بسم الله الرحمن الرحيم


السلام عليكم ورحمة الله وبركاته


صلاتي





المؤذن : اللَّهُ أَكْبَرُ اللَّهُ أَكْبَرُ


أَشْهَدُ أَنْ لا إِلَهَ إِلا اللَّهُ


أَشْهَدُ أَنَّ مُحَمَّدًا رَسُولُ اللَّهِ


حَيَّ عَلَى الصَّلاةِ


حَيَّ عَلَى الْفَلاحِ


قَدْ قَامَتْ الصَّلَاةُ قَدْ قَامَتْ الصَّلَاةُ


اللَّهُ أَكْبَرُ اللَّهُ أَكْبَرُ


لا إِلَهَ إِلا اللَّهُ


حقاً لا إِلَهَ إِلا اللَّهُ




شيخ : إستغفـر الله العظيـم




الإمام : إستووا.. إعتدلوا.. إستقيموا يرحمكم الله



الإمام : الله أكبر...



شيخ : الله أكبر..


نفسي : شيخ ركز خلااااص في الصلاة وبلا ماتسرح خليها على الله طيب خلاص إمممم..



إبليس : ذا اللي جنبي شف أصابع رجليه وشلون قايله؟



شيخ : يؤؤؤؤؤؤ ذا وشلون يلقى له جزمة (وأنتم بكرامة) الظاهر أنه يفصل

هذا اللي جزمته ودك ترصع بها وجه مديرنا لين قام يتفلسف ويقول النظام

وهو متعين بواسطة ولاعب في الدنيا...



نفسي : لاحول ولاقوة إلا بالله ياشيخ ركز ياشيخ



شيخ : طيب خلااااص أنامركز...



نفسي : مركز كيف باالله قريت الفاتحة وبعدها أي سورة قريت؟


شيخ : أنا قريت سورة اللهب شفت وشلون أنا مركز؟


نفسي : لالالالا كانت سورة الفيل الله يحييك...


الإمام : سمع الله لمن حمده...


شيخ : ربنا ولك الحمد...


إبليس : يعني الحوثيين وش يبون بالضبط؟؟؟


شيخ : أصلاً هالروافض وغيرهم كل الناس مايحبون السعودية حتى السعوديين

بعد مايحبون ديرتهم لين أخلّص الصلاة وأكتب هالمقال في القمة هااللي

بهذلونا بنقدهم ماأدري وش يبون...!؟


الإمام : الله أكبر


إبليس : الساعة كم الحين؟


شيخ : يالله وين ساعتي راحت؟ آه.. ياإما في الدرج ياإما في الدولاب...


نفسي : دولاب إيششش بس ياشيخ ركز ياشيخ إنت تصلي أستغفر الله...


الإمام : الله اكبر


شيخ : أنا مركز شفت إنظر لمكان السجود...


نفسي : وركز في الأيات اللي يقراها الإمام...


إبليس : إلا الملك عبدالعزيز ليه كان يسمى الإمام والملك عبدالله

خادم الحرمين الشريفين...!؟


الإمام : الله أكبر


شيخ : الشيطان أعوذ بالله يخلي الواحد يسرح ماهوب الشيطان يربط

في رمضان يعني يربط ثلاثين يوم طيب ليه مايربط طول السنة

يكفينا شياطين البشر؟


نفسي : شيخ.. شفت وشلون إنت رجعت تسرح ثانية...


الإمام : الله أكبر


شيخ : إنا في أي ركعة ؟


نفسي : برجلت أمنا ماعاد أدري؟؟؟؟؟؟؟؟


شيخ : يعني نقوم ولا نجلس نقرأ التشهد؟


نفسي : الظاهر الثانية...


شيخ : طيب أقولك أتأخر شوي وأشوف الي جنبي يقوم وإلا يقعد يقرأ التشهد...!!!


الإمام : الله أكبر


شيخ : أيوه قايل لك الركعة الثانية


نفسي : شفت وشلون عشانك تسرح


شيخ : لا خلاااااااااااص أعوذ بالله من الشيطان الرجيم


الإمام : الله أكبر


إبليس : السجادة ذي مريحة ولونها حلو ياترى سجادة وإلا موكيت؟


شيخ : لاموكيت بنسيج السجاد شف دولتنا وشلون متوصيه في بعض

المساجد ومخليه البعض ماتشوف وشلون مطنشين جدة من غرقت

يقولون الإغاثة فسحة بسكوت وموية إفطار صايم ماهوب إغاثة...


الإمام : الله أكبر


شيخ : ذا اللي جنبي طرف رجليه فوق رجلي طيب أحرك رجلي

شوي ذا يسمع بتراصوا رجع حطها من ثانيه وش يبي ذا؟؟؟


نفسي : أستغفر الله ياشيييييييييييييييخ...


الإمام : الله أكبر


إبليس : من اللي مايستحي ذا مخلي جواله عام ماحطه صامت؟؟؟


شيخ : الناس ماعاد تقدر تصبر ربع ساعة في الصلاة.. مايدرون

أن الجوال مايخلي الواحد يركز في الصلاة مع إن فيه لوحة

محطوطة على الباب مكتوب عليها إغلق الجوال من فضلك

وعليها صورة جوال عليه علامة إكس للبهايم اللي مايقرون..


إبليس : إلا العيص وش صار عليها؟؟؟


شيخ : الظاهر أنهم للحين في الخياااام وبتجي السيول وتجرفهم

هم ومخيمات اللاجئين في الجنوب....












الإمام : الله أكبر


إبليس : ذا اللي جنبي حركه يتحرك كثير...


شيخ : أستغفر الله ماعنده خشوع أبد...


الإمام : السلام عليكم ورحمة الله السلام عليكم ورحمة الله


نفسي : يؤؤؤ الصلاة خلصت ؟


شيخ : السلام عليكم ورحمة الله السلام عليكم ورحمة الله



أستغفر الله العظيم أستغفر الله العظيم أستغفر الله العظيم...




والسلام عليكم ورحمة الله وبركاته