولغيض يحده = مطلب وهي قدمه سوات الجرادة
عقبة طواها طويةالدلو لرشاه = مرهي ولوطارت طيار زيادة
وادلاعليها بالحراب المسماة = سيف ابن غانم يوم فاخت غمادة
من صفقته جاتك من الغيم مدلاة = وهو شهر يردم سما من عنادة
وعقرب عليها من بعيد مذكاة = من ظربته مايحيى الصيد عادة
وحول بها القاع رويت من دماه = والريش غطا في محلة مصادة
وجينا وغديناه قلب وثنداة = وريش عليه الدم قاني سوادة
وخبو ماليق العيال المظراة = لجروم رمث مبطي في همادة
والنار في ظل المواتر شعمناة = وقامت توقد يوم حطوا وقاده
وسويت فنجال على الكبد محلاه = بة زعفران خالطة مع قنادة
وصبيت للربع المشاكيل مبداه = وقنا نسولف بينا با الهوادة
تسوا حياة معثر مالهم جاة = عند الحلايل ماتعدوا الوسادة
لاغاب عنها يوم قامت توطاة = ماتصدقه حتى يجيب الشهادة
ياالله عسى رب السموات يمحاه = ولا عسى ربي يعجل نفاده
القاف لعيون الصقاقير قلناه = اللي بعضهم مهتنا في قعاده
بيض الوجيه ألي تحاتي محاتاة = طلوع نجم سهيل يطلق قيادة
وصلاة ربي عد غيم نثر ماه = على رسول الله ختمنا الإفادة

قصيدة الشاعر مهيل دغيم جابر الهاجري

رحلة مقناص وطلوع نجمة سهيل

[محمد بن سعد]

عودة إلى قصائد وأشعار

السامري

أرغب إضافة جزء من قصيدة
للشاعر محمد بن أحمد السديري
يُرددها الكثير في عرضاتهم بدون دفوف
يستعجلون الشق الثاني من بداية كل شطر بأصوات أوطأ

آه من دمعٍ على خدي سفح = من فراق اللي على غيري شحيح
من فراقه بالحشا قلبي لفح = ساكنٍ وسط الحشا حبه صحيح
من رُبا صنعا إلى غربي رفح = ما سكن وسط الحشا غيره مليح
ان تعمدت الخطا عنده صفح = خابرٍ قلبي من اسبابه جريح
في غباب الحب انا قلبي طفح = هايمٍٍ ببحورها ما يستريح
ريح خلّي مع هوى الغربي نفح = من جنان الخلد ريحه فيه ريح

[محمد بن سعد]

محمد بن أحمد السديري
وحيد وقومي أكثر من الروم


يا شن بقلبي منه أصبحت مكضوم = يعلم به اللي عن عباده غناوي
وعيني يابو ماجد حريب لها النوم = وكنه يعالجها الطبيب المداوي
شوف البغيض بنونها عمس وهزوم = والقلب ناشه بالمعاليق لاوي
ونا إلى جاني من الناس مزحوم = احل عنه الكايدات الدعاوي
ارخص له النفس العزيزه بال سوم = ونا على فعل الجمايل رهاوي
وعديت من جور العنا راس مزموم = في راس مرقاب جديد المطاوي
رجم طويل نايف كل مرجوم = مهايف راسه عسير المهاوي
وهيّضت من وسط الحشا كل مكتوم = زفرات ما يقوى لهن كل قاوي
وانا بعون الله ولو كنت مظلوم = لكسب المعالي وبالشدايد مهاوي
ارومها لو دونها حرب وسهوم = ويا حوينا بالشدايد محاوي
عساك يللي تنقل الكبر والزوم = من المرض تصلى بحر المكاوي
أنا الوحيد وقومي أكثر من الروم = وفي لمّه العربان كنّي خلاوي
وحتى صديقي صار من حسبة القوم = وضاعت عزوم مكثرين العزاوي
ودعيت عفن الريش يوم ادرج الحوم = ابالرخم ونا احسبنه نداوي
طير بحزات الهدد يلحقه لوم = اللي قنص به ضايع الفكر غاوي
خسران والخسران من ينقل البوم = يبشر بخيبات الرجا والبلاوي
الناس في دنياك معطي ومحروم = وكلا على طيب المعاني شفاوي
الطيب لاهل الطيب والرزق مقسوم = وطير السعد طير تعدّى الحراوي
طير نقلته طالني منه مثلوم = وبعض الطيور يضيّعن الهقاوي
ان احسبنه صاطي القلب ملحوم = وثره على الصيدات مثل العماوي
من المذله بارد الوجه ماسوم = وقلبه على درب الرذيله نحاوي
هقيت به لا شك انا صرت منجوم = وتوّي دريت إني على الدرب غاوي
من خلق في دنياه الفعل مذموم = على الردا بالحيل مشيه نحاوي
الله لا يسقيك يالواد ابو دوم = وعساك صحصاح بك الذيب عاوي
خمسين عام مايقولون ماسوم = يصحى سماك وكل مافيك خاوي
يجيك ما جا قوم صالح من الشوم = والبوم باركانك يجر الحداوي
يالله يامعبود يافارض الصوم = تقبل دعات اللي بجودك رجاوي
موحد يطلبك في ثاني التوم = برجي العفو وارضاك وامرك سماوي
من خلقت الدنيا إلى يومنا اليوم = صبح يفوت وليل يقفاه ضاوي
والناس تفنى بين مذنب ومرحوم = وهنيت من له عند ربه عراوي

