لدي مشكلة في الماسنجر

**ابوعبدالمجيد** · July 2nd, 2008, 16:22

لدي مشكلة في الماسنجر وهي انه لا يكاد يفتح حتى ينقطع مرة اخرى
وتظهر لي عبارة هناك اصدار جديد و احاول فتح هذه الصفحة ولكن دون جدوى

اذا احد من الاعضاء يستطيع مساعدتي وخصوصا الاخ مزاج

شاكر لكم

**مزاااج** · July 3rd, 2008, 02:06

انت تأمر امر يابو عبد المجيد

بس حبيت اشخص الحاله اول

جربت تتدخل بيوزر ثاني ؟
اذا كانت الاجابة بنعم ونفس المشكله فيمكن يكون السبب احياناً من ضعف الاتصال واحياناً تعارض مع الجدار الناري لبرنامج الحمايه عندك وغالباً يحصل تهنيق مؤقت سببه الضغط على الموقع انتظر فتره وادخل من جديد
واذا مانفعت الشغله لفترة طويله فاعمل ترقيه ونزل الاصدار الجديد افضل خصوصاً اذا كان اصدارك سبعه ومادون .

اتمنى اكون افدتك يالغالي وانا في خدمتك وفي خدمة الجميع دائماً .

**ابوعبدالمجيد** · July 3rd, 2008, 09:37

اشكرك يالغالي نعمله ترقيه يستاهل ماسنجري من زمان وهو يعمل بجد واخلاص
لكن عسى بنفع معه الترقية

تقديري لك

**مزاااج** · July 3rd, 2008, 19:56

يستاهل ترقيه يستاهل

ههههههههه

الله يسعدك يابو عبد المجيد.

**ابوعبدالمجيد** · July 3rd, 2008, 22:04

هلا بالغالي

رقيناه ابشرك وبعد ما صدر القرار وابلاغناه بالترقيةالا انه مصر على وضعة ما ادري وش السبب
تعتقد انه فيروس حسبنا الله ونعم الوكيل
واذا كان فيروس وش السوات ونا اخوك

**ابوعبدالمجيد** · July 4th, 2008, 02:06

لقينا السبب

جاتني رساله فوريه تقول ( تمت سرقة الايميل )
من هكرز الله لا يوفقه

وش الدبرة

**عابر سبيل** · July 6th, 2008, 00:55

اخي الغالي من اسبوع وانا احاول

الدخول ويرفض ويقال لي كلمة المرور خطأ

او الاسم مدري وش السالفه

زيك يا ابو عبدالمجيد كأنه سرق

الله يهديه ويصلح باله من سرق

افيدوني بارك الله فيك

اسوي ايميل جديد ولا انتظر

وقال لي احد الزملاء في العمل يستطيع ان يرجع

الايميل المسروق هل هذا صحيح

وتقبل مروري

**مزاااج** · July 6th, 2008, 02:08

السلام عليكم

ابو عبد المجيد وش الرساله اللي جتك ووشلون وصلت لك وممن ؟؟

جربوا تدخلون على ايميلاتكم من اكثر من جهاز غير اجهزتكم واذا تكررت المشكله فالموضوع له اكثر من تفسير !!

**ابوعبدالمجيد** · July 6th, 2008, 11:49

هلا بالغالي

والله يابن الحلال مدري وش اقول كلما حاولت الدخول ينقطع ويعاود الاتصال مرة ثانيه وبعدين جربت دخلت على ايميل الاهل قلت يمكن الشغلة في الجهاز لقيت ايميلهم تمام اللهم لا حسد وحتى عبدالمجيد لكن ما جربت ادخل من جهاز ثاني

وبعدين اقولك جاتني رساله زي الرسايل اللي تجي اذا صار الواحد مقفل جهازة واعاد تشغيله تجي رساله الماسنجر قام 000 بارسال رساله اثناء عدم تواجدك وفتحتها وهذا نص الرساله ( تمت سرقت الايميل القانون لا يحمي المغفلين والمراهقين ) هه يحسبني مراهق الحرامي حسبي الله عليه

تقديري لك

**مزاااج** · July 12th, 2008, 20:35

انا آسف على تأخري يالغالي

ويبدو لي بان السارق قد ارسل لك ملف مفخخ من خلاله عندما تقوم بتسجيل الدخول تصل معلوماتك اليه هو ، ولذلك لاتدخل على ايميلك الا من روابط مباشرة لشركات الايميل ، يعني اذا دخلت الهت ميل وتريد ان تسجل الدخول فاتجهت بك صفحة اليوزر والباسوورد الرئيسية الى صفحة اخرى فهنا الخطر فاحذر .