[ من عيون الشعر ] موضوع مميز

[ابو فيــصل]

بسم الله الرحمن الرحيم

قصيده عن " صدمة الانسان في صديقه "


مابلت الدنيا ظما ناشـف الريـق
ولابـان بوجيـه الرفاقـه رفاقـه

قل للرفيق اللي حدانا على الضيق
لابوه عـرف ولعنبوهـا صداقـه

بالصوت نبرات التعاسه مواريـق
يامن يـرد العلـم لأهـل العلاقـه

ويقول مال الحر غيـر الشواهيـق
لو تعشق سبوقه ثرى ارضه عشاقه

وحنا لو ان الهـم فينـا طواريـق
نكسر على خطواتنا عظـم ساقـه

ماننشد الونه عن اقصى المعاليـق
والهرج نعرف غايته مـن سياقـه

والي غدى المعنى سوالف واراويق
ماننشـد الحـلاق فـن الحلاقـه

كم جملة فيهـا المعانـي تفاريـق
تقلع مـدى مـن لا تمنـى فراقـه

قم جر صوت معوكسات الطواريق
الموت واحـد والحماقـه حماقـه

ومادام شمسي تنقري فالمشاريـق
مااقول مالي في عنا الوقت طاقـه

ولاني بمن يغفي به الوقت ويفيـق
انـا بـدوي تكفيـه حنـة نياقـه



للشاعر مساعد المغيري