بسم الله الرحمن الرحيم
السلام عليكم ورحمة الله وبركاته
حياكم الله جميعاً
يقوا المسولف الله يسلمكم جميعاً ان فيه شايب اسمه حمدان وهواوي (قلبه خضر) مايشوف بنت الا ينفتن بها . ومشهور بانه شايب هواوي وشاعر ويحب المزح.. فيه بنت عياره وصاحبه مقالب قالت في نفسها انا ليه ما اروح للشايب وامزح معه واضحكه شوي واشوف رده فعله كيف تكون... راحت له وردت عليه السلام كيف حالك ياشايب ..رد السلام والله بخير الله يعافيك .. وفجاه عطته ظهرها ومشت ولا استئذان ولاحتى كلمة .....
انقهر الشايب من حركتها قال فيها كم بيت يستعطفها فيها ويقول انها ذكرته بالماضي واذا ماعطيتيني
وجه لحقت باخوي (حمود) الي في قبره ويذكر التاريخ واليوم الي قابلها فيه يقول الشايب ..
يابنت خوذي خاطري وارحميني
.................................... لاتجرحين العود بعيونك السود
غضي نظرك وغطي الوجنتيني
................................... لعل يوم(ن) جدد الجرح مايعود
يوم انتهى مع ماضيات السنيني
................................ جتني صواديفه على غير مقصود
باول شهر عشره نهار الثنيني
.............................. حمدان مروا به على جنازه (حمود)
البنت كانت تقصد من استفزازه انها تجاريه في الشعر وترد عليه والمسكين ماكان يدري انها
شاعره وعلى باله ماخذ راحته بالغزل .. ردت عليه وهزآته تقوول ..
ياشايب الرحمن وينك وويني
................................. عزي لحالك قدمك الباب مسدود
قلبك عطوف وجاه قلب(ن) متيني
.............................. والبنت ماتشفق على مغازل العود
حبل الرجا مقطوع بينك وبيني
.................................. مثل الغليث الي رعا قلبه الدود
اقفى شبابك والعرب مقبليني
................................. ياعود مايرجع من العمر مفقود
حطمته يوم قالت له انك عود وان الشباب مايرجع وان ما فيه امل تعطيه وجه حس العود انه
تورط وقال كم بيت يقول لها اذا مريتى صدي عني وانه مايبي الغزل بعد ماوصل عمره ثمانين سنه يقول حمدان :-
يابنت صدي بالعيون الظليله
................................. لاصد عنك الله نهار القيامه
مالي ومالك يالفروع الطويله
............................. لو فيك من رسم البداوه علامه
يابنت مالي بالثمانين حيله
........................... اهدف كما تهدف على البير قامه
اقفى شبابي والدهر شفت ميله
................................ يالله حسن الخاتمه والسلامه
اعطيك موجز والبضاعه قليله
........................... واخذت لك من صافي الما سنامه
راحت الايام والشايب مسكين على حاله لاكن العمر له دور ..وعرف انه غلطان ...
بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين
لها في كم بيت انها بتشيب مثلي واني رجال طيب وان الناس تنصاني ومعروف بالكرم واني
ماابي منها غير التحيه والترحيب.... يقوول حمدان ...
يابنت ماجاتك الكبر والخشونه
............................وعادت شباب اليوم يجفل من الشيب
يابنت مابيني وبينك مهونه
................................... كلمه شرف نبي تحيه وترحيب
الله من عود(ن) ثقيله طنونه
................................. ينصاه راع المشكله والمواجيب
على الكرم والدين نفسه حنونه
..................................... تلقاه بالاجواد شرق وتغاريب
جهز الابيات وارسلها مع عجوز ووعد العجوز بهديه اذا وصلت الرساله لها .. راحت العجوز وعطت
البنت الابيات شافتها البنت وقفلت على العجوز في غرفه وقالت مثل ماجيتيني بابياته ترجعين بابياتي
العجوز المسكينه قالت طلعيني ولا ابي منكم شي الله لا يعيدكم انتم واوراقكم ردت البنت ابيات اقوى من
الاولى واكثر تحطيم مسكين هالشايب ماحد رحمه حتى لو حاول يستعطف .. تقوول البنت
العود عود وطايحات(ن) سنونه
................................. من كثر مايرقد على جره الذيب
