وعليكم السلام ورحمة الله وبركاته
لحظة ..لحظه ..
قبل نناقش قضية الهروب .. عندي سؤال ليه الخدامه ؟!
للاسف ماتدخل بيت الا وتلقى فيه شغاله ..طيب وين الحريم عن دورهن ليه مايشتغلن فبيوتهن
صح ان البعض منهن قد تضطر لكن مو على طول الا شغاله حتى اللي توها متزوجه ؟!
غريب امر الحريم في هذا الزمن .." ابي خدامه .. ابي خدامه " وهن ويش يسون .. الله يحفظك ياماما اقول لها بجيبلك خدامه تقول انثبر لو تبغى رضاي تزوج وفكني منك ... قالوا خدامه والله مالها داعي حرمه ماعندها غير ولد او ولدين وتتباكى اللين زوجها ايجيب لها خدامه ما ادري كيف ترتاح ووحده غيرها تخدم زوجها ..

نعود للهروب واسبابه للهروب اسباب عديده لكن اهمها اراه عدم راحة الخدامه في بيت كفيلها كأن
يكون عليها ضغوط عمل وعدم الاستماع اليها والى همومها وتشغيلها فوق طاقتها وعدم المبالاه بها .. وهذا يجعلها تستغل اي فرصه تراها للهروب واللي يسهل عليها ذالك هو علمها بانها ستجد مأوى وعمل لها ..
فالمعامله الحسنه مع الخدم والتقرب لهم وجعلهم احد افراد المنزل والاحسان اليهم كما علمنا ديننا كفيل بان يجعل الخدامه لاتفكر بالهرب مهما كان الاغراء المالي لانها في الاول والاخير
انسانه ...وهذا مجرب من بعض الاخوه حيث ذكر لي احد الاخوه ان خدامته لاتغادر ولاتاخذ ايجازة لاهلها الا عند الضرورة وانها تعتبرهم اهلها وكثيراً ماتبكي عندما تغادرهم وسرعان ماتعود امضيت سنين عندهم واصبحت من العائله تسافر معهم وتروح وتجي معهم ولا تخرج الا متحجبه بعد ان علمها الاسلام الصحيح وعرف اهل البلد ..
فالخدم بحاجة الى حسن المعامله فهم يأتون من بلاد مختلفة الثقافه وايضاً قد تكون مختلفة العقيده .. وارى من الانسب التعامل معهم بهدوء وبالتدريج لرسخ المفاهيم الجديده عليهم ..
وشكراً اختنا الشاعرة غموووووض والله يعوضك بافضل منها ...
وللاسف النظام عندنا تعبان مافيه قوانين تحاسبهم عند الهروب فكل مالدينا هو التسفير ..
طيب ليه تهرب ؟!
فلو لدينا نظام واضح ومعروف كأن تكون هناك عقوبة معلنه على كل خادمه هاربه يقبض عليها
دفع غرامه من 5000 الى 10000 لكفيلها وسجنها شهر ثم ترحيلها لما تجرئنا على الهرب
وكذالك عقوبة لمن يشغلهن ومع ذالك لاننسى وضع خط هاتف لرفع الظلم عن الخادمات فاي خادمه تشعر بظلم ممن الاتصال بهذا الخط ويتم عليه دعوة الخادمه والكفيل للنظر في امرهم ..

دمتم بخير