بسم الله الرحمن الرحيم

السلام عليكم ورحمة الله وبركاته،،،

طويلة البال







وقفت عند مكينة الصراف ودخلت البطاقه ثم طلب الرقم السري ودخلت

الرقم السرى والمبلغ المطلوب وقالت لي نأسف لعدم خدمتك في المبلغ

المطلوب وألف محاولة لين دخلت مئة ريال وتبتسم لي المكينة وتطلع لي

أياه ريالات وأخذ الفلوس والبطاقه وأنا مبسووووووووط...


لين وراي بنت مع السواق في سيارة فاااان ثم يوقف بها بعيد عن المكينة

بمترين ثم تسحب الباب وتنزل ثم تعدل نقابها والشيله ثم ترش عطر

وترجع تشييك على العباية وتشوف في الجوال فيه ارسال والا لا؟؟؟


وساعتين تدور على البطاقه فى شنطتها ثم تدخل البطاقه وترفض من قبل

مكينة الصراف فتعدل نقابها فى مراية الصراف وتدور على بطاقه الصراف

الجديده فى شنطتها المليانه وساعة ثم تلاقيها عليها آثار كحل سايل وروج

ثم تدخل البطاقه ودقايق تدور على ورقه مكتوب عليها الرقم السرى داخل

شنطتها ثم تدخل الرقم ثم يجيها مسج وتقعد تقرأ مسج اللي وصلها

بالجوال...


تلتغى العمليه بسبب تأخرها فى ادخال المبلغ المطلوب تتأفأف وتعيد كتابة

الرقم السرى فتطلع لها رساله بشاشة الصراف ان الرقم السري ملغى فتكلم

أختها عشان الرقم الصحيح فتدخل المبلغ المرغوب وتنتظر ولا يطلع لها

فتدخل المبلغ مره ثانيه تقعد تطقطق اصابعها ثم تاخذ الفلوس والجماهير

عند مكينة الصراف تصفق وتصفر وتبارك...


تطالعهم بإستحقااااااااار ثم تدخل رأسها في الشنطة وتطلع ثلاث بطاقات

الظاهر حقات خواتها لولوه وحصيص ومنير...


تتصل عليهن تسئلهن عن الأرقام السرية وتنادي السواق يجيب ورقة وقلم

واحد متميلح يعرض عليها القلم وثاني يمد غترته تكتب عليها ثم يجيب

السواق الورقة والقلم وتقعد تنقل محاضراتها...


يأذن العشاء ويمر جمس الهيئة ويلفت نظرهم الجمهرة عند مكينة الصراف

ومن يوقف الجمس تلاقي ذيك الجمهرة فص ملح وذاب...


والأخت تأخذ الفلوس وترمى البطاقات في الشنطه وتركب مع السواق ثم

تشٌيك على شكلها فى المرايه وتلتفت تطالع في السرى اللي وراها فتموت

من الضحك على طوله وتقول للسواق خلاص أمش وطوّل على المكيف

فتروح للسوق وتبذر هالفلوس في ثواني ثم ترجع لخواتها تسولف لهم

على بالها سوت أنجاااااااااز لهاليوم....


والسلام عليكم ورحمة الله وبركاته،،،