بسم الله الرحمن الرحيم
السلام عليكم ورحمة الله وبركاته ,,

اليوم ياأخوانى واخواتى الله يسلمكم عندنا لكم قصيدة عن الزمن والحظ ومايصاحبه من طيب وقسوة والقصيدة تقول :-

جيت البحر قـام البحـر يحتفـي بـي
................................والموج يتراقص طـرب يـوم جيتـه

وصوت الهدير يقول مرحـب حبيبـي
...................................وأنـا بعـد مـن زود حبـه نصيتـه

جيـت أشتكيلـه هالزمـان ونصيبـي
................................فوق الهمـوم جـروح قلـبً مميتـه

وقـام يتسمـع للـكـلام ونحيـبـي
.................................والخد مـن عينـي بدمعـي سقيتـه

قال السبب. . !قلت السبب زود طيبي
............................قال الثمن . . !قلت أش بقا ماعطيته

قال الجزاء. . ! قلت الجزاء مادريبي
...........................قال الوفاء. . !قلت الوفاء راح صيته

قال النتيجه. . !قلت شخصً غريبـي
.............................قال الوطن. . !قلت الوطن مالقيتـه

قال الجروح. . !وقلت جرحي عطيبي
.............................قال الأمل. . !قلت الأمـل ذا نسيتـه

شمـس السعـاده هيفـت للمغيـبـي
................................والفـرح يخذلنـي إذا أنـي بغيـتـه

مليـت أقـول الحـظ باكـر يصيبـي
...............................مليـت أصبرنـي وشمعـي طفيـتـه

ودام البحـر لاجيتلـه يحتفـي بــي
..................................تركـت هالعالـم ورايــه وجيـتـه

ارجو ان تنال استحسانكم ورضاكم والمعذرة عن كل نقص وتقصير ...والسلام عليكم ورحمة الله وبركاته ,,