ربما التالي من الشعراء هو
عودة إلى ما قبل السديري !!
ربما نتناول أطراف شاعر من آل زايد
إبن مويم !!
قبل أمراء الشعر المعاصرين !!
أمثال دايم السيف !!!
تحياتي لكم جميعاً
والسلام خير خِتام
فإلى لقاء

[المنتقد]

بسم الله الرحمن الرحيم
السلام عليكم ورحمة الله وبركاته

هلا بالدكتور محمد


يمنى بـلا يسـرى قليـلٍ حصيلهـا = ورجـلٍ بـلا ربـع يخـاف اعـداه
ما هبلك يا باغي من النـذل فزعـه = رجواك مـن عنـد الجبـان سفـاه
رفيق الرخـا ينسـى مـودة رفيقـ ه =ليا ضاق به شيـن الزمـان نحـاه


هذه قصيدة الملحمة الزايديه وهى من ابدع ماقال الامير الشاعر محمد السديرى يرحمه الله
لك منى كل تحيه

[محمد بن سعد]

الشاعر بن مويم

هو سفران بن محمد مبارك بن مويم بن راكان الودعاني الدوسري
القصيدة: في مجلس الشيخ قاسم بن محمد آل ثاني أمير قطر
ومعهم شاعر بني هاجر ابن عفيشة

القصة:
جلسوا جميعاً على العشاء في ضيافة ابن ثاني
مد سفران يده على (لسان الذبيحه)
أخذه وأعطاه الشيخ قاسم
فرفضه وقال: "بينك وبين الشاعر ابن عفيشه"
فقد جرت العادة لدى بعض شعراء القبائل
أن لسان الذبيحة للشاعر
ولا يأكله غيرهم - فرد (سفران) بقوله:
ليس لابن عفيشه نصيب في هذا اللسان
وأتحمل مسؤولية أكله، فقطعه نصفين،
أعطى نصفه للشيخ قاسم وأكل القسم الآخر بتحدي..!!
ولمّا فرغوا من العشاء
جلسوا في المجلس لمواصلة السمر والسماري
قال أحدهم:
تكلم يا لسان
(يعني ابن مويم)

فبادره الشاعر سفران بن مويم،، قائلاً:
اسمع

{}{}{}{}{}

يا لله يا رب يا كريم = يا عالم جميع الكائناتْ
يا نافذ أمره في العباد = وأحكامه عليهم ماضياتْ
فنا طالبك يا ربي اهداك = تعاوني على فرض الصّلاتْ
وترحم حالي في سؤالي = وترحمني إلى جات الوفاتْ
قال ابن مويم له مقال = مقال فيه معنى واكلماتْ
فالفكر دار باعلوم ودار = مثل الميل يضرب باحركاتْ
فنا لا بغيت الشعر جاني = يضرب اطبولٍ واعرضاتْ
اطمر فيه وانقا من خياره = اللي للرّجال بها شفات
من عقب ذا دنّيت خير النجايب = تسعين من اركاب اعمان منقيّات
سحم لونها والجد واحدْ = ولا هيب في الهداد امدعلات
عداها الجمل خمس وثلاث = وهي في سنّها تسع اسنوات
رعت في مصافيح الرّمال = الى جبل الدروع امربعات
لاكن عيونهن خلص الشرار = ولا يوما عليهن بالعَصَاتْ
ولا كنّهن لاحن صوت المغنّي = كما لعب العذارى الحافلاتْ
وكن وصف البراطم يوم تومي = لعب الزنجفة في يدا الغوات
وكنهن يوم يقفن في زراجه = نعام بحدبا جافلات
طفق واصطفق عجلٍ مذاره = من عقب اجتماع بافتخات
وخلوا هجنكم بحفظ الله = ولوذوا عليهن باعجلات
تنحّر رفيق زاده الله = اسنين اطوال مقبلات
رفيقٍ حذيقٍ ما نملّه = بصير يحوز الطّيبات
جميع المعاني يحتزيها = معاني المرجله والطايلات
صبي الهاجري يستاهل = سلام والعلوم الغانمات
علومي جاتك باللي تريده = وعلومك ننتظر يالقرم هات
فنا ما قول قولا ما يثبت = ولا عد اقوالي كاملاتْ
ولكن اباري كل شاعر = واجيب البيوت الوافيات
فنا اقول ان طعتني يا شاعر = فكسب السلامه راس المغنمات
واسلّم على اللي حاضرين = ولبواب للّي راد متفتّحاتْ