عود(ن) مهرقل والعرب مايبونه
................................. ياعود مالك في طويل المراقيب
اقفى شباب العود راحت حتونه
................................. مثل اليتيم الي بكى ماله مجيب
جداه ينثر دمعة من عيونه
................................... غريق موج مالقا له مقاضيب
ارجو ان تنال استحسانكم ورضاكم والمعذرة عن كل نقص وتقصير ...,السلام عليكم ورحمة الله وبركاته
اهــــ(الأحداث)ــــم
النتائج 1 إلى 6 من 6
العرض المتطور
-
September 26th, 2009, 02:57 #1Super Moderator
- تاريخ التسجيل
- Apr 2008
- الدولة
- السعودية، الرياض
- المشاركات
- 4,721
- معدل تقييم المستوى
- 22
قصة وقصيدة ..شايب هواوى والبنت العياره
مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ
-
September 26th, 2009, 06:17 #2مؤسس درة المجالس
- تاريخ التسجيل
- Apr 2008
- الدولة
- السعودية، جدة
- المشاركات
- 3,266
- مقالات المدونة
- 7
- معدل تقييم المستوى
- 26
المشاركة الأصلية كتبت بواسطة المنتقد
وعليكم السلام ورحمة الله وبركاته
وحياك الله وبياك يابو محمد
ما أشد بأسها وما أقوى قلبها في قسوتها
وقدعابت على الشايب ربيع قلبه الأخضر في خريف عمره
وهو العاشق لرياحين الورود والزهور دون لمسها
والله لقد دهنت وقار هذا العود بزفر لسانها
وتناست أنها ذات يوم ربما ستذبل ويغدو شعرها الحرير ليفة وثغرها الياقوتي جيفة
"وَلَوْ شِئْنَا لَرَفَعْنَاهُ بِهَا وَلَـكِنَّهُ أَخْلَدَ إِلَى الأَرْضِ وَاتَّبَعَ هَوَاهُ فَمَثَلُهُ كَمَثَلِ الْكَلْبِ إِن تَحْمِلْ عَلَيْهِ يَلْهَثْ أَوْ تَتْرُكْهُ يَلْهَث"
.♥.♥. وإذا أتتك مذمتي من ناقص ۞۞۞ فهيي الشهادة لي بأني فاضل.♥.♥.
-
September 26th, 2009, 19:01 #3عضو شرف فخري
- تاريخ التسجيل
- Jul 2009
- الدولة
- الرياض
- المشاركات
- 585
- معدل تقييم المستوى
- 16
اهبّي ما أقواها .. تسلطت على هالشايب ..
وما عندها سالفة ..... الدلع والمال والحلال والحلم عند الشايب
بعد وإن كزيته طاح ..
-
September 27th, 2009, 03:05 #4Super Moderator
- تاريخ التسجيل
- Apr 2008
- الدولة
- السعودية، الرياض
- المشاركات
- 4,721
- معدل تقييم المستوى
- 22
بسم الله الرحمن الرحيم المشاركة الأصلية كتبت بواسطة غيوووض
اهبّي ما أقواها .. تسلطت على هالشايب ..
وما عندها سالفة ..... الدلع والمال والحلال والحلم عند الشايب
بعد وإن كزيته طاح ..
السلام عليكم ورحمة الله وبركاته
حياك الله اختى الغالية غيوووض ...سلمها الله
سرنى وشرفنى مرورك وتعليقك بارك الله فيك ...والسلام عليكم ورحمة الله وبركاتهمَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ
-
September 27th, 2009, 02:58 #5Super Moderator
- تاريخ التسجيل
- Apr 2008
- الدولة
- السعودية، الرياض
- المشاركات
- 4,721
- معدل تقييم المستوى
- 22
بسم الله الرحمن الرحيم
السلام عليكم ورحمة الله وبركاته
حياك الله اخوى الحبيب ابوسعود ...سلمه الله
يابوسعود الله يهديك تبيه يأخذ زمانه وزمان غيره .. ترى القناعة زينه .. والبنيه تبى تضحك وتضحكه .سرنى وشرفنى مرورك وتعليقك بارك الله فيك...والسلام عليكم ورحمة الله وبركاتهمَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ
-
September 27th, 2009, 21:08 #6عضو رمزي
- تاريخ التسجيل
- Sep 2009
- المشاركات
- 85
- معدل تقييم المستوى
- 16
هههههههههههههههههه
جد قصيده خطيييييييييييييييييره
رد مع اقتباس
معلومات الموضوع
الأعضاء الذين يشاهدون هذا الموضوع
الذين يشاهدون الموضوع الآن: 5 (0 من الأعضاء و 5 زائر)
المواضيع المتشابهه
-
اعضاء شرف نادي الهلال
بواسطة هلالي القرن في المنتدى منتدى اندية الألعاب اليدويةمشاركات: 0آخر مشاركة: March 24th, 2009, 13:03
مواقع النشر