أتوبيس هندي

**نسنوسه** · August 14th, 2010, 04:03

ياناس ياناس ارحموني ياهنود الرحمه(زحمه يادنيا زحمه)

**سلمان السلمي** · August 14th, 2010, 04:14

هم من الذكاء يبغون يسوون ميزانيه لميلان الباص
افكار عندهم جهنميه

**نسنوسه** · August 14th, 2010, 04:49

مشكوووووووووور سلمان على المرور نورت

**المنتقد** · August 18th, 2010, 13:39

بسم الله الرحمن الرحيم
السلام عليكم ورحمة الله وبركاته ,,
حياك الله اختى الغالية نسنوسه ....سلمها الله
الحمد لله على نعمة الأسلام والحمد لله على الأمن فى الأوطان والحمد لله على رغد العيش الذى نحن فيه ...
بارك الله فيك اختى الغالية والسلام عليكم ورحمة الله وبركاته ,,

**هلالي القرن** · August 29th, 2010, 18:57

ههههههههههه

على قولت سلمان يبون يسوون ميزانية

لا خلا ولا عدم

**محمد بن سعد** · August 29th, 2010, 20:41

الله يوسع صدوركم

[poem=font="Mudir MT,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
صبولي الفنجال وانا ابي الثاني = ابي ثاني الفنجال من صافي الدله
وركبوني بالغماره وانا ابي فوق = ابي مقدم الصندوق في عالي السله[/poem]

يمكن تصلح لهم هالسيارة !

أو هذه السيارة !

المهم ،، ما يسير الحال مثل هذي السيارة

لو خلص البانزيم

ويش رأيكم بهذي تاصورة

**محمد بن سعد** · August 29th, 2010, 22:05

بسم الله الرحمن الرحيم

السلام عليكم ورحمة الله وبركاته

قصيدة شاعر إلى صديق
يطلبه نوع من أنواع السيارات

تحكي الفرق بين الحاضر والماضي

الشعراء كانوا يتغنون بالخيول وينظمون أشعارهم لها
بداية القرن الماضي جاء اختراع السيارة
وكتب كثير من الشعراء في مديحها
عن سرعة الوصول وعن صاحبها

