بسم الله الرحمن الرحيم
السلام عليكم ورحمة الله وبركاته

اليوم يالغالين عندنا لكم قصه وقصيدة زوج وزوجته كانوا عايشين في قمه السعادة وكانت الزوجه مدرسه وراتبها زين يعني من مدرسات أول يوم كانت رواتبهن عاليه ماهو مثل الحين .لاكن الزوج جاء يوم من الايام وهو طفران .. ماهنا زود دراهم وهو محتاج ولين زوجته توها مستلمه الراتب و هو اللي ينبسط و يوم طلعت من البيت . نقز للدرج اللي فيه الدراهم .. والقط سبعه الاف ريال بدون علم زوجته وبدون مايستأذن منها ويمكن لو قال لها ماتبخل عليه.المهم درت زوجته .. وازعلي واطلعي لبيت اهلها ونادت اخوها وعلمته وتمردس ببطنه وماخلى فيه عرق صاحي والله لا يوريكم .. لكن الزوج بعد ماصحى وصحصح و استصح قال هالقصيده

لي زوجة حبه يتــل المعــاليق
................................عرسي عليها العام باول شباطي
من روحته والزاد بالبيت ماذيق
................................ولا اميز العلم القوي والخراطي
ومدرسه مع زين كل التخاليق
................................وزود على هذا تعـرف الخياطي
وجابت رويتبها وصفـقت تصفيق
...................................تسـعة الاف كلهن بالمــغاطي
وصكت عليه بغرفته بالصنيديق
.............................وغطت على صندوقهن بالبساطي
وديتها تشري قدور واباريق
................................وانا انطلقت للبيت يم الشناطي
واخذت سبعة الاف معهن تلاحيق
......................وخليت انا الف وخمس معهن افراطي
عرفت وقالت عندك اليوم ماليق
.................................واللة لوتربط برجلي ارباطي
وانا عرفت اني توهقت توهيق
...............................يااللة يارب اتهديـن الصراطي
وقالت لخوها كل شي بتوثيق
...........................وجاني حلال القوم راع النشاطي
ثمن ضربني ضربة تيبس الـريق
...........................وقام وفرشني فرشتة للــسماطي
وقام يتوطاني بليا ترافيق
............................و! يرجد علي ويمسحن بالبلاطي
وا وجس بصدري عقب ضربه حشاريق
................................قمت اتنفس عقبها من اباطي
لي تسعة ايام وانا بي تشاهيق
..........................عجزت اسولف كن فيني اصقاطي
براسي صعارير اسواة الزرانيق
.............................ومضارب بالبطن مثل المقاطي
ولا ضاق صدري قمت اجمع طوابيق
..........................و الى توسع قمت اجمع قــواطي
انا احمد الله بدّل الضوق بالضيق
............................والهم من راسي نزل للمواطي ..
والرجال تأسف وندم لاكن فات الفوت ومعد ينفع الصوت ...ارجو ان تنال اعجابكم ورضاكم والمعذرة عن كل نقص وتقصير .....والسلام عليكم ورحمة الله وبركاته