الحب مثل النبت محتاج نسقيه

**نسنوسه** · August 17th, 2010, 06:02

الحب مثل النبت محتاج نسقيه
بعض الجفا يفسد محاصيل أهلها

الحب لأجل الحب تسمع معانيه
ومن حب نفس كيف يقوي زعلها

والله أحبه حب ماني بمخفيه
حبً سكن باقصى الظماير دخلها

**المنتقد** · August 17th, 2010, 19:03

بسم الله الرحمن الرحيم
السلام عليكم ورحمة الله وبركاته ,,

حياك الله اخى الغالية نسنوسه ...سلمها الله

وش فيه لو حبيت من زود وش فيه
.....................................الحب نعمه كل نفس ٍ وصلها

أقلوب خلق ذاقت الحب تشكيه
.......................................مرٍ يميل ابها ومر ٍ عدلها

أحدٍ عماه الحظ وأحد يقديه
...................................الله خلق هالخلق والله كفلها

أصويحبي لا صرت احبه ومغليه
..................................تموت عذال الهوى في مهلها

بارك الله فيك اختى الغالية وفى انتظار المزيد .....والسلام عليكم ورحمة الله وبركاته ,,

**محمد بن سعد** · August 17th, 2010, 21:43

وعليكم السلام ورحمة الله وبركاته

مشاركات جميله

[poem=font="Hesham AlSharq,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ريـمـاس من خلاك يابنت خـلـيـه = لا بـدما يــنـدم ويـــبكي رحيله
حبأ عـلى ما قــيل ينعاف تـالـيـه = دام الـمـشاعــر والــموده قــليله
والحــب مثل الــزرع لا صـرت تسقيه = يعيش مع الايـام فـتره طـويله
الصـدق والاخـلاص والشوق يحـييه = والكــذب والبهتان يعـلن رحـيله
الحــب مثل البحـر تـغـري شواطيه = وعــمق البحـر والموج مافيه حيله
فـيه الجفاء فيه الـوفاء فيه مافـيه = فـيه الالـم والجرح فيه الوسيله
فـيه الـزعل فيه الحــزن في لـياليه = فـيه الـفرح فيه الحــياة الجميله
فــيه الـفـراق وكـل قـلبأ يقاسيه = فــيه اللقاء بين الخــليل وخــليله
فــيه الغـرايب والـمصايب تـلاقيه = تــلـقى عــجايب الـف ليله وليله
يا قــل حـــسناته ومـكـثر بــلاويه = وياكـبر مـقـداره بـقــلب الاصيله
ان عـاش مثل المال في يـد راعــيه = ون مـات يشــبه موت شيخ القبيله[/poem]

فيه قصيدة يقول فيها الشاعر:

(الحــب كما زرع يزين اليا سقيته)

شطر من القصيده هذا الي تليته
ودوارته بالنت أمر(ن) ماهقيته

مشكورين

**نسنوسه** · August 17th, 2010, 23:15

ربي يعافيك أخوي المنتقد

الف شكر لك

دمت بخير

خذ قلبي اللي بالمودة صفا لك
دام القصايد كلها ما تكفّيك

واللي تبيه إن كان عندي حلالك
ما هو كثيرٍ لا غدا بين أياديك

يا من جمعت الود كله لحالك
بأقصى خفوقٍ يفتخر بك ويغليك

أهديت قلبي فرحته في وصالك
واليوم أنا ما نيب داري وش اهديك

دام العطا معناه ساكن خيالك
ما أقدر أفسّر في خيالك معانيك

</B></I>