هذه القصيدة مختلفة
ركز على نوع السيارة ووصفها الغريب

الشاعر : مرزوق غازي هجيان السلمي

[poem=font="hesham alsharq,6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يا سعيد بن عياد يـا واف الاشبـار = يا كاسب الطـالات برسلـك مشـوار
برسلـك لليابـان وأرسـل مترجـم = لا تعتذر يـا سعيـد مافيـه معـذار
دوك الجـواز وفيـه ختـم السفـارة = ورحلتـك بكـرة لا تحيـر وتحتـار
أركب على اللي تسبق الصوت والريح = فزت كما اللي فز مـن كـف صقـار
وإن جيت لليابان مـن ليلـك ارتـاح = أسكن بفندق مستوى فايـف ستـار
والصبح غادر طوكيـو يـا صديقـي = سير ألف كيلو شرق مع سكة قطـار
وتلقى جزيرة واسمها صعـب نطقـه = هنشو كيوشو جوهـا ماهـو بحـار
دور مصانـع صانعـيـن المـواتـر = ومصنع تويوتا حوله أسوار وأشجـار
قابـل كبـيـر مهندسيـنـه وقـلـه = صمم على حسب الطلب جيب فكسـار
مكينتـه عشـرة سلنـدر وبـخـاخ = والسير ما يسمع لـه أصـوات لادار
سلاسـة بلوفـه وصـوت المكينـه = كنه عبادي يعـزف ألحـان الأوتـار
ثـلاث دفرنسـات سـت كفـراتـه = يفتح طريقه فـي تغاريـز وأحجـار
بيبانـه العشـرة تصـمـم بـدقـه = على التساوي جنبـه يميـن ويسـار
وتوايره يـا سعيـد ضـد البناشـر = ماهـي بخنزيـر يبنشـر بمسـمـار
زجاجـه مصمـم علـى الكمبيوتـر = لا يحجب الرؤية ولا يعكـس أنـوار
تمثـال كبوتـه علـى شكـل حربـه = سيفين والنخلة علـى شبكـه شعـار
صدام قدامـه كمـا القـوس شكلـه = والونش فالصدام عشـرات الأمتـار
وصدامه الخلفـي بوسطـه مجسـات = عند الخطر تشـر بلمبـات الانـذار
توانكـه منهـا اثنـيـن لـوقـوده = واثنين للما عنـد حـزات الأسفـار
وثلاجتـه فـي شنطـتـه ركبـوهـا = تبريدهـا ينقـص ويـزداد بعـيـار
كبينتـه وقـت الشتـاء يـا دفاهـا = لو كان جو المملكـة بـرد وامطـار
وكبينته فالصيف قطعـة مـن الثلـج = لو كان جـو المملكـة حـر وغبـار
باللمـس تكييفـه وباللمـس نـوره = ويشغله مـن بعـد ريمـوت بـزرار
يحـدد مسافاتـه ويكشـف طريقـه = طبلونـه مجهـز بشـاشـات رادار
وجهـاز ماجـلان وجهـاز هـاتـف = ارسالها مـا ينقطـع عبـر الاقمـار
قيره توماتيك وعصـا القيـر فضـه = دفعـه سداسـي للمشاويـر صبـار
اربـع شكامينـه ولادسـت ابنصـه = لو كان له جنحـان قلنـا لكـم طـار
تسعة عشر كرسي وكرسـي زيـادة = وكرسـي لسواقـه مصمـم لطـيـار
مقاعده واحد وعشريـن مـن جلـد = والجلد شغـل يديـن عمـال شطـار
وفصل قطيـره تتبعـه فـي طريقـه = للعفش لو كانـوا يزيـدون الاسعـار
أبيض بياض الثلج يـا سعيـد لونـه = واليا جهز سجل على المصنع اقـرار
اقـرار حتـى مـا يسـوون غيـره = وعطهـم حسابـه يـن وإلا بـدولار
ثم اشحنه في البحر وارجع مع الجـو = يا مرحبا والعفو يا الصاحـب البـار
واليا استلمته مـن جمـارك بـلادي = دقيت سلفـه وأبتـدا عـد الاصفـار
لا فـر ويلـة فالخطـوط السريـعـة = كن التوايـر تحكـي اسـرار للقـار
سيد الصحاري والـدروب العسيـرة = مركـب مريـح وللمهمـات جـبـار
باخذ شهر مقناص وسـط الجزيـرة = نمسي بدار ونصبح الصبح فـي دار
شرق وجنـوب وغـرب وإلا شمـالا = حليب بل وصيـد مـع شبـة النـار
لكـن أنـا مانـي برايـح لحـالـي = باخذ معي من صفوة الناس وأختـار
أبـوي وأنـت وكاسبيـن الجمايـل = شيوخ الغراميل الحشيميـن الاخيـار
شبـاب وثنيـان عنـوان للطـيـب = أهل الكرم والجـود والمجـد والكـار
وإن حل طاريهـم بوسـط المجالـس = كلن يقـول ونعـم وتكـرار ومـرار
وفهد الحطيم اللـي علومـه جزيلـة = صقر تعـلا فـي منيفـات الاوكـار
والشيخ ابو صافي وابو ستـر معنـا = ومعنا رجال تكـرم الضيـف والجـار
منهم سعـد وأيضـا شليـان منهـم = ومنهم جري راع الوفا سـر وجهـار
والشيخ ابو نـادر وعايـض سفيـر = والمهدي اللي ينظم أبيـات الاشعـار
وبطي ولـد سلطـان وحمـود غنـام = أهل الوفا والعـرف وافيـن الاشبـار
واحمد ولد متعب وتركـي عطـا الله = أصحابي اللي ما يبيحـون الاسـرار
والشيخ بن محفوظ والشيـخ فيحـان = والشيخ ابو سلطان لا صار ما صـار
صديقنـا يفـرح ولا هـي غريـبـة = وعدونـا نسقيـه كاسـات الامـرار
والمعذرة مـن كـل مـن لا ذكرتـه = الكـل لـه حشمـة وقيمـة ومقـدار
ولو كنت أباخذ كل ربعي والاصحـاب = لازم مـع الفكسـار ميتيـن فكسـار [/poem]