من روائع مواعظ الشعر

[الوافي]

هذه القصيدة للشاعر الكبير سليمان بن شريم وكان ذاههبا لطلب الرزق ويوصي ابنه عبدالعزيز في غيابه والقصيدة مليئة بالحكمة والنصائح التي تهم الكثير من الناس

[poem=font=",6,green,normal,normal" bkcolor="transparent" bkimage="http://www.doraksa.com/vb/mwaextraedit2/backgrounds/11.gif" border="groove,4,green" type=0 line=0 align=center use=ex num="0,black""]
يا مـل عيـنٍ فـي محاجيرهـا شـوك=والقلـب بـه عـن لـذة النـوم تكـاك
لا دك فـي قلبـي مـن الهـم داكـوك=جاوبت طربات الحمايـم علـى الـراك
عزي لحالـك يـا عزيـز وأنـا ابـوك=كـان الزمـان اللـي وطانـي توطـاك
إفهم وصاتي يـا عزيـز وأنـا ابـوك=دامـك صغيـر وغايـة العلـم يقـراك
تـراه مـا ينفعـك خالـك ولا أخـوك=لا صار مـا تقضـي لزومـك بيمنـاك
وربعك ليا بـان الخلـل فيـك عافـوك=أقرب قريب ٍ لـك مـن النـاس يشنـاك
إن كثر مالـك صدقـواّ لـك وطاعـوك=وإن قـل مـا بيديـك شانـت حلايـاك
لو تطلب الما عندهم كـان مـا أسقـوك=إبعد مـزارك عـن وطنهـم ومربـاك
وإن طاب حظك صدقـوّا لـك وحبـوك=وإن بار كلـن مـا يبـي غيـر فرقـاك
وإلا إعترض لك من صروف النيا صوك=كلـن تبـرا منـك مـاهـوب ويــاك
هراجـة المجلـس إلـى جـيـت وروك=منـازل ٍ تطـرب نظـيـرك بدنـيـاك
وإلـلا قضـى منـك اللـوازم وخلـوك=تفرقوا وأنـت إحتمـل كـل مـا جـاك
كنـك سـراج البيـت للنـور شـبـوّك=.وإلى إنقضى اللازم حدا الربـع طفـاك
وألا كمـا ليمونـة الحمـض مصـوك=وإلا قضـى منهـا الطعـم فرغـوا ذاك
واللي يجي من رفقتـه ريـب وشكـوك=إحـذر عنـه ليـاك تصـدف بمسـراك
وإلا جفـوك أهـل الوطـن وإستخفـوك=قلّـع غريسـك منـه وإهـدم ركايـاك
تراك لو تنجـع علـى الربـع صعلـوك=أحسن من اللـي نلتجـي بـه وياطـاك
عطهـم وضيفهـم إلا منـهـم جــوك=وإغلـق ضميـرك لا تعلـم بقصيـاك
إن طبت ما حبـوّك وإن عبـت زالـوك=تمضـي حياتـك ناقـل ٍ داك بـريـاك
وإلى نفـوك إمـن الوظيفـه وعافـوك=خفـتّ موازيـنـك وكـلـن تهـقـواك
وإصحى لخـلان الرخـا لـو تغالـوك=إعرف ترى أطيبهم إلى إحتجت يجفـاك
كنك خـوي مقيـط دهـووك وأغـووك=وحقك عطاك رشـاك وأقفـى وخـلاك
وإحذر عن العلة تـرى الحـق مـدروك=مثل العمـل يدركـك مـا منـه فكـاك
وإن كان عدوانك على الضيـق حـدوك=فإخصـم طلابتهـم بعجفـاك وقــداك
وإن كانهـم لمشـرّف الحـق ماشـوك=ناظـر مطاليـع الفـرج قبـل مبـداك
وإن طاوعوا شيطان الأنفـس وهانـوك=فإصبر على البلـوى ودفنـك رزايـاك
زرهـم تـراك إليـا تونـيـت زاروك=إن مـا بديـت لصاحـب السـو يبـداك
ما دامهم مـا طاوعـوا لـك وعرفـوك=إضرب على الكايد إلى عمسـت ريـاك
لو هذبوك إمـن المصـاوب وضـدوك=مـا يذبحونـك قبـل تدنـي منـايـاك
وإحلم على الجاهل ترى الحلـم مبـروك=وقم للضعيف اللي مـن الظيـم ينخـاك
وإدمح خطاجيـران بيتـك إلـى أوذوك=ترى القصير وحرمـة الجـار بحمـاك
عطهـم لـوازم حقهـم لـو تنـاسـوك=في كـل مـا يصلـح لدينـك ودنيـاك
وقم للضيوف اللي لفوا لـك وضافـوك=أغلـى كرامتهـم حجاجـك وبـشـراك
وإعرف ترا مالك للأضيـاف مشـروك=لولاه يطلـب حاجتـه منـك مـا جـاك
وقم للرجـال إن رايعـوا لـك وحبـوك=وإحشم خويـك وأكرمـه عنـد ملفـاك
وإلى إعتبـرت بسيـرة النـاس كفـوك=ما كثر مـن شـي أتعبـك ثـم عنـاّك
ولـولا تبـات بهـمّ دنيـاك مظـنـوك=ما طاب لـك مـا دام لـك وإفتهـم ذاك
لو يطلبون إخفايك النـاس مـا أخفـوك=الرجل مثل النجـم فـي كـل الأفـلاك
وصـلاة ربـي عـدّ الأوراق والشـوك=أو نـاض بـراق ٍ ومـا هـل سـفـاك[/poem]

[الرائد7]

السلام عليكم
يعطيك العافية اخوي الوافي..
اختيار موفق ومشاركة رائعة
بانتظار المزيد..
وعلى الهامش حياك في مجلس الترحيب..

[الوافي]

شكرا اخي الرائد على المرور