ياسعود شفت طعنات الخوي للخوي

[المنتقد]

بسم الله الرحمن الرحيم
السلام عليكم ورحمة الله وبركاته ,,

حياكم الله اخوتى واخواتى ...سلمكم الله جميعاً

اليوم الله يسلمكم عندنا لكم قصيدة عن خيانة الخوى لخويه الله يكفينا الشر وهذى ماهى من شيم الرجال؟؟؟ والدين نهى عن الغدر والخيانه.. ومافيه خير الا دلنا عليه ديننا الحنيف ولا شر الا نهانا عنه والقصيدة تقول :-

[poem=font="arial,5,royalblue,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]

ياسعود لا نشدووك اش قصته منطوي= قلهم ما بقلبه للسعاده مكان

اختلف عقب ماهو كان شخص سوي= وانحرف عقب ماهو بقمه الاتزان

ماهم اللي يقولون البقى للقوي00!!=لو تراهنت معهم كنت كسبت الرهان

والله اني قوي .. لاشك ماتستوي= قوه مع خيانه من عطاك الامان

امس طاح الوفى من دوون صوت ودوي =طيحه ماسمعها الا الزمن والمكان

يوم جتني من اقرب صاحب تلتوي = كل شي تحطم في عيوني وهان

طعنه من خوي في زمن فوضوي = لا كتمها خفوووق ولا نطقها لساان

قبلها لي خفوق صادق يحتوي= نص كله وفا ونصه الاخر حنـــــــــــان

عقبها كن وسطه ذيب غدر يعوي= منه بيض النوايا استاحشــــــــــــن يافلان

بيض الله وجه الموقف الملتوي = يوم بين رفاع ويوم بين طمــــــــــــــــــــــان

ياسعود كن رجلي في قليب تهوي = غشني جالها ماكنت اظنه دفــــــــــــــــــان

غلطتي دنيتي ماعشتها فهلوي = كان ماخانت الرومله يدين الحصــــــــــــــان

ياسعود شفت طعنات الخوي للخوي = مالها بالوصوف الا طعون الزمـــــان

آآآآآآه..وان جتك طعنه من ايدين الخوى = مابقى للمراجل في زمنا امــــــــــــــــــــان[/poem]


ارجو ان تنال استحسان الجميع والمعذرة عن كل نقص وتقصير ...والسلام عليكم ورحمة الله وبركاته ,,

[ابومشعل]

وعليكم السلام ورحمة الله وبركاته

قصيدة رائعة ...ويا كثر من يظهر مالا يبطن ....صح السان القائل والناقل .....

[سلمان السلمي]

اختلف عقـب ماهـو كـان شخـص سـوي
.........................وانـحـرف عـقـب مـاهـو بقـمـه الاتــزان

هذا الاختلاف اللي يكشف باطن القلوب
الله يكفينا شر النفاق بين الأصحاب
تسلم ابو محمد على ذوقك الرفيع في نقل القصائد

[المنتقد]

هذا الاختلاف اللي يكشف باطن القلوب
الله يكفينا شر النفاق بين الأصحاب
تسلم ابو محمد على ذوقك الرفيع في نقل القصائد

بسم الله الرحمن الرحيم
السلام عليكم ورحمة الله وبركاته ,,

حياك الله اخوى الحبيب سلمان ... سلمه الله

اللهم أمين ...وتسلم ويسلم غاليك ...سرنى وشرفنى مرورك .بارك الله فيك ...والسلام عليكم ورحمة الله وبركاته ,,

[المنتقد]

وعليكم السلام ورحمة الله وبركاته

قصيدة رائعة ...ويا كثر من يظهر مالا يبطن ....صح السان القائل والناقل .....

بسم الله الرحمن الرحيم
السلام عليكم ورحمة الله وبركاته ,,
حياك الله اخوى الحبيب ابومشعل ...سلمه الله
الله يكفينا شرهم وخاصة الى يلبس ثوب الدين والتدين وهذا اشد ...سرنى وشرفنى مرورك بارك الله فيك ...والسلام عليكم ورحمة الله وبركاته ,,