[محمد بن سعد]

السماري

أصبح جزء
من حياة الكثير
عبر دول الخليج
هذا ولا يختلف أداء
الكثيرين له في نجد مثل:
الوشم سدير القصيموحائل إلا
لبعض كسرات الشيلات الجماعية
إلا أنها تختلف عنهم في نجران والوادي
وتنحصر قصائد السماري لشمال منطقة نجد
في طريقة أدائها التي تغيرت كأغاني خصوصاً في الشيلات التالية:

* عسى الحيا يسقيك
* يا هل الحي ما شفتوا
* اي والله من نو حقوقٍ
* البارحة ياملا الزين جاني
* طيري غدا والسروقي راح
* عيني تفجر تنوح فراق خلي
* تلبس الضيق وتقتل بالرموش
* يوم الخميس اللي مضى مريت
* انا البارحه هلت محاجر عيوني
* يا عين هلي على ترف القدم هلي
* سلمولي على اللي سم حالي فراقه
* ما أقبلك يا زول ضحى العيد شفناه
* يا زين حلمٍ حلمته ان الحبيّب زارني
* مع الزمل الأول ويا راعي الأوضاح

هذا وتتقارب المناطق في شيلات:

* يا طير يا خافق الريش
* داوني داوني يا عبيد الله
* يا حمام على الغضى ينوحي
* هيه يا بو اللثام لا تغلى عليا
* طيري غدا واقفى يرف الجناحين
* الشمس غابت والحبيّب على البال
* يا سدرة الحزم جعل الرب يسقيك
* عديت بالمستقلي من نايفات العداما
* سرا الليل والمشغول ما طاب له مشرب
* انا مشتاق أسولف لك واعيد الماضي اللي راح

أشهر من غنى السامري:

محمد عبده - عبد الله فضالة - عائشة المرطه
عوض الدوخي - محمد المسباح - محمد زويد

كاستشهاد - يمكن تطبيق معظم هذه الملاحظات
من خلال سماع تلك الاختلافات على هذا الرابط ( هنا )

[جبل فينوس]

احسنت يادكتور محمد
عرض جميل
يبدو لي واضحا ان لديك اطلاع واسع
ومصادر حاضره
اشكرك على نقل هذه الخبره للاعضاءفي هذا المنتدى
نطمع في المزيد
شكرا

[محمد بن سعد]

الامير بدر عبد المحسن

باتيمم لرملك للصــلاة = ثم بخط قبلة مســجدي

والمس بجبهتي طهر الفلاة = واحمد الله ربي سيدي

ثم باطوي على ذراعي العباة = وين مااروح امري في يدي

من رمال الخليج الى السراة = دار عز ومجد سرمدي

ديرتي ماترك جدي وصاة = كل ورثي سلاحي ومجندي

اطلب الموت تكتب لك الحياة = واحفظ الدار دارك يابعدي

ديرتي حالف ماارخص حصاة = من ترابك ولا غصن ندي

اه انا العشق وترابي الحياة = اه انا الارض والارض جسدي

بدو كنا على ارضك حفاة = وماخضعنا في يوم لمعتدي

وبدو حنا صنعنا المعجزات = نزرع سهيل وعمرنا الجدي

وبدو دايم بنحيا للمات = نعشق الطيب ونعاف الردي

***

قالت قصيدك ليل سود معانيه .... رويانة بالدمع وامدادها دم

الي متى ياشاعر الهم تخفيه = والي متى تحني ضلوعك علي هم

قلت البكا صعب عليه وانا ابيه = لا واهني اللي بكى وماتندم

لي عبرة يلعب بها الحزن والتيه = ولي صرخة واتعبت ابلقا لها فم

لا ماكتبت الشعر لاحد بسليه = ولا نيب مداح ولا اباترنم

احساس لا ابيعه ولانيب شاريه = مر يجي شهد ومرات علقم

اليا لمحتي دم جوفي اف خليه = على الورق لا صار روحك تألم

قلت الشعر يوم ان لي رغبة فيه = وحزين انا الى متى الله يعلم