بسم الله الرحمن الرحيم

السلام عليكم ورحمة الله وبركاته،،،

(خيانة وطن في نقاط التفتيش)


من سلسلة أفلام بوليوووود مقتبس من فلم هندي أسمه




ماشي بأتجاه القصيم وأنت على الخط لوحة صفراء مكتوب عليها نقظة تفتيش

وأععان لين توقف وتفتح هندل الدريشة اليدوي...


لين ذا العريف اللي أسمه مصيول (طبعاً ماحط لوحة الأسم عشان لو قل أدبه

ماتقدر تشتكيه بس هذي أساميهم مصيول مجول محراث وهلما جر)...


ويخزك بذيك النظرة الحادة اللي يقلب فيها حواجبه كنه في طابور مدرسة

أبتدائية يؤدي التمارين الصباحية...

تخرق قلبك وتنشل اعصابك وتنشف ريقك وتبي تبتسم ويعيي وجهك...

وهو بدون مايرمش قلب في وجهك ويقرب خشمه من فمّك يتشمشم ثم بنبره

حاااده يطلبك إثباتك ويبدى بالقرقره وين رايح وش عندك وليه بلحالك مامعك

أحد وهو يرفع في هالقايش (الحزام) وسحاب البنطلون مفتوح وراه شئ بني

كان قبل خمس سنوات أسمه سروال وأنت متقرف من ريحتة والدخان بيده...

ولما يلاحظ ضجرك من أسئلته وعفانة ريحته يقولك وقف على جمب....

ثم يجيلك ويخلي أصحاب التريلات والدينات والسيارة الصغيرة يعدووون وهو

ماسك إثباتك بالمقلوب ويطق به على يده الثانية ويسألك : علمني أنت حشاش

ولا حباب ولا مشفط وإلا راعي عررررق؟؟؟


عاد أنت تعرف أن مناقشة هذولي محرمه وتقوله انا درويش والله درويش

ضعيف من عيال النعيلة وعمري ماخالفت أنظمة المرور وأمن الطرق وماسي

على الصراط المستقيم...

يضحك باستهزاء وكتوفه تتهزهز كنه واطي على المطبات الجديده الصغيره

اللي تكسر السيارات ويقولك : قم وأنقلع من سيارتك نبا نبداء التفتيش...

والموت والقهرررر يعبث بسيارتك وينطل أغراضك وانت تشوف بدون

ماتبرطم بكلمة...

ثم المفاجعععععه يلقى ضرف مختوم محطوط على الطبلوووون يفتحه ويطلع

منه ثلاث صور مدبسه في أوراق...

ثم يطالع لك بإبتسامه ساخره عن براطم بنيه مايله للسواد ولسان أصفررر

ويقولك : اثرك راعي سفر هاه؟؟؟

أجل من هن ها الزينات...؟؟؟؟

ويستطرد أكيد هذي فرنسية و الثنتين هذولي شكلهن هنديات...؟؟؟؟

انت ترد بسرعة وتقول : لا لا كلهن تركيات ( خجلت تقول صور الخوات)

يقطع هم من الورق ويضع العريف مصيول الصور في جيبة ويقولك تراهن

ممنوعات لكن أبسمح لك وأخبي الصور عندي ذكرى لاني أحب التركيات

ولا يهمّه ردك ويكمّل التفتيش...

عاااااد مصخخخخها أنت تنجن ويغلي الدم بعروقك كل شي إلا صور

المحارم...

فتسحب الصور من جيبة بسرعة...

وتدف العريف مصيول بقوة بعيدعنك وتنطلق بسيارتك بسرعة الصاروخ

العريف مصيول يبلغ جميع الدوريات مجرم هارب بأتجاه الشمال

سيارته كامري ولابس شماغ وعقال مرعززز...

فتتلون السماء من حولك بوميض ازرق واحمر ورمادي وتضيق بك الدنياااا

ولاتدري وش بتسوي؟؟؟؟ ولكن ياروح ما بعدك روح تدعس على دواسة

البنزين وتوصل السرعة الى ميتين...

والعريف مصيول ينادي حظرة الظابط ياحظرة الظابط المجرم بيأصل القصيم

ويش الحل طال عمرك؟؟؟؟

الظابط يرد على العريف مصيول : اعرظوا له تريلا كبيرة ويكمل لعبة

البالوت أربععععه...

أنت تتفاجئ بالتريلة وتصطدم فيها بكل سرعتك وتتناثر اشلائك واشلاء

سيارتك بكل مكان وتموت لدرجة أن الهلل اللي في جيوبك يتعفط

ومن شاف الحادث قطّع رخصته...

ويجي العريف مصيول ويكمل التفتيش ويوصل موكب حظرة الظابط ويسأل

العريف مصيول هاه يالمطانيخ يالنشاما ياسنايدي وش لقيتوا مع المجرم

ويرد عليه : لقينا بطاقات دعوة زواج وفاتورة جوال وخمس وعشرين ريال

وزاد المسلم اليومي مع هلل معفط...

ويقوم العريف مصيول ويدس في جيبك نصف حبة كبتاقون

ويقول له الظابط هذا ما يكفي سجل عليه نصف طن حشيش عشاااان مسألة

الوزاره...

أنت تنجن وتصحى من موتك وتصرخ ليش ليش؟؟؟؟

تفتشونا وتقتلونا وتشوهون صورتنا وحنا دراويش كل همنا نعيش وبدل ما

توفرون فرص عمل كثرتوا نقاط التفتيش...؟؟؟؟

يقول لك الظابط : صحيح انك حمار حنا كل همنا نحافظ على الاسعار عمرك

سمعت أنا في يوم قبظنا على الكبار أصحى من موتك عفونا عنك ياحمار

أنت ترد وتقول : لا لا اريد ان اموت ولا أعيش مكبوت...

ثم يجي العريف مصيول مهرولاً لك وهو يمسح الدم عن الصور

ويقول لك : لاتموت لاتموت حتى تعلمني من ها الزينات هن من مصر ولا

من بيروت؟؟؟؟

أنت تقول له بحسرة : الصور اللي معك صور الخوات وكنت ادور لهن كلية

تقبلهن وما لقيت لان أهلي يلبسون بشوت خلوني بأبموت وأبسئل يوم القيامة

مسؤلينكم اللي سمحوا للعريف مصيول كشف المحرمات بعذر مكافحة

المخدرات وعن كرامتنا التي تنتهك عند كل نقطة تفتيش...

وقالوا أيه حنّا ندور على الحشيش نعم حنّا حمير ويلزمنا حشيش...

ولو مافيش أنت وأشكالك حرااااااااام تعيش ويرجفونك لين تموت ثانيه...



إخراج راج مهتاج إيلاج


والسلام عليكم ورحمة الله وبركاته